|
كتب الكاتب الفاتح جبرا المتوفرة بمعرض الدوحة
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: Mohamed Abdelmotalib Hassan)
|
وخاتي صور الفيلتين من شدة ما جميلات الواحد راسه ضرب وإتلخبطت , فقلت أستفسر , هل الأحسن
أضرب ليه إيميل ولا أرسل ليه تلفون , بعد فحص ومحص قررت أحسن الإيميل , لأنه التلفون لو
صوتك طلع فخيم ورخيم أكيد حيقول الزول ده مرطب فحيعلي السعر ويزيده كوز كوزين , ولو
الصوت طلع مربوك فحيعتقد إني غير جادي وما يشتغل بي.
رسلت إيميل مختصر جداً بتاع زول شاري وحاري وجادي شديد , سألته كالآتي
السلام عليكم يا أخ : .......... ,
لو سمحت كم سعر الفيلا الواحدة؟
سلام.
أخوك "في الله" :
محمد.
اليوم الأول : ما إشتغل بي.
اليوم التاني : ما إشتغل بي.
اليوم التالت : رد بي إيميل فيه خمسة كلمات بس وفقطن كالآتي :
إتنين مليون ضوووورار , قابلة للتفاوض.
طواااااالي مسحت الأيميل!
شكل الفيلا حاجة مافيها كلام , وسعرها يعني مش بطال , لكن المحيرني لي هسه إنه
الإتنين مليون ضوووررار دي فيها كم شلن؟؟
طبعاً ده ((بغد)) النظر عن فيلتي الجميلة!!!
وكدا!!!
| |
 
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: معتصم احمد صالح)
|
Quote:
اذيك يامحمد هاواى
رمضان كريم
مليونين ضورار دى يعنى مشكله كبيره
هو انت دافع حاجه من عندك
انت اشترى والحيكومه بتدفع |
يا خضر لندن,,,
رمضان كريم وكل عام وأنت مرطب...
عشان كده قلت ليكم المليون ضووورارر سعر مش بطال , المشكلة في الأشلان.
بعدين الحيكومة دي وقت أصلها بتدفع , مدخلاني في الزقاق الضيق ده ليه؟ ما كان تتم
الشغل ده تحت تحت كده وتسلمني الفيلا جااااهزة وبااااااردة زي وزي مناضلين
التراطيب العايزنها باااااردة ديل , بدل نقعد نرسل في التلفونات ونضرب في الإيميلات؟؟
لندن راحااااات لكن , إنشاء الله الجماعة ديل ما ضايقوك لما رجعت السودان؟
| |
|
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: Mohamed Abdelmotalib Hassan)
|
يا محمد قدر ما فرحت ليك بتمام بناء بيتك لكن خفت عليك من الحسد والحاسدين زي خضر الطيب دا وحاجاتك السمحه بتعجبنا وبيتك ياهو بيتنا لو ضامت بينا الدنيا ممكن تلمنا اخونا وعزيز علينا
يا محمد عبدالمطلب خضر الطيب دا زول جعان مخلوع وفرحان ساي شابك الناس انت مرطب وانت غنيان وكلام النسوان الجاهلات يخجلن يقولنه وبوري انه زول عاني من حرمان شديد ومستجد نعمه والماشفته في بيت ابوك بخلعك زي ما قالو
غير دا بتاع بوبار وبتبوبر بالكضب مخلوع مفتكر انه ممكن يحصل الناس لأنه حاسس في نفسه انه اقل منهم المسكين مشى لندن قايل نفسه خلاس خش الجنه
كدي يا محمد تعال شوف الكضب والبوبار الفارغ السواهو الزول دا في البوست دا واضحك عشان تعرف ياتو مستوى انت بتخاطب وربنا يكافيك شر الحاسدين امثاله
رحلـه مصـوره مـن مـطار مانـشيستر الـى مـطار الخرطــوم
| |
|
|
|
|
|
|
|
|
|
Re: ياخي الزول ده عمل لي نفسيات والله , لكن أنا وراهو والزمن طويل! (Re: عبدالعزيز حسين عبدالرحيم)
|
| Quote: يا محمد قدر ما فرحت ليك بتمام بناء بيتك لكن خفت عليك من الحسد والحاسدين زي خضر الطيب دا وحاجاتك السمحه بتعجبنا وبيتك ياهو بيتنا لو ضامت بينا الدنيا ممكن تلمنا اخونا وعزيز علينا |
والله قريت الكلام قلت الكلام الحنّين دا بتكون كاتباه خالتي فرنسا السودانية
بس اتذكرت انها لا تملك باص دخول هنا , رجعت لقيتو ليك زولي الما بيغباني
والله انحنا زاتنا فرحنا ليهو وقلنا مبروك في المرة الاولى لكنها يبدو مود .
................................................................................................................حجر.
| |
|
|
|
|
|
|
|
|
Re: ياخي الزول ده عمل لي نفسيات والله , لكن أنا وراهو والزمن طويل! (Re: الرفاعي عبدالعاطي حجر)
|
الرفاعي منقه ازيك وينك يارجل رمضان كريم وتصوم وتفطر على خير وربنا يهديك ويشرح قلبك وتبقى زول مالي هدومك وراجل محترم
والله دعائي دا من قلبي ليك يا الرفاعي
Quote: والله قريت الكلام قلت الكلام الحنّين دا بتكون كاتباه خالتي فرنسا السودانية
بس اتذكرت انها لا تملك باص دخول هنا , رجعت لقيتو ليك زولي الما بيغباني |
يا رفاعي الدنيا رمضان عليك الله ما تخلينا الواحد يسمعك ما لا يعجبك مافي غير اقول ليك الله يسامحك وكتر خيرك وربنا يهديك
| Quote: والله انحنا زاتنا فرحنا ليهو وقلنا مبروك في المرة الاولى لكنها يبدو مود . |
شفتها وعلقت عليها ومسحت التعليق ما مشكلة اكتبه ليك هنا تاني
كتبت ليك في التعليق المحذوف (ياخ بارك زي بقية الناس وخلي حقدك وأبقى زي بقية البشر)
كتبت كدا لكن شفت محمد فرحان قلت عيب ما في داعي الواحد يتماسخ ليه في بوسته
حقدك كان باين في مباركتك وقلت ما بعرف مافي النفوس الله العالم بيها لكن كونك زول كضاب اولاً وحقود ثانياً واضح لي أي زول
محمد عزيز علينا وأخو وإن شاء الله ربنا يدينا الصحه والعافية ويلمنا بيه في بيته في السودان نكون ضيوف واسياد بيت عنده نتصور ونجي ننزلها ليك هنا في البورد دا تتفرج عليها وتمشي تقطع وتنم بيها في قهاوي جدة والحسد الغيرة ماكله قلبك الاسود
| |
|
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: بكري عباس علي)
|
| Quote: يا محمد قدر ما فرحت ليك بتمام بناء بيتك لكن خفت عليك من الحسد والحاسدين زي خضر الطيب دا وحاجاتك السمحه بتعجبنا وبيتك ياهو بيتنا لو ضامت بينا الدنيا ممكن تلمنا اخونا وعزيز علينا |
يا عبد العزيز يا أمير,,,
رمضان كريم ياخي وكل سنة وإنت وأهلك كلهم طيبين
وبصحة وعافية.
دحين خضر ده ياتو خضر في الأخاضير؟ لأنه بصراحة
بحاول من قبييييل أتذكره لأنه غلبني ططططططب , بالله
إدينا فذلكة سربعة كده وعرفنا بيه.
لأنه شكله كده من النوع البضربك كف ويقول ليك ياسلالالالام
ياخي قميص شديد والله بكرة عازمك كوااارع ويبزق في الواطة.
نورنا ياعزيز نور الله عليك!!
Quote:
محمد عزيز علينا وأخو وإن شاء الله ربنا يدينا الصحه والعافية ويلمنا بيه في بيته في السودان نكون ضيوف واسياد بيت عنده نتصو |
يا سلالالالالام عليك ياخي , حبابك مليار والله , وإزداد شرفاً بتشريفك وقدومك أنت وكل الأصدقاء!!
Quote: رمضان كريم
انت فكرت تبيع فلتك ولا شنو ؟ |
الله أكرم يا بكري وكل سنة وإنت طيب ياخي.
ياتو فيلا؟؟
| |
|
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: Mohamed Abdelmotalib Hassan)
|
وبرضو "بغد" النظر عن موضوع الإتنين مليون ضووورراار :
سمير دنيا دي عندها شوال بتاع مكياج بتدخل يدها وتكشحه في وشها
وتجي طايرة الإستديو ولا القصة شنو يعني؟
بالله واحد يوصل ليها إنه جلبطة المكياج المبالغة ده شايلة "تزعين" في
المية من صوتهاالسمح ده.
يا سميرة يا دنيا :
والله إنت جميلة جداً بدون مكياج , ومحبوبة جداً خلقة وأخلاق . فعليكي الله
أرحمينا من مكياجك ده ياخ , لقد قلنا الرووووووووب منه!!!!
| |
|
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: Abdulrahman Gorashi)
|
Quote: الاخ محمد،
انت محمد بتاع المريخ داك ولا زول تاني؟ سؤال بري جداً |
الأخ عبد الرحمن القرشي ,
Abdulrahman Gorashi
هل تصدق سؤالك البرئ جداً ده ما فهمته؟ , محمد , محمد , محمد بتاع , بتاع المريخ (دااااك) , بالله مافي أي طريقة توضح لينا ياتو محمد في المحمدات , وياتو بتاع في البتاعات وياتو مريخ في المريخات إنت قاصد.
ولحدي ما توضح لينا , النسألك سؤال "أبرأ" من سؤالك ده جداً :
إنت من ناس القرشي بتاعين كتاب المطالعة بتاعين الإسهال دااااااك؟ ولا ده تشابه إسهالات سااااي؟ إن شاء الله القصة دي وقفت ياخ؟؟
Iris just a Diarrhea bra, part of da human nature, so just suck irit up and live wir it,after all, ani't gona hurt ya, you know wrara I mean yao
؟
| |
|
|
|
|
|
|
|
|
|
Re: ياخي الزول ده عمل لي نفسيات والله , لكن أنا وراهو والزمن طويل! (Re: Mohamed Abdelmotalib Hassan)
|
الاخ العزيز جداً محمد،
كل عام وانتم بخير ورمضان كريم والأسرة والكريمة معا، والف مبروك علي نهاية حلم السكني الرائع وربنا يزيد ويبارك،
ليست لي قرابة او صلة بقصة القرشي في المستشفي عند كتاب المطالعة آنذاك ، ولي الشرف لو كنت كذلك علي اقلها قد نكون علمنا جيلكم كيفية المحافظة علي الصحة والاتعاض من تلك القصة.
اما عن سؤالي عن المريخ، لكن كان سؤالا برئيا جداً ، لأني كنت بذكر في احد الأخوة ممكن بحمل نفس اسمك وكان يشتم في الهلال ايام كاس الأندية آنذاك وأظنه كان مريخيا،
لك العتبي حتي ترضي اذا ترجمت حديثي اعلاه بمعني غير جميل، ما من عاداتي ان اسب او اشتم الغير الا من باب الوداعة وتشجيع اللعبة الجميلة ،
| |
|
|
|
|
|
|
|
|
 Re: ياخي الزول ده عمل لي نفسيات والله , لكن أنا وراهو والزمن طويل! (Re: Abdulrahman Gorashi)
|
Quote:
الاخ العزيز جداً محمد،
ليست لي قرابة او صلة بقصة القرشي في المستشفي عند كتاب المطالعة آنذاك ، ولي الشرف لو كنت كذلك علي اقلها قد نكون علمنا جيلكم كيفية المحافظة علي الصحة والاتعاض من تلك القصة.
|
الأخ العزيز جداً عبد الرحمن القرشي :
رمضان كريم وكل سنة وإنت ومن تحب وكل من معك بألف خير وصحة وعافية.
لو بتعلموا جيلنا المحافظة على الصحة , ما كان جاكم إسهال In the first place
Quote: اما عن سؤالي عن المريخ، لكن كان سؤالا برئيا جداً ، لأني كنت بذكر في احد الأخوة ممكن بحمل نفس اسمك وكان يشتم في الهلال ايام كاس الأندية آنذاك وأظنه كان مريخيا،
لك العتبي حتي ترضي اذا ترجمت حديثي اعلاه بمعني غير جميل، ما من عاداتي ان اسب او اشتم الغير الا من باب الوداعة وتشجيع اللعبة الجميلة ، |
الأخ العزيز جداً عبد الرحمن القرشي,,,
الله لا جاب شتيمة وسب يا حبيب , كل مافي الأمر إني طلبت منك توضح لي أي محمد تقصد لأنه فعلاً سؤالك مبهم جداً , حتى بعد مداخلتك الثانية لم أفهم المقصود حتى الآن , لأنه فعلاً كلامك ده إلا تكون فاهمه براك.
بالنسبة لي سؤال القرشي , ففي برنامج أسماء في حياتنا أو ما يعرف ببرنامج (الطريق إلى الآخرة) فكلما يستضفيوا واحد من أعماكم يقوم يقول : زممممممان في كتاب المطالعة كان عندنا قصيدة بتاعة : في القولد إلتقيت بالصديق "وهو شخصية حقيقية" وأكلنا الكابيدة والجنقراكابد وهلم جرا , فمن ديك إفتكرت إنه أي زول بجيبوا إسمه في كتاب المطالعة بكون شخصية حقيقية عشان كده سألتك من إسم القرشي وموضوع الإسهال , هذا ما لزم توضيحه وكما ترى فالأمر أسهل من الإسهال نفسه.
رمضان كريم تاني , بعدين مباركة السكنى الجديدة ما بنقبلها منك هنا في البوست ده , تعال بي هناك عشان نرد ليك المباركة بأحسن منها.
No hard feeling bra
| |
|
|
|
|
|
|
| |
Mohamed Abdelmotalib Hassan
خضر الطيب
معتصم احمد صالح
الرفاعي عبدالعاطي حجر
بكري عباس علي
rani
nazar hussien
فيس بوك
تويتر
انستقرام
يوتيوب
بنتيريست