عبد المحمود بتاع فنلتك يا الصادق المهدي؟!(ضنب كوكو)جديد!

Quote: يا بخاري بطل استهبال وبطل الكلام المغتغت وخمج ده! هو الخلا الامام يتفرعن ويستهبل علينا شنو غير الشيوعين المنبطحين زيكم و البقعدوا يلحنوا في الكلام. عبد المحمود بتاع الساعه كم؟! يعني عايز توحي لينا انك مقتنع بانه في مؤسسيه داخل حوب الامه؟! يا زول الحزب ياهو امامك داك الاعتذرت ليه وعملته لينا آله ولا شيء سواهوا! عبد المحمود ده مجرد كبش فداء وبكره ممكن يفتشوا اي كبش فداء آخر. طالما في مغفلين نافعين مثلكم مستعدين يوحوا للامام الهنا ده وبنياته انهم اقتنعوا بمسرحياتهم الهزيله دي يبقى من حقهم يواصلوا في اكاذيبهم. انتو الشيوعين ديل ما تبطلوا استهبال وتمرقوا براكم فلاحتكم عايزين تتضاروا بمسجد ود دوناوي ومسجد سقط لقط.....و السؤال الاصلي مالكم ومال المساجد من اصله؟! ما قلنا لكم بطلوا الاستهبال ده و اصلا الخروج من المساجد ده اول نماذج للانبطاح للطرح الديني! قلنا لكم خلونا من حركات التقليد البايخه دي لثوارت الربيع العربي. وقولنا لكم مليوم مره....لو باريت دراويش العرب ديل اليادوبهم جايني يجربوا الاسلام السياسي بتكونوا اجرمتوا في حق شعبنا. شعبنا ثائر ضد استغلال الدين اولا وبلدنا اتقسمت بهذا الطرح المدغمس! ايعقل بلا خجله كل شيوعي عامل فيها دلدول وجاينا بدعوه للخروج من مسجد؟! شاحده ربي الامام وبناته يمرمطوا بيكم الارض اكثر واكثر. قال عبد المحمود وقال تناقش المواقف بالله شوف لك ضنب كوكو ثاني مسكنا ليه. قال عبد المحمود ابو قال!! لا بالله صدقناكم! و المداخله دي رد عليها وبطل ا ل س ك ل ب ه لبكري وهجران بوستك لحد ما يصحى ويمسحها لك. رد على الكلام ده وورينا كشيوعي انت وهيئتك الحزبيه....بتغشوا فينا لمتين؟ عايزين تنبطحوا انبطحوا برتكم وقولوا نحن خوافين وعايزين نتحامى بغرابة حزب الامه غير كده ما عندها معنى. جماهيركم الطلعت في عزاء حميد وفي عزاء نقد ربعهم ما جبتوهم وبتتفاصحوا.....عجبني لكم....وزي بعضنا ...(تستاهلوا) اي زول بيعمل فيها عشمان في قيادة الحزب المنبطح ده انها ممكن تقود الجماهير يستاهل ضرب الجزم كمان !

Quote: محمد عادل انت متأكد ده موقف عبد المحمود ابو براهو؟؟؟؟ غايتو عايشين فى زمن عينك ليه ككو ينطط واسيادنا ديل كان قالوا ده عتود متوقعين نقول ليهم سمعاً وطاع، كلامكم صاح ،،،

Quote: الاخت تراجى سلام سبحان الله انا برضه محدد مداخلاتى باتنين بسبب كوز هاواى تعرفى ما فضل فى العمر اظن قدر الفات الواحد حلمه ما ليهو لى اطفاله تركنا وطن مدمر ومنقسم لاولادنا عشان نعمل لى وطن نتركه لاولادنا معافى لازم نتحلى بالشجاعة نلخص اس المشكلة من جذورا ونشوف هل نحنا بنعيش فى وطن فيه اسس عقد اجتماعى وسلام اجتماعى المشكله مافى الكيزان, المشكلة فى دولة بدائية قايمة على العنصرية والتفرقة والفساد والجهل من الاستقلال الساسة الشماليين ما بلومهم هم بس بلوم الثقافة الانتجتهم والثقافة الشمالية القايمة على الكاست العرقى شى طبيعى فى افريقيا بس الفرق الساسة الافارقة والمثقفين كان عندهم شجاعة اخلاقية انهم يتصدو ويغيرو من الثقافة الشائدة لى دول علمانية حديثة شوفى زى غاندى وتغييره لى الثقافة الهندوسية فيما يخص المنبوزين وتحويله للهند لاكبر ديمقراطية فى العالم ما بلوم الشماليين كشعب لانهم زى هندوس الهند, بس بلوم نحبهم الخائنة والانتهازية لى عودة غدا الكوتة خلصت بس ما خسارة فى بوست زى ده

Quote: هؤلاء لن يكفوا عن محاولات تمسيكنا ضنبات ككو كثر:

Quote: . أستاذة/ تراجي مصطفي رمضان كريم ,,, Quote: هؤلاء لن يكفوا عن محاولات تمسيكنا ضنبات ككو كثر: هم إعتادوا ((( يمسّكوا ))) والناس أعتادوا ((( يمسكوا ))) القصة عادية , وأتكررت حد الملل وماظن نحنه العوام نرتقي يوم لفهم السادة الكرام في قصة الكوكو وضنبوا في كل التجارب السابقة دور السادة ما بيجي في مرحلة زي دي لسه الصورة فيها ما محسومة بالجد دور الناس ديل بعدين ... في الاول الشعب لازم يضحي في مواجهة الدكتاتورية الفي الغالب أسيادنا بيكونوا حلفاء ليها .... وده برضوا شي عادي حتى لو ما فهمناهوا لو الدكتاتورية دي شاء الله سقوطها بعد كدة ببدأ دور سادتنا الكرام ........وما دور عادي دور أساسي غير كده ببقي التعويل على دور مباشر أو غير مباشر ليهم في دعم أي إنتفاضة شعبية صعب لانوا بكون مطلوب منهم يغامروا بمكاسبهم وتحالفاتهم ودي ما بتحصل حتى لو اللوم كتر عليهم في الحته دي ببقي لوم في غير محلوا لانوا العشم فيهم في حتت زي دي من أساسوا في غير محلوا بالمختصر المفيد خلوا السادة في حالهم أعملوا دوركم ............ والسادة بعدين ما حيقصروا في دورهم تحياتي