|
|
 الفنادك ولا الفنادق يا تاج السر الملك
|
تحية ليك يا استاذ ومعذرة على تعليق اسمك في البوست رغم انو اسمك دائما معلق فوق فوق سودانا فوق فوق فوق هلالنا فوق
كنت عايز اراجعك في بوست زهير لكن شايف صاحبو قال قفلوا خلاص
كلمة خبز الفنادق الواردة في أغنية وضاحة حسب ظني أنو فرضها السياق والصياغة
أعتقد إنو خبز الفنادق لا يختلف كثيرا عن باقي الخبز بالشكل الذي يجعله مميزا
ولكن خبز الفنادك وهو مصنوع من دقيق الفندك أو الدقيق المفندك
يكتسب تفرد كونه طبيعي وال processing الحاصل ليهو من فندكة برضو عملية طبيعية
وهو أبيض بعد فصل القشرة منو نهائيا
يعني عندو مميزات
رأيك شنو؟ (والباقيين) برضو رأيكم شنو؟
|
|
 
|
|
|
|
|
|
|
 Re: الفنادك ولا الفنادق يا تاج السر الملك (Re: حمد عبد الغفار عمر)
|
| Quote: كلمة خبز الفنادق الواردة في أغنية وضاحة حسب ظني أنو فرضها السياق والصياغة |
سلام يا حمد
رايك هو الارجح
فهذه الكلمة سواءا كانت بالقاف او الكاف نشاذ لا معنى له وسط قصيدة من اجمل قصائد الغناء السودانى
و ان كان لابد منها فالفنادك هى الاحسن حيث ان سياق القصيدة و معظم اشعار شاعرها عن البسطاء و غمار الناس
هناك سابقة لهذا الجدل فى قصيدة سعد الدين ابراهيم التى غناها ابوعركى (عن حبيبتى يقول لكم) حيث غير الفنان
و بتوفيق كبير كلمة (برتكانة) فى المقطع: قامت ادتا برتكانة الى: (قامت ادتا من حنانا) حيث يبدو ان ابو سماهر قد (استثقل) هذه البرتكانة
بل و هناك سوابق اخرى امل ان يتسع لها البوست الذى اتوقع ان يوثق لهذه الخلافات (الجميلة)
| |
|
|
|
|
|
|
|
|
|
Re: الفنادك ولا الفنادق يا تاج السر الملك (Re: عوض محمد احمد)
|
مراحب يا دكتور عوض محمد أحمد
Quote: فهذه الكلمة سواءا كانت بالقاف او الكاف نشاذ لا معنى له وسط قصيدة من اجمل قصائد الغناء السودانى
و ان كان لابد منها فالفنادك هى الاحسن حيث ان سياق القصيدة و معظم اشعار شاعرها عن البسطاء و غمار الناس |
شكرا ليك ودا كان المنطلق بتاعي اللهو حياة البساطة المعتمدة على عزيمة الأشخاص في الحياة والوجود
وقصيدة سعد الدين وأبوعركي مثال واضح للتحوير الممكن يحدث خدمة للنص واللحن أحيانا
ونواصل بالأمثلة
| |
|
|
|
|
|
|
|
|
|
Re: الفنادك ولا الفنادق يا تاج السر الملك (Re: حمد عبد الغفار عمر)
|
و هناك مثال اخر لكنه عكسى لما يحدثه تحوير النص
ففى احد قصائد حميد ذات النفس الماركسى (نورا) عمدت فرقة عقد الجلاد عند تغنيها بالنص لابدال اسم نورا
ب نعمة ربما ظنا منها ان اسم نورا اسم (حناكيش) لا يتلاءم مع محتوى القصيدة التى تخاطب فتاة غبشاء
وجه الدقسة الجلادية ان اسم نورا اسم شائع فى الولاية الشمالية و تتسمى به نساء طاعنات فى السن
| |
|
|
|
|
|
|
|
|
|
Re: الفنادك ولا الفنادق يا تاج السر الملك (Re: عوض محمد احمد)
|
هلا يا دكتور
تعرف مرة جمعتنا جلسة غناء مع عبد الرحيم أرقي في وادي الدواسر بالسعودية
عبد الرحيم كان تعبان شوية من السفر الجماعة طلبوا مني أغني عشان الجلسة تطول وأساعد أرقي شوية
طبعا كان في كوم بتاع شايقية
أنا على الفور بديت بأغنية نورا دي وغنيتها باسم نعمة كما تؤديها عقد الجلاد لما انتهيت الشايقية إحتجوا وقالوا لي
يا حمد دي مشت لكن تاني ما تحرف لينا تراثنا
في برضو أغنية ما بخاف من شيء البغنيها بادي محمد الطيب
ما بخاف من شيء برضي خابر المقدر لا بد يكون
مرات ببدل برضي خابر بـ ما بحاذر
كناية عن التوكل والإصرار
وهي أغنية ثرة المعاني
نهديها ليكم
ما بخاف من شىء برضي خابر
المقــدر لابـد يكـــــــون
إن اتاني الهـم جيشه دافر
يلقى يا خـلاي صـبري وافـر
يلقى عزمي التام ليه حافر
ويلقى قلبي شجـاع ما جبـون
بالعـدا معـروف ما ببـادر
وما بخـون الجار ماني غـادر
وما بقول للناس متلي نادر
بل بقـول للخـالق شئـــون
ما عصيـت مولاي ماني فاجـر
لا ولا بالعــالم بتاجــــر
نفسي يااحباب ليها زاجـر
لم أكن كـل يـوم لي لـــون
الثبـات معـروف لي معاصـر
لو بقيـت في داخـل معاصـر
والاله غير شـك لي ناصـــر
رغم أنـف الواشي الخــؤون
قول لشاهد الزور فيم ساير
هـدي روعـك قبـل الخســاير
يا ما قبـلك عميـت بصـاير
من لسـاني وقـولي الهتــون
قول لأهـل الجـور والمساخـر
ما في أول ما لـيه آخــر
مابدوم العـز والمفاخــر
وما بدوم الظـل والحصـون
عن سبيل الحق ماني نافـر
وما جحدت الخير ماني كافر
وما ضمرت السوء ماني حافر
للصديق هاويات السجــون
| |
|
|
|
|
|
|
| |
حمد عبد الغفار عمر
فيس بوك
تويتر
انستقرام
يوتيوب
بنتيريست