|
Re: Arab(Sudanese) reporter gets surprise kiss (Re: امجد البصيرى)
|
Quote: هذا الصديق فراس طنون من السودان وعمل فى مجال الاعلام الرياضى لفتره طويل مراسلا للعديد من الصحف الرياضيه كما عمل فى جريدة سوكر واحدى قنوات الاف ام المتخصصه فى الرياضة |
شكراً يا أمجد للتعريف بالرجل غايتو البوسة دي بتكون شهرتو شهرة مبااااالغة ألذ حاجة قال: اللهم إني صائم وارتبك ارتباك شديد
| |
|
|
|
|
|
|
Re: Arab(Sudanese) reporter gets surprise kiss (Re: امجد البصيرى)
|
ههههههههههههههههه عارف يا أمجد
زمان الحكومة مهوووووسه بالبوسنة والهرسك ديك طلعوا كل العاملين مظاهرة تضامنية تضامنا مع ناس البوسنه والهرسك الزمن داك المجاهدين قالوا الا يمشوا البوسنة والهرسك اها في السوق العربي سمعهم عمكـ عجوز كدا سمعو طشاش طشاش وقام قال ليهم : يا أولادي انتوا البوس والهرس دا براكم كدا ما تسوقونا معاكم ياخ
| |
|
|
|
|
|
|
Re: Arab(Sudanese) reporter gets surprise kiss (Re: الامين موسى البشاري)
|
الزول ده يا اللمين كان أصلاً بيـ تأ تأ ... أها جات البوسة وتمتا ليهو!
رمضان فعلاً كريم.. !
____________
زمان في مطار مالطة - في رمضان - ونحنا بنودع في أختاً لينا من البوسنة ماشا تتعالج إلا تخلعني ببوسة وأنا مع اللخمة نطيت.. النطا صلحت البوسة وإستعدلتا وجابتا في خط ستة!
وكان معانا قسيس (رائع) كان عارفني صايم.. سألتو قال لي إعتبرها جرعة ناسي وتم صيامك!
| |
|
|
|
|
|
|
Re: Arab(Sudanese) reporter gets surprise kiss (Re: Mohamed Yassin Khalifa)
|
الامين البشاري وضيوفه سلام
بلاهي أسع لو أنعكست الصورة وولدنا دا هو المعتدي لكن الموضوع أخذ مراحل ثانية ، دا في القانون بيعتبر تحرش والله صحي . غايتوا الاوربيين ديل علمونا حقهم ما بيخلوهوا وحقك ما تتنازل منو أسع ولدنا دا براحه كدة كان مفترض ينزل ليك محامي وأضرار نفسية وماعارف شنو ويخلي ليك البنت دي تشرب ما تروي
اللهم أني صائم أصلوا بنات حواء هن بنات حواء تبوسك فجأءة يكون أعجاب تبوسا فجعتة(زي مفاجأت مهند لشباك الخصم ) يكون تحرش ومحاولة أغتصاب لينا الله نلقاها من بنات حواء ولا من الضرائب
| |
|
|
|
|
|
|
Re: Arab(Sudanese) reporter gets surprise kiss (Re: محمد طاهر تكنه)
|
Quote: زمان في مطار مالطة - في رمضان - ونحنا بنودع في أختاً لينا من البوسنة ماشا تتعالج إلا تخلعني ببوسة وأنا مع اللخمة نطيت.. النطا صلحت البوسة وإستعدلتا وجابتا في خط ستة!
وكان معانا قسيس (رائع) كان عارفني صايم.. سألتو قال لي إعتبرها جرعة ناسي وتم صيامك! |
يا محمد خليفة ... ياخوي فتوة شنو البشيلة من قسيس كمان ... قسيس دا ازن ليك في مالطا
الهم اني صائم(:
| |
|
|
|
|
|
|
Re: Arab(Sudanese) reporter gets surprise kiss (Re: محمد عبد الماجد الصايم)
|
Quote: والله يا محمد ياسين خليفة بالغت! (مالطا) و(بوسة في خط ستة) .. وصايم!!! |
غايتو بجنس صيامهم دا يا دوب بكونوا جابو ال (Pass) الله يعظم أجرنا ياخ .. ..
__ زمن الفرع فيها مصريين داك قاموا الجماعة عزموا ليهم استاذ مصري على الفطور في رمضان ووقت الفطور الجماعة فرشوا البروش والحصاير في الشارع ولامن الاذان قال الله اكبر الجماعة لموا في الفطور ، وطبعا الفطور كان قراريص ولقمة وكسرة .... الخ المصري ما قدر ياكل حاجة معاهم وشرب عصاير بس واكلها في حنانو بعد الصلاة الجماعة بدعوا في الله : ربنا يتقبل مننا الصيام والقيام المصري قام عاين ليهم كدا وقال: دا مفروض يتعذر لكم مش يتقبل بس قراريص وعصايد وكمان ما يقبلش
| |
|
|
|
|
|
|
Re: Arab(Sudanese) reporter gets surprise kiss (Re: مازن فيصل هلال)
|
والله يا اللمين، وكـ مجرب، أقدر أقول ليك أنا حاسي بحالة صاحبنا ده! وكان ما أخاف من الكضب.. ممكن أقول ليك أنا حاسي بحالتك إنتا ذاتك
__________________
مازن: مالطة دي قدر مدني وفيها ألف كنيسة.. صاحبنا المونسنيور كالية قسيس فاهم في الدين وتعرف مرات كتيرة بشك إنو هو كوز لابس اللياقة البيضاء فوق القميص الأسود ساكت!
__________________
ود الصايم: أنا والله والله والله أذنتا في مالطة... ويا أخي الله يكفينا شر الكيزان والشيوعية وحاتك اليوم داك كنتا صايم... وفطرتا في الجامع الوحيد الكان عندنا والبناهو القذافي!
البوسنية دي مسلمة وتصور كانت ماشا تشيل ورم ضخم من راسها كان مصدعها ومانعا الشم والبكاء..
| |
|
|
|
|
|
|
Re: Arab(Sudanese) reporter gets surprise kiss (Re: الامين موسى البشاري)
|
Quote: هذا الصديق فراس طنون من السودان وعمل فى مجال الاعلام الرياضى لفتره طويل مراسلا للعديد من الصحف الرياضيه كما عمل فى جريدة سوكر واحدى قنوات الاف ام المتخصصه فى الرياضة |
الغالي / الامين البشاري و المتداخلين
كما ذكر امجد فى التعليق اعلاه اضيف عليه الباشمهندس فراس طنون شاب يشار له بالبنان بجانب الهندسة شق طريقة فى الاعلام الرياضى بعصامية يحسد عليها .. طيلة فترة الدراسة كان اخ كريم و صديق صدوق بالاضافة الي مهارته فى قيادة و تدريب فريق دفعتنا لكرة القدم -وقتها برالمة -جعلته اول طالب يشارك فى المكتب الرياضى للكلية
و اللهم اني صائم!!!!
مودتي ...
| |
|
|
|
|
|
|
Re: Arab(Sudanese) reporter gets surprise kiss (Re: وضاحة)
|
Quote: صراحة الولد حليو ويستاهل يستاهل |
كااااااااااااااااااااااك
غايتو دي شهادة رهيبة يا وضاحة شايف دينا خالد بهناكـ في بوست مشابه برضو فراس طنون قد شقفها والله صحي ولا عزاء للشينين ياخ .. ..
__ شكراً على التهنئة وعقبالك يا رب
| |
|
|
|
|
|
|
Re: Arab(Sudanese) reporter gets surprise kiss (Re: مازن عادل النور)
|
Quote: كما ذكر امجد فى التعليق اعلاه اضيف عليه الباشمهندس فراس طنون شاب يشار له بالبنان بجانب الهندسة شق طريقة فى الاعلام الرياضى بعصامية يحسد عليها .. طيلة فترة الدراسة كان اخ كريم و صديق صدوق بالاضافة الي مهارته فى قيادة و تدريب فريق دفعتنا لكرة القدم -وقتها برالمة -جعلته اول طالب يشارك فى المكتب الرياضى للكلية
|
مازن عادل
وعليكم السلام ... والتحية لولدنا فراس طنون اكيد هي شهادة يعتز بها والا لما وصل لما وصل اليه فراس الآن شكراً للتعريف بفراس واعطائه حقه
تحياتي
| |
|
|
|
|
|
|
|