|
Re: أجواء خطيرة في الخرطوم الآن (Re: معتصم محمد صالح)
|
Quote: رذااااااذ يتساقط .... دعاااااش يعم الأجواء
|
يالله يا معتصم
والله رغم ما تعانون من ضغوط ومشاكل الحياة الا انكم وربى ترفلون فى نعمة تواجدكم بالوطن وفى احضانه
الله يقطع سنين الغربة ويقصر ايامها
ما احلى العصارى الخريفية فى بلادى وخاصة بعد توقف هطول الامطار
متعكم الله بالصحة اخى معتصم وحفظكم وحفظ السودان من كل شر
| |
|
|
|
|
|
|
Re: أجواء خطيرة في الخرطوم الآن (Re: حسن حماد محمد)
|
تحياتي أخي حسن حماد
وربنا يعيدكم لاحضان الوطن سالمين غانمين ...
وكما قلت الكل يستمتع بهذه الأجواء فقبل قليل مررت بالشارع الرئيس قرب منزلنا ووجدت الشباب متجمعين حول محل الاقاشي والدخاخين لاوية في السما مع الرذاذ الحاصل ده .. وفي مطعم مجاور وضع البعض صحون الفتة والفول المزبط ويتحلقون حوله ...
| |
|
|
|
|
|
|
Re: أجواء خطيرة في الخرطوم الآن (Re: حبيب نورة)
|
Quote: يا عمدة يا فنان والله كان تتأبط كاميرتك الخطيرة وتختف رجلك للخرطوم ... |
معتصم
لو تعرف كم عشقي لخريف الخرطوم
اجازتي بعد العيد مباشرة
دس لي حبة رزاز لوسمحت
وانشاء الله اشوفك المرة دي
قول امين ....
| |
|
|
|
|
|
|
Re: أجواء خطيرة في الخرطوم الآن (Re: معتصم محمد صالح)
|
نيستا ياقلب
سلامات واشواق كتيرة ... الدموع شهودة
ولي خريف الخرطوم العيون سهودة
وبفوز العملاقين الافراح مكبوته
ليتني كنت معكم
تحاياي يا اجمل الحلوين
وسيبك من حسادة حبيب نوره
انشاء تنفعكم انت وهناي .... وكاااااااااااااااااااااااك
| |
|
|
|
|
|
|
Re: أجواء خطيرة في الخرطوم الآن (Re: فيصل محمد خليل)
|
دي ما التورية ذاتها ولا الإستعارة المكنية ما عارف..
عنوان من بره يخوف ومن جوه يفول (من جو فول وكده)..
والله مبروك عليكم الجو الفولي ده.. وربنا يوعدنا بخريف كارب
ينبت الزرع والضرع ... ويصلح الحال
| |
|
|
|
|
|
|
Re: أجواء خطيرة في الخرطوم الآن (Re: طارق جبريل)
|
جيمس ,, ما تلخبت الاختساس بالله ( الدولار في بوست الدولار بهناك ) ..
ـــــــــــــــــ
قريبي فيسل هليل ... ما ده الخريف البطفي نار الشية ..
ــــــــــــــــ
تحياتي وتقديري كمال كرار ..
ـــــــــــــ
معاوية .. قلت لي انجازات الانقاذ .. !!
ــــــــــــــــ
قريبي المسخوت .. هي نان كان دايرين نقولا كدي عديل الشرح الفوق للناطقين بغيرها والمديد ده شنو ؟
| |
|
|
|
|
|
|
|