كتب الكاتب الفاتح جبرا المتوفرة بمعرض الدوحة
|
|
 سمارتي أنا ومريوم بنت الحسين..بس عيبن لي البلاك بيري ^___^
|
طبعاً متعنصرات لبتاع أبل 
أنا متعلقة بالبلاك بيري
لاكين نضميكن حول الآي فون زوغ عيني أو كادت(:(:(:(:
إشمعنى يعني الآي فون؟؟
عليكن الله شوية شوية عشان التقانة دي علاقتي بيها زي علاقة الكيزان بالنزاهة أو كما قال(:(:(:
في بوستات سابقة الحاجة الوحيدة اللي طلعتا بيها منها أن الآي فون أجمل فقط لأنه بنكهة التفاح (:(::::::::::(: ^^____^^
|
|
  
|
|
|
|
|
|
|
 Re: سمارتي أنا ومريوم بنت الحسين..بس عيبن لي البلاك بيري ^___^ (Re: smart_ana2001)
|
لنا يا بنت امى موضوع (احسن البلاكبرى ام ال اى فون ?)ده بقي ما سؤال اصلا....
و الله جد.
ما اظن فى زول نصيح بيشترى بلاكبرى الان. الشركة ذاتها فى عضمها ح تفلس بعد كم شهر كده (اذا ما حصلت معجزة)
السؤال الان بقي ال اى فون ام الاندرويد قلاقسي (او حاجه قريبة منو)????
و لو عاوزه تسمعى كلامى اتوكلى و استنى ال اى فون 5 ...ح يطلع نهاية السنة.
الاندرويد فيه مشاكل عربى...و مشاكل اختراقات وكده
ال اى فون ساااهل و ظريف و قيافة
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: smart_ana2001)
|
Quote: الاندرويد فيه مشاكل عربى...و مشاكل اختراقات وكده
ال اى فون ساااهل و ظريف و قيافة
|
يا أسمارت .. في دي ما إسمارت ودكتور House حيزعل منك..
إنحيازك لتفاحة إستيف جوب سيفقدك روعة تقنية أندرويد جلاكسي
الجهاز ده منتشر إنتشار الجراد في العيش .. بلغ سعره في السودان
6 مليون بالتمام وغير متواجد .. ليست لديه أي مشاكل عربي أهو معظم الناس بكتبوا بيهو في الفيسبوك والأون لاين عادي .. بالمناسبة أنا أندرويتي .. وجنني وجن منتجات جوب التفاحية دي .. تحياتي يا إسمارت ورمضان كريم وبهديكم دي إنت ولنا مهدي ..
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: lana mahdi)
|
لنا وسمارت ومريومة وعادل نجيلة
رمضان كريم
قرأتكم وتذكرت صديقي ودفعتي في الدراسة الجامعية ( ع )
كنا ذات يوم نتمشى في قهوة النشاط فإذا بسيارة إبن دفعتنا ( أ ) المرسيدس تمر قربنا وبتلقائية علق ( ع )
" نحن لينا الله وعيشة السوق مع ناس ( أ ) دا "
تملكتني الدهشة من التعليق فـ ( ع ) نفسه لا يقل ( طبقياً ) كثيراً عن ( أ ) إذ يملك هو الآخر سيارة وهو الطالب فسارعته بالقول
" ليه يا خوي الناقصك شنو ؟؟ "
فرد على جاداً
" تخيل ( أ ) دا عشان عربيتو بلوحات دبلوماسية ما بيقيف في أى صف بتاع بنزين وبيكبوا ليهو الكمية العاوزا دون أى نقاش ، ناس نحن ننتظر إسبوع بحالو عشان يكبوا لينا 4 جالون "
فضحكت حتى إعتبرني الطلاب مجنوناً وأردفته بالقول
" يا ( ع ) ياخ إنتا هسع ليك الله وعيشة السوق عشان ( ا ) بيكبوا ليهو بنزين أكتر منك ... أها أنا الما عندي عربية كلو كلو ولا مفكر مجرد فكرة أمتلكها حتى بعد التخرج أقبل وين ؟؟ "
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: عاطف عمر)
|
Quote: لنا يا بنت امى موضوع (احسن البلاكبرى ام ال اى فون ?)
ده بقي ما سؤال اصلا.... و الله جد.
ما اظن فى زول نصيح بيشترى بلاكبرى الان |
النجيضة في أسهل طرقها!!
إنتي جادة يا لنا؟
بالمناسبة دي .. نستغل سمارتنا شوية!
اسمعي ياااا اللخت .. أنا لسع في الـ 4
نحوّل لـ 4S ولّ ننتظر شوية نشوف قصة الـ 5؟
_
طبعا لنا ح تشوف الكلام دا كلام طير في الباقير
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: عاطف عمر)
|
يا لنا القصة على حسب الاستخدام
لو الفهم إيميلات محتاجة تقريها و تردي عليها طول اليوم يبقى البلاك بيري هي الخيار الأفضل و في البال الباقات المطروحة من اتصالات و سهولة الطباعة بكيباد البلاك بيري عموما
اما لو كان الفكرة التطبيقات و الآي تيون و القيامة الرابطة دي فدا شي تاني
لكن راعي للتكلفة برضو
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: محمد البشرى الخضر)
|
اذيكم يا شباب ؟؟
ود الصائم ، وينك يا رجل؟؟
قبل ما ارد عليكم كلكم خلوني أبدا بود البشر(ى)
طلعتا قديييييييم. يا اخي الكلام ده كان قبل سنة كده. هسي ما في اي فرق بين البلاك بري و ال اي فون في الايميل
بالعكس ال اي فون و ال الاندرويد بقوا أحسن منه حتي في موضوع إيميلات الشغل
الاسبوع الفات الشركة اللي انا شغالة فيها( شركة هندسية فيها حوالي 6 الف موظف، 2 الف منهم عندهم تلفونات من الشركة) حولت كل تلفونات الموظفين ل اي فون
و ده الاتجاه الان من الشركات الكبيرة او what they call enterprise
انتهي عهد ( ال اي فون للعب و البلاك بري للشغل)البلاك بري في طريقه للقبر اذا ما حصلت للشركة RIM معجزة خلال ال 18 شهر الجايين. ليه 18 شهر؟ الكاش العندهم بيكفي الشركة للمدة دي
بعدها ممكن يعلنوا افلاسهم.
بالمناسبة، ماكيروسفت دخلت المنافسة و بقوة. رغم ان تلفونهم لسه نص نص، لكن دي طريقتهم، بيخشوا السوق بحاجه معقولة و بعد كده بيشتغلوا فيها لحدي ما تمسك السوق تمااااام. و المثال ال Xbox
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: محمد البشرى الخضر)
|
كلام مريوم صح. RIM عينا طلعت بسبب ابل و قوقل و الان مايكروسفت.
سلامات راشد. ود الصائم الخبير الأجنبي ما قصر معاك كلو كلو.
عاطف عمر، كيفك؟
انت بس جرب واحد و ما ح تقدر تسيبهم تاني.
ح يبقي من الأساسيات ذي الأكل موش الكماليات ذي العربية.
انا مثلا زولة ( ما عارفه ذاتو كلمة مناسبة) لكن بروح كتير. اقرب مثال قبل اسبوع مشيت لصحبتي جابت بيبي في المستشفي.
المستشفي دي بكون مشيت ليها ذي 20 مرة كده. و بعد ده رحتا. لقيت روحي في نص حلة كده مخيفة. و الدنيا ليل حوالي 9 مسا و كان يوم عيد الاستقلال الامريكي. و الناس بتشرب كتير اليوم داك
المهم حقيقي خفتا. و بدون ما أوقف العربية طلعت الطريق للبيت. و من غير ما أعاين للشاشة بدا صوت من التلفون يوريني الطريق خطوة خطوة لحدي ما طلعتا من الحلة ديك و بعدها وقفته.
ود الصائم شكرًا يا اخي. بقيت خطر و الله
عن التلفون، استني 5. الفرق بين 4 و 4 اس كبير في الكاميرا و السرعة. و طبعا في اختنا سيري
لكن الفرق في 5 ح يكون في الشكل الخارجي برضو. ح ينزل غالبا في امريكا في شهر 10. بنهاية السنة بيكون في السعودية.
4 تلفون جميل جداً و ممكن تنتظر بيه سنة كاملة.
انا مثلا بديت ب 3GS بعدها فطيت 4 . جبتا 4S. ح افط 5 ( او علي حسب التسمية الجديدة). و غالبا ح أجيب اللي بعده( لو بقينا لسه مع ابل) ؛)
كلامك أكيد صح يا ود البشري لو بتتكلم عن التكاليف في بلدكم دي( انا ال ح يعرفني شنو؟)
عن الايميل لو ح تفتحه في المتصفح أكيد ح يتبشتن. لكن لو فتحته من الايميل بتاع الاكسجينج بيتفتح تمام تمام و ما فيه اي مشاكل.
طبعا ده بيعتمد علي ان الجهة اللي انت شغال فيها تسمح ليك بانك تفتح الايميل في الاكسجينج في تلفونك
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: smart_ana2001)
|
يا ودالبشرى سلامات
إنشاء الله تكون أستلمت
شفت يا ودالبشرى طبعا كل الجماعة البلاكبرياب والاي فوناب اتجلكسو وبقو اندروبياب
هسع الصين دخلت بالتقيل الصنين كان عندهم مشكلة أسمها نظام التشغيل ناس قوقل حلوها ليهم بالاندرويد كدي امشي سوق التنين شوف الناس ديل سوو شنو مبالغة
ناس قوقل همهم الارباح من الاعلانات عاوزين اي زول يخش النت وانظمة التشغيل ياها الماك والويندوز ناس أبل خطو للمستقبل بسرعة في الايباد وارتادو الاجهزة اللوحية في حين اخفقت مايكروسوفت حتى الان نظام تشغيلهم اللوحي ما جاهز ناس الابل حراميه استغلوا ريادتهم ورافعين اسعار الاي باد وانظمة تشغليهم لي اجهزتهم بس وما أي زول بقدر يشتري الايباد وناس القوقل عاوزين الناس تخش النت طوالي قامو طوروا اليونكس للأندرويد وفكوه مجانا اتلقفوه ناس السامسونج بذكاء وتبعتهم بقية الشركات منها سوني وغيرها هسع الموضوع وقع في يد الصنين الأجمل والأحلى أنه شركات البرامج والمطورين أبدعوا في البرامج للأندرويد وشوف براك مئات الاف من البرامج المذهلة في قوقل بلاي واغلبها مجاناً لانها دعاية للشركات دي
https://play.google.com/store
جربت البلاك بيري خمسة يوم وفكيته طوالي عمل لي دوشه مبالغة وحجمه الكبير زاتو زهجني فكرت في الموضوع ودخلت طوالي من الاخر بي ارخص الاسعار التلفون ياهو ارخص نوكيا يرد ويستقبل ومع التابلت بقيت مرتاح مظبطه مع كل الوايرليس في الاماكن البتردد عليها وبجيب لي ميلي في اي لحظة افتحه ومافي اي مشاكل غير دا مستفيد من البرامج وكمان بعمل ابد ديت براه ومجانا لنظام التشغيل والبرامج
جهازي كان ايس كريم ساندويش هسع بقى النظام الجديد براه
Android 4.1, Jelly Bean
ياخ احب الاندرويد
| |
|
|
|
|
|
|
|
|
|
Re: سمارتي أنا ومريوم بنت الحسين..بس عيبن لي البلاك بيري ^___^ (Re: smart_ana2001)
|
| Quote: يا صديقات بشمهندس عاطف المهندسات ....عووووك ^_^ |
_
تحياتي يا راشــد
لو مشيت أي محل اتصالات الموضوع ما بياخد رُبع ساعة!
بس ما تخليهو ينزل ليكـ أي برامج من الأبل ستور لأنها
ح تكون باليوزر بتاعو وبعدين ما ح تقدر تعمل ليها أبديت!!
تولع ليكـ في الشاشة زي الإشارة الحمرا أو إشارة الحزام في الطبلون
بالنسبة للسوفت وير أدخل في السيسم ح تلاقي أبقريت جاهزة!!
دوس وتوكـل على الله .. وخلي بالكـ طويل
| |
|
|
|
|
|
|
|
|
 Re: سمارتي أنا ومريوم بنت الحسين..بس عيبن لي البلاك بيري ^___^ (Re: عبدالعزيز حسين عبدالرحيم)
|
Quote: يا فايز ودالقاضي
شفت قررت واتوكلت أني اعمل مشروع محو الامية التكنولوجيه في جده وعندي مشروع رائد مستهدفكم بيه إن شاء الله خلال هذا الشهر ولا نرجوا سوى الثواب من الله |
اى عليك الله ..انا اكبر امي وابي وخالتي في جدة
رسل لي اى جهاز متطور ومعاه كتلوج بالرطانية اوشرح بالصور ..
الكتلوج اهم من الجهاز الله يرضى عليك ..
نشوفك صادق ولا زي ماقال عنك ولدنا ايمن الطيب لمن اتصل على تلفونيا ..
| |
|
|
|
|
|
|
| |
lana mahdi
smart_ana2001
مريم بنت الحسين
عاطف عمر
راشد يحى مدلل
محمد عبد الماجد الصايم
محمد البشرى الخضر
فايزودالقاضي
حافظ انقابو
فيس بوك
تويتر
انستقرام
يوتيوب
بنتيريست