|
Re: مهنة المتاعب : تذاكر سفر الى الماضي .. ذكريات (Re: حافظ انقابو)
|
(1) تذكرة اولى : محجوب شريف ... والقدوم
في نهايات العام 2007م او بدايات 2008م ... كنت وقتها متدرباً في صحيفة الانتباهة بقسم الاخبار .. ولكن ثمة نشاط زائد جعلني اتعاون ايضاً مع القسم الثقافي في التغطيات المسائية .. وفي امسية يوم احد ان لم تخني الذاكرة كلفت وصديقي الصحفي نادر بلة بتغطية منتدى راشد دياب الاسبوعي .. لا اذكر بالضبط مضوع تلك الليلة .. ولكن اذكر انني التقيت فيها عدد ليس بالقليل من نجوم المجتمع .. ابرزهم شاعر الشعب د. محجوب شريف .. همتت مسرعاً اليه لالقي عليه التحية .. فرحب بي ترحيباً حاراً وكانه يعرفني من قبل .. سالني اسئلة عديدة وتعارف معي ونادر ايضاً .. ثم طلبت منه ان اجري معه حواراً قصيراً لينشر ب(الانتباهة) فكان رده ( يا ولدي بتعرف القدوم) اجبت: لا .. فقال لي: امشي اسال .. لمن تعرفو تعال لي نعمل الحوار .. ذهلت حقاً .. كيف لي ان اذهب لاجري حواراً مع شخص .. لينعكس الامر ويجري هو الحوار معي !! عدنا نفكر انا ونادر لنجد اجابة لسؤال الاستاذ محجوب شريف .. ولم نجد اجابة وفي نهاية الامر اصبحنا نتخفى هرباً من يرانا .. ليسالنا عن الاجابة التي لم نجدها قاموس البندر .. انتهت تلك الليلة وختم المنتدى ولا يزال بخاطري السؤال .. ( بتعرف القدوم) ذهبت الى منزلنا .. ولا ازال افكر في الاجابة .. نمت لاصحى باكراً واجد عمي (عبدالكريم) الصوفي جداً ... واثناء شرب الشاي سالته عن القدوم .. اجاب ببساطة (القدوم .. الة تستخدم في نجر العناقريب والبنابر) .. لاطلق ضحكة على الزنقة التي تعرضنا لها ليلة البارحة .. وهكذا (انفك) اللغز .. لاذهب الى الجريدة والتقي نادر الذي قابلني بابتسامة مقابل ابتسامتي .. فهو ايضا عرف القدوم اخيراً ..
بعد ذلك التقيت الاب محجوب شريف وتانست معه حكول ذلك الحوار .. ووعدني بان اجري معه حوار صحفي مطول شريطة ان يكون بعد سقوط النظام .. ولا زال الوعد قائما .. وربنا يطول في عمر شاعرنا محجوب شريف
______________ شكراً شاعر الشعب قفد كان لقاءك مفيداً جداً .. وشكراً للحوار اول لنقل (الامتحان)الذي اجريته معنا ... كل ذلك وكنا ندري علاقة الشيوعيين بالانتباهة وموقفهم منها .. ولكن اردنا ان ننال شرف المحاولة
غذاً تذكرة اخرى من تذاكر مهنة المتاعب باذن الله
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: حافظ انقابو)
|
سلام انفابو
تعرف شغل الاعلام دا مسألة انو مهنة متاعب او مهنه صعبه دى مابختلفو عليها اتنين
دا شغل لو ما كنت فدائى مستحيل انك تكون متميز فيهو , يعنى لازم تديهو كل وقتك
حتى وانت فى البيت فى الشارع فى اجازه فى المستشفى مفروض بكون مصاحب ليك
وشايلوا معاك حتى وانت نائم , والله مرات بجيك ذى الكابوس كدا وممكن عادى تصحا فجأه
تكون جاتك فكره عن موضوع معين
بالنسبه لوضعكم انت وزميلك نادر فى مقابله مع الاستاذ محجوب شريف حقيقه الزول الرسلكم دا
زول مابعرف اعلام على الاطلاق .. قول لى ليه ؟
القامات ذى الدكتور محجوب شريف مفروض يرسلوا ليهم صحفيين متمكنين ومتميزين
اول حاجه بكون فى تقدير لقامه ذى محجوب شريف , الشئ الثانى الصحفى المتمكن دا
بكون عندو خلفيه عن محجوب شريف وعندو رصيد معرفى كبير ومستحيل محجوب شريف
يقول ليهو بتعرف القدوم .. وبالمناسبه كلمة القدوم القالا محجوب شريف كلمة حمالة اوجه
ممكن يكون قاصد القدوم بمعنى الحنك وممكن يكون قاصد القدوم المعروف
فى النهايه هو رسل ليكم رساله واضحه وللصحيفه الانتو بتمثلوها او مثلت بيك
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: خضر الطيب)
|
اخونا خضر ... مرحب بيك مداخلتك سمحة .. بس ح ارد على بعض الحاجالت فيها
Quote: بالنسبه لوضعكم انت وزميلك نادر فى مقابله مع الاستاذ محجوب شريف حقيقه الزول الرسلكم دا
زول مابعرف اعلام على الاطلاق .. قول لى ليه ؟بالنسبه لوضعكم انت وزميلك نادر فى مقابله مع الاستاذ محجوب شريف حقيقه الزول الرسلكم دا
زول مابعرف اعلام على الاطلاق .. قول لى ليه ؟ |
اول حاجة يا عمنا مافي زول رسلنا لمحجوب شريف نحنا البادرنا ومشينا عليه طبعاً انا ونادر دفعة في الجامعة اصلاً وقدر بعض في العمر .. وما بفشي سر لو قلت ليك الاتنين عمرنا اقل من 20 سنة في الوكت داك
وذي ما اسلفت في المذكرة فوق انو انا عارف محجوب شريف ما ح يتحاور في الانتباهة ..... لكن فقط .. نلنا شرف المحاولة
تحياتي
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: حبيب نورة)
|
حافظ انقابو
تحياتى لك وللعقد الفريد بجامعة النيلين
يااخى محجوب شريف ده كوم براااه هذا رجل صادق سمح ما بتشتريهو بلقاء صحفى مهما كان الا ان كنت تعزز له موقفه وهو انه شاعر يحس الم شعبه فلو كان لقائك -مقالك معه فى هذا المنحى فابشر بالخير هذا الشاعر الشعب كلوا. انا احمد الله كثيرا ان اكون جزء من المشاركين فى علاجو هنا بالمانيا. صدقنى انا شاعر بزهو وافتخار بل احمد الله ان منحنى فرصة ان اشارك فى اضافة صحة او بسمة لشاعر الشعب محجوب شريف هذا الانسان البسيط ولكن كالطود فى مبادئه.
يااخ هذا الرجل اهدانى احد قصائده لتلحينها ياااخ من الخجل ما فتحت القصيدة ياااخ من انا من من هو ينبوع من الانسانية المتمثلة فى الانسان البسيط شاعر الشعب محجوب شريف
الشعب حبيبى وشريانى ادانى بطاقة شخصية الاسم الكامل انسان الشعب الطيب والدى المنو بناضل بتعلم تلميذ فى مدرسة شعبية والمدرسة فاتحة على الشارع والشارع فاتح فى القلب والقلب مساكن شعبية
هذه القصيدة اعظم من الف حوار ستجريه معاه تعرف ليهههه
لانها من قلب لقلب لانها ستبقى الا ان يرث الله الارض مثلها مثل عازة فى هواك
رمضان كريم يا عزيزى
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: حافظ انقابو)
|
حافظ ... رمضان كريم وتصوم وتفطر على خير .. بعيد عن موضوع البوست .. نصحية لوجة الله ... بما أنك صحفى عليك الله ماتتسرع فى الكتابة والردود وأتاكد قبل نتشرة لانو دائما بلاحظ عندك اخطاء أملائية كتيرة ، عشان الجماعة ما يلقوا فيك فرقة ويبستفوك ... ومنتظرين التذكرة التانية تحياتى ...
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: مزمل خيرى)
|
تذكرة رقم (2)
يا مريم الصادق بتبالغي
قبل بداية الانتخابات الاخيرة كنت وقتها اعمل بصحيفة التيار .. وقد تم تكليفي بعمل تقرير سياسي حول اعلان حسب الامة انسحابه من العملية الانتخابية .. بدات في تنفيذ التكليف .. مستصحباً كل الاحتمالات الواردة في ذلك .. ومعروف في عمل التقرير لابد من تعدد المصادر من عدة اتجاهات سواء كان من الهدف .. او المحللين والتحكيم لا اذكر كل مصادري في ذلك التقرير ولكن فقط في هذا التذكرة اورد المصدر الذي حدث معه الاكشن الغير متوقع .. انها د. مريم الصادق المهدي ... هاتفتها وتجاذبنا اطراف الحديث حول انسحاب حزبهم من الانتخابات في اللحظات الاخير .. اخذنا واعطينا في الحديث ولكن سؤالي الاخير ضرب الحزب في وتر حساس .. السؤال كان بخصوص المبلغ الملياري الذي تقاضاه حزب الامة في تلك الايام من الحكومة .. كتعويض عن ممتلكات الحزب التي صودرت في بدايات حكم الانقاذ فقالت د. مريم انها تعويضات .. فقلت لها ولماذ لم تعوضكم الحكومة الا في هذه الايام تحديداً؟؟ هنا توترت مريم وقالت : انت يا استاذ داير تقول انو نحنا بعنا الانتخابات؟؟؟ رددت عليها بانني فقط صحفي اريد ان احصل على المعلومات حسبما اسال ولا اقبل تاويل السؤال .. وفي هذه الحالة ساكتب ردك ... وان لم تردي واغلقتي الخط ساكتب انك اغلقتي الخط .. فقالت : المهم انها تعويضات عن ممتلكات الحزب .. وبذلك انهينا المكالمة .. بعد اقل من خمس دقائق .. دخلت الصديقة الزميلة الانصارية فاطمة غزالي (الله يطراها بالخير) قبل ان تلقي التحية .. فتحت النار في وجهي بانني اتهمت حزب الامة في شخص مريم المهدي ببيع الانتخابات .. ولم تعطيني فرصة للرد في تلك اللحظة ... الا بعد اكثر من ساعتين واخيراً فهمت ما دار ولكنها لا زات مصرة على انني اخرب علاقات الجريدة بالحزب واشياء من هذا .. بعدها اكملت كتابة التقرير وقمت بارساله للتدقيق اللغوي .. وذهبت الى اجتماع التحرير الاسبوعي الذي يراسه رئيس التحرير عثمان ميرغني وقبل ان يبدا الاجتماعرن تلفون الباشمهدنس عثمان فقام بالرد .. ومن خلال حديثه فهمت ان المتصل هي د. مريم الصادق تشكوني الى رئيس التحرير فكان رده بكل بساطة ان التيار مؤسسة صحفية وليست اكاديمية حتى يحتسب رئيس التحرير التلاميذ بل كل صحفي مسئول عن تصرفاته ويمكنها حل مشكلتها معه مباشرة .. وبذلك ختم الباشمهندس والدكتورة المكالمة ولا تزال د. مريم تتذكر ذلك الموقف ولكن لربما تفهمت اخيراً مهمة الصحفي .. كل ذلك ولم يكن هدفي تجريح خاطرك يا د. مريم ولكنها عملية البحث عن الحقيقة ...
شكراً مريم شكرا التيار
وتمضي الايام
التذاكر ما حتكون بالترتيب كل مرة ح اجيب من حتة تنويع وكدا
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: Deng)
|
وطبعا عنصريين صحيفة الزبالة الإنتباهة أستخدموك يا ابن الهامش التائه أنقابو، مثل ورق الكلينكس، وفي نهاية الأمر، رموك في أقرب لفة. وشايفك حتى هذه اللحظة ما داير تتوب ولسه بتمارس في أمنجيتك دي في البورد وبتدهنس للكيزان وللعنصرين. نحنا مشوارنا معاك طويل.
أها وبعد الإنتباهة يا رمة مشيت أشتغلت وين؟
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: Deng)
|
يا دينك فعلا العمل الصحفي هان والله عشان وكيل عريف زيك بقيم الصحافة والصحفيين
افهم يا إمعة إنو أنا اتدربت فقط في الانتباهة والحمد لله إنو قدرت استثمر الفرصة وظهرت بصورة لافتة خلال مدة التدريب اتاحت لي فرصة التعاقد في صحف اخرى في وقت وجيز جدا
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: على ميرغني)
|
علي ميرغني
Quote: شوف يا حافظ كلو الا الجيش بطريقتك مع دينق ان شاء الله ترجعو لجوبا بس الديش دا ما عندك معاهو شغلة اما منك انفصالي وبتاع انتباهة كمان |
دينك دا في جوبا ما بتقبلو تاني شفت كيف ؟؟؟ ارزقي .. ساي وانا ما داير اتكلم معاه كتير في البوست دا ولا ح ارد
الحاجة التمغس يا علي ... انا حافظ انقابو البتعرفو انت كويس جدا ... يجي يقيمني ويكيل عريف
هسة عليك الله وكيل عريف دا غير نبطشي للقائد وديدبان في البرج مهمته شنو؟؟؟
يجي يقيم الصحافة والصحفيين ... هان الزلابية
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: حافظ انقابو)
|
في داعي للاحراج يا ود اللمين ؟؟؟
في العام 2008م بالتحديد في بداية شهر رمضان المعظم اقامت وزارة الثقافة الاتحادية حفل تكريم لعدد من اعضاء الاتحاد العام للمهن الموسيقة السودانية اذكر منهم محمدية عبدالقادر سالم وردي محمد الامين زيدان ابراهيم شرحبيل واخرين كلفنا وصديقي نادر بلة من القسم الثقافي بالانتباهة لتغطية فعاليات التكريم الذي اقيم بصالة الريفيرا بحي الموردة بام درمان .. تحركنا من الصحيفة بعد الافطار متوجهين للحفل (بالمواصلات) وقد اتفقت ونادر على ان يكون هو المصور واكون انا المحرر .. وعندما وصلنا جوار كلية البيان بالمقرن .. تحسست جيبي لاتفقد قلمي .. الذي لم اجده فسالت نادر ( معاك قلم؟؟) فاجاب (ايوة) وكنا لا نبعد عن الجريدة اكثر من (50) متر فقلت( انتظر .. سارجع للقلم) قال : ( شيل دا) قلت له: ( لا احتمال نتشاكل) فضحكنا .. وعاد معي رقم توبيخه لي بانني ( باخر الزمن) .. ركبنا المواصلات العامة ووصلنا الى مكان الحدث .. وكلنا شوق لاننلتقي النجوم .. بل نعمل معهم ونطمح لاستجرارهم لاجراء لقاءات صحفية وقد كان .. بحمد الله عدنا ظافريين بمودا صحفية قيمة تم نشرها بصفحات الجريدة الداخلية وبعضها نال حظه بالصفحة الاخيرة ولكن .. تعرضنالموقف محرج للغاية فقد احرجنا جداً لاتقاط نادر لقطة للفنان الرائع محمد الامين مع زوجته اثناء دخوله للصالة وكلنا يعرف محمد الامين (اللئيم) الذي نده علينا في الحال وقال لنادر : ( امسح الصورة ولمن تجي تصور استاذن) يا له من احراج انه الاحراج الاول في العمل الصحفي .. استجاب نادر وقام بمسح الصورة التي تجمع الفنان محمد الامين وزوجته ( الصغيرونه) التي لربما يمكن ان تكون ابنته ... ولربما يخشي ان تنشر الصورة ويراه الجمهور متابطا يد حرمه .. بعد ذلك التقينا محمد الامين بالاتحاد وذكرناه بالموقف وضحكنا ودردشنا معه وتصورنا صور تذكارية معه .. وتداركنا الموقف المحرج ..
| |
|
|
|
|
|
|
Re: مهنة المتاعب : تذاكر سفر الى الماضي .. ذكريات (Re: حافظ انقابو)
|
Quote: كمان بتسمع غناء القونات الهابط دا الحال انت عايش برة غايتو ياعمك انت لو سكنت الديم بتكتل ليك زول |
انقابو يا ولدي تعال اعتذر سريع عن
ربط الديم بالاغاني الهابطة .. عشان ما نهبط
بك درك سحيق ..
وعشان اشجعك للاعتذار اعرف انه من فناني الديم :-
عمر عبده
كمال كيلا
عثمان حسين
مصطفي سيد أحمد ( سكن الديم حوالي عشرة سنوات )
وتاني منو يا شباب ...................................
| |
|
|
|
|
|
|
|