|
|
|
 Re: المعرض افردي الاول لشهد وليد محمد المبارك (Re: وليد محمد المبارك)
|
ياخ بالجد الواحد بقى منتظر جديد
الشابة دي و جديد الشاب التاني
ماشاء الله عليها وفعلاً شكلها
ماشه على التصميم .
بالتوفيق يا شهد.
ـــــــــــــــــــ
أنت يا ولي الشباب ديل الفن دا
جابوهو من وين؟؟!
حسب اقوال ناس(خلي و محمد البشرى)
أت كورتك ما على قدر كدا و سمعك
في الغناء زي عمر الفاروووغ!
| |
  
|
|
|
|
|
|
|
|
Re: المعرض افردي الاول لشهد وليد محمد المبارك (Re: حبيب نورة)
|
حبيب نورا يا حاقد
وانت مالك ومال البنات وخروجهم من الميتين
انت خليك في زواجك غير الشرعي بالكتابة
خليك من بنياتك الاتنين ( الحب من طرف تالت ، والتانية ديك الابيت تديني ليها )
شن عرفك بالبنات وتربيتن وببقون فنانات كيف ؟
__________
كيفك يا حبة
ياخ نسختي المسوفنرة وينها
| |
|
|
|
|
|
|
|
|
 Re: المعرض افردي الاول لشهد وليد محمد المبارك (Re: Khalid Kodi)
|
...
رمضان كريم وليد وزوار البوست ..
برنامج الرسام؟
ما شاء الله ، الرسام برنامج صعب التحكم فيه وكونوا ترسم بيهو اشكال جميلة ودقيقة زي دي فواضح انو عندها موهبة فطرية كبيرة .. ربنا يحفظها ..
ممكن تحاول تخليها ترسم على برامج تانية بامكانيات اكبر .. واكيد النتائج حتكون ممتازة ..
...
اقترح ليك تخليها تتمرن على الموقع دا :
http://www.onemotion.com/flash/sketch-paint/
عبارة عن برنامج بسيط وجميل للرسم اونلاين .. والكويس فيهو انو رسوماتو بتحاكي الرسم الواقعي .. . موقع ممتاز فعلاً
....
بالتوفيق
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: وائل فحل)
|
وووووووووووووو يا وليد
البت دى عندها الوان مبااااالغة انا غايو الوانها ريحتنى نفسيا
بعد كدا ح اقفل الحته دى كلها وامرق ...
ذوقا رفيع وفنانه وابعادها بتاعت زول كبييير ما جبدتها بالبشيته ...
انا طبعا برسم ...
بس ماعندى جراة اجيبو هنا .. فى الرسم يعنى !
ـــــــــــــــــــــــــــــــــــــــــــــــ
كنت متوقعنا نقول شنو غير كدا ؟؟؟
مش بنعرف ابوها وزميلنا فى البورد وكدا !!!
هسه ننقد كيف ؟؟؟ ولا انت جايبو للشكر يعنى ؟
لانو حسب نظريتك لو فى منتوج لى اولاد ابواتهم معانا هنا
مافى زول بقدر يفصح ... الموضوع ببقى محض مجاملات ... مش؟
ــــــــــــــــــــــــــــــــــــــــــــــ
الدرس التانى
انو اى منتج فنى او ادبى بتعاين ليهو وبتقيمو وظروف
منتجو اى صاحبو كلها فى الحسبان ...
صغير ولا كبير ... نوعو .. معاق ام سليم ... مسجون ولا حر ...
بيئتو ... علاقتو بى ثقافة المنتج ... ووووووالخ
اى انتاج بنعاين ليه ما بمعزل عن الزول الانتجو يعنى الاجانب
لما يغنو غنانا اكيد ما بكون سليم من ناحية تجريديه .. لكن التجربة ذاتها
ممكن تكون مثيرة ومدهشة للمتلقى السودانى ...
فى عوامل كتيرة انت بتراعيها او بتحكم دهشتك بالعمل غير المعيار الصارم
لما يجب ان يكون عليه المنتج بميزان الفن ...
وعلى راسها وبالتاكيد السن فى ذى الحاله بتاعة بتنا شهد ...
ـــــــــــــــــــــــــــــ
برضو لاحظت انو بتك دى جنها عروسات .. دينا خالد بس
وما بترسم اولاد لييه ؟.. الحقها عشان ما تكبر بى التمييز دا فى راسها
الفن لا يعرف الهوس ... ولا راسمه اولاد لكن انت دسيتم ؟؟
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: دينا خالد)
|
الجماعة الفوق خلونا نرد على دينا
عشان ما تسرح ساااااااااااااااي
بالنسبة لي شهد
البت رسامه .. اكتر من غنا البنات الجبتيهن
دي حقيقة
________________
بالنسبة درسك الاول
في ناس قالو غير كده
شكرو البنية ودرشو ابوها
راجعي مداخلة كودي
بصورة جادة
صحيح النقد مطلوب لكنه ما اساسي لموضوع شهد ده
يعني الغرض الرئيسي ما تقييم تجربتها .. لانو شهد لسع بنوته صغيرونه
البوست ده نوع من انواع التشجيع ليها
يعني ممارسة لدوري كابو ..
طبعا ده كلام ناس كبار.. لسع بدري عليك :-)
عشان تأمني بس
وما تتصوري هي متابعة البوست ده كيفن
وفرحانه بيه كيف
ده شيتن ما بنطبق على شغل البنيات داك
ديك بنات بتتقيم تجربتهم على اساس انها .. هل هي اضافة لمجموع الثقافة .. ولا تجربة هامشية بتضيف لي سيدها بس والناس الحولو
فهمتي يالغبيانة
ولا كلامك الفي درسك التاني كاتباه من كراسك ؟
__________
درسك التاني فشنك
لو بتزاكري في بوستيك بهناك ستجدي ردي على شغل البنات هنا
((وبعدها توووش قول لينا رايك فى التجربة دى ... )
اقولوا ليك قبل الصلاة
بالنسبة لي ناس عاشين اغلب وكتهم بره السودان فهي تجربة ممتازة وعظيمة للحفاظ على الروابط مع الدولة الام
بالنسبة للبنات نفسهن فجيد جدا لكنهن محتاجات شغل
بالنسبة للسودان وحفظ التراث السوداني .. ضعيفة جدا التجربة ... ويفضل ان كان الغرض هو حفظ التراث السوداني بصورة احترافية اختيار عناصر افضل ولديها امكانيات اكبر لعمل مثل هذا
القيمة الادبية للعمل اكبر من القيمة الفنية
والمجهود مقدر ))))
يعني الكلام الكتير عن مراعات كاتب الشغلانة وبئتو والذي منو
انا قلتها ليك
ولختصها ليك في انو الموضوع الجبتيه ده قيمتو الادبية اكبر من قيمتو الفنيه
لكن يسو ليك شنو
الا يسقوك الفهم بالشرقرق
________________
والله ملاحظتك بتاعت انها راسمه عروسات دي مهمة
يبدو انو البت دي عاوز ليها ممتابعة
ما تقوم تجها عقد ومركب نقص زي ناس كده
:-)
يسعد يومك ياخ
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: Khalid Kodi)
|
خالد كودي
اهلنا قالوا الما بعرفك يجهلك ..
ونهايتو يا فنان .. لو رسمت ليها زول عريان بقطع يدها
جيتك من الاخر موش :-)
بعدين منو القال ليك انا ما عاوزها تتمرد ؟!
هي اساسا متمرده .. نحن ذاتنا عاوزن نغير الصورة الختيتوها انتو للفنان والفن بانو زول دايش ومطلوق سااااااااااااااااي
انت قايل شنو ؟
سيدنا محمد صلى الله عليه وسلم ذاتو كان متمرد
شفت كيف ؟ واكيد فهمتني
بالنسبة للقروش .. يا حبيبنا .. بتجي السودان .. وبعزمك فطور ولا غدا عندنا في البيت .. وبوريك نحن عايشين كيف بقروش شوية عيشة 100% وبتعجبك
اخر شي
انت تحديدا مداخلتك ذات معني ( بالنسبة للبت والبوست )
ووزنت ليها منافستها مع اخوها لانو فاضلابي شال رسمة من رسماتو وختاها صورة لبروفايلو
فالشغلانة دي كانت معقداها
اها انا قلت يها الزول الاسمو خالد كودي ده فنان اكبر من فاضلابي ومشهور اكتر منو
وهسع هي قاشرة على اخوها انو في فنان اكبر من حقو جا وقال ليها انت رسامة
يديك العافية
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: وليد محمد المبارك)
|
ولي يا ولي ازيك يا رجل ؟
ما شاء الله شهد عندها موهبة حقيقة ...
المفروض الراتب كلو يمشي على موهبتها دي وانتو اقعدوا ادعوا زي ما قال ليكم البشير:)
تعرف الرسام دا انا عشان اعمل ديقرام بتاع مفتاح النور اخد مني قريب نص ساعة وفي النهاية ما قدرت عليهو
عشان كدا انا متكفل اسرق ليها احدث برامج بتاع رسم من الاستوديو بتاع كودي واجيبو ليها معاي في زيارتي الجاية
للسودان..
تحياتي ليها ولبقية افراد الاسرة..
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: محمد عبد الماجد الصايم)
|
ما شاء الله تبارك الله.. والكلام ما مجاملة ابدا يا وليد
لاحظ لي عقود الرسمات الأولى دي... شهد ما شاء الله استخدمت اللون الأصفر عشان تبرز لمعان العقود بصورة جميلة شديد
طبعا برنامج الرسّام فيه خاصة الzoom، بتخلي الواحد يشتغل pixel by pixel، ويحدد لونها.. وبعداك لما يكّبر الصورة يظهر كل نقطة من النقاط دي في الرسمة النهائية... مروان اخوي كان بطلع منّه حاجات تتحيّر لو شفتها...
شوف الرسمه دي مثلا معموله بنفس البرنامج
الفيديو ده خطير شديد، وبهديه لشهد، الله يحفظها.. وتحياتي لوالدتها...
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: محمد عبد الماجد الصايم)
|
حنكك كلو الفوق دا بيش !
لكن طالما شهد متابعة البوست دا
رفعنا يدنا منو الا من دعمها ونقول انو الرسومات
يا شهد حلوه شديد ....
بس نتفق انو الامتاع ذى ما ممكن يجى من الفن ذاتو
كابداع ... ممكن برضو تجى الدهشة ومنتهى الابداع من المفارقة
بين المبدع وابداعه ...
ــــــــــــــــــــــــــــ
| Quote: وبوريك نحن عايشين كيف بقروش شوية عيشة 100% وبتعجبك |
يعنى تقصد تقول ليهو ماهيتى ما كبيرة علا مسيفيييييد !
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: Tumadir)
|
نستأذن نرد على تماضر
والله تماضر دي انا بريدها لي الله .. ساااااااااااااااي كده بس
فاذنو لي
مرحب استاذة تماضر
وكيف حالكم في تلك المدة الطويلة ؟
وشكرا على الدعم
(بس خليها تلتزم بالفن السوداني الأصيل وما تشوه التراث ...وما تلمس حاجة تكسرها ...هههه)
حاااااااااااااضر
هاهاهاهاهاهاهاهاهاهاهاهاهاهاهاها
وحقيقي اسعدتني مداخلتك
| |
|
|
|
|
|
|
|
|
|
Re: المعرض افردي الاول لشهد وليد محمد المبارك (Re: khaleel)
|
ابو الخل يا صاحب
اخبارك ياخ
مدارس الموهوبين شغلها للمتميزين اكاديميا ما للمتميزين فنيا
هي متميزة اكاديميا جدا
لكن بصراحة فكرة مدارس الموهوبين دي انا عندي فيها رائ
ما ينفع تعزل ناس زي ديل من المحيط وتختهم في بيئة خاصة بيهم
حا تنتج ليك عباقرة نعم لكن مشوهين اجتماعيا خصوصا لو عزلتهم في العمر المتقدم ده
ده رائي غايتو
بالنسبة للموضوع التاني
ما بتقصر بتاتا يا صاحب
انا متاكد
| |
|
|
|
|
|
|
| |
وليد محمد المبارك
سفيان بشير نابرى
abas
Hani Arabi Mohamed
عصام علي أحمد
معتصم دفع الله
الشفيع وراق عبد الرحمن
osman righeem
احمد الأمين على إدريس
مازن الجمّال
سارة علي
العوض المسلمي
ناصر البطل
lana mahdi
haroon diyab
عاطف عمر
محمد المسلمي
حبيب نورة
mohmed khalail
الامين موسى البشاري
سلمى الشيخ سلامة
Khalid Kodi
ولياب
دينا خالد
سيف بخيت موسي
اساسي
حسين نوباتيا
طارق جبريل
محمد عبد الماجد الصايم
مريم بنت الحسين
Tumadir
ضحيه ابراهيم
khaleel
عمر الفاروق
MOHAMED EL-BEELI
ismeil abbas
خالد عبد الحليم سعيد
فيس بوك
تويتر
انستقرام
يوتيوب
بنتيريست