|
|
 و الله مشاكلنا دي كلها بي سبب اوكامبو السجمان ده -ليه ما يسجن البشير و
|
البشير ده معروف انه مجرم و قاعد يهين ويعذب فينا كسودانيين
اوكاامبو و العالم كله قال انه البشير ده لازم يحاكم
طيب ليه ما قبضوا لحدي اسع
البشير ده مفكوك كده ومسلط كلابو ديل على الشعب السوداني
لماذا يظل هذا المجرم طليق وحر حتى الان
و الله مشاكلنا دي كلها بي سبب اوكامبو ده ,
لانه البشير بعد قرار المحكمة الجنائية اصبح متمسك بالسلطة اكتر من اي وقت مضى
وحا يظل يحارب البشير في الشعب السوداني حتى يتم اجله
طيب نحنا ذنبنا شنو مبهدلين كده؟؟
اسع شايفم عينو بنسودا الافريقية دي في المحكمة وضلها ميت ساكت
يا جماعة اظن انه قرارات اوكامبو بسجن ومحاكمة البشير دي قرارات على الورق
يعني المحكمة بتضغت على البشير ليقدم تنازلات من الاراضي السودانية وغيرها
طيب البشير ده لو ود بلد زي ما بيقول , ليه ما ينتنازل عن السلطة ويسلم البلد لحكومة انتقالية
ويمشي يشوف ليه اي بلد يترزع فيه ..............
كفاية يا عااااااااااالم و الله نحنا قولنا الروب عديييييييييل كدة
|
|
  
|
|
|
|
|
|
|
 Re: و الله مشاكلنا دي كلها بي سبب اوكامبو السجمان ده -ليه ما يسجن البش (Re: احمد محمد بشير)
|
البشير الكذاب قال الغلاء الحاصل ده من رب العالمين!
كذاااااااب و الله يا بشير و خالك الطيب مصطفى عنصري
الغلاء ده سببو انت يا البشير لانك قاعد تشتري بي قروشنا ذخيرة
وخالك كان سبب اساسي لفصل الجنوب , الطيب مصطفى قد يزن ليك في اضانك و اوكامبو ضغطتك لحدي ما فصلت الجنوب
انتو عارفين يا جماعة خال البشير ده بيكره الجنوبيين لي شنو؟
لانه كان عندوا ولدوا استشهد في الجنوب و الشيء ده خلاهو يكره ناس الحركة الشعبية ديل شديد
طبعا اوكامبو متسبب في المصائب دي كلها بصورة غير مباشرة ..
الغايظني ليه اوكامبو ده ما اوفى بي وعدوا وقبض المجرم ده
| |
|
|
|
|
|
|
|
|
|
Re: و الله مشاكلنا دي كلها بي سبب اوكامبو السجمان ده -ليه ما يسجن البش (Re: احمد محمد بشير)
|
من المفترض انه مجلس الامن يتدخل لحل مشكلة السودان
الحركة الشعبية و المؤتمر الوطني عاجزين تماما لحل المشكلة السودانية
كل يوم خلافات وعدم اتفاق و الشعب يموت بالجوع و المرض
جماعة الحركات المسلحة ديل شايلين السلاح ولا قادرين يحرروا مدينة ولا اي حاجة
حتى التفاوض مع الحركات وقف منذ اتفاقية الدوحة
المظاهرات الحالية , و الله انا ما داير احبط الثوار ديل ساكت , اليوم شوفتا بي عيني فيديو لمظاهرات جامعة السودان
وما داير احكي ليكم شوفتا شنو ولا داير اجيب الفيديو ده هنا عشان ما اطم ليكم بطنكم
مشاكلنا معروف يا جماعة
-يا اما البشير ده يتنحى ويسلم البلد لمجلس انتقالي
-او الحركات المسلحة كلها بما فيها الحركة الشعبية تصل لاتفاق مع الحرامية ديل
ويتفقوا على اي شروط واي تنازلات , عشان نستقر , وممكن عادي جدا دارفور يحكمها اهلها وكذلك النيل الازرق
وجبال النوبة كلها تحكم ذاتيا عن طريق أحد النظم السياسية , كالكونفدرالية
| |
|
|
|
|
|
|
|
|
|
Re: و الله مشاكلنا دي كلها بي سبب اوكامبو السجمان ده -ليه ما يسجن البش (Re: احمد محمد بشير)
|
العندو حل يجي يقولو هنا
الجنائية و العالم خدعونا
و الديل لحدي الان الانقاذيين الحرامية ديل متسلبطين في البلد وينهبوا فيها
و المشكلة انهم كلهم ما عندهم وطنية
الصادق المهدي البايخ ده قال ايه؟!
نتفق على البديل وبعد داااك نقسط النظام , قوملف يا الصادق انت خاتي رجلك في الحكومة
عشان كده بتغش فينا
اتنحى من الحزب وعين خليفة ليك يا الصادق وطبق الديمقراطية في حزبك
الانصار كلهم عايزين يتظاهروا لماذا لا تامرهم بالخروج في مدن السودان لاسقاط الظلمة ونحن نعلم ان قاعدة الانصار كبيرة جدا
لماذا تخدعنا و تحبطنا بقضية الاتفاق على البديل التي اخترعتها انت و المرغني و بقية الفاشلين
| |
|
|
|
|
|
|
|
|
|
Re: و الله مشاكلنا دي كلها بي سبب اوكامبو السجمان ده -ليه ما يسجن البش (Re: عادل نجيلة)
|
أبوحميد ســلامات.. وعبرك تحياتي للعزيز عادل!
من المؤكد أنك وآخرين كُثر تعولون كثيراً على المحكمة الجنائية الدولية ممثلة في مدعيها السابق السيد أوكامبو، أو الحالي.. السيدة بن سوتو، للقبض على هؤلاء المتهمين. فقط وددت أن أوضح لك أن المحكمة ومدعيها العام معنيين فقط بتلك الجرائم ضد الإنسانية والإبادة التي وقعت في إقليم دارفور بموجب قرار مجلس الأمن والذي أعطى الـ ICC تفويضاً محدداً.
والمحكمة لا تملك وسائل أو آلية تنفيذ أوامر القبض.. وتعتمد على السلطات المحلية أو تعاون الدول الموقعة على ميثاق روما. وقد قدم المدعي العام 15 تقريراً لمجلس الأمن عن الأوضاع المأساوية في دارفور، وناشد في كل تقاريره هذة مجلس الأمن وأعضاء المحكمة والمجموعة الدولية إلقاء القبض على كل المتهمين في هذة القضية، وأولهم المجرم المطارد عمر حسن أحمد البشير. ولقد ظل السيد أوكامبو يناشد في السلطات السودانية، حتى آخر يوم له في المحكمة، للتعاون من أجل تنفيذ عرائض القبض وتسليم المتهمين.
ولقد إجتمعنا مؤخراً مع السيدة بنسودة، النائبة السابقة لأوكامبو، والمدعي العام الجديد للمحكمة والتي أكدت لنا عن رغبة أكيدة لتفعيل كل الطرق والوسائل من أجل القبض على المتهمين ومطاردتهم. وأعربت دول كثيرة داخل مجلس الأمن عن رغبتها في عمل إجراءات مشددة تحد بها من حركة المتهمين أو لتلك التي ستؤدي للقبض عليهم. ومثال ذلك أعلنت الولايات المتحدة الأمريكية (الدولة الغير العضو في المحكمة) أن المتهم عمر البشير "شخص" مطلوب للعدالة الدولية، ولا يستطيع دخول الأراضي الأمريكية.. كما قررت فرض عقوبات على الدول التي تستضيفه.. مع تعهدها بإجراء مزيد من الإجراءات الصارمة داخل مجلس الأمن.. في تلك الجلسة التاريخية والتي تشرفنا بحضورها داخل مبنى الأمم المتحدة، تقديراً منا لذلك الدور الفاعل الذي لعبه السيد أوكامبو أثناء تقلده منصبه.
وللعلم، هناك تحركات دولية (حالياً) لإصدار قرار إما بتضمين تلك الجرائم التي تحدث في النيل الأزرق وجنوب كردفان للتفويض السابق لمجلس الأمن للمحكمة أو بأصدار قرار جديد يتيح لها التحقيق في هاتين الولايتين... رغم صعوبة هذا الأمر مع الإعتراض الصيني والروسي له.. وسنحاول العمل مع المجموعة الدولية لإقناعهما عن عدم جدوى إعتراضهما والذي سيؤدي لإستمرار هذة الجرائم وإتساع رقعتها.
ودمت...
| |
|
|
|
|
|
|
|
|
|
Re: و الله مشاكلنا دي كلها بي سبب اوكامبو السجمان ده -ليه ما يسجن البش (Re: Mohamed Yassin Khalifa)
|
اتفق معك جزئيا يااخ احمد فيما سرته..
صحيح ان المحكمة الجنائية لا تمتلك الوسائل اللازمة لتطبيق قراراتها كما ذكر الاخ محمد ياسين
لكن المهم في الامر هو ان الادارة الامريكية الحالية بقيادة اوباما لا تريد
التخلص من البشير في الوقت الحالي.. هناك رسالة بهذا المعني
تم ابلاغه في شكل تهديد لقادة الجبهة الثورية قبل اسابيع في ان يوقفوا
تحركاتهم العسكرية وعدم الاطاحة بالبشير..
عندما صدرت قرار الجنائية في مارس 2009 سارعت الادارة الامريكية
بفضح نفسها قائلة بانها سوف تستخدم القرار كالبندقية المحملة بالرصاص
المصوبة نحو البشير لاستخلاص ما تريده منه وهاهي تفعل ذلك..
هناك تعاون امني كثيف بين الادارة والنظام فيما يعرف
بملف الارهاب حتي الان، فسجون النظام تعج بالجماعات
الاسلامية من مختلف البلدان حيث يتم شحنهم يوميالبلاد العم سام
كجزء من "الديل".
هذا التعاون الامني الاستخباراتي ربما امتد الي الاغتيالات التي تتم
بشرق السودان بين الفينة والاخري بصواريخ اسرائلية..والتقارير التي افادت
بزيارة علي عثمان لاسرائيل تصب في هذا الاتجاه.
كل هذا يتم قراءته بما صرح به المبعوث الامريكي الخاص للسودان ليمان
الذي طالب جنوب السودان باستئناف ضخ النفط عبر الشمال تخوفا من سقوط النظام
بفعل الضائقة الاقتصادية. وقبله بايام صرح سلفه الاسبق نانتسيوس بانه يتخوف
من صعود جماعات متشددة للحكم في السودان حال انهيار نظام البشير
وانه يخشي من مستقبل الشمال!!!
خلاصة القول ان البشير سيتم تسليمه للمحكمة حالما تقرر امريكا بذلك
من دون ذلك سيكون الرهان علي الاحتجاجات الشبابية الحالية او اي فعل آخر لاقتلاع الديكتاتور.
| |
|
|
|
|
|
|
| |
احمد محمد بشير
Mohamed Yassin Khalifa
تاج الدين عبدالله آدم
فيس بوك
تويتر
انستقرام
يوتيوب
بنتيريست