الخطوط الجوية السودانية تسير رحلاتها بإنتظام الى السودان

Quote: بالنسبة للامارات برضو سارية المفعول واللا مكة وجدة بس ؟؟

Quote: كثر الحديث واللغط تجاه سودانير .. قالوا .. رحلات سودانير تم إيقافها ؟؟ حصل ضرب وعكة فى مكاتب سودانير ؟ كل هذه الاحاديث لم تكن صحيحة ..

Quote: والله يا تاج السر ما عارف اكتب اقول ليك شنو لكن ناس سودانير ديل رجعوا للناس قروشهم في جدة دي وقالوا ليهم ما عندنا طيارات وناس في القاهرة دقت جرس وناس باعوا دهبهم ألفي يدينهم بعد ما خزلتهم سودانير في مطارات كتيرة خارج السودان خلال الشهر الماضي دة الان لدي صديق كان ينوي العمرة مشي الخطوط السودانية في الخرطوم قالوا ليه التذكرة بثلاثه ونصف الف حنية وحجز مؤكد من الخرطوم ومن جدة تأكل نارك براك مافي حجز مؤكد وكالمة دة لي قبل اقل من اربع وعشرون ساعه اذا كنت تريد ان تكره السفر والعملوا السفر زاتو سافر علي الخطوط السودانية مع سودانير مش حا تقدر تغمض عينيك سودانير مشكلتها الاساسية طائرات ومشكلتها الاساسية الاساسية خالص العنصر البشري فموظفي هذة الخطوط عبارة عن فاقد تربوي في صورة موظفين وحكاية عم السر مع سودانير في مطار الرياض ابلغ دليل وانقز عزيزي القاري علي عمك جوجل تلقي العجب العجاب عن سودانير وفعايل سودانير

Quote: بطلوا مجاملة عشان الناقل ده يستعدل ويبطلوا كذب علي الناس ومصالحهم. ،،،،أبوقصي،،،،

Quote: تاج السر صباح الخير ورمضان كريم والله ما داير اقول مدير سوادنير في جدة كضاب لكن كلامه ما صاح والدليل اسرتي يا باشا مفروض يرجعوا يوم 16 يوليو من الخرطوم ..لما مشوا قالوا ليهم يا نرجع ليكم قروشكم ولا نحاول ليكم في خطوط تانية لانه ما عندنا رحلات لي جدة وفضلوا مصاقرنهم لغاية يوم 22 يوليو يعني بعد ستة يوم وجاوبهم بي طيران اسمه ناس ارتريا وديل كانوا محظوظين لانه اسرة احد الاصدقاء لغاية هسي مراطبني وكل يوم بقولوا ليهم بنتصل عليكم المهم ما تصدق الكلام ده ما لم تعيش التجربة وديل اسهل حاجة عندهم الكلام يا باشا وطلال تلاتة لو امشي بالباخرة وبالعدم عوم سودان طير تاني ما بركبا ولو بالمجان والتوبة لي حبوبة تحياتي

Quote: غيري صورة البرفايل دى عشان الطيارة تجينا

Quote: ما دخل البروفايل بهذا الموضوع ؟ وماذايعني الأخ عصام بهذه المداخلة الغريبة التي لا تمت إلى الموضوع بصلة ؟ معليش لو اتكلمت معاكم بصراحة شوية ، لو غلطت عليهو كلموني والتحية لأختنا الراقية نعمات حمود

Quote: تعرف يا حبيب الحاجة مقطوعة في السودان ليها شهرين ولأنها عارفة مافي مجال لتذكرة من جهة تانية بقت تكتفي بالمس كول مرة مرة

Quote: تاج السر.. سلام: ياخى دى بتعمل طلعة نيجريا من جدة فى زمن الإقلاع بتاع رحلتها للخرطوم، و تلطع الماشين الخرطوم فى مطار جدة لساعات طويلة بدون ما توريهم الحاصل شنو لحدى ما تمشى و تجى من نيجريا!! و برضو ما تقوليهم حصل شنو!! ولا حتى آسفين للتأخير!! والمضيفات مضيقاتنها.... ما عارف فوق كم!!!

Quote: الأخ تاج السر سلام والله كل امنياتنا إنو الخطوط الجوية السودانية تتقدم وتزدهر

Quote: كل الأخوة المتادخلين والذين ذكروا في مداخلاتهم أنهم لن يسافروا بالناقل الوطني اقول لهم 00 هذا الكلام عيب عيب والله عيب ان لاتسافروا بالسودانية هذه أجمل خطوط في العالم ومن أكثر الخطوط الآمنة في العالم الثالث والمتحضر عارفين لييييييييييييييييييييييييييييييييييييييه ؟؟؟؟؟ لأن الطائرة السودانية لايمكن ان يتم اختطافها نهائياً عارفين لييييييييييييييييييييييييييييييييييييه ما بيتم اختطافها ؟؟ لأنو مواعيدها مربوكة وبالتالي ستربك الخاطفين

Quote: هل هذا البوست إعلان مدفوع الأجر؟؟ كل ما جاء به من تطبيل لسودانطير منافي للحقيقة والواقع....؟؟؟؟؟ ويكذب تجارب ومآسي مئات السودانيين ومنهم أسرتي ...... حيرتونا...... الشايقي

Quote: الأخ تاج السر رمضان كريم - ما جاءك من معلومات ليس كله صحيحأً البته حيث رجع من مطار جدة مسافرين من جماعتنا بعد تأكيد الحجز بسبب عدم وجود طائرة في بداية رمضان. وإضطروا السفر عن طريق ناس . ثم جاء من السودان أصدقاء لنا عن طرق البحر بسبب عدم وجود طائرة تقلهم من الخرطوم وكانت حجوزاتهم مؤكدة عبر الناقل الوطني . والآن لدينا اسرة من الخرطوم سوف تعود في الايام المقبلة عن طريق أديس لإضطراب الحجز على السودانية بعد أن تم تأكيد حجزهم ولم تتح طائرة . أخي تاج السر أتمنى أن تُكثر من مصادرك حتى تصل للحقيقة من عدة جوانب وبذا تكون قد ساعدت الناقل الوطني في تجويد أداءه بإبراز نقاط ضعفة التي نراها كثيرة للدرجة التي وصل أمرها للبرلمان . مودتي - بحيراوي

Quote: الأخ عصام لا يقصد شيء أكثر من توصيل تحياته وأعتقد كمان انه يقصد أن الصورة حلوة شديد

Quote: كل الأخوة المتادخلين والذين ذكروا في مداخلاتهم أنهم لن يسافروا بالناقل الوطني اقول لهم 00 هذا الكلام عيب عيب والله عيب ان لاتسافروا بالسودانية هذه أجمل خطوط في العالم ومن أكثر الخطوط الآمنة في العالم الثالث والمتحضر عارفين لييييييييييييييييييييييييييييييييييييييه ؟؟؟؟؟ لأن الطائرة السودانية لايمكن ان يتم اختطافها نهائياً عارفين لييييييييييييييييييييييييييييييييييييه ما بيتم اختطافها ؟؟ لأنو مواعيدها مربوكة وبالتالي ستربك الخاطفين يعني في نيويورك المختطفين يضعون خطتهم على أساس ان عملية الاختطاف ستتم بعد 20 دقيقة من الاقلاع يعني عارفين الطائرة ستقلع الساعة الثامنة مساء والتنفيذ سيتم الثامنة والثلث في الخطوط السودانية لو الارهابي خطط أن الاختطاف سيتم الثامنة والثلث باعتبار ان الاقلاع سيكون الثامنة مساء حينها ستفشل خطته وسيبلها ويشرب مويتها لأنها ستقلع بعد ثلاثة أيام من المواعيد المحددة !!!! أذكر حينما توفى والدي عليه الرحمة يوم السبت الساعة الواحدة ظهراً اذكر ان مديري في العمل تعاون معي وكذلك زملائي واصدروا التاشيرة الساعة الواحدة والنصف اي بعد نصف ساعة من الوفاة استلمت جوازي وغادرتهم الى جدة في نفس اليوم لم نوفق في ايجاد حجز ووجدنا على السودانية يوم الأحد حيث الحضور العاشرة على ما أظن المهم كانت معي شنطة صغيرة جدا بها ملابس بسيطة وكان موظفي الوزن يتعاملون بفظاظة ولايتركون لك كيلو واحد المهم من المفترض ان نقلع واحدة ولكن لم تصل الطائرة وكنا بالصالة النهائية وكلما تنزل طائرة نقعد نعاين بالزجاج وكل الجنسيات التي معنا بنفس الصالة غادروا المهم ربك رب الخير الساعة 3 اعلنوا انه علينا التوجه لكافتيريا المطار لتناول وجبة الغداء تمشي عشان تاكل يقوم العامل بتاع الكافتيريا يقطع جزء من كارت الصعود عارفين ليه عشان ما تاكل مرتين أكلنا ورجعنا وبعد شوية تبرعوا لينا بي شاي من نفس الكافتيريا وكالعادة قطعوا جزء من الكارت جاء العصر والمغرب والعشاء ولاحياة لمن تنادي والشفع الصغار لعبوا وزهجوا ورقدوا وناموا !!!! ربك رب الخير اعلنوا الساعة التاسعة نمشي الكافتيريا عشان نتعشى على حساب الخطوط السودانية وعيييييييييييييييييك قطعوا مننا الكارت انا والله باقي لي من الكارت حق الشاي بس !!!!! الطريف ان موظفي الخطوط والجماعة الكانوا بيشاكلوا في وزن العفش ماعندهم اي معلومة ولاعارفين الطيارة بتاعتهم وين وكلعادة بدأ ضرب ولكمات مابين الركاب واصحاب القمصة البيضاء تدخلت الشرطة وقال لينا العسكري ليه ترفعون ضغطكم هذا شيء طبيعي نمنا وما نمنا نوم الديك في الحبل سمعتوا بيهو ؟؟؟ صحينا لصلاة الصبح من الساعة 3 تقول الواحد شغال مع ناس بن عثيمين وابن المقفع الصباح شربنا الشاي بباقي الكارت وقعدنا ميطي لا صعود ولا يحزنون لكن أدونا كيكة مع الشاي !!!! أظرف شيء واحد اتعرف ليهو على واحدة طالبة جامعية راجعة السودان و جكس معاها وقال ليها نتم الموضوع وباقي التفاصيل في مقاعد الطيارة والحمد لله الساعة العاشرة صباحا وصلت طائرتنا وكانت صغيرة جدا لنتفاجأ بأنه سيذهب العوائل بينما يبقى الآخرون حتى وصول طائرة أخرى واصريت ان اذهب مع العوائل لظروفي التي تمر بي وسمحوا لي بذلك لكن زولكم بتاع الجكس زولتو ركبت معانا وهو حتى اللحظة والله لا ادري هل سافر ام مازال عالقاً بالمطار قال نكمل في مقاعد الطيارة قال !!!!

Quote: وحتى هذه اللحظة والتى أسطر فيها كلماتى .. بمنطقة جدة أربع رحلات يوميا الى الخرطوم .. ومن اراد التأكد من ذلك فليذهب الى مكاتب سودانير

Quote: ما دخل البروفايل بهذا الموضوع ؟ وماذايعني الأخ عصام بهذه المداخلة الغريبة التي لا تمت إلى الموضوع بصلة ؟ معليش لو اتكلمت معاكم بصراحة شوية ، لو غلطت عليهو كلموني والتحية لأختنا الراقية نعمات حمود ورمضانكم عسل إن شاء الله،، ناس المكيفات من شاكلة قهوة بالصباح وسيجارة من الدغش الله معاهم

Quote: ترهاقا رمضان كريم دى مجرد مداعبه للعزيزة نعمات وهى زميلة غربة بالامارات اتمنى ان نشوفك فى دبي دمت ياعزيز