|
|
 أين؟ في مركز الأستاذ محمود محمد طه.. متى؟ الجمعة 20 يوليو
|
مساء الجمعة 20 يوليو 2012م الساعة 8 ــ 10
عنوان الندوة: الأستاذ محمود محمد طه في مذكرات رصفائه وتلاميذه ، في نقد مصادر الدراسات السودانية
يقدمها الأستاذ: عبد الله الفكي البشير ،
يدير الجلسة د. النور حمد
الدعوة عامة للحضور والمشاركة في الحوار بمقر المركز بامدرمان الثورة الحارة الأولى
|
|
  
|
|
|
|
|
|
|
 Re: أين؟ في مركز الأستاذ محمود محمد طه.. متى؟ الجمعة 20 يوليو (Re: Yasir Elsharif)
|
سلام يا د. ياسر ومشتاقين وعوداً حميداً
تعرف يا د. ياسر، لاقيت الأستاذ المحترم عبد الله الفكي البشير بالصدفة
في دار الوثائق القومية قبل سنة تقريباً، في موقف طريف شديد، المهم
كنت في دار الوثائق للبحث عن تأريخ المهدية، وأنا بمد في أوراقي
للتصديق عليها للتصوير، سمعت الموظفة المسؤولية بتقول لأحدهم:
يازول محمود محمد طه تانييييي!!
يا زول إنت قصتك شنو مع محمود دا؟!
جننتنا بي محمود دا، كل يوم بتصور ورق عن محمود؟!
تعجبتُ جداً من كلام هذه الموظفة المتخلفة، فنظرتُ للرجل
الذي تتحدث معه، ونظرتُ بتبسم له، فبادلني بإبتسامة عريضة
ولسان حالو بقول لي: بالله شوف الزولة دي متخلفة قدر شنو؟
فضحكت طويلاً حتى إغتاظت الموظفة، وقلت ليها: أنا نصيبي من التصوير
خلتيو لهذا الرجل وأنا ح أصور مرة تانية
فشكرني وبدأ تعارفه معي، وبالجد راجل محترم جداً وموسوعة
في الفكر الجمهوري وموثق عظيم لمسيرة الشهيد محمود محمد طه
وكنتُ ألتقيه يومياً بدار الوثائق عاكفاً في البحث عن الأستاذ
محمود محمد طه، فالتحية والقومة لهذا الرجل المثابر
| |
|
|
|
|
|
|
| |
Yasir Elsharif
النذير حجازي
فيس بوك
تويتر
انستقرام
يوتيوب
بنتيريست