|
|
|
 Re: أغاني و أغاني ... من الإبهار ... الى الانتحار (Re: جمال السنوسي)
|
قدور خلاص كمل حكاياتو و ما فضل عندو جديد يقدمو
لو كان فكر فى فكرة برنامج اخر لكان افضل له و للمشاهدين
و بالمناسبة فان فترة وجود قدور فى المشهد الفنى فى السودان لا تتجاوز 12 عاما بين 58 و 70
حيث انه هاجر نهائيا لمصر فى عام 70
و ما اظن فترة محدودة زى دى محتاجة لبرنامج بستمر شهريا لسبع سنوات
| |
 
|
|
|
|
|
|
|
|
Re: أغاني و أغاني ... من الإبهار ... الى الانتحار (Re: عوض محمد احمد)
|
واحد صاحبنا أخوهو ماشي المدرسة هدومو جوة الأوضة مالقو مفتاح الطبلة بتاعت الأوضة
أبوهو قرر يكسرو الطبلة
كسرو الطبلة والود لبس مشى المدرسة
جا راجع من المدرسة لفى أبوهو ماسك الزردية ويعافر في الطبلة
قال ليهو يا أبوي ما بتصلح
الأبو عايم ليهو وواصل في شغلو
الولد مرق الشارع وجا راجع لقى أبوهو كسر الزردية
قال ليهو يا أبوي ما قلت ليك ما بتصلح
قال ليهو عارف ياخ لكن أكمل بومي ده بشنو
أها دي الباقية على السر قدور أسه
يكمل باقي عمرو ده بشنو؟
| |
|
|
|
|
|
|
|
|
|
Re: أغاني و أغاني ... من الإبهار ... الى الانتحار (Re: جمال السنوسي)
|
حاليا بقى مافي موضوع أصلا
البرنامج في بدايتو تناول حاجات مهمه جدا اكترها كان غايب عن المشاهد العادي
اقصد ما يتعلق بقصص بعض الأغاني ومناسبات كتابتها أو تلحينها أو اداءها
التوثيق لحياة الرعيل الأول من المبدعين سواء أن كان توثيقا ممنهجا أو كان توثيقا
يتم زيادته بعدة لترات من الماء لزوم التسبيك .
الآن أصبح مافي جديد , مافي مواضيع يتناولها أو يتكلم فيها , بكون عاوز يملأ النص ساعه دي
وخلاص , يملاها بأي شئ والسلام .
لكن خليني اختلف معاك في الشاب الجديد فضل ياخ الشاب دا عندو حضور ولاحظ لطريقة الأداء عندو
والزمن , حتلقاهو أفضل من شريف الفحيل ميه مرة .
تحياتي يا جمال ياخ ورمضان كريم
| |
|
|
|
|
|
|
|
 Re: أغاني و أغاني ... من الإبهار ... الى الانتحار (Re: جمال السنوسي)
|
سلامات يا جمال وضيوفه ورمضانكم مبارك وكريم..
قبل عدة سنوات كدا ُسئل الفنان عز الدين أحمد المصطفى فى لقاء تلفزيونى معه
عن أسباب عدم وجودإنتاج فنى جديد وجيد ويمكن أن نتخطى به عقدة الدوران حول أنفسنا
وإعادة إنتاج وتكرار ثم إعادة إنتاج التكرار نفسه بصورة تدعوك للدهشة,,
لاحظ أن الكلام دا قبل سنوات عديدة !!! فكانت إجابته بكل هدوء أن مقومات الإبداع
ومعين الفن الجيد الهادف قد نضب عندنا وعندما سأله المذيع عن السبب,,
لم يجد الرجل غير أن يبتسم وقرب يقول ليهو يعنى ما عارف!!!
إذا إنتو أصلا رضيتو بقصة إنو الأغنية يعاد إنتاجها ومنتجتها ومنتشتها سنويا,,
الزعل فى شنو..
أغانى أغانى دا بعد ما الجماعة ديل يخلصوا تفتشو صوت بس وتطلع منو حبة الغنا
السمح والباقى تعمل Sift Delete.
المصيبة أن القناة نفسها اصبحت فى حوجة ماسة لمن يأخذ بيدها ويخرجها من عالم زين الجميل العايشة فيهو دا
ويتعلموا أن يغيروا أفكارهم عن الإنتاج والبث والمواد وطريقة التقديم ..
هذه المداخلة برعاية رز الوابل وعدس أبوالفاضل..
تحياتى
| |
|
|
|
|
|
|
|
|
|
Re: أغاني و أغاني ... من الإبهار ... الى الانتحار (Re: أيمن الطيب)
|
التحية والتقدير لكل المتداخلين
وكل عام والجميع بألف خير ..
ورمضان كريم ..
وتصوموا وتفطروا على خير ..
أولا أعجبنى العنوان ( أغانى وأغانى .. من الابهار .. الى الانتحار )
ثانيا وجدت كل المتداخلين يتحدثون عن أنهيار وإفلاس البرنامج ..
ولم يتطرقوا الى الاعلانات والتى يجلبها هذا البرنامج ..
أنظر بعد كل أغنية واغنية يكون هناك فاصلا للاعلانات والتى تستمر مايقارب النصف ساعة تقريبا !!
فهذا هو مضمون البرنامج ..
ويحرق المشاهد ..
وتولع فيه نار !!
ماخصانا !!
فالمفروض يكون مسمى البرنامج ( إعلانات وأغانى )
بدلا من أغانى وأغانى !!!
وهكذا دواليك ..
شكرا أخى جمال السنوسى ..
وكل سنه وأنت طيب ..
فتكم بعافيه يا الحبان ..
تاج السر
| |
|
|
|
|
|
|
|
|
|
Re: أغاني و أغاني ... من الإبهار ... الى الانتحار (Re: أيمن الطيب)
|
Quote:
القناة نفسها اصبحت فى حوجة ماسة لمن يأخذ بيدها ويخرجها من عالم زين الجميل العايشة فيهو دا
ويتعلموا أن يغيروا أفكارهم عن الإنتاج والبث والمواد وطريقة التقديم ..
هذه المداخلة برعاية رز الوابل وعدس أبوالفاضل..
|
عزيزي ايمن
ليس هناك اي افكار ابداعية في القناة
القناة بقت زي مسرح الجمعية الادبية زمان
شايلين كميراتهم ويصورو ما يعده ويخرجه الناس
هم ليهم حق التقديم والتصوير بس
وفرصة يملو بيها زمن البث
تخريج الروضة
تخريج الاساس
تخريج الثانوي
تخريج الجامعة
يعني قناة النيل الازرق تصورك من المهد إلى اللحد
وبعدين باق البرامج
تصوير حفلات
ومناسبات
واسماء البرامج الترفيهية كلها مناسبات
مشاوير
افراح افراح
حقو يسموها
قناة النيل الازرق للمناسبات
برعاية سيد اللبن
| |
|
|
|
|
|
|
| |
جمال السنوسي
الرفاعي عبدالعاطي حجر
البشير دفع الله
أيمن الطيب
تاج السر محمد حامد
فيس بوك
تويتر
انستقرام
يوتيوب
بنتيريست