|
|
 البلد غرقت فى شربة مويه
|
لمن فتحت باب البيت اليوم الصباح قولت قطع شك المارد جانا بليل ونقل البيت لبحيره طينيه على بساطه السحرى
|
|
 
|
|
|
|
|
|
|
|
Re: البلد غرقت فى شربة مويه (Re: Al-Shaygi)
|
حلوه بصق دى
دا يكون طرش عديل المفروض
:)))))))))))))))))))))))
والله انا ما حعترض لو النفق فعلا صلحوه والمويه ما مليته زى كل مطره
ما بنأبا الخير والصالح والجميل
بالعكس
ياها غايتنا ومنانا
تمطر وما نتجارا
| |
|
|
|
|
|
|
|
|
|
Re: البلد غرقت فى شربة مويه (Re: الزنجي)
|
سلام أخت رانية ...ورمضانك كريم
أسأل الله أن يلطف بعباده ...
الشعب السوداني ..الفضل ده .. لا مبالاتو مبالغة عديل كدة ...
كلما قرصتو كارثة بناحية ، إنقلب على الناحية التانية وواصل نومو ...هه
الأربعاء 14 رمضان 1433 10:56 صباحاً
01 أغسطس 2012
شبكة المشكاة الإسلامية
تعرضت أرجاء واسعة من ولاية الخرطوم لأمطار غزيرة مساء أمس الأول وفجر أمس، تسببت في انهيار (27) منزلاً
شمال أم درمان انهياراً كاملاً، وانهيار (26) منزلاً انهياراً جزئياً. وقال اللواء عبد الله عمر مدير شرطة الدفاع المدني
بولاية الخرطوم: إن منطقتي الجرافة والنوفلاب شمال أم درمان تأثرتا بسيول قادمة من غرب أم درمان لوقوعهما في
مجاري الخيران ، مشيراً لوقوف غرفة طوارئ الخريف على حجم الأضرار الناجمة من تلك الأمطار والسيول،
وأكد مدير الدفاع المدني بولاية الخرطوم على عدم وجود إصابات أو وفيات وسط المواطنين.
وناشد أولياء الأمور ومديري المدارس بالحرص على مراجعة توصيلات الكهرباء،
وتنبيه التلاميذ من الابتعاد عن الجدران المبللة حتى لا يتعرضون لإصابات الكهرباء.
-----------------------------------------------------------------------------------
عذرا على الشوت ضفاري ..لاكين الحديث ذو شجون بالصح ...
وشكرا ليك إيراد الصورة فهي تعبر عن الحالة بشكل واضح ..
| |
|
|
|
|
|
|
|
|
|
Re: البلد غرقت فى شربة مويه (Re: ibrahim fadlalla)
|
كيفك اخى ابراهيم
المشكله ما مطره صبت وشوارع اتمليت
التبعات الدااااااااااااااااايما حاصله بعد دا والبيوت البتنهار والمدارس البتبقى خطر على الاطفال ما جديده
ولا فاجئتنا المطره اول مره
لكن كل ممممممممممممره نحنا فى الارشادات دى بدون ما يكون فى حذر ووقايه قبال حدوثها
الشى الوحيد البيتعمل يقطعوا منا الكهربا
| |
|
|
|
|
|
|
|
|
|
Re: البلد غرقت فى شربة مويه (Re: الزنجي)
|
Quote:
يعنى كانت فى شهر يناير ولا فبراير وديل شهور الشتى مافيهم مطر
كيفين يبقى اتملى؟؟؟؟؟؟؟؟؟؟؟؟؟؟؟؟؟ |
رانية كل سنة وانت طيبة
كوز قمىء والله فى سبيل يدافع عن الانقاذ ما عنده مانع يشكك فى قواك العقلية
اختشى والله نوعك ده مفروض فى رمضان ده يربطوك من المنبر عشان ما تخرب ليك صيام زول
اعوذ بالله من النفاق والمنافقين،،،،
| |
|
|
|
|
|
|
|
 Re: البلد غرقت فى شربة مويه (Re: الزنجي)
|
| Quote: والله تباري ودالباوقة التنح ده تمرضي روحك سااااااااي |
الشايقي اخوي رمضانك دخل العضم وخفس بي غادي ، والله صحي
صورة ود الباوقة دي طششت ليك عيونك ولا شنو ؟
ده وليد قسم السيد يا خوي خاتي نفس صورة بروفايل ود الباوقة
سلام يا راية ورمضان كريم
نسأل الله يلطف في اهلنا في الزمن الكعب ده
مع رمضان والغلاء الكاسح ده والكهرباء المعدومة تجيهم سيول وفيضانات !!!
تبقى مصيبة كبيرة والله مع الوضع الراهن في المستشفيات المائلة وعدم العلاج !!
ليهم الله من فوق
| |
|
|
|
|
|
|
|
|
|
Re: البلد غرقت فى شربة مويه (Re: صديق الموج)
|
يا ضليع اضغط على الصوره بالماوس الايمن بتوريك تاريخها خليك منى انا كضاب
اللهم لا تؤاخذنا بما فعل السفهاء منا....
ربى انت تعلم هذا الموج سفيه وشتمنى دون وجه حق اللهم ارينى فيه عجائب قدرتك
| |
|
|
|
|
|
|
|
|
|
Re: البلد غرقت فى شربة مويه (Re: رانيه محمد الشيخ)
|
؟؟؟
أدعوك أخت رانية - والأمر متروك لتقديرك -
وأنت صاحبة مبادرات خيرية مشهودة بالمنبر ، أن تطرحي حالة هذه الأسرة وأمثالها من الحالات الإنسانية
بصورة أكثر تفصيل على أهل الخير عبر هذا المنبر .. عسى ولعل أن يجعل الله لهم مخرجاً .. ويؤمن لهم مسكنا
يليق بالبني آدمين ...
| |
|
|
|
|
|
|
|
|
|
Re: البلد غرقت فى شربة مويه (Re: ibrahim fadlalla)
|
اخى ابراهيم
الاسره دى من الاسر المكفوله طرفنا و فعليا حاليا ساعين ليهم فى البحث عن سكن ممكن نقدر نساعدهم فى ايجاره
عندها بتها الكبيره امتحنت وجابت 74% فى الشهاده وربنا يسهلها ونقدر نسجلها فى الجامعه
لمن نلقى ان شاء الله السكن بنزل بوست بقيمة الايجار عشان نجمع التبرعات له
وبرضو ان شاء الله لمن تبدى اجراءات الجامعه حنزل بوست بخصوصه
الله يهونها عليهم
زميلى المسئول عن الاشراف على الاسره اتصل بيهم الصباح اطمئن عليهم انهم بخير الحمدلله
| |
|
|
|
|
|
|
|
|
|
Re: البلد غرقت فى شربة مويه (Re: رانيه محمد الشيخ)
|
شكرا أختي رانية على الإفادة
وربنا يكلل مسعاكم بالنجاح ..ويقدرنا على المساعدة في عمل الخير ..وننتظر بوستاتك
بهذا الخصوص
------------------------------------------------------------------
بخصوص نفق عفراء ، والتشويش الحاصل فوق ، ده خبر طازج :
Quote:
صورة وتعليق ... امطار الخرطوم تكشف حقيقة "نفق عفراء"
07-30-2012 04:46 PM
الامطار الغزيرة التي هطلت امس واستمرت حتى فجر اليوم على ولاية الخرطوم
كشفت البنيان التصميمي الهش لاكبر واهم انفاق العاصمة وهو النفق الكائن بالقرب
من عفراء مول والصورة توضح ذلك
نقلا عن : كفر ووتر
|
http://www.cover-sd.com/news-action-show-id-25522.htm
ودي صورة أشد طـــزاجة ....( والعهدة على الموقع ) :
sorry for waja3 alwash ...
| |
|
|
|
|
|
|
|
|
|
Re: البلد غرقت فى شربة مويه (Re: ibrahim fadlalla)
|
يعنى برضو مليان
:))))))))
فقدنا الامل فى موضوع القرن البعد العشره فى بيوت الجوص كده
------
غايتو فى زول علق لى فى الفيسبوك لمن نزلت الصور دى وقال
,.,.,.,.,.,
ليست المسؤليه على الحكومه او المحليه وحدها بل هنالك مسؤليه على المواطنين الذين يغلقون المجارى باوساخهم الزفره وصدقونى بلدنا دى محتاجه بشر فاهم يعرف كيف يحترم الاشياء من حوله بس
,..,.,.,.,
المستغربه فيه ياتو مجرى القاصده والناس سديته
فى مرات كده ردود محيره
وهل الكاتبينها واعيين ولا بيهزروا
انا لا اايد الاهانات فى التحاور لانها ما حتوصلنا لشى صراحتا
برغم فى حاجات بتخلى الزول يفووووووور ويكون عايز يفجر قنابل عديل ما الفاظ سيئه بس
لكن التفكير فى البعديها بيخلى الزول يجاهد فى ضبط النفس والغضب وكان قدر مكسب ما قدر الله يسامحنا على البنقولوا
غايتو حبابك ومافى اى وجع وش بالعكس شرفتنا بطلاتك واضافاتك
| |
|
|
|
|
|
|
|
|
|
Re: البلد غرقت فى شربة مويه (Re: أمجد الزين)
|
لكن هاك دى جديدة لنج
| Quote: انهيار كبري شارع الحمره بالقضارف عقب الأمطار التي هطلت يوم أمس مما تسبب في مقتل شخصين سقط أحدهم بدراجة نارية في الخور والآخر سقط بعربة بوكس، والجدير بالذكر أن الكبري نفذته شركة دانفوديو التابعة لجهاز الأمن |
| |
|
|
|
|
|
|
|
|
|
Re: البلد غرقت فى شربة مويه (Re: أمجد الزين)
|
Quote: المشكله ما مطره صبت وشوارع اتمليت
التبعات الدااااااااااااااااايما حاصله بعد دا والبيوت البتنهار والمدارس البتبقى خطر على الاطفال ما جديده
ولا فاجئتنا المطره اول مره
لكن كل ممممممممممممره نحنا فى الارشادات دى بدون ما يكون فى حذر ووقايه قبال حدوثها
الشى الوحيد البيتعمل يقطعوا منا الكهربا |
رانية يا حبيبة..
على قولك ... الحال يا هو ذااااااتو .. كل سنة
والمساكين يعينهم ربنا وأهل القلوب الرحيمة...
شكرا ليك ورمضان كريم
| |
|
|
|
|
|
|
|
|
|
Re: البلد غرقت فى شربة مويه (Re: rummana)
|
منقول :
من دفتر يومياتي: فساد: انهيار كبري شارع الحمره بالقضارف عقب الأمطار التي هطلت يوم أمس مما تسبب في مقتل شخصين سقط أحدهم بدراجة نارية في الخور والآخر سقط بعربة بوكس، والجدير بالذكر أن الكبري نفذته شركة دانفوديو التابعة لجهاز الأمن
| |
|
|
|
|
|
|
| |
وليد الطيب قسم السيد
نزار يوسف محمد
Al-Shaygi
الزنجي
ibrahim fadlalla
صديق الموج
اسماء الجنيد
أمجد الزين
rummana
فيس بوك
تويتر
انستقرام
يوتيوب
بنتيريست