كتب الكاتب الفاتح جبرا المتوفرة بمعرض الدوحة
|
|
 دعوة لجميع افراد الجالية بنيويورك وضيوفهم للافطار الرابع من اغسطس
|
نتقدم بدعوة جميع افراد الجالية بمدينة نيويورك للافطار الجماعى فى يوم السبت الرابع من اغسطس
ونهيب بجميع الأسر المشاركة فى هذا الافطار بمعية اطفالهم وضيوفهم الكرام
المكان : قاعة البنجاب الواقعة 691 كونى ايلاند افينيو 11218
الزمان : السبت الرابع من اغسطس تقبل الله صيامكم وقيامكم
(عدل بواسطة حسن حماد محمد on 08-01-2012, 00:39 AM)
|
|
 
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
Quote: حسن حماد سلام الله
أمبارح أعلنت عن هذا الإفطار بإسم النادى السودانى....
فما الذى دعال اليوم لتغيير إسمه بإسم افراد الجالية؟؟؟ |
اسامة سلام الله ورحمه
تم بالامس اجتماع بين رئيس اللجنة التمهيدية للجالية السودانية بنيويورك
واعضاء من النادى السودانى الأمريكى ينويورك ( ومعظمهم بالمناسبة أيضاً اعضاء فى اللجنة التمهيدية للجالية السودانية )
وبعد التشاور والحوار خرج الجميع بضرورة الدعوة لافطار رمضان بصورة تمكن الطرفين من المشاركة وبذلك يتم حضور اكبر عدد من السودانيين
وتعاوناً منا مع السيد رئيس اللجنة التمهيدية والذى نكن له كل تقدير واحترام تمت الموافقة وجاء الاعلان بالصورة اعلاها
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
Quote: أبو علي... يا دووب صداعي فكا وبأذن الكريم سنفطر كلنا سوا!
جهز الحلو مُر...
___________
أمبارح حكيت لأستاذنا الفاضل حسن عيسى نكتة الصداع دي.. والله تلقاهو بيضحك منها لغاية حسع |
يامحمد حمدالله على سلامة راسك
الأخ الاستاذ الفاضل حسن عيسى ليس بالانسان السهل وبقيادته لدفة العمل فى نيويورك لا خوف على أحد
فهو خير الربان وخير الزعيم
وما كان لنا فى النادى السودانى سوى الجلوس والتشاور وبالاخص عندما تأتى الدعوة من شخص يكن له الجميع التقدير والاحترام
مرحب بيك اخى وتقبل الله منا ومنكم طيب الأعمال
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
حسن حماد سلامى
Quote: تم بالامس اجتماع بين رئيس اللجنة التمهيدية للجالية السودانية بنيويورك
واعضاء من النادى السودانى الأمريكى ينويورك ( ومعظمهم بالمناسبة أيضاً اعضاء فى اللجنة التمهيدية للجالية السودانية )
وبعد التشاور والحوار خرج الجميع بضرورة الدعوة لافطار رمضان بصورة تمكن الطرفين من المشاركة وبذلك يتم حضور اكبر عدد من السودانيين
وتعاوناً منا مع السيد رئيس اللجنة التمهيدية والذى نكن له كل تقدير واحترام تمت الموافقة وجاء الاعلان بالصورة اعلاها |
كل يوم يمضى وتثبت إنك لم وان تفهم ناس نيويورك...
لا احد ينكر أنك إنسان نشسيط ...
ولكن يضل سعيك وراء إنشاء كيانات تخدم مجموعة معينة وتعزز روح التفرقة والشقاق بين أبناء الوطن الواحد....
متى تفيق ...متى تفيق ...والعمر يجرى وأنت ليس فى جعبتك شىء تقدمه إلا ما يقرق الناس ويغلف الحق بالباطل...
| |
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: أسامة خلف الله مصطفى)
|
لييه يا أبو علي عاوزين تجيبو لينا الصداع تاني؟
قلتا جالية... وخليها جالية بس وخلي الناس كلها تتلم!
إنتا لو ما مقتنع... لا أستاذىا حسن عيسى ولا غيرو بيقدر يقنعك
ناديكم ده خاص بيكم لوحدكم.. سياسي رياضي أو مؤتمر لاوطني تاكلو ناركم.
واحد منكم يجيب لي البوليس مرتين عشان يمنعني من تصوير مظاهرتين عشان
جاهل وفاكر إنو بوليس البلد دي ذي رباطة المؤتمر البطني.. ده ما مشكلة!
ولامن هو يصور الناس ويشيل الشرايط ويسلمها للقنصل.. دي برضو ما مشكلة!
وأنا ما عندي مشكلة مع الشيوعيين.. مشكلتي مع الشيوعية كفكر وأيدلوجي.
خلونا نحتفي ونحتفل بهذا الشهر الكريم كأبناء وبنات بلد واحدة في نيويورك!
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
Quote: وأنا ما عندي مشكلة مع الشيوعيين.. مشكلتي مع الشيوعية كفكر وأيدلوجي.
خلونا نحتفي ونحتفل بهذا الشهر الكريم كأبناء وبنات بلد واحدة في نيويورك! |
وانا لا عندى مشكلة مع الشيوعيين ولا عندى مشكلة مع الشيوعية كفكر وايدولوجى
هم بى دربم وانا بى دربى
احتفل يا محمد مع من تشاء كشة ما تعتر ليك
واذا افطارنا دا ما عاجبك لايتها سبب شوف محل بترتاح وين وعليك يسهل وعلينا يمهل
وما تنسى سوق معاك كل الشرفاء البتعرفم وبيعرفوك وخلينا نحن فى مؤتمرنا الوطنى دا ومع سفيرنا وسفارتنا
اصلو الصبر يالحبيب مرات بيقصر ويطول حسب طول وقصر نهار رمضان
نسال الله ان يمد حبل صبرنا قول آمين يالحبيب
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
بالعكس يا أبو علي.. فطور الجالية الجامع ده عاجبني بالحييل..
وأفتكر إني أعلنت ليك فوق إنو (صداعي) فكا وراح مع الإعلان ده.
إلا إنك في مجاراتك للشقيق أسامة دخلتا النادي السوداني، والظاهر عليك مِئامن بنظرية المؤامرة عشان كدة ردك كان يابس وفيهو تلميح بالصبر... والصبر جميل! أصبر على أسامة ومحمد يسين ديل عشان المصلحة العامة.
طيب، ومرة تانية عشان تفهمني نعيد ليك: أنا أتشرف إني أفطر معاكم كجزء أصيل من أبناء الجالية في نيويورك، وأعني كل أبناء الجالية بغض النظر عن توجهاتهم الفكرية أو السياسية أو المهنية، وماني محتاج دعوة.. كويس؟
وبما أنني شكرتك في البوست داك على عيزومة ما يعرف بالنادي السوداني.. وقلتا ليك بالحرف الواحد معليش أنا عندي صداع يوم فطوركم ده وما حـ أقدر أجيهو.. وكتر خيرك على الدعوة.. معاي؟
رأي في النادي بتاعكم ده واضح وصريح ومعلن.. وناسكم جابو لي البوليس مرتين في مظاهرتين قدام بعثة المؤتمر البطني في مانهاتن عشان ها أصورهم.. قايلين التصوير في البلد دي ممنوع.. أها نفس الزول الجاب لي البوليس وهو جايب ليهو زول بقروش عشان يصور مظاهرتين لتأيد نظام القتل والإبادة.. أها دخل بعد المظاهرتين قدامنا للسفارة ومعاهو المصور وسلم الأفلام للقنصل بتاع المخابرات.. متابعني؟
أها تفتكر نادي ذي ده ممكن يعزمني فطور وما يجيب لي صداع؟
يا حسن إستجابتك لإستفزاز أخونا أسامة دخلتك في مساجلة طاردة لمن أراد الحضور لهذا الإفطار المهم في معناه وفي طريقة إعداده التي أبعدت عنا صداع النادي ... فأردت أن تحشر إسم النادي في هذا الأمر وعلاقة بعض أعضائه بهذا الإفطار المعد بجهود مقدرة من الأستاذ حسن عيسى وآخرين نكن لهم جل الإحترام... فأفسدت الروح الطيبة التي إنفتح بها هذا البوست الحيوي. ترى هل هذة الجهود جاءت بصورة شخصية أم على حسب الإنتماءات؟ فلا أحسب أنك جزء من هذا الإعداد لأنك عضو في النادي.. ولن أكون فاطراُ معك بصفتي الحزبية. سأحضر بأذن الكريم لأنني مدين لنيويورك ولجاليتنا بالكثير.. فأنا منهم وبهم ولهم.
ويا سيدي كلو ملحوق.. خلينا نعمل سوية من أجل إنجاح هذا الإفطار إكراما لكل من هو مقيم بنيويورك من أهلنا الطيبين الذين يعولون منا الكثير. ولنفطر بتمرات نحمد الله عليها وعلى نعمته علينا بأن أكرمنا في هذا الشهر الفضيل وجمعنا كأهل وكأخوة في السودانية والإنسانية!
نحنا في الجالية دي أصحاب حق أصيل.. أما في ناديكم داك فنحنا لسنا سوى مجرد غرباء!
إذا الكلام (الأخير) بتاعي ده ما عجبك.. علي الطلاف ما أسامحك
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
| Quote: فأردت أن تحشر إسم النادي في هذا الأمر وعلاقة بعض أعضائه بهذا الإفطار المعد بجهود مقدرة من الأستاذ حسن عيسى وآخرين نكن لهم جل الإحترام... |
الأخ محمد سلام
الأفطار مازال فى طور الاعداد وبالفعل شارك في اعداده الأخ حسن عيسى وان شاء الله فى ميزان حسناته
اعضاء النادى مشكورين على مساهماتهم المقدرة فهم نفس الاخوة الكرام الدين عودونا القيام بهدا العمل
يقطعون من وقتهم ويجودون بأموالهم لما يزيد على الثمان اعوام ، تعرفهم الجالية وتقدر مجهوداتهم
نسأل الله ان يوفقهم فى اخراج الافطار بصورة تليق بأهل نيويورك من السودانيين الكرماء وان يكون العمل فى ميزان حسناتهم
وهناك ايضاً اخوة آخرون ساهموا فى انجاح الفطور لهم ايضاً الشكر ونسأل الله ان يجزيهم خيرا
وحتى لا يفوتك الأجر يمكنك ايداع مساهمتك فى دكان عبدالغنى
او بالمكتب ونشوفك يوم السبت بعون الله ورمضان كريم
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
.
الأخ حسن حماد:
سلامات
رمضان كريم وتقبل الله الصيام والقيام .. وكما عودتمونا أنتم والأخوة الأفاضل الغنيون عن التعريف هنا بنيويورك بتنظيم كل ماينفع الناس ويجمعهم فى الخير دعماً لأواصر المحبة والأخوة بين أفراد مجمتمعنا ها نحن نراكم تواصولون تلك السنة الحميدة بدعوتكم لإفطار رمضان السنوى رغم المشاغل الكثيرة وضيق الوقت..
وربنا مايقطع ليكم عادة إنشاء الله..
وإلى لقاء
أشرف الباقر
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
Quote: وربنا مايقطع ليكم عادة إنشاء الله..
وإلى لقاء
أشرف الباقر |
لنا الشرف اخى الحبيب اشرف ان تكون انت احد اهم العاملين على ان يرى ذلك اليوم المبارك النور بإذن الله
ولا غرابة اخى فقد تشربت حب التفانى فى خدمة الآخرين من بيتكم العامر ابداً بالضيوف والاحباب
وحق للباقر ان يفتخر بك
وحقيقة الجنى خالو
فأنت ابن اخت عبود والهادى الشيخ وأكرم بهم من رجال يسدون عين الشمس
مرحب بكم سكان حى البرونكس ومن غيركم خربانة يا امير
رمضان كريم وتقبل الله صيام وقيام الجميع
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
| Quote: اعضاء النادى مشكورين على مساهماتهم المقدرة فهم نفس الاخوة الكرام الدين عودونا القيام بهدالعمل |
حسن حماد سلامى
والمسامحة من الخصال الحميدة التى حس عليها رب العباد....
لكن قل لى أخى الكريم ، لماذا تصر على حشر سيرة هذا النادى فى مداخلاتك اللاحقة؟؟؟
أنت تعلم أن هذا الكيان نشأ فى الظلام وفى الغرف المغلقة ، وبعقلية " الكيد "....
ومنا قال الفيتورى: ما يولد فى الظلام ...يطل عليه الصباح فيعريه
كن خير ناصحا لاخوانك ولا تعينهم على التفرقة والشتات....
وأعلم أن السنة السيئة يؤثم فاعلها الى أن يتركها..
لو كنا نستمع ونرضخ لحديث الشلليات وحديث " أنهم يكرهرونا...فلنبتعد عنهم"، والله لكونا أكبر النوادى وأنت تعلم ذلك علم اليقين....
وعالم رب العباد بأننا قاتلنا ونقاتل بشرف كى لا تُرفع فى جاليتنا لافتة سياسية وحتى ولو كانت سفارة النظام أو للحزب الذى انتمى إليه....
ولكن أنتقل بين أخوانى وأخواتى فى مديتنا وأسمع أن من سمم أفكارهم عنا وقال أننا آتون وأبناء دارفور لكى نحول الرابطة الى منبرنا السياسى.....
والله أعلم بمن يفسد فهم الناس لغرض فى نفسه...
أبناء دارفور لهم منبرهم الخاص ولو كانوا بذات العقلية القديمة الإقصائية العنصرية ( التى تفوح من بعض أعضاء ناديكم) لما أتونا أبدا وأصبحوا أعضاء فى كيان يجمعنا بكافة مشاربنا...
ولو بذات العقلية والله لإكتسحوا كل مقاعد الرابطة فى الإنتخابات...
دعنى آنسك بسر قد يساعدك فى فهم مدى قومية أبناء دارفور فى بلد وزمن نسى فيه الكثيرون معنى القومية وخاصة حينما حصدت مروحيات النظام الغاشم أرواحهم وشردتهم .....
أهل تذكر تلك الايام أخى حسن؟؟ أين كانت القومية حينها؟؟؟
يا لنا من شعب لا يدرى معنى الجسد الواحد إذا اشتكى منه عضو تداعى له سائر الجسد بالسهر والحمى .....
والسر الذى أذيعه عليك أن التشكيلة التى إتفقنا عليها فى آخر إنتخابات كانت تشمل 3 فقط من أبناء دارفور وباقيها من كل بقاع الوطن....
مضت ثلاث أعوام والعاقل من تعلم من تجاربه...
والسلام عليك
| |
|
|
|
|
|
|
|
|
|
Re: دعوة لجميع افراد الجالية بنيويورك وضيوفهم للافطار الرابع من اغسطس (Re: حسن حماد محمد)
|
| Quote: أبناء دارفور لهم منبرهم الخاص ولو كانوا بذات العقلية القديمة الإقصائية العنصرية ( التى تفوح من بعض أعضاء ناديكم) لما أتونا أبدا وأصبحوا أعضاء فى كيان يجمعنا بكافة مشاربنا... |
ياللخو انت عندك هوس اسمو ابناء دارفور وله شنو ؟؟؟
هسع الدخل ابناء دارفور شنو فى البوست دا ؟؟؟؟؟
بافتراض اننا مؤتمر وطنى عديل ، باقيلك ياللخو المؤتمر الوطنى دا بس ضد ابناء دارفور وحدهم ؟؟؟؟
ليه يعنى ما تقول اولاد جبال النوبة مثلاُ وله اولاد النيل الازرق وله كجبار وله ايتها محل غير ابناء دارفور ؟؟؟؟
شفتا يا اسامة مرضك وصل بيك لحدى وين !!!!!!!!!!!!!!!!!
وبرضو بتقول نحن عايزين نبذر الفتنة والشقاق بين ابناء الجالية فى نيويورك
هسع باقيلك فى فتنة وشقاق اكبر من جنس كلامك البتكتبوا هنا دا وبتحاول استعداء اولاد دارفور ضد شخصى الضعيف
والله يازول بديت اشك انو بيناتنا فى اطيان وله حاجة انا ناسيها
يا اسامة اتقى الله وارجع لصوابك وبطل الهوس البتسوى فيهو دا
واعلم بأن ابناء دارفور يمكنهم ان يدافعوا عن انفسهم وليسوا بحاجة اليك
هسع من غبنك ومرضك ووهمك وهوسك مدخل ابناء دارفور هنا فى شنو ؟؟؟
اقلتا نحن مؤتمر وطنى قلنا اوكى الراجل عندو وهم اسمو المؤتمر الوطنى
قلتا حسن حماد عايز يشق الجالية عشان فطور النادى السودانى قلنا الله يسامحك
جاى بفرمالتك القديمة والنغمة التى ظللت تعزف عليها منذ ثلاثة اعوام بأننا نسعى لعزل ابناء دارفور من الرابطة
هسع وينى الانتخابات وحتى وينى الرابطة ذات نفسها عشان تتدخل ابناء دارفور فى فطور رمضان فى هذا الشهر العظيم
الموضوع يا اسامة افطار رمضان والدعوة عامة والدنيا رمضان
لو عايز تجى مرحب بيك ولو ما عايز تجى عشان دا فطور المؤتمر الوطنى حسب ظنك برضو من حقك
لكن ان تحاول وتزج بابناء دارفور فى كل صغيرة وكبيرة دا اسمو وهم ومرض شفاك الله
وكما يقول احدهم اختشى ياخى
الرد ليس المقصود منه انت يا اسامة لأنك لا امل فى الحديث معك
ولكن ربما قارئ للبوست من خارج نيويورك يعتقد بأن هناك مشكلة مع ابناء دارفور بخصوص هذا الافطار
والكلام الذى ظللت تردده هنا عن ابناء دارفور هو نفس الكلام منذ عام 2010 ، الجابو هسع الليلة شنو دا الشى البيحير
ولنا عودة لبقية ترهاتك واوهامك
وأسالك اللهم المغفرة فأنت تعلم ضعف عبدك وقلة صبره
| |
|
|
|
|
|
|
| |
حسن حماد محمد
أسامة خلف الله مصطفى
Mohamed Yassin Khalifa
أشرف محمد الباقر
فيس بوك
تويتر
انستقرام
يوتيوب
بنتيريست