|
أنا اسطورة ... وأعظم رياضي يعيش على (كوكب الأرض) ...
|
هكذا قالها بكل فخر وإعتزاز العداء الأسطورة (يوسيان بولت) الذي أحرز إنتصارين باهرين في أولمبياد لندن 2012 ... وحق له ذلك ..
الفوز الأول في سباق المائة متر ... أحرز المرتبة الأولى قاطعاً المسافة في 9.63 ثانية ... يعني في لمح البصر ...
الفوز الثاني في سباق المائتين متر ... أحرز المرتبة الأولى أيضاً قاطعاً المسافة في 19.32 ثانية ... يعني في غمضة عين ... يا عيني!!!
المصدر صحيفة الصن الصادرة اليوم الجمعة 10 أغسطس 2012م ..
تحيات اخوكم ودهارون
|
|
|
|
|
|
|
|
Re: أنا اسطورة ... وأعظم رياضي يعيش على (كوكب الأرض) ... (Re: أحمد الشايقي)
|
Quote: جراي ما قلنا حاجه لكن هرجلته امام الكاميرا وحركات العواره البيعمل فيها تخصم منه الكثير من ناحية الحضور والتغاطف الجماهيري |
أخي محمد عبد الله شريف سلام وشكراً على المداخلة
والله الحركة بتاعتو دي مكيفة الناس كيف شديد أوي ... وزي ما قال الأخ حسن بشير أصبحت علامة تجارية وعادت عليه بالخيرات الوفيرة ...
الزول دا أنا عافي منه ظاهر وباطن ...
تحيات اخوك ودهارون
| |
|
|
|
|
|
|
Re: أنا اسطورة ... وأعظم رياضي يعيش على (كوكب الأرض) ... (Re: Mohammed Haroun)
|
Quote: معقول بس؟ الحركة المميزة البيعملها دي والتي ترمز للصاعقة أصبحت علامة تجارية عالمية عادت عليه وعلى شركته الراعية بملايين الدولارات وأكسبته ملايين المعجبين في شتى أنحاء العالم |
أخونا حسن بشير سلام ورمضان كريم
يا أخي بعد كلامك الفوق دا تاني الكلام كمل تب والله ... في حركات فيها بركات وفيها ملايين كمان ...
تحياتي
| |
|
|
|
|
|
|
Re: أنا اسطورة ... وأعظم رياضي يعيش على (كوكب الأرض) ... (Re: Mohammed Haroun)
|
Quote: ود هارون رمضان كريم .. عندي سؤال غريب و ( مفخخ) العدائين فى الصورة كلهم اصولهم الاثنية البعيدة من القارة الافريقية الى ماذا تعزى هذا ؟ |
أخونا بدرالدين اسحق سلام والله أكرم
يا أخي دا مش سؤال مفخخ ... دا مقلب متختخ ... حولت سؤالك دا لي واحد زميل أسكوتلندي معانا في الشركة ... ضحك وقال لي زمان لما كانوا أجدادنا بسكوا أجدادكم بالخيول والكلاب أجدادكم إتعلموا الجري وعلموكم ليهو ... قلت ليهو إخسأ جاتك نيلة ..
تحياتي يا ود اسحق وكل سنة وإنت طيب ..
أخوك ودهارون
| |
|
|
|
|
|
|
Re: أنا اسطورة ... وأعظم رياضي يعيش على (كوكب الأرض) ... (Re: Mohammed Haroun)
|
ود هارون سلامات
وان شاء الله ببركة الاولمبياد دي بقيتوا رياضين شويه(ههههههههههههههههه)
سؤال فكي اسحاق مبالغه لكن:
Quote: ود هارون رمضان كريم .. عندي سؤال غريب و ( مفخخ) العدائين فى الصورة كلهم اصولهم الاثنية البعيدة من القارة الافريقية الى ماذا تعزى هذا ؟ |
وردك على صديقك الاسكوتلندي فيه غتغت حقائق شويه:
Quote:
أخونا بدرالدين اسحق سلام والله أكرم
يا أخي دا مش سؤال مفخخ ... دا مقلب متختخ ... حولت سؤالك دا لي واحد زميل أسكوتلندي معانا في الشركة ... ضحك وقال لي زمان لما كانوا أجدادنا بسكوا أجدادكم بالخيول والكلاب أجدادكم إتعلموا الجري وعلموكم ليهو ... قلت ليهو إخسأ جاتك نيلة .. |
(هههههههههههههههههههههههههههههه)
عارف كان تقول ليه اريته كان بقى على جري اجدادنا قدام حملات سرقة اجددنا الكلام الجري من بطش حكامنا العكسرين!
وتقول ليه نحن عندنا (تدريب)مستمر على الجري من خلال مظاهراتنا المحظوره دوما(هههههههههههههههه) عشان كده شعوبنا الافريقيه جرايه.من العليها!
وقال فكي بدر الدين بيسال كمان بنفس فاتحه!! سبحان الله!
| |
|
|
|
|
|
|
Re: أنا اسطورة ... وأعظم رياضي يعيش على (كوكب الأرض) ... (Re: Tragie Mustafa)
|
Quote: عارف كان تقول ليه اريته كان بقى على جري اجدادنا قدام حملات سرقة اجددنا الكلام الجري من بطش حكامنا العكسرين! وتقول ليه نحن عندنا (تدريب)مستمر على الجري من خلال مظاهراتنا المحظوره دوما(هههههههههههههههه) عشان كده شعوبنا الافريقيه جرايه.من العليها! وقال فكي بدر الدين بيسال كمان بنفس فاتحه!! سبحان الله! |
يا أم حازم سلام ورمضان كريم وكل سنة وإنت طيبة (يعني 3 طويرة بي حجر واحد) ...
هذا البوست للإحتفاء بما حققه الرياضي الجامايكي الأسود (يوسيان بولت) ... العالم كله يتحدث عنه وعن سرعته الرهيبة ...
الأخ بدر الدين اسحق عارف إنه السود بارعين في الرياضة وفي الموسيقى أيضاً ... لذلك عاوز يفخر ببني جلدته ...
لكن إنت عاوزة تدخلينا في السياسة التي أفسدت الرياضة عندنا في كل الأزمان ... وخاصة في عهد الرئيس الراحل جعفر نميري ...
تحياتي يا أم حازم وعقبال تبقي لينا وزيرة شباب ورياضة في المستقبل القريب ...
تحيات أخوك ودهارون
| |
|
|
|
|
|
|
|