|
|
 && بورداب الامارت كل عام وانتم بالف خير ورمضان كريم الافطار كيف .. &&
|
مبارك عليكم الشهر
السلام عليكم ورحمة الله وبركاته :)
حياكم الله جميعا
يسعدني ان اتقدم لكم بالتهنئة بحلول الشهر الفضيل .. واسال الله ان يعيننا على صيامه وقيامه .. وان يتقبل منا ومنكم صالح الاعمال
وان ييسر لنا ختم كتابه الكريم
ونساله ان يفرج هموم المسلين في كل مكان .. وكل عام وانتم بخير
رمضان مبارك
... تحديد موعد الافطار السنوي ..
مودتى ...
|
|
 
|
|
|
|
|
|
|
 Re: && بورداب الامارت كل عام وانتم بالف خير ورمضان كريم الافطار كيف . (Re: نعمات حمود)
|
تحياتي يا نعمات و كل سنه و انتي طيبة
طبعا اليوم لازم يكون خميس أو جمعة
و الجمعة افضل لانو يوم الخميس الناس
بتكون مارقة من دوامات و زحمة خصوصا
للجايين من ابوظبي و العين.
لو قلنا جمعة و عشان نسعد بلقاء الاستاذ ياسر تمتام
و أخونا هاني عربي قبل ما يسافروا، معناتها لازم
تكون الجمعة الفي وشنا دي (الجمعة 8 رمضان الموافق 27 يوليو)
اهاااااا ... دي معناتها محتاج ليها تحرك سريع جدا!!! الراي شنو؟
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عاطف عمر)
|
كل عام و انتم بخير بوردابنا الحلوين و ربنا يغفر و يتقبل إن شاء الله حددو المكان و الزمان و معاكم حتي ٤ اغسطس إن شاء الله
كل عام و انتم بخير بوردابنا الحلوين و ربنا يغفر و يتقبل إن شاء الله حددو المكان و الزمان و معاكم حتي ٤ اغسطس إن شاء الله
يادرق داير لينا لمه سحور فى النادي فى رمضان لكن شرط تكون بوش بعدس و طعمية و جبنه لو معااهااا دافوري ما بناباهو ..... اتشهووووو فى الجوع و العطش ده ههههههههه
| |
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: osman righeem)
|
يا ابو رغيم شروط مولانا عبد الكريم شنو ؟ كدي ورينا
يا شباب سألت في فندق آيلا و شفت الأوبشنز المتوفرة عشان نحجز قاعة خاصة يجب ان يزيد العدد عن تلاتين دا اولا
و تحديد العدد مهم لأنهم ح يحاسبوا عليه سواء حضر الجميع ام لا
بالنسبة للمطعم المفتوح فبرضو لازم نحدد العدد ونبلغهم قبل يوم عشان يحضروا الطاولات
فا تحديد العدد مهم جدا و الاهم الالتزام بالحضور
فا كدي شوفو الجايين كم عشان نقدر نتصرف
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: محمد البشرى الخضر)
|
ود البشري سلام
اعتقد صعب جدا تحديد العدد من اسه. و دا شي طبيعي جدا و عادي.
لذا ارجو اعادة النظر في أمر مدينة العين و التفكير جديا في اقامة الافطار في دبي (فندق اللوتس)
جميل و مريج جدا و شروطهم مرنه و خصوصا بي وجود العمدة القرضابي (اصلا نحن ما بنحتاج ليهو الا في رمضان ههههه)
و بذلك ممكن نضمن حضور عدد كبير من البورداب
لانو دبي و الشارقة فيها اكبر عدد من البورداب النشطين و المشاركين في المناسبة السنوية دي.
دا بديهم حافز اكبر انو يحضروا ... و لكين لو كان الافطار في العين !! شوفو العدد حا ينقص كيف؟ و حا نتجهجه زي الترتيب. و مافي داعي!!!
مناشدة الي (زعيم بورداب الامارات الشمالية و ممثل بكري في المنطقة الشرقية) عثمان رغيم
شروطكم الما عارفينها دي مقبولة .. لكين جلي لينا موضوع العين دا، لما سبق ذكره.
_____________________________________________
خالد درق دا كانت فقرتو (القرأن الكريم ) و اللا شنو؟؟ هههههه طار وين؟
نســــــمع !!
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: ناصر احمد الامين)
|
الاعزاء ابو حتوت و ابو احمد
موضوع العين هو فقط تذكرة بالاتفاق السابق
و لكن اذاما اجمع الشباب علي دبي ( اعلن انضمامي لثورة الشباب)
اما فيما يخص مستشارنا الما كيكي فلقد وردني من ( الحارس ماطعمنا )
الشهير بعمر القرضابي انا مولانا له رأي و شروط ..... و لكن اقترح تأجيل
هذا الموضوع لحين اللمة
اها دبي برضو ؟؟؟ و نلحس الاتفاق
انتو وين الزول الطويل خالي الذهن داك يا ناصر؟؟؟؟
| |
|
|
|
|
|
|
|
|
 Re: && بورداب الامارت كل عام وانتم بالف خير ورمضان كريم الافطار كيف . (Re: ناصر احمد الامين)
|
| Quote: الاول يكون الافطار حسب شروط الماكيكي برواية القرطابي |
** ابو رغيم..
** ابو يوسف..
** ود أحمد الأمين.
** بورداب الإمارات..
## سلام من أرض الحرم المكى الطاهره ورمضان كريم..
## معاكم فى إى زمان ومكان بعد 12 رمضان بشرط أن يكون مكان الشيشه لايبعد عن مكان الإفطار أكثر من 500 متر أو كما قال:-
ابو رغيم برواية القرضابى لايجوز الإفطار أوالصلاه بجامع تبعد عنه الشيشه بمسافة القصر الدخانى وتقديرها 501 متر..
(ودام الود بين الجميع)
(ابو محمد فؤاد) - مكه المُكرمه..
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عبدالكريم أحمد الامين)
|
| Quote: ## سلام من أرض الحرم المكى الطاهره ورمضان كريم |
مولانا تقبل الله و عمرة مقبولة
بالله ما تنسي الدعوات و خاصة قصاد السبلوقة ( الصبابة)
واعانك الله علي الصيام والقيام واسقاط النظام
(لكن بالمناسبة سفر العمره ده صايم واللاه علي سفر)
انا غايتو القرضابي ده قالي مولانا ده شكلو اتحجــ... وقال ماب يصافح تاني
ما يكون شبه عليك ...... اصلو كترت الضواقة خلتو ماب يركز
تحية للجميع و نوجه دعوة خاصة لكل ضيوف الامارات من البورداب و المتصفحين
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: ALGARADABI)
|
| Quote: يعني لو درق دخل من أول مرة و قال افطار بورداب الامارات الجمعة 17 رمضان بالحتة الفلانية ، كان اختصر علينا الكتير... |
خلاس
أفطار بورداب الامارات الجمعه 17 رمضان بفندق اللوتس (القرضابي حا يظبط المسائل)
عبدالعزيز نيبانة عن درق
بعد داك نشوف العين بمزاج ودالبشرى غايتو كان ودالبشرى وافقني في مطعم باكستاني في سوق العين بظبط برياني وكيمه كدا حاجه فنانه وعنده أحلى سمبوسه في الدنيا
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: الزنجي)
|
Quote: أقتراح : الفطور فى قاعه او مكان عام ونطلب الاكل من مطعم السوباط او القطينة بالشارقة
( قراريص وعصيدة واكل سوداني ) حسب الطلب |
يا زنجي سلام
اقتراحك جميل .. لكين مكان عام دا ما بنفع .. الرطوبة ممكن تهاجمنا في اي وقت
دا غير الالتزامات التانية مويه باردة و فرش و كراسي و شاي قهوه ... الخ
و بعدين منو البلتزم يعمل التجهيزات دي كلها؟؟
اقتراحك لازم يكون كامل عشان الناس تصوت و بس
كل سنه و انت طيب يا باشا
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: حبيب نورة)
|
Quote: المرة دي فطور بورداب الأمارات في بنياس تحت رعاية ناصر اللمين
أنا شخصياً خليت ليكم مساهمة عينية عبارة عن بلح المدينة وموية زمزم
نفاج
يا ناصر أضرب لي الدكتورة دي خلينا نتسحّر بيها |
ههههههههههههههههههههههههه ... و الله يا زول اشتقنا ليك !!
يا شباب الزول دا غير شوية كتب ما خلي لي اي حاجة .. ركزو في ورقكم، كلام حبيب نوره خلوهو!! هههه
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: osman righeem)
|
يا شباب ....
قررنا واكدنا انه في يوم الخميس 14/7...افطارنا بالفندق نفسه ....
وذلك نظرا لسفر وظروف بعض الاعضاء ممن نرغب في لقائهمبالتاكيد وحرصا منا على ذلك
حددنا ان يكون افطارنا السنوي في الزمان والمكان المحددين
الاستاذ عمر محمد الحسن الشهير بالقرضابي سيقوم باللازم
نرجو من الذين يودون الحضور اعلامنا حتى نتمكن من الترتيبات ....
ونرجو التواصل مع الاخ الزنجي
وخالد درق ....
وسيكون زميل المنبر ياسر تمتام ضيف شرف علينا جميعا
مني محبتي
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: النذير حجازي)
|
الاخ النذير
اولا مرحب بيك وشرفت الامارات
لو شرفتنا حباب تكون شرفتنا وشرفت نفسك وانت الكسبان فالاخوان هنا من البشر البسعي الناس للقياهم
بالنسبه للتقشف افطار التشقف فدا طق حنك ساي
نحنا مش جايين عشان نملا بطونا ونرفه وكان الاكل هو همنا
نحنا جايين عشان حميمة اللقاء بالاخوان والتعرف علي بعض اكتر وتفقد بعضنا معرفة احوالنا وبنستفيد كتير من اللقاءات وبالمناسبة تلكفة الافطار ماهي بالشئ الكتير الممكن نعتبره اسراف وتبذير فارغ في شيئ ما يستاهل ياها قيمة الافطار الممكن ندفعها شيرنع لو عملنا افطار عادي حسب طبعية المعيشه في البلد
فياخ تعال واكيد حاتكون كسبان وتطلع محبور وقلبك ملان محنه
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عبدالعزيز حسين عبدالرحيم)
|
العزيز أبو عزة، شكراً لك يا عزيزي على الترحيب الحار بي في الإمارات
وإنت أول بوردابي يرحب بي إسفيراً في هذا البورد، وتسلم يا ملك، ومابنسى
ليك هذه اللفة البارعة التى أثلجت صدري، والغريبة يا أبو عزة لاحظت
بأن معظم الناس هنا في الإمارات من مواطنين ومقيمين كرماء شديد في كل
شيء وهذا قلماً تجده في البلدان الأخرى، فأنا قد عشت في عدة دول غربية
وعربية ولكن الإمارات الناس هنا ملوك بالجد من سودانيين وأجانب وإماراتيين
تعرف يا أبو عزة على الرغم من إني ما تميت الشهرين هنا، في زميلة إماراتية
تعمل معي، حلفت بي دينها وإيمانها إلا تجيب لي فطور رمضاني إماراتي
إكراماً لي وبالفعل جابتوا لي في أول يوم في رمضان، بالجد بلدكم دي
بتتحب وفيها سحر غريب، وكمية الأصحاب اللي عملتهم في الـ 45 يوم ديل
ما عملتهم في شهور في البلدان التانية.
وأتفق معك مائة في المائة بأن الغرض من اللمات هو التعارف واللمة السودانية
الأصيلة، ولا أشكك في نواياكم، بس في فيديو مؤثر نزلو معاوية المدير عن
سودانية فقيرة بتربي أيتام، وقالت في الفيديو: ما عندنا حق السخينة
وما لاقين طماطماية نعمل بيها السخينة، وبها اقترح معاوية المدير بالتقشف تضامناً معها، ولقد
أثنيتُ على إقتراحه.
وتسلم كتير يا ابو عزة ومشكور ستة شهور على الدعوة، وإن شاء الله ح أجيء
الإفطار بالرغم من كسلي الرمضاني علشان أقابل بورداب الإمارات وأكون
واحد منكم.
تحياتي ليك يا ملك
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عصام علي أحمد)
|
النذير ياخ مرحب للمره الميلون وسعداء بوجودك بينا بس عليك عتاب ليه انت تجي وما تتكلم
على العموم مرحب بيك وإنشاء الله حا تكشتف حاجات ما كنت متخيلها وتعرف انه صحي الكتابه هنا ما بتعكس الشخصية الحقيقية للناس وتتفاجأ بالناس
بالنسبه لكرام الناس هنا ياهو دا طبعهم وبنلقى احراجات شديده كمان في الارتباطات بالافطار وخصوصاً الزملاء أمس معزوم فطور واحد زميلي من مواطني الدوله اصر افطر معاه سكت وقلت انطشه بعدين رسل لي عربية مع سواق لحدي البيت واقلق نومتي بعد العصر والمشكلة تمشي تفطر مع واحد والباقين يعرفو إلزام عليك تفطر معاهم كلهم وكرمهم مش في الافطار برضه ببذلو من مالهم للمساكين والفقراء في رمضان في كل العالم وزمان كأن بسالونا لو بنعرف مساكين في السودان يرسلو ليهم قروش
بعدين كرمهم دا مش في رمضان يا النذير لي سنين ما بتذكر يوم اشتريت لي حاجه في العمل فطورنا على زميلاتنا المواطنات ديل ياخ علمونا البجاحه كمان بقينا نتشهى يا فلانه بكره جيبي لينا كدا ويا فلانه اطلبي لينا كدا ونحنا بميته قلب ناكل مبسوطين وهم فرحانين نسوي ليهم شنو كان دا بفرحهم قالو لو عاوز تكرم الكريم خليه يكرمك
تعال حا تطلع بمكاسب عمرك
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عبدالعزيز حسين عبدالرحيم)
|
دا شنو يا عصام
دQuote: الحضور حتى الان :-
1- نعمات حموده
2- خالد درق
3- عبدالعزيز حسين
4- ياسر تمتام
5- عبدالكريم احمد الامين
6- الزنجى
7- عمر القردابي
8- النذير حجازى
9- وليد عكاشة
10- عصام على احمد |
11- الزعيم عبدالله كسلا يعني افطار من غير راس دا كيف ؟
12 - جنابو الطيب يعني الحايحكي ليه منو قصص حلوة ويمنع الهرجله ؟
13 - الاستاذ عبدالدين البدير لينا الحوار والنقاشات منو ؟
14- نصرالدين البشير دايرين نستفرد بيه وناخد ليه عشره ونسه بالجنبه كدا معاه تطمن القلب ولمن نصل ابوظبي يتصل يطمن علينا نعرف الدنيا دي لسه فيها ناس قلبهم علينا
15- الزعيم ابورغيم دايرين نشوف دبي سوت فيه شنو ؟ وماله بقى قاطع ارسال واستقبال
16 - ودالبشرى ياخ انا جايب ليه الاندرويد وداير اديه دورس واحشش فيهو كمان
17- حموده يعني حا تنتمسخر كيف ولا كيف ولا نقرقر ونتشمشر كيف كان ما جا
18 - أم الدره المره دي ما حا ترسل لينا الدره واخوها بالعصيدة تجي بي نفسها والله الشوق ليها عمل لينا جفاف مشاعر
19- أختي الحنينه بت عوض الكريم الزول مشتهي ليه محنه من زمن ومشتاقين ليها وديرين نعرف خبرها ونديها خبرنا
20- العربي الفنان كمرته الخلعه دي لازم توثق
21-مولانا يحيى عبدالكريم يطلع من غطسته الخاشي فيها دي
22- مولانا عادل سمير لقياهو البتسعد الزول وتعمل للزول جوانج
23 - ابوحوه الشغل يطير والقروش يطيرن والعرس يطير يعرس ركبيه دا وكت عرس الدنيا مظاهرات هو عاوز يعرس
24- اسامه ادريس يعني الحا يقلدنا بفرحه وحنية ويونسنا ويطمن علينا من جور الدنيا منو غيرك
25- هيثم عبدالعزيز كان ما استقبلنا هو ما بنخش نهائي
26- جنابو عمر علي الكبار كتار بس الافطار عاوز كبير وانت الكبير في كل شيئ والله يديه العافيه ويطول عمره ويمتعه بالصحه والعافيه وحضوره هو المهم
27- معتز عباس يعني شنو ؟ العين كلها فركة كعب وتعال نتم باقي الكلام الما تميناهو
28- ناصر الامين يعني الحايوديني منو ؟
معليش لو نسيت او سقط زول
برضه اهم ناس اصدقاء البورداب والافطار هو من اجلهم ومن اجل لقياهم ونسعد بيهم ونفرح وهم البكمولنا
| |
|
|
|
|
|
|
|
|
|
Re: && بورداب الامارت كل عام وانتم بالف خير ورمضان كريم الافطار كيف . (Re: عصام علي أحمد)
|
الأعزاء عبد الكريم الأمين وعز الدين الفحل شكراً جزيلاً لكما على الترحيب
بي في ديرة الشيخ زايد، ويا عز الدين والله ما مختفي بس كنت مشغول
شوية مع إجراءات الإقامة لحد ما تظبط ويا دوب أوراقي ظبطت،
ويا الفحل سأرسل لك تلفوني على الماسنجر وكن على إتصال
وشكراً يا عبد العظيم لإضافة اسمي للقائمة، الرجاء توضيح مكان الإفطار
للبرالمة اللي زينا، يعني أقول لي بتاع التاكسي وديني وين؟!
تحياتي وتقديري للجميع
| |
|
|
|
|
|
|
| |
ناصر احمد الامين
نعمات حمود
عزالدين عباس الفحل
osman righeem
عصام علي أحمد
عادل سمير
محمد البشرى الخضر
عاطف عمر
Sayed Bekab
عبدالكريم أحمد الامين
احمد العربي
ALGARADABI
ابوعبيدة النعمان
عمر عبد الخالق سعيد
Al Sunda
الزنجي
حبيب نورة
Rihab Khalifa
محمد أبوالعزائم أبوالريش
وليد عبد اللطيف
abas
النذير حجازي
فيس بوك
تويتر
انستقرام
يوتيوب
بنتيريست