|
ايوه بلاغك في لكن ناقص !!!
|
السلام عليكم ......... اهلا
ياجماعة انا جيت الصباح بلغت في سلك كهرباء مقطوع في شارع بيتنا ومافي زول جانا لحدي اسه
دقيقة ... ايوه بلاغك في لكن ناقص
ناقص شنو ؟
... ناقص رقم العداد
رقم عداد بتاع منو
بتاعك انت طبعا مش انت المبلغ !!!
ورقم عدادي داير بيهو شنو ؟
والله التعليمات كده !!!
ياشيخنا ده سلك الحكومة مقطوع في شارع الله عدادي دخلو شنو !!!!!
اوريك دخلو شنو اسه انت منور ؟؟
ايوه منور !!!
كيف منور !!!!!!!!!! مش قلت السلك مقطوع !!!
طيب اذا انت عارف السلك مقطوع سالتني منور وال لا ليه !!!
يازول انت كلامك كتير ونحن صايمين !!!
طيب اكتب عندك رقم العداد !!
لا خلاص خليناهو !!! بس انت امشي اسه بجوك !!!
|
|
|
|
|
|
|
|
Re: ايوه بلاغك في لكن ناقص !!! (Re: omer osman)
|
عندما يلتزم الموظف بتنفيذ الـ Check List الموجودة أمامه بحذافيرها تحصل مثل هذه المواقف.
مثلا: كانت الكهرباء مقطوعة حاول الزملاء أن يقنع مدير الآي تي بإغلاق مفتاح التأمين في غرفة التحكم والانصراف لأنّ الدوام انتهى.
وهو مصرّ على انتظار الكهرباء حتى يقوم بإطفاء الجهاز من قائمة "إبدأ" كما هو منصوص عليه في الـ
Check List
التي ينفذها يومياً.
| |
|
|
|
|
|
|
Re: ايوه بلاغك في لكن ناقص !!! (Re: Hani Arabi Mohamed)
|
Quote: مثلا: كانت الكهرباء مقطوعة حاول الزملاء أن يقنع مدير الآي تي بإغلاق مفتاح التأمين في غرفة التحكم والانصراف لأنّ الدوام انتهى.
وهو مصرّ على انتظار الكهرباء حتى يقوم بإطفاء الجهاز من قائمة "إبدأ" كما هو منصوص عليه في الـ
Check List
التي ينفذها يومياً. |
ههههههههههههههههه
ديل ياهاني نوع من الناس بقولوا عليهم (قضيب قطر) بس زي زول بتاع بلاغات الكهرباء ده
| |
|
|
|
|
|
|
Re: ايوه بلاغك في لكن ناقص !!! (Re: Hani Arabi Mohamed)
|
Quote: كانت الكهرباء مقطوعة حاول الزملاء أن يقنع مدير الآي تي بإغلاق مفتاح التأمين في غرفة التحكم والانصراف لأنّ الدوام انتهى.
وهو مصرّ على انتظار الكهرباء حتى يقوم بإطفاء الجهاز من قائمة "إبدأ" كما هو منصوص عليه في الـ
Check List
التي ينفذها يومياً. |
دى الحالة مدير الاى تى
| |
|
|
|
|
|
|
Re: ايوه بلاغك في لكن ناقص !!! (Re: أمجد الزين)
|
لكن يا سعادتك الجماعة ديل بجوك ان شا الله انا غايتو عن تجربة حصل كم كيس واتصلت عليهم فى الرقم بتاعهم 4848 غايتو ما بقصروا بجونى وقتى الكلام دة فى الشمالية غايتو ما عارف الخرتوم كيف
| |
|
|
|
|
|
|
Re: ايوه بلاغك في لكن ناقص !!! (Re: أمجد الزين)
|
الاظرف من كده مرة ضربت في رقم بلاغات الكهرباء 4848
عمر : ياجماعة عندنا مشكلة في الكهرباء في المحل
الموظف : محلكم وين ؟
عمر : محلنا في سوق نمرة 2
الموظف : سوق نمرة 2 ده وووين بالضبط !!!!!!!!!!!!!!!!
عمر : موسيقي تصويرية صننننننننننننننننننننننننننننننننننننننننننننننننننننننن
عمر : لا خلاص شكراً نحن بنحل المشكلة دي برانا !!!!!!!!
| |
|
|
|
|
|
|
Re: ايوه بلاغك في لكن ناقص !!! (Re: omer osman)
|
Quote: الموظف : محلكم وين ؟
عمر : محلنا في سوق نمرة 2
الموظف : سوق نمرة 2 ده وووين بالضبط !!!!!!!!!!!!!!!!
|
يا عمر أنا شايف أحسن تمشى تبلغ فى الشمالية يمكن تظبط معاك . رمضان كريم لك وللأخ أمجد .
| |
|
|
|
|
|
|
Re: ايوه بلاغك في لكن ناقص !!! (Re: فيصل عثمان الحسن)
|
يا عمر أنا شايف أحسن تمشى تبلغ فى الشمالية يمكن تظبط معاك . رمضان كريم لك وللأخ أمجد .
الله اكرم تصوموا وتفطروا على خير ياسيد فيصل ........
الخوف نمشي الشمالية يقولوا ليك جيب رقم العداد وشهادة سكن واتنين شهود عدول ...
| |
|
|
|
|
|
|
Re: ايوه بلاغك في لكن ناقص !!! (Re: omer osman)
|
يا جنابو الحال من بعضه
تعال احكي ليك الأغرب من خيالك زاتو
اليوم الساعة 7 صباحا
سمعت جاري شيخ محمود ينادي بصوت عالي ويدق علي باب الشقة
(يا ابو احميد تعال حصل سريع)
لبست السفنجة وجري علي الباب .. مالك في شنو يا شيخ محمود
قال تعال برا اوريك ..
مشيت قدام البيت علي شارع المزاد
لقيت شجرة النيم شابكة في سلك الكهرباء .. وكل دقيقة تعمل شرارة
الشرارة تولع دقايق وتطفي..
تحت شجرة النيم مباشرة محل (بيع غاز) فتأمل ..
فصلنا الكهرباء من البيت .. ومرقنا العيال .. وبعدنا العربات ..
وجري لي ناس المطافي جنب ميدان المولد - تقاطع ش المزاد مع احمد قاسم
اخذوا معلومات سريع .. وقعدوا يسخنوا في العربية يمكن نص ساعة خليت معاهم شيخ محمود
انا ما انتظرتهم رجعت البيت ... عشان افضي المحل من انابيب الغاز ؟؟
المفتاح قال مع الحبشي .. والحبشي تلفونه قافل..
بعد كم تلفون .. وصلوا وشافوا النار فوق راس الشجرة فوق والسلك ضغط عالي وخط رئيسي معلق بين الفروع
قام عمل شورت قوي وفرقعة قنبلة ..عديل .. ناس المطافي جروا علي عربيتهم .. والسواق بسرعة ابعد العربية
قلت ليه مالكم جريتو ؟؟ قال ياخي العربية دي غالية اكان قامت حرقت.. قلت ليهو انتو وقتين غالبكم تحموا
عربيتكم دايرين تحمونا كيف..___ صن صن
المهم .. وقفوا يتفرجوا .. وقالوا الشغلة دي ما حقتنا حقت ناس الكهرباء
شيخ محمود مشي ناس الكهرباء.. جابهم وجا؟؟
وعينك ما تشوف الأ النور ... الجماعة اشكلوا شكلة مدنكلة ..
ناس المطافي .. وناس الكهرباء
ناس المطافي سالوا مهندس الكهربا(راجل كبير في العمر )ء.. اسمك منو؟؟؟
قال ليهم .
ليه ؟؟ عشان شنو؟؟ اديكم اسمي .. انا عامل جريمة
والشكلة دورت ...
والنار هناك في النيمة ولعت ..
وعملت ماس كبير .. وطرقعة قوية للمرة الثانية .. والحلة كلها اتلمت .. والشارع وقف
والشكلة مدورة.. ناس المطافي اتصلوا بالدوريات ...
الدورية ما جات
قالوا لمهندس الكهرباء تركب معانا نمشي القسم الأوسط بحري
المهندس رفض.. قال بمشي بي عربية الكهرباء
ناس المطافي قالوا لالالا
قبضوا الراجل الكبير.. وقبقبوه .. وبالقوة رفعوه في عربية المطافي
وعلي القسم دوغري
شيخ محمود مشي لي ناس التحكم في بحري
وحكي ليهم قصة زولهم الفي القسم
جونا 3 عربات طؤارئ كهرباء ومعاهم بتاع امن جبوه معاهم
وسمعوا القصة من الجميع .. ومشوا القسم طلعوا المهندس
وفي النهاية
الساعة 11 ونص
قصوا الشجرة ورجعوا الكهرباء.. وناس المطافي واقفين يتفرجوا
بتشفي..
المهم
دي حال البلد ... ناس كلها بقت زفت واخلاقها في مناخيرها
سلام
| |
|
|
|
|
|
|
Re: ايوه بلاغك في لكن ناقص !!! (Re: Hani Arabi Mohamed)
|
د داليا .. تعرفي يا اختي .. الجماعة
ديل كميات كبيرة من الكهرباء المدفقة في السهلة ساكت كدا
خاصة من العمدان المتأكلة وقربت تقع بردلوب ....
لكن الشعب المسكين دا ربنا حافظوا....
الغريبة انو ناس الكهرباء والمطافي .. الشحمة والنار
| |
|
|
|
|
|
|
Re: ايوه بلاغك في لكن ناقص !!! (Re: omer osman)
|
Quote: لميته ليك كلها في شوال ولمن الكهرباء جات شحنت بيها العداد ههههههههه |
لا يجـوز ,, لانو السلك دا كانت نازله منو كهربا بتاعت ناس أحمد حنين ديل , فـ ربما أنو كهربتكم أختلطت مع كهربت ناس أحمد , فـ شنو , هسي أنت شاحن بي كهربتهم .. أقترح تكون لجنة لبحث موضوع الكهربا اللي اتدفقت , وتكون لجنة منبثقة , وأقترح تخصيص (مخصصات) لي لجنه السلك أيضا وتوفير عربيه (همر) لي شخصي الضعيف (موش أنا رئيسه اللجنه؟) وعلاوات وبدلات وفطور من أمواج
| |
|
|
|
|
|
|
Re: ايوه بلاغك في لكن ناقص !!! (Re: داليا الكباشى)
|
السودان بلد المتعة ...والله الواحد لو ماكان سوداني كان مات بتخمة اللامتعة ...
Quote: ناس المطافي قالوا لالالا قبضوا الراجل الكبير.. وقبقبوه .. وبالقوة رفعوه في عربية المطافي وعلي القسم دوغري |
ههههههه ياخي دي اوسكار ياحنين .. ناس المطافي قبضوا الراجل والراجل انقبض ليهم وناس الشرطة استلموا الراجل هههههههههههههههههه
ياعمر الرشاقة العليك شنو تمشي تبلغ ؟!! الشيوعيين يقطعوا الاسلاك وانت تبلغ ..
| |
|
|
|
|
|
|
Re: ايوه بلاغك في لكن ناقص !!! (Re: رانيه محمد الشيخ)
|
Quote: ياشيخنا ده سلك الحكومة مقطوع !!!!! |
جنابو / عمر رمضان كريم الحقيقة يا عمر ما قلت الا الحق.. سلك الحكومة مقطوع... الحكومة تحتاج بصورة عاجلة الي وصلة كهربائية... خطرفة في نهار رمضان: المحول الرئيسي عند التجاني الماحي..
| |
|
|
|
|
|
|
Re: ايوه بلاغك في لكن ناقص !!! (Re: جمال المنصوري)
|
جنابو تحياتي ورمضان كريم
والله قصص تموت بالضحك خاصا بتاعة احمد حنين وقصة النضارب الحصل بين المطافي والكهرباء اكبر دليل على انعدام السيستم في العمل وعدم تحديد الاختصاصات لكل جهة في تحمل مسئوليتها ( يعني بالبركة بس)
| |
|
|
|
|
|
|
|