كتب الكاتب الفاتح جبرا المتوفرة بمعرض الدوحة
|
Re: إفـطــار بــورداب الامارات ـ بدبي ( حضور وصور ولا احلي ) (Re: خالد درق)
|
الزنجي وحالد درق وكل العقد الفريد مااااا قصروا... الله يعلم .....................
مبروك عليكم بورداب الإمارات الفطور. ترجوه تامين ولامين.. نحنا ناس ابوظبي باقي قاعدين نخاف من دبي دي. والزول يودر فيها بي سيارتو . غلطة دخلة شارع واحد ما تقدر تصححها، ودخلاتا وجسورا غريبة علينا نحن ناس ابوظبي. والزحمة والسكيك في الشارع والتداخلات في الشارع ، كان غلطتا غلطة واحدي في دخول شارع فرعي في دبي.. تلقى نفسك في أم القيوين .أو الفجيرة.. عشان ده! تعرجات دبي دي ودخلاتها قاعدين نخاف منها.. مع احترامنا لدبي دار الحي .......... اما أبوظبي جميلة ومنظمة وصغيرة نوعا ما من دبي وشوارعها وتخطيط الجسور والدخلات فيها من الشارع العام مرتبة والتنبيه على الدخلات في تحديد المسار يبدا معاك انت السائق باللافتات من قبل خمسة كيلو ، عشان تجهز نفسك في المسار بلا مكابسة مخلة بسير الحركة وسلامة السائق
.............. عثمان رغيم رحل .. زمان كان نافعنا في اللمات الزي دي في ابوظبي .......... اها ابوظبي دي روحتا ساهلة. حتى كان رحتا. شديد تلقى نفسك في الشهامة.. والله بني ياس.. والله المفرق.. والله الشامخة تدور وترجع تاااني. كلها قريبة ...... اما دبي دي لما نمشي ليها .. بس الشارع العام نباري خط المترو .. اصلو فيها المولات والتسوق.. ولا نقدر نغوص في شوارع فرعية لى جوة ......... تحياتي وشوقي لبورداب الإمارات وتحية خاصة للنذير حجازي وترحيب به في مقدمة ..... وتحياتي لكل بوردابي وبوردابية في الإمارات كلها ......... اصلو معروف بورداب الإمارات كسلانيين وخاصة بورداب ابوظبي حاسدين وغتيتين.. وتغيانيين .. وانا واحد منهم هههههههه معليش السطور الأخيرة دي تخريمة. عشان جوعة وعطشة رمضان وكدا.. يعني تفهم في إطارها بلا تأويل.. تمام كدا.. شكري وإعجابي بفطوركم الفاتني والله وانا بحب اللمات شديد ومساهماتي قاعدة تكون دبل بس القدم كان ليهو رافع يا بلادي انا جاي راجع عشان عطش يسقيني نيلك واكلى من تمرات نخيلك يا حلاتك يا بلادي وياغلاتك يا بلادي ................. الـــــقـــــدم كــــــــــان لـــيـــهــــو رافــــــــــع قــــــاســــــي فــــــرقــــــك يــــــــــــوم اوادع لــــــو فـــضــــل فـــــــي الــعــمـــر ثــانــيـــه تانـي لابـد ليكـي ارجـع تانـي راجـع يــا بــلادي ان نــســـيـــت مــــــــاب انــــســــي مـــــــــرة كـــيـــف فــــــى بـــعـــدك ضـــقـــت مـــــــرة كــــــان اخـــيــــر لـــــــى اقـــعــــد هـــنــــاك اعيش ولو بى كسري مرة تبقي حلوى في بلادي عــشـــت يــــــوت فــــــى الــغــربــة امـــنـــح ابــــكــــى طـــــــــول الـــلـــيـــل وانـــــــــوح كـــــــــل ســــاعـــــه اتـــمـــنـــى ارجــــــــــع امشي اشد رحلي واروح امشي اروح لى بلادي شـــــــــــان اشــــــــــــوف دار الأحــــــبــــــه اصـــطـــفـــاهـــا الــــقــــلــــب وحـــــــــــــب فــــيــــهـــــا اتـــــــرعـــــــرع تـــــــربـــــــي بيـن حنـان خلانـو شـب شـب عاشقـك يـا بـلادي إن عــــــطــــــش يــســقــيـــهـــو نــــيــــلــــك أكــــلـــــو مـــــــــن ثــــمـــــرات نــخــيــلـــك يــــاحــــلاتـــــك ويــــــــــــــا حـــلـــيــــلــــك والقمر يلصـف فـي ليلـك ويـن مثيلـك يـا بـلادي يـــــــــا حــبــيــبـــه تـــعـــالــــي شـــــوفـــــي شـــوفــــي كـــيــــف حـــالــــى وظــــروفــــي شـــوقـــي نــــــار تـــوقـــد فــــــي جـــوفــــي حار على فراق ولوفـي خوفـي تنسـي يـا بـلادي خــــوفــــي تــنـــســـي حــــنــــان ولــــيـــــدك فـــاكـــري إنــــــو مــــــرق مـــــــن إيـــــــدك راح جـــــفـــــاك واخـــــتــــــار ســـــــــــواك وقلبو تب ما عاد يريدك حاشا حاشـاى يـا بـلادي انــــــــــت لــــــــــى عـــيـــنــــي نـــــــــــورا بــهـــجـــة الــــــــروح كـــــــــل ســـــــــرورا جــــنــــتـــــي الــــغـــــنـــــت طـــــــيـــــــورا زهرتي الفاحت عطـورا والفـؤاد عابـدك عبـادي
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: حمزه بابكر الكوبي)
|
شكراً يا الزنجي وفي إنتظار الصور،
ياخي يا الزنجي أعملوا لينا فطور تاني، علشان نشوفكم
قريبي المنصوري تسلم كتير على الترحيب أنا برضو بحب أبو ظبي أكتر، وهسى حالياً في مدينة العين مؤقتاً وإن شاء الله سأستقر بمدينة أبو ظبي بعد 8 شهور كدا، لأن مقر شركتنا في أبو ظبي، وإن شاء الله نشوفك و ح أرسل ليك تلفوني في الخاص، وإن شاء الله نتلاقى قريب، بالمناسبة أنا بعد رمضان تقريباً كل يوم سبت بكون في إجتماعات الشركة يوم السبت وإن شاء الله نشوفك يا ملك
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: منصوري)
|
Quote: أستوديو محمدين ده في عطبرة موش يا ود اللمين.. |
** منصورى.. ** سلام ورمضان كريم..
## نعم بدأ السيد عبدالمنعم محمدين بعطبره وإنتقل فى سبيعنات القرن الماضى للخرطوم وأصبح من أشهر الإستوديهات ومُنافساً لفارتى فى ذلك الزمن الجميل (زمن الجوز 3 فرد والدسته 18 والإبريق بيوضى جامع وزاويتين والجنيه = 3 دولار) (ودام الود بين الجميع) (ابو محمد فؤاد) ^ ^ ^ ^ ** درق .. ## فى إنتظار التحميض ..
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: عبدالله الشقليني)
|
Quote: وين صور الحلوين ؟ سلام يا حبايب |
أخي عبدالله الصور أحتمال حرقت لاني كنت موجود في هذا الأفطار الجميل والذي حضره أناس كرام وربنا يحفظهم وكانت أول مرة رفع الله رفع قدمي ... وحضرت هذا الافطار وحظيت بلقاء أخوة وأخوات من الروح جمال ورونق يلصف القلوب مودة وخوة لله وفي الله
والتحية لكل البورداب وضيوفهم كان يوم جميل بجمالهم جملة
تحياتي اخي الزنجي
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: عادل نجيلة)
|
الاخوة الاعزاء ... الشكر لكل الذين شاركوا في اخراج هذا اليوم الاسري بمعنى الكلمة فلاول مرة اشعر ان كل الموجودين هم اهلي واسرتي تماما حضروا كل الاحبة وضيوفهم الاكارم قام الاستاذ عمر محمد الحسن الشهير بالقرضابي بعمل كل الترتيبات كما عهدنا به دون كلل او ملل.... وقام خالد درق بالمشاركة بالترتيب في الاتجاهات الاخرى كان حضورا مميزا نوعيا ...ويكفي ان يكون في معية الزميل الجميل ياسر تمتام الذي انعش الليلة بكل معاني الاريحية والطرب والتحاور حول الاغاني وحول الحقيبة وما ادراك ما اغاني واغاني ... وكان افطارا مميزا بان يكرم بورداب الامارات الزميل الاعلامي بقناة العربية الاستاذ خالد عويس وان يقدموا له درعا تعبيرا له لمجهوداته محمد سيد احمد هو صاحب الفكرة والتنفيذ وقدم قام البورداب بقيادة ياسر تمتام بتقديم الدرع تعبيرا منهم لمجهوداته الوطنية واجتهاداته في حب الوطن .... كان حضورا مميزا بحضور كثير من الضيوف الاكارم الاستاذ طارق الطيب سكرتير الثقافي بالنادي السوداني ورئيس رابطة الهند وبرفقته بعض الاخوة التي سقطت مني اسمائهم سهوا ... الباشمهندسكمال الصادق والذي يعتبر صديق البورداب وضيوفه الاكارام وتشرفنا بالعريس نسيب الاستاذ اسامه ادريس وزوجته ...وهو مسئول الثقافة بنادي الشاطي الامدرماني كان حضورا مميزا بحضور دكاترة (العضة )عامر الجمري وتامر علي عبدة (بلدية دبي -الصحة ) كان مميزا لحضور اسرة خالد درق واسرة الطيب عثمان وبنات عوض الكريم ....واسرة عفاف الصادق كان مميزا بحضور وعودة كثير من البورداب الذين بعدتهم الظروف لفترة ... عبد الخالد عابد عصام علي احمد (المذيع والفنان القادم بقوة ) عزالدين عثمان محمد سيد احمد الزنجي خالد المنسي القردابي خالد عويس اسامه ادريس صداح وراق وناس العين الذين حقا شرفونا د.اسامه عبد الحليم واخيه الدكتور العايد من بلد الجمال اثيوبيا والجميل معتز او عباس والاستاذ محمد البشرى حمودة الصديقة حنان عبد الوهاب وعشوشة بت عوض الكريم مرافقة لصفاء وعفاف الصادق والاستاذ عبد الكريم العايد بنفحات الكعبة القائمة تطول اهم الشخصيات كان عبد العزيز الذي جاء من ابوظبي هاشا باشا لم يقصر فقد قدم محاضرة كبيرة عن احدث التحديثات في عالم التكنولوجيا كثيرون اطفوا على اللقاء روعته فقد جاء رائعا وجميلا واخذ الطابع الاسري اكثر من غيرة واستمتع الجميع حتى ان اهل الفندق اطفاوا الانوار وخرج الجميع للبهو وواصلنا التجمعات والضحكات حتى ان العمال لم يتركوا لنا مجالا واطفاؤا النور للمرة الاخيرة فخرجنا مضطرين وودعنا بعضنا على امل اللقاء قريبا افتقدنا حقا النذير حجازي الذي وعد ولا ادري لما اخلف وعده كما افتقدنا الكثيرين المهمين عبد الله كسلا وعادل سمير وداليا نجم الدين واتمنى ان يكونوا بخير وبالتاكيد هناك الكثيرين الذين منعتهم (اشياءؤهم التي لا نعلمها ) سنوافيكم ببعض الصور شكرا لكل الحضور وحظا سعيدا في المرات القادمة مني محبتي
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: احمد التجانى احمد)
|
Quote: ** الزنجى ودرق.. ** سلام.. ## إنتو الصور دى وديتوها إستديو محمدين فى السودان للتحميض !!؟؟
** ود الكوبى .. ** سلام وتحايا وأشواق.. (ودام الود بيننا) |
الأعزاء
مبارك عليكم الشهر الفضيل رزقكم الله اجر صيامه
كان بودي ان اكون معكم بدبي او تكونوا جميعا معنا بالدوحة
صديقي العزيز كرومة كيف انت يا رجل.. والله مشتاقين
وفتشت علي الصور ما لقيت شخصكم الكريم
كيفك يا خالد واخبار النجمة المتلالئة ( مش مريخ الج حمد ).
تحياتي لصاحب البوست وللجميع
| |
|
|
|
|
|
|
Re: إفـطــار بــورداب الامارات ـ بدبي ( حضور وصور ولا احلي ) (Re: الزنجي)
|
لوووووووووول @ حبيبنا ول أبا عبد الله الحبيب يا عبد الله والله أنا قايلك موجود في كندا، والله مكسب إنك معانا هنا في العين (لاحظ معانا دي هاهاها) وتلفوني ح أرسلو ليك في الخاص، إنت موش تستاهل فطور إنت تستاهل خروف عديل كدا.
العزيزة نعمات حمودة، والله إفطار البورداب صادف إفطار الشركة بتاعتنا وعلشان دي أول سنة لي هنا في الإمارات ما قدرت ألغى فطور الشركة، لكن الجايات أكتر من الرايحات، تحياتي ليك يا ملكة
| |
|
|
|
|
|
|
| |