|
بصعود أهلي شندي تكون 15 نقطة في جيب سيد البلد ضمان
|
الدستة مضمونة
نصها من ناس شندي رايح جاي
ونصها من الوصيف الدائم رايح جاي
وربع دستة من انتركلوب في الخرطوم
يعني كده 15 نقطة
والعين على العلامة الكاملة بالفوز على انتر كلوب في انجولا
سيد بلد والله
صدارة قبل ما يلعب
والكأس مضموووون
|
|
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: جمال السنوسي)
|
Quote: الهلال عملاق السودان حسب وصف موقع الكاف الرسمي |
فعلاً عملاق صفر... نادي اكتر من ثمانين سنة ورصيده صفر دولي
اخونا حبيب الكل ... كيفك تخريمة شايف شذاذ الافاق بيسلم على الحشرة الشعبية في اديس ابابا في حد بيسلم على حشرة غايتو رئيسكم قاعد يختكم في حتات ضيقة خالص
Quote: غايتو درهم حظ والكاس في العرضة شمال |
هاك الدرهم دا
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: حمزاوي)
|
سلامات يا جمال: ومبرووك تاهل الهلال والمريخ واهلي شندي مباريات الهلال والمريخ لا تخضع لحسابات ضعيف وقوي وانت سيد العارفيين وفي عشرات المرات انهزم الهلال وهو الاقوي وكذلك في عشرات المرات اتهزم المريخ وكان هو الفريق المكتمل وما احداث بطولة الابطال في 2009 ببعيده عن الاذهان عندما كان يردد ابناء عمومتنا المريخاب نفس ما تقوله الان بان فريقهم هو الاقوب وهو الذي وصل دوري المجموعات في ذلك العام بدون هزيمه وان اكتر سته نقاط مضمونه من نقاظ المجموعه هي نقاط الهلال. مزمل ابو القاسم كرر هذا الكلام في عموده اكثر من مره وردده اخوتنا المريخاب في هذ البورد والارشيف يشهد وفي النهايه بقو في ما بنطير برانا. رايي حينها وراي الان انه ليس من مصلحة السودان ان يقع الهلال والمريخ في مجموعه واحده لان الاحتمال الاكبر ان هو ان يتعادل الفريقان في مباره واحده علي الاقل ان لم يتعادلا في المباريتين وبذلك سيفقدان معا اربعه نقاط يمكن ان تساعد انتركلوب في التاهل مع احدهم.
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: Omar Bob)
|
Quote: ليس من مصلحة السودان ان يقع الهلال والمريخ في مجموعه واحده |
يا عمر بوب
كل ما اوردته صحيح ولكن
ليس في تشجيع الفرق عدم وطنية
فسكان نابولي الايطالية شجعوا الارجنتين في كاس العالم 1990 بايطاليا حبا في ماردونا
وانا شخصيا اتمنى ان يصعد انت كلوب من مجموعتنا مع الهلال
عشان البطيخاب ديل يتهروا وصافات
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: جمال السنوسي)
|
Quote: نصها من ناس شندي رايح جاي
ونصها من الوصيف الدائم رايح جاي
وربع دستة من انتركلوب في الخرطوم
يعني كده 15 نقطة
والعين على العلامة الكاملة بالفوز على انتر كلوب في انجولا
سيد بلد والله
صدارة قبل ما يلعب
|
نفس الملامح نفس الشبه كل سنه بنحضر هذا الفلم والنتيجه ابق زيرو.يا ود السنوسى الهلال فريق تصنيف وبس ما فريق بطولات الكلام دا قلناه مليون مره لكن مافيش فائده
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: Mohamed Doudi)
|
طبعا انا مافرحت بتاهل الهلال والمريخ واهلى شندى على الاطلاق .. لاول مرة ورغم هلاليتى التى لا (يتناطح) فيها (عنزان) ..وذلك لان حمى التنافس بين الفرق الثلاثة تنسى هذا الشعب مهام انجاز الثورة السودانية التى لاول مرة نحس انها ممكنة ...شفتو كيف ... لكن عموما ان شاء الله يطيرو من دورى المجموعات ..مايصلوا دورى الاربعة ..
حاقد مش كدا؟....
اتحداكم مافى زول بحب الهلال قدرى ....
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: جمال السنوسي)
|
اها للجماعو الزعلانين من البوست ده
هذا ما كتبه الصحفي مزمل البو القاسم في الصدى اليوم
Quote:
نهائي الكونفدرالية بين شندي والرد كاسل
* سيؤدي المريخ أول أربع مباريات في دور المجموعات على ملعبه.
* سينازل إنتركلوب الأنغولي أولاً في الرد كاسل يوم السبت الرابع من أغسطس المقبل.
* بعدها سيلاقي الهلال في المقبرة يوم الأحد الموافق 18 من أغسطس.
* وفي اللقاء الثالث سيستضيف أهلي شندي يوم السبت الموافق الأول من شهر سبتمبر.
* وفي الرابع سيشد الرحال إلى شندي الجميلة لمنازلة النمور.
* لن يخرج المريخ من السودان لأداء أول مباراة إلا في الأسبوع الأول من أكتوبر، وبالتحديد أحد أيام (5/6/7) من الشهر المذكور حينما يسافر إلى أنغولا لمنازلة إنتركلوب.
* وبعدها سيختتم الزعيم مبارياته في الرد كاسل بمنازلة الهلال.
* مطلوب من رفاق الملك حسم ورقة التأهل في المباريات الأربع الأولى.
* أما الهلال فسيحل ضيفاً على الأهلي بشندي في الجولة الأولى.
* يا الرشيد الضرب محمدك في أول جولتين.
* بعون الله يقام نهائي الكونفدرالية في شندي أو الرد كاسل.
. |
عشان كده نحن نكتب ونكتب في المنافسات الاعلامية
والاعلام مهم في دعم الفريق للفوز
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: تاج السر محمد حامد)
|
يا جمال مزمل لا يتعلم من اخطاءه ابدا نفس هذا الكلام ردده في 2009 وبصوره افوي من كلام التمنيات دا. المره السابقه كان بلهجه الواثق من التاهل ووصول النهائي وفي النهايه بقو في ما بنطير برانا الشهيره وطارو براهم وجو طيش المجموعتين بجداره واستحقاق. اذا ابناء عمومتنا لا يتعلمون من اخطاءهم علي الاقل نحنا مفروض نتعلم من اخطاءهم
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: ebrahim_ali)
|
اها يا جماعة
تعالو شوفو زولكم مزمل ابو القاسم نقل االبوست ده وكتبو في عمودو اليوم في صحيفة الصدى مع تغيير اسم سيد البلد للوصيف الدائم
Quote: .
* إذا أراد المريخ أن يسهل مهمته فعليه أن يمسك بصدارة مجموعته بيدٍ من حديد.
* هذا لن يحدث إلا إذا تمكن الفريق من حصد نقاط كل المباريات الملعوبة داخل السودان، ولن نقول في إستاد المريخ، لأن السودان كله ملعب للمريخ.
* 15 نقطة متاحة للزعيم في الملعب الأحمر.
* هناك ثلاث نقاط فقط خارج السودان، لن يكون المريخ بحاجةٍ إليها إذا تمكن من حصد نقاط مبارياته مع الهلال والأهلي كاملة، وفاز على إنتركلوب في المفخرة.
* 15 نقطة تكفي لتصدر المجموعة.
* لكن المنطق يشير إلى ضرورة التعامل مع مرحلة دور المجموعات بالقطعة.
* يجب أن تأتي البداية قوية بضرب إنتركلوب الأنغولي في الرد كاسل يوم السبت 4 أغسطس المقبل.
* نتيجة اللقاء المذكور ستشكل حجر الزاوية في طموحات المريخ الإفريقية.
* يجب على كل فئات مجتمع المريخ أن تعد نفسها للمباراة المذكورة، بدءاً بالفريق نفسه، مروراً بالجهازين الفني والإداري ومجلس الإدارة والإعلام الأحمر، وانتهاءً بزلزال الملاعب الذي نتوقع منه وقفة مؤازرة تاريخية للفرقة الحمراء في ليلة القصاص من إنتركلوب في عز شهر الصيام.
* نريد من مجلس الإدارة أن يضع خطة محكمة تحوي عملاً إدارياً منظماً للقاء المذكور.
* بعد اجتياز عقبة إنتركلوب (بحول الله وتوفيقه) سيجد المريخ نفسه مطالباً بالفوز على الهلال في العرضة الشمالية يوم الأحد 19 من الشهر نفسه، قبل أن يستضيف النمور في الأول من شهر سبتمبر المقبل.
* أربع مباريات متتالية للمريخ داخل السودان يمكن أن تضمن له التأهل إلى نصف النهائي قبل أن يسافر إلى أنغولا لملاقاة إنتركلوب في الجولة الخامسة.
* لن نقول الدوري في داهية لأننا نريد للمريخ أن يجمع بين الكونفدرالية والبطولة المحلية.
* لكننا سنعيد الكرّة ونقول (الدوري في ستين ألف داهية) إذا ما تعارض مع طموحات المريخ القارية.
* مطلوب تكوين لجان عليا تتولى تجهيز المريخ للكونفدرالية إدارياً وفنياً.
|
| |
|
|
|
|
|
|
Re: بصعود أهلي شندي تكون 15 نقطة في جيب سيد البلد ضمان (Re: جمال السنوسي)
|
وكمان هنا مزمل بيشمت في عنف النسور ضد لاعبي الهلال
Quote: * يا حسن محجوب قال ليك عساكر النسور دقوا جماعة الزبون دق القطن!
* الضرب رُكب.. والدق في العصب!
* النقالة شغالة زي النملة في حكاية (دخلت نملة أخدت حبة وطلعت)!
* (دخلت نقالة أخدت لاعب وطلعت)!
* ركشة الإسعاف ذاتها اتعطلت!
* الجماعة كملوا التبديلات وأنهوا الكورة بعشرة لاعبين!
* والإستاد كلو يهتف (الليق الليق).. والتحكيم فااااااااااااشل!
* التحكيم يعمل ليكم شنو؟
* إخشوشنوا معانا شوية!
* ديل عساكر.. والعساكر ما بيعرفوش يمة أرحميني!
* مش تحمدوا الله إنهم ما قلعوا القاش وأدوكم بالحتة الفيها الحديدة؟
* تاني بتجوا المولد؟ |
| |
|
|
|
|
|
|
|