بالنسبة لموضوع أحييييي يا عوضية ... هذه مواقفي يا تجار القضية

Quote: يا معتز ياخي وضح توضيحاتك بظروفك يا زول وما تشتغل بالناس مافي هنا زول عنده حق يديك صك براءة، البجيك من السماء من تجار القضية دا بس تحتسبه عند الله تعالى لو حقيقة في صكوك بتمنح امشي فتش ضحايا الانقاذ ديل واعتذر منهم، هم وحدهم من له الحق ان يغفر ما تقدم من خط يدك وما تأخر هسع لو داير في مليون زول بدوك ايميل صفية، رسل ليها بصورة شخصية، ولو داير ايميل عوضية برضو ممكن نديك ليهو اما ضحايا الانقاذ الفوق التراب فهم كثر، افتح بوست ووجهه رسالة ل 4 مليون دارفوري يفترشون الارض ويلتحفون السماء جيب كيبرورد دا واكتب رسالة تعزية لـ 28 اسرة تم اعدام ابنائها ولا يعلمون اين تم دفنهم الى يومنا هذا منذ 21 عام رسل ايميل لام الشهيد مجدي وجرجس واطلب منهم العفو والعافية لمناصرتك من قتل ابنها مالك ومال ناس سودانيز ديل، غير الهم على القلب ما بعلموا حاجة، بالذات الناس البتجاروا بالقضية زيي كده سخر قلمك وموقعك لادانة جرائم النظام السابقة، هو غسيل اليدين من الجرائم والدماء دا اصلو كيفنو؟ ما ياهو كده، تجي وتقول والله انا كنت مناصر للانقاذ دي، وعملت نايم من جرائمها علها تتصلح مثلا (شوف ليك اي حجة ياخي) واحتمال يرجعو لصوابهم، وهم احسن من المتاجرين الزينا كده، وكنا بنشوف جرائمهم ونصبر، ونستغفر ربنا واصلوا الجهاد في سبييل الله واعلاء كلمته ما بعرف شنو، لكن اليوم لم نعد نحتمل ظلمهم وكذبهم وقذارة لسانهم و###### اياديهم ... الخ

Quote: آخى الكريم معتزولك سلامى وتحياتى بما انني لست عضوا فى منبر سودانيز اون لاين اكتب لك اخي كما طلبت اولا انت غير مكلف بتبرير اى موقف لك مادام فى قناعة نفسك انك تقف الموقف السليم الذى يرضاهوالله والضمير والسلوك القويم اما بقية الناس والعامة وناس خلاص المركب غرقت وجائز ناطى ياخى ديل مامهمين لانهم غير معنين برجوعك للحق لان تصالحك مع نفسك هو المهم فانت رجل محترم ومهزب بشهادة الشهود (رغم عدم معرفتى بيك الا من خلال المنبر العام) لكن من خلال ماكتب عنك !! فيا اخي معتز حتى كفار قريش لما عادوا ألى الاسلام لم يطلبوا منهم تبرير سلوكهم السابق ولم يطلب منهم احد الاعتزار Ali hammad ‏من جهاز الـ iPad الخاص بي

Quote: 2- معتز لايصدر ، فيما يصدر عنه ، عن موقف فكري ، لا قبل الإقلاع ولا بعد الهبوط إنه يتعامل ، غالبآ ، بإحساسه ومشاعره و إنفعالاته تجاه قضايا ، ممارسات متعددة

Quote: لا يفهم منه بتاتا انضمامي إلى أي جهة معارضة

Quote: الاخ المعتز السلام عليكم ورحمة الله رمضان كريم وتقبل الله منكم ومنا والجميع صالح الاعمال احسن الله العزاء وتقبله الله قبولا حسنا وانزله منزل صدق مع الصديقين والشهداء وانا لله وانا اليه راجعون * صدقنى لم اعلم بذلك الا من خلال هذا البوست لغيابى الطويل عن المنبر * ارجو نقل عزائى للاخ الاستاذ السموءل وسلامى الكثير له علما باننا افترقنا فى 1983م وربنا يجمعنا به فى اطيب الاوقات ومعذرة لخروجى عن موضوع البوست الاّ انه الواجب كامل مودتى

Quote: الاخ / معتز قريش السلام عليكم ورحمة الله وبركاته،،، اولا البركة فيكم في وفاة والدكم . انا ليست لدي عضوية هذا المنبر ولكن من القراء المداومين بشدة على قراءة كل ما يكتب، اشعر كأنني اعرف هؤلاء جميعا ، ومتابع جيد للمواضيع التي تقوم بطرحها ومداخلتك ، بصراحة اقوم بقراءتها من غير ملل سطر سطر وبتشوق، اعرف انك في فترة من الزمان توقفت عن الكتابة لفترة ثم عدة مرة اخرى. وانت في هذا المنبر اعتقد انك محبوب لدى الجميع سواء كان معارضين للنظام او مؤيدين له، وانا واحد من هؤلاء كم اتمنى ان التقي بك. وفي هذا الصدد اود ان اقول لك انت غير ملزم بايراد مواقفك التي توضح فيها انحيازك لبعض القضايا، شيء طبيعي يقف الانسان ضد ما يراه فيه انتهاك لكرامة الانسان بغض النظر عن ولائه وانتمائه السياسي ، ممكن يكون في ناس ينتمون للحزب الحاكم ولكن يستنكرون بعض الاشياء التي تتعارض معهم ، وكل القضايا التي ذكرتها اعتقد يتفق فيها الجميع. انا شخصيا ليس لدي أي انتماء سياسي وغير معروف لاي جهة سياسية ، ولكننى انحاز لهموم الشارع السوداني و ما يتعرض له الانسان السوداني سواء رجل او امراة ، ولكن يجب عدم تسيس مواقف وانفعالات الشخص. وانت اذا كنت تنتمى لحزب الحكومة لما كنت مغتربا طيلة هذه المدة، في ناس يريدون يتفق الجميع مع ارائهم اذا خالفتهم وصموك وقزوعك بالنقد الجارح. انت في نظري شخص وطني وواضح في كل القضايا مثل الكثيرين من ابناء الوطن في الشتات. اخوك بدر محمد السعودية - الرياض