|
|
|
 Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: محمد النيل)
|
يا جماعة انا نزلت اغنية للمبدعة فهيمة
مشت وين يعنى؟؟؟
المهم بحاول انزلها تانى
لكن قبل كدا هل تتفقون معى على كلامى انو صوت فهيمة دا ما عادى ؟؟
لو وجدت الرعاية السليمة والاعمال الخاصة الجيدة ناس عاشة الفلاتية ح يتجهجوا
طبعا مع تقديرنا الكبير للعملاقة عائشة الفلاتية
لكن هو عائشة بس الح تتجهجه ؟؟
نعم وردى خلدته اعماله خاصة الوطنية والالحان الجميلة وكلمات الشعراء الرائعة وصوت وردى طبعا.
لكن فهيمة دى صوتها اجمل من صوت وردى
معليش ما تزعلوا
انا وردى فنانى المفضل واحفظ له العديد من الاغانى وهو مكون وجدانى الموسيقى والذى منه وكدا يعنى
لكن فهيمة دى ح تكون وردى المستقبل وخليل فرح الاجيال القادمة
لكن على شرط ان لقت اعمال لا تقل عن اعمال وردى فستكون ام كلثوم السودان
حاليا هى تمتلك الصوت والى متى ستغنى اغانى الاخرين ؟؟؟
بس فى إنتظارالاعمال التى ستخلدها لتحقق ما قصدته فى عنوان البوست
....
| |
 
|
|
|
|
|
|
|
|
Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: Emad Mohamed)
|
غايتو يا موصلي لو ح تجيب المقارنة عافية حسن فمفروض طوالي تنصبوني عمييد لي فهم الفن السوداني لأنو انا بعتبر روحي من اوائل لو ما أول زول اتكلم عن هذا الصوت والاداء العقبري اللي راح شمار في مرقة بسبب قلة خبرة البت عافية ..
لكن فهيمة دي كييسا فاضي ..متلبسة صوت الرائعة الاستاذة حنان النيل لكن غالبا تلمو صاح,,
انا جننني وجن الصوت الرتيب الما فيهو مساحات بتاعت ابداع وطريقتو واحدة وما بيفاجئك وانت بتسمع فيهو ..
ياخ عافية دي وانت بتسمع فيها ممكن تخلعك بي آآهة كده في النص أو جرررة كده تغنيك عن سماع باقي الاغنية ..
| |
|
|
|
|
|
|
|
|
Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: عمر الفاروق)
|
| Quote: لكن فهيمة دي كييسا فاضي ..متلبسة صوت الرائعة الاستاذة حنان النيل |
أخونا عمر فاروق .. سلام .. ورمضان كريم ...
ياخي إنت جادي في حتة إنو فهيمة متلبسة صوت حنان النيل ؟!
يا حبيب وين وجه الشبه بين الصوتين أو وجه الشبه في طريقة الأداء بين الفنانتين ...
ما عارف غايتو ذكرتني ضربة الجزاء لمّا يشوتها الباك بجي جاري ويشوت شوتو محل تجي تجي ... 
دمت بود ياخ ،،،
| |
|
|
|
|
|
|
|
|
|
Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: عمر الفاروق)
|
انا البهمني في البوست دا كفارة اخونا محمد النيل لقسمه اعلاه
اقتباس
• كفارة اليمين :
يخير من لزمته كفارة يمين بين:
1- إطعام عشرة مساكين نصف صاع من قوت البلد .
2- كسوة عشرة مساكين ما يُجزئ في الصلاة.
3- عتق رقبة مؤمنة.
وهو مخير في هذه الثلاثة السابقة، فإن لم يجد صام ثلاثة أيام، ولا يجوز الصيام إلا عند العجز عن الثلاثة السابقة.
و يجوز تقديم الكفارة على الحنث، ويجوز تأخيرها عنه، فإن قدمها كانت محللة لليمين، وإن أخرها كانت مكفرة له.
قال الله تعالى في بيان كفارة اليمين: " لا يُؤَاخِذُكُمْ اللَّهُ بِاللَّغْوِ فِي أَيْمَانِكُمْ وَلَكِنْ يُؤَاخِذُكُمْ بِمَا عَقَّدْتُمْ الأَيْمَانَ
فَكَفَّارَتُهُ إِطْعَامُ عَشَرَةِ مَسَاكِينَ مِنْ أَوْسَطِ مَا تُطْعِمُونَ أَهْلِيكُمْ أَوْ كِسْوَتُهُمْ أَوْ تَحْرِيرُ رَقَبَةٍ فَمَنْ لَمْ يَجِدْ
فَصِيَامُ ثَلاثَةِ أَيَّامٍ ذَلِكَ كَفَّارَةُ أَيْمَانِكُمْ إِذَا حَلَفْتُمْ وَاحْفَظُوا أَيْمَانَكُمْ كَذَلِكَ يُبَيِّنُ اللَّهُ لَكُمْ آيَاتِهِ لَعَلَّكُمْ تَشْكُرُونَ "
| |
|
|
|
|
|
|
|
|
|
Re: اجمل صوت سودانى من لدن خليل فرح وحتى عهد فهيمة هو صوت فهيمة نفسه (Re: omar altom)
|
Quote: نعم وردى خلدته اعماله خاصة الوطنية والالحان الجميلة وكلمات الشعراء الرائعة وصوت وردى طبعا.
لكن فهيمة دى صوتها اجمل من صوت وردى |
استغفر الله العظيم:)
يا زول انت ماصائم؟
وبعد ما تقضي كفارة اساسي وعمر الفاروق لازم تحلق صلعة وتخلي قُصة ورا
عشان نحن البنقابلك كل يوم نعرف انك ندمان:)
-----------------
ياخي اقول ليك حاجة رجّع ليّ عُودي:)
| |
|
|
|
|
|
|
| |
محمد النيل
Yasier Elsayed
ترهاقا
عزام حسن فرح
Elmosley
Emad Mohamed
عمر الفاروق
نعمات حمود
Zomrawi Alweli
Ashraf el-Halabi
Hani Arabi Mohamed
عماد شمت
omar altom
حسين نوباتيا
فيس بوك
تويتر
انستقرام
يوتيوب
بنتيريست