|
|
|
 Re: إفطـار بورداب الريـاض السنوي.. الجمعـة 15 رمضـان (Re: صديق الموج)
|
Quote: ابو حسين مادام سامية مسافرة ومافى كمونيه حضورك غير مرغوب فيه لو تكرمت
الناس ديل كلهم مجمعين على كده وقالو لى كلم ابوحسين انت عشان ودعمك
المعنى ما قادرين يقولو ليك ، ايمن رايك شنو؟؟ |
تصدق و تآمن كنت عايز أقول ليك وجودك زي عدمو ........
لكن إتذكرت ما عندنا زول إغسل العدة ..؟؟
علشان كدا وجودك مهم ...
| |
 
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ABUHUSSEIN)
|
Quote: تصدق و تآمن كنت عايز أقول ليك وجودك زي عدمو ........
لكن إتذكرت ما عندنا زول إغسل العدة ..؟؟
علشان كدا وجودك مهم ... |
ساميه حامد عشان مساخة الزول ده
تمشى و تجى بالسلامه واجازة سعيدة بعد تجى راجعه بنقضى
ليك اليوم ده تانى ونعمل ليك افطار رمضانى مخسوس بس بالله
يا تعالى باللموزين يا اتصلى يجوك خمسين عربية و الف سواق
ايمن خلى كل الاعضاء يكلمو الزول ده انا ما بسمع كلامى لووووول،،،
| |
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ABUHUSSEIN)
|
Quote: ساميه حامد عشان مساخة الزول ده
تمشى و تجى بالسلامه واجازة سعيدة بعد تجى راجعه بنقضى
ليك اليوم ده تانى ونعمل ليك افطار رمضانى مخسوس بس بالله
يا تعالى باللموزين يا اتصلى يجوك خمسين عربية و الف سواق
ايمن خلى كل الاعضاء يكلمو الزول ده انا ما بسمع كلامى لووووول،،، |
إتصل على مصطفى شحرفان و قال لي قول لي صديق الموج ما تجينا بي بلوزة المدام زي المرة الفاتت..!!
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ABUHUSSEIN)
|
Quote: مشكلة والله
مشكلة كبيرة جدا!
أبو حسين وعمران وود الباوقة عزابة!! |
ود الصايم ...... رمضان كريم
انت بالتلفون قلت لى شنو؟
انا عارفك قاصد الاول ..
الاخوان الاتنين ديل دخلتهم ساكت،،،
بالجنبة:
سامية حامد مافى امكانية يسافر الزول ده وانتو تلحقوه ؟ لانو طول من اهله
يعنى اقلبوها بس...مجرد إقتراح......
عمران معاى انت؟؟
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: humida)
|
Quote: و الله لا بأس الواحد يجي ينكد عليكم شوية ..
اصلو ناس جناح بعوضة ديل بقوا يحدروا وا لينا في الضلام ..
يا حليل فطور بورداب الرياض الكانوا بطبعوا ليهو كروت .. هسع بقى نزهة مع صديق لها في الجامعة .. او كما قال ..
|
حسي يطلع ليكـ زول مننا ويرمي طوبتكـ ويسمِعَكـ الكلام الشين تبدأ تقول العداوة لزومه شنو ؟
ياخي والله بديت أشكـ في قواكـ العقلية
إنت يا زول مالكـ ؟
بالمناسبة أنا - عمران ده - تابعت بوستين الإعتذار وقريت كلام ما عجبني من زيد وعبيد - حتى لو كان صحيحاً
باعتبار نَفَسكـ الطالع ونازل معانا في بورداب الرياض ، لكن يا محمد عبد القادر مُصِر إنكـ تكون زول نشاز وتبحث عن العداء
أقول ليكـ حاجة : اتمنى يكون عندنا لمات زي دي كل اسبوع
بس نجي نقابل فلان وفلان وناخدم بالأحضان ونضحكـ من جوة ونتخارج .
وبالمناسبة : هناكـ أفعال تتم من هذا الجسم لن تعرف عنها ما حييت لأنها أفعال لا تصدر إلا من رجال
فاحرص على مرافقة الرجال
...
حميدة :
الله يعكر مزاجكـ ياخي
__________________________
عليكـ الله ما تجي ترد عليا ، إتخارج بس 
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: أيمن دياب)
|
عمران ..
| Quote: حسي يطلع ليكـ زول مننا ويرمي طوبتكـ ويسمِعَكـ الكلام الشين تبدأ تقول العداوة لزومه شنو ؟ |
الكلام الشين سمعتو .. و قلة الادب سمعتها .. و الافتراء و الكضب سمعتها ..
ليه انت صاحبك معتصم دفع الله ما كلمك بقصة حميده الهكر الشايلا هو و قريبه و حايمين بيها من مجلس لمجلس ..
و الريس ما كلمك عن حميده البمنع في الناس انهم يحضروا احتفال داليا كباشي ..
يا عمران اذا انت زول رايح دي مشكلتك .. و اذا انت زول ما بتعرف الحق برضو دي مشكلتك ..
و طلع لي ستين زول منكم .. في مليون ايميل اجي اكبهم ليك هنا عشان تصحي من الغيبوبة بتاعتك و تعفينا من الحركات الما كويسة دي .. و الله اكعب حاجة في الدنيا الراجل المنافق الما بعرف الحق ..
يا عمران لمن تكون ما عارف حاجة حقه تقفل خشمك .. تقفله يا عمران نهائي ..
| Quote: ياخي والله بديت أشكـ في قواكـ العقلية |
و الله كويس .. انت منو و فهمك شنو في الدنيا دي عشان تقيم قوى الناس العقلية .. الحتة دي ما بمشيها ليك .. و ما مكانها البورد ..
| Quote: باعتبار نَفَسكـ الطالع ونازل معانا في بورداب الرياض ، لكن يا محمد عبد القادر مُصِر إنكـ تكون زول نشاز وتبحث عن العداء |
طالع و نازل معاك وين يا عمران .. و بورداب الرياض انت عملت ليهم شنو لمن بقيت تحدد الطالع و النازل ..
و عداء مع منو .. و نشاز دي شنو ..
يا عمران انت بديت معاي درب ما كويس .. و نهائي ما بتعفيك كونك تجيني بعدين تقول و الله انا ما كنت عارف ..
و انت البديت الغلط .. و انا بتمو ليك .. عشان اوريك العداء الجد جد ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: humida)
|
عشان ما يجي زول مرمي الله ذي عمران دا يسمعنا كلام فارغ ..
مشكلتي انا بالتحديد مع ابوجهينة .. بسبب الكذب في موضوع احتفال داليا كباشي ..
مع معتصم دفع الله .. بسبب الكذب في موضوع الهكر بتاع المنبر ..
مع اسماعيل عباس .. المحرش من الاتنين الفوق ديل ..
..
..
اي ككو تاني يطلع شدرتو .. ما داير لي كلام فارغ مع زول ..
معتصم و ابوجهينة انا ما بخليهم .. عندنا البخلي حقه زول باطل ..
وقع ليكم ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ismeil abbas)
|
حميده......
| Quote: مع اسماعيل عباس .. المحرش من الاتنين الفوق ديل .. |
دى كل مشكلتك مع إسماعيل؟؟
| Quote: و عشان ما نصرف فارغة في رمضان |
| Quote: انا جاي الفطور .. عشان افتح المواضيع دي .. راجل لراجل .. |
ما تحته خط لايتسق مع سياق الحديث.
| Quote: يا وقفنا قلة الادب الحاصلة دي .. يا بقيتو ارجل مني .. |
قلة ألأدب من من؟؟؟؟!!!!!!!!!
تعال يا حميدة وناقش مواضيعك وجميل أن يكون هناك حوار عشان تصل الناس لحاجة كويسة....أما قصة إنك تكون تسمع الكلام البجيبوهوا ليك وتحكم دى ماكوسة....وقلة ألأدب مارجاله يا حميدة ولا فى واحد بتشرف بيها.....قصر الكلام تعال وناقش حاجاتك مع التاس بتصل لنتيجة إن شاء الله..
بعد كلامك ده كلو ماعايز تصرف كلام فارغ فى رمضان!!!!!!!!!!
حميده أنا مافى شىء بخلينى أتحرش بيك من أى جهة..أنا عرفتك عن طريق هذا المنبر وبعدها فى الواقع وفى المنبر وحسب كتاباتك كنت أتجنب مداخلاتك لأسباب كثيرة أهمها أن كل ما يكتبه العضو هنا محسوب عليه ولا أود أن أنجرف فى مهاترات لاتغنى ولاتسمن من جوع. رغم إنى إستفدت من كتابات ناس كثيرة هنا ونمت علاقاتى مع ناس خارج نطاق ألأسفير والحمدالله أعتبر إنها جيدة
فى الواقع الشخص لما يلتقيك يحس بأن ليس هناك عداوة مع أى احد وعندما تكتب فى هذا المنبر تكون شخص غير, بصراحة هذه الحتة بتخلينى متردد فى أشياء كثيرة تجاهك أرجو النظر إليها بعين ألأعتبار.
أنا موضوعى معاك ما كبير..وبقول ليك أنا ما محرش من أى جهة ولما تجى إن شاء الله الفطور نشوف الموضوع ده....
لكن نصيحة منى ليك أرجو أن تتقبلهامنى كأخ أن تراجع نفسك قبل أن تتبع نفسك هواها..وألأنتصار لذاتك ما يكون على حساب علاقاتك.
وكل عام وأنت وأسرتك بكل خير..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ismeil abbas)
|
اسماعيل ..
كدي تعال نمسك كلامك دا واحدة واحدة و براوقة ما عندي مشكلة أمد ليك حبل الصبر بشرط انك تكون منصف لنفسك قبل ما تكون منصف لي ..
| Quote: دى كل مشكلتك مع إسماعيل؟؟ |
نعم دي كل مشكلتي معاك .. و اذا قلت ليك غير كدا او انه انت اسئت لي في حاجة غير دي اكون كضبت عليك ..
و طلبت منك بكل السماحة الكنا بنتقابل بيها في احتفال البورداب بالاخ القريش انك تكف عما تفعله كونه الامر لا يخصك و انك لا ناقة لك و لا جمل في الموضوع .. ووعدتني خيرا .. و لم توفي بوعدك ..
مرة تانية طلبت منك في مكالمة بيني و بينك انه تتعامل معاي بعيدا عن مشاكلي مع معتصم و ابوجهينة و رفضت هذه المرة صراحة وقلت لي انه ما أحدد ليك تتعامل كيف ..
دا الدرب الانت ارتضيتو لنفسك .. ما بقدر انا اقعد اتفرج و انت بتكتب في ردود تملأ عليك والدليل اغلب الردود بتاعت عن احداث انت ما كنت مشارك فيها و لا تعلم عنها شيئا ..
سوء الفهم العندك دا بخلي كلامنا ذي كلام الطير في الباقير .. انا بتكلم في جهة و انت ترد في جهة .. مع شحنة الحماس و انت بتصور لنفسك انك تدافع عن الحق ..
بالجد تشابه عليك البقر يا اسماعيل ..
| Quote: قصر الكلام تعال وناقش حاجاتك مع التاس بتصل لنتيجة إن شاء الله |
دا كلام بتقال في منبر عشان تجمل نفسك .. انت عارف ذي جوع بطنك في نهار رمضان دا انه انا بطلب اجتماع للجنة لي سنة ..
الاجتماع الوحيد الدعيت ليهو كان من طرف الاخ طارق نقد ..
بقية الاجتماعات ما دعوني لسببين .. يا اما انك انت البتكون دعيت الناس .. و ما بتكلمني .. (انت يكون في مبرر و انا عضو لجنة اقدم منك) .. و اما يكون معتصم دفع شالني من الايميلات التي ذكر بنفسه حرفيا انه ما لي حق اشوف ايميلات اللجنة ..
الاجتماع الوحيد دا .. حضر جميع اعضاء اللجنة ما عدا .. ابوجهينة معتصم اسماعيل عباس .. !!!
| Quote: حميده أنا مافى شىء بخلينى أتحرش بيك من أى جهة |
و دا المحيرني .. و لذلك افترضت من عندي وحسب افعالك من ترصد لاي شئ اكتبه من خلال المنبر من دون سائر بورداب الرياض .. افترضت انك محرش ..
دا احسن الافتراضات عندي .. عموما اذا اخطأت في الظن الاثم دا .. تعال برر لي تصرفاتك دي مرجعيتها شنو ..
| Quote: فى الواقع وفى المنبر وحسب كتاباتك كنت أتجنب مداخلاتك لأسباب كثيرة أهمها أن كل ما يكتبه العضو هنا محسوب عليه ولا أود أن أنجرف فى مهاترات لاتغنى ولاتسمن من جوع |
في الواقع دا كلام ما صاح .. واقعك غير واقعي طبعا ..
و كلامك من باب انا عندي بوست مفتوح و فيهو شكلة داير تعمل فيها انه الزول الكعب دا عاينوا انا ما بداخل معاهو ..
الواقع بقول انه ما في حاجة في المنبر دا بكتبها لأحد من بورداب الرياض .. ألا اللهم بوست افطار او دعوة او حاجة اجتماعية و دي بالجد تكون كضاب لو قلت فيها مهاترات ..
و لا من النوع بتاع شفتا البوست دا و ليه ما رديت لي و لا رفعت لي سماعة قبل كدا لزول من بورداب الرياض عشان اتكلم معاهو في بوست او عشان يرفع لي بوست ..
و مواضيعي البكتبا هنا .. بشكلاتها و مهاتراتها انت ما معنى بيها لا شكلا و موضوعا .. غير جغرافية المكان ما في حاجة بتلمنا في المنبر عشان انت تتدعي انك بتتجنبا ..
| Quote: رغم إنى إستفدت من كتابات ناس كثيرة هنا ونمت علاقاتى مع ناس خارج نطاق ألأسفير والحمدالله أعتبر إنها جيدة |
كلنا استفدنا و عرفنا ناس بقوا لينا اكتر من اخوان .. و رغم الكلام الفارغ الحاصل دا انت عارف كويس انه بورداب الرياض ديل انا ما ببدلهم بزول .. و الحاصل دا كلو لانه اتخذلت في ناس كنت بعتبرهم اخوان .. طلعوا اي كلام يا جدع .. لو بورداب الرياض انا معتبرهم ناس وهم او ما بستاهلوا .. كان جليت الفكرة زمان ..
ان شاء الله يكون وقع ليك الفهم ..
| Quote: فى الواقع الشخص لما يلتقيك يحس بأن ليس هناك عداوة مع أى احد وعندما تكتب فى هذا المنبر تكون شخص غير |
في الواقع لمن تلتقيني ما بيكون عندي مشكلة مع اسماعيل عباس .. و في لمن تلتقيني بكل البهتان بتاعك دا بيكون عندي ستين مشكلة معاك
سؤال يا اسماعيل .. هل مرة اديت نفسك فرصة تسمع تفاصيل المشكلة البين حميده و معتصم او ابو جهينة .. هل مرة حدثت نفسك تصلح بين الناس .. و لا دايس علي جنبة واحدة حسب البوصلك ..
| Quote: أنا موضوعى معاك ما كبير |
ما في موضوع اساسا .. كلها كلمتين تعرف الحقيقة شنو و تاني بتخجل من نفسك انك تجي تتصدر للمواضيع .. و انتهينا ..
| Quote: وألأنتصار لذاتك ما يكون على حساب علاقاتك. |
العلاقات المبنية علي كضب و طعن الزول في ضهره دي اصلو ما بتهمني ..
| Quote: وكل عام وأنت وأسرتك بكل خير |
ان شاء الله بنكون بخير لو بطلت البتعمل فيهو دا ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: humida)
|
| Quote: ليه انت صاحبك معتصم دفع الله ما كلمك بقصة حميده الهكر الشايلا هو و قريبه و حايمين بيها من مجلس لمجلس .. |
عمران صاحبي قبل ما أعرف المنبر دا وأعتز بصحبته وخوته ..
عشان كده ما بينا قلنا وقالوا بنتكلم كلام رجال وفيما يخص الرجال ..
| Quote: مع معتصم دفع الله .. بسبب الكذب في موضوع الهكر بتاع المنبر .. |
ولله الحمد أنا ناس القوالات ديل ما شايلهم ..
وعشان تبقى قدر كلامك الفوق دا جيب أنا كذبت وين قلت إنك هكرت المنبر وقلت لمنو ..
لأنو أنا بصراحة زي النوعية دي ما بعرفه ولا بتشرف بمعرفتها ..
إنت مشكلتك لابس ليك توب أوسع منك ..
ومفتكر إنك بالأهمية البتخلي الناس تكون محور مجلسها ..
عشان كده ما مرتاح بمعرفتك للرجال والناس المعادن ..
أنا كلامي معاك ما في المنبر لأنه أصلاً ما في نقطة حوار بتلمنا مع بعض ..
كلامي لما نتقابل ونحدد فيه الكلام القلته دا ..
Quote: عشان ما نصرف فارغة في رمضان ..
انا جاي الفطور .. عشان افتح المواضيع دي .. راجل لراجل ..
يعني لا كلام منبر و لا امسح البوست يا بكري ..
العندو حاجة يجي يقولا ..
يا وقفنا قلة الادب الحاصلة دي .. يا بقيتو ارجل مني .. |
وزيادة عليه أنا معتصم القدامك دا لا شي يربطني بك ( خير شر ) ..
إلا مسألة الرجالة والشفتنة دي نحسمها مع بعض راجل لراجل ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: أيمن دياب)
|
يا عمران انا زول زيك ما بلزمني بتعريفة ..
سبب واحد يخليك تجي تقول لي الكلام الفارغ دا ما في .. انا ما اسئت ليك قبل كدا في حاجة لا في منبر و لا بره المنبر ..
و عشم الاخوان ما بجي بالنبذ و قلة الادب ..
..
..
اسماعيل عباس .. ياخي انت اكبر خلل مرا علي بورداب الرياض ..
و لي اكتر من سنة بطالب الناس تقعد و الزوغة مستمرة ..
يوم 15 قريب .. لحدي هناك .. عشان ما احرق دمي مع ناس زيكم .. ما حأرد عليكم ..
و نقعد راجل لراجل الما عاجباك دي ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: معتصم دفع الله)
|
معتصم دفع الله ..
انت زول كضاب ..
في منزل ود الباوقة .. و بحضور عبدالله داش و تمبس و صلاح شتات .. و أخرين ..
ذكرت للناس انه حميده هو الهكر النزل لزميلة في المنبر الفيديو الفاضح النزل هنا دا ..
تعال انكر الكلام دا .. و الشهود كلهم موجودين و عندهم باسوردات في المنبر دا ..
و قبلها يا معتصم دفع يا كضاب .. كان عندنا مشكلة مع محسن خالد حول روايته النزلها في المنبر هنا ..
شلت تلفونك و ضربت ليهو و قلت ليهو حميده دا معانا هنا في الرياض و دا زول ما كويس .. و دي برضو بشهودها ..
الفترة الفاتت حاربت بكل ما اتاك الله من قوة لابعادي من لجنة بورداب الرياض و كنت بتمسح الايميل بتاع من رسائل اللجنة و دي بشهادة اعضاء اللجنة نفسهم ..
تعال انكر برضو .. و لمن سألتك قلت لي ما ليك الحق انك تشوف الايميلات دي ..
..
..
تعال برر لي يا معتصم و طلع غلطان او انكر ..
تعال برر لي استفدت شنو و انت بتشوه صورتي امام زميلة لينا في المنبر و بتستغل حزنها عشان تطلع قدامها انك زول احسن من حميده ..
بستفيد شنو لمن تتصل بمحسن خالد .. هل دا حيقربك من المثقفين و لا حيبقيك شيوعي ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: داليا الكباشى)
|
كل سنه وانتوا طيبين
شهر مبارك وتصوموا وتفطروا على خير
الاخ حميده
انت ما زلت عضو في اللجنه
فلماذا تحاول تهدم وتفشل كل عمل جميل يجمع البورداب في الغربه
لكل مقام مقال يا سيدي
واجتماعات اللجنه هي البناقشوا فيها
كل المسائل وكل القصور
والله العظيم واشهد الله
انه كل اعضاء اللجنه الذين عملت معهم في لجان البورداب
رجال واخوان يعتز ويفتخر الانسان بحسن صحابتهم
ومن خيرة السودانيين في المهجر
لكن بصراحه اصبحت انت الصوت النشاذ
فإما ان تعمل مع الناس بقلب صافي
او اترك الناس يعملوا
ويلموا شمل البورداب في الافطارات
وكل البرامج الاجتماعيه والانسانسة
قي هذا الشهر الفضيل
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: humida)
|
Quote: معتصم دفع الله ..
انت زول كضاب ..
في منزل ود الباوقة .. و بحضور عبدالله داش و تمبس و صلاح شتات .. و أخرين ..
ذكرت للناس انه حميده هو الهكر النزل لزميلة في المنبر الفيديو الفاضح النزل هنا دا ..
تعال انكر الكلام دا .. و الشهود كلهم موجودين و عندهم باسوردات في المنبر دا .. |
ياخي إنت لسه ما وصلت مرحلة تهكر ليك منبر ..
هسي كمية (الواي) الجيت كبيته هنا دا كله بسبب معتصم دفع الله ..
وعشان أثبت ليك إنك كذاب وكلامك دا شغل مشاطات وقلنا وقالوا ..
كان من الشجاعة إنك تقول الزول القال ليك الكلام دا طوالي وما تكتب آخرين دي ..
وبعدين الفطور دا كان متين وزميلة المنبر دي إتهكرت متين ..
إنت يا حميدة لا تملك الشجاعة في قول الحق لأنك جـــبان ..
ولو عندك فعلاً معاي حاجة كان قلتها لي في بيتي الجيتني فيه مرتين خلال يومين ..
ولو كانت نيتك ما سوداء كان تقول لي يا معتصم أنا زعلان منك لأنه سمعت كلام كدا وكدا ..
كان طوالي قلت ليك يا حميدة أنا لو قلت الكلام دا حقك عليّ وأنا غلطان ..
أو قلت ليك أتخير أصحابك وأبعد من ناس القوالات لأنه دا ما شغل رجال ..
Quote: وقبلها يا معتصم دفع يا كضاب .. كان عندنا مشكلة مع محسن خالد حول روايته النزلها في المنبر هنا ..
شلت تلفونك و ضربت ليهو و قلت ليهو حميده دا معانا هنا في الرياض و دا زول ما كويس .. و دي برضو بشهودها .. |
تاني بكرر ليك نفس الكلام الفوق دا ..
إنت ما عندك أصحاب ديل ناس قلنا وقالوا ..
وزي ما قلت الناس الذكرتها دي موجوده وأنا بدعوهم معاك يجوا يشهدوا قدام الناس دي كلها ..
وعشان الواحد ما يكتم الشهادة ويكون جــبان في قول الحق ..
والبينة على من إدعى ..
أنا منتظر شهادة من إستشهدت بهم ..
Quote: الفترة الفاتت حاربت بكل ما اتاك الله من قوة لابعادي من لجنة بورداب الرياض و كنت بتمسح الايميل بتاع من رسائل اللجنة و دي بشهادة اعضاء اللجنة نفسهم ..
تعال انكر برضو .. و لمن سألتك قلت لي ما ليك الحق انك تشوف الايميلات دي .. |
ما ياهو إنت كويس وبتسأل ..
كاتم في نفسك كل الكلام دا من 7 سنوات مالك ..
عارف أنا لما قلت ليك أنا ما عندي حوار معاك عشان عارف إسلوبك في النقاش ما عندك ليه قدره ..
أنا كلام قلته ليك قدامك في وشك ما دسيته منك البخليني أقول كلام من وراك شنو؟
شفت إنت بتناقض نفسك بنفسك ورايحة ليك حاجة وما قادر تلقاها ..
قلت تخلق ليك بطولات وهمية لأنك بقيت من الأهمية بمكان إنك زول كويس وإنه الناس تدق ليك تعظيم سلام ..
يا إبني أمشي أتعلم عمل عام وتعال أشتغل مع الناس ما تجي طوالي تبقى عضو لجان ..
Quote: تعال برر لي يا معتصم و طلع غلطان او انكر ..
تعال برر لي استفدت شنو و انت بتشوه صورتي امام زميلة لينا في المنبر و بتستغل حزنها عشان تطلع قدامها انك زول احسن من حميده ..
بستفيد شنو لمن تتصل بمحسن خالد .. هل دا حيقربك من المثقفين و لا حيبقيك شيوعي .. |
أولاً أنا زول أحسن منك دي ما عايزه إتنين إتغالطوا فيها ..
لأني عارف قدر نفسي تماماً ومحترمها عشان كده ولله الحمد أجد الإحترام من كل الذين أعرفهم وأين ما ذهبت ..
هذا فضل الله عليّ ولا أنكره ..
وتاني بقول ليك إنت زول كذاب وتمشي بين الناس بالقوالات ..
ولو تعرف عظم ما إرتكبت لخجلت لنفسك وحكمت عليها بالنفي لعدة سنوات من الناس ..
ياخي أنا ح أخجل ليك ..
بالأمس تعمل جاهداً لتكون صاحبي واليوم أطلع بكوس في المثقفاتية عشان أبقى صاحبهم ..
ياخي أرحم نفسك شويه وكون ليك شخصية أمشي بيها بين الناس بالطيب ..
والله لي الشرف أن أعرف من إدعيت عليهم لأنهم ناس تعتز بمعرفتهم ..
وخلي كلام القوالات دا ..
أبقى صاحب مثقفين أو أبقى شيوعي دا بخصني أنا ..
ما تدخّل الشخصي بالعام فاهم ..
الدنيا رمضان ونحن في شهر كريم بيشهد على كل أقوالنا وأفعالنا ..
وبرضو بقول ليك البينة على من إدعى وأنا في إنتظار من إستشهدت بهم ..
والباقي بنتمه رجالة راجل لراجل لمن نتقابل ..
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: معاذ حسن)
|
Quote:
تم حجز استراحة أبوفيصل.. مخرج 18 الشارع بعد المحطة الجديدة على اليمين..
استراحة نوفا تكون على يسارك وتتجه جنوباً..
بعد استراحة آل هادي مباشرة ستجد الاستراحة على يسارك.. |
كل عام وانت بخير يا أيمن .
كل رمضان والجميع في أحسن حال والنفوس متصافية .والخوة في مكانا
-----------------------------------------------------------
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: فتحي الصديق)
|
البحصل في البوست دا بالجد حاجة مؤسفة جدا ومحزنة في نفس الوقت
ومع الأسف تكررت عدة مرات وفي عدد من البوستات
حميدة دا عضو في لجنة بورداب الرياض
ولو عنده مظالم وغبن حقوا تقعدوا معاهو كلجنة وتحلوها ياخ بعيداً عن العام
لأنه البحصل دا حاجة ما مشــــرفه ياخ وبتعكس انطباع سئ عننا كلنا
احترامي للجميع
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: داليا الكباشى)
|
| Quote: وركزوا لينا على المويه والتلج يا أهل اللجنه في رياضكم البقت درجه حرارتها مليون دي |
أختنا العزيزة داليا والله مافضل ليك إلا تقولى بالله أعزلوا الثلج البارد.......................واللا أقول ليك كل زول يجيب ثلجو معاهو عشان كل زول بعرف الثلج الكويس والبارد وين......
بالمناسبة مافوقه خط قربت اقراها يا أهل الجنة.اللهم أجعلنا منهم يارب...خلاص الصيام دخل فى اللحم...تسلمى أختى.
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: ismeil abbas)
|
| Quote: واللا أقول ليك كل زول يجيب ثلجو معاهو عشان كل زول بعرف الثلج الكويس والبارد وين |
أنا موافقه والله :) كل واحد يخلي بالوا من لغاليغو بالله ويركز في ورقو ,
موضوع المويه الباردة والتلج دا ممكن تحصل فيهو مظاهرات عديييل كدا 
ومادام بقى فيها أنفصاليه كدا فأنا أمنع أي زول يمد يدوا على الحلل والصواني حقتي (ومحتوياتها) الا بتصريح من وزارة الداخليه ,
لانو رمضان الفات ضيعتوا لي سكريه وكمشه , ومن هذا المنبر أطالب بي كمشتي , كما ولا أنسى أن أطالب بي غطايه الساخن بارد حقت ود الصايم
جعلنا الله واياكم من أهل الجنه اللهم آمين :)
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: فتحي الصديق)
|
Quote: في منزل ود الباوقة .. و بحضور عبدالله داش و تمبس و صلاح شتات .. و أخرين ..
ذكرت للناس انه حميده هو الهكر النزل لزميلة في المنبر الفيديو الفاضح النزل هنا دا ..
تعال انكر الكلام دا .. و الشهود كلهم موجودين و عندهم باسوردات في المنبر دا |
شهادتي لله
لم يحدث ذلك من الاخ معتصم اطلاقا ...
ومن نقل لك ذلك يتق يتق الله في نفسه
صدقني اعرف الاخ معتصم منذ فترة طويلة واقسم بالله صادقا في هذا الشهر الفضيل
هو من القلائل بل من القليلين جدا ممن التقيتهم في حياتي
قمة في التهذيب والاحترام وحسن الخلق
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: فتحي الصديق)
|
رمضان مبارك على جميع بورداب الرياض الميامين وكل سنة وكل من تحبون بخير وكل أمنياتي رمضان القادم بصمتكم (أقصد جميعكم وليس "الصمت" بل "الصمة"صايمين في السودان بعد انتصار مجاهدات الشعب السوداني الباسل الذي خانته وجارت عليه ظروفو والكيزان على الأخيرين وتابعيهم من الطفيليين والمنتفعين والوصوليين!!
المعنى يعني نجي نفطر ونصلي المغرب وننقلع أم هنالك نشاط من نوع آخر!!!! بعدين نحن من ثلة العزابة أفيدونا ماذا نصطحب معنا من المعينات والأدوات المساعدة أفادكم الله.
| |
|
|
|
|
|
|
|
|
|
Re: إفطـار بورداب الريـاض السنوي.. الجمعـة 15 رمضـان (Re: خالد فضل)
|
| Quote: المعنى يعني نجي نفطر ونصلي المغرب وننقلع أم هنالك نشاط من نوع آخر!!!! بعدين نحن من ثلة العزابة أفيدونا ماذا نصطحب معنا من المعينات والأدوات المساعدة أفادكم الله. |
تجي مدلدل يدينك زي ناس كتيرين ..... تفطر و تصلي و تولع ليك سيجارة أو تخت ليك سفه و تقعد تتفرج في المحن اللي بتحصل ..
| |
|
|
|
|
|
|
| |
محمد إبراهيم علي
عمران حسن صالح
ABUHUSSEIN
صديق الموج
ismeil abbas
الامين موسى البشاري
معاذ حسن
العوض المسلمي
ابو جهينة
معتصم دفع الله
طاهر بدر
محمد عبد الماجد الصايم
طارق جبريل
حافظ انقابو
Al-Shaygi
معاوية عبد الرحمن
ادريس خليفة علم الهدي
ترهاقا
humida
Hani Arabi Mohamed
سيف بخيت موسي
محمد أبوالعزائم أبوالريش
صلاح الدين عبدالله محمد
داليا الكباشى
طارق عبد اللطيف نقد
معتز زيزي
فتحي الصديق
حمد عبد الغفار عمر
خالد فضل
فيس بوك
تويتر
انستقرام
يوتيوب
بنتيريست