كتب الكاتب الفاتح جبرا المتوفرة بمعرض الدوحة
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
تتذكرو الاتفاقية المعروفة للنبى ص مع قريش حين وافق على شرطهم ان البجيهو من ملتهم يرده لهم والبجيهم من ملتو هو لن يردو له .... وكان في ذالك قمة التكتيك من قبل النبى ص رغم ظاهرية الخضوع ... لان الذين اقتنعوا بمحمد ص عرفو انو لو مشو ليهو حايرجعهم لانه صادق في اتفاقه ولاينقض عهد بس هم وصلو لقناعة ان الحتة القاعدين فيها دى غلط فمشو وشكلو لهم جبه تخصهم يحاربو به اهلهم وانقلب السحر على الساحر كما يقولون .......
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
حكاية تانية وهى من المجتمع الصوفي في السودان يحكى ان هناك شيخ من شيوخ المتصوفة كان وهو يجالس حيرانه في الليل يطل عليهم رجل سكران فاقد الوعى يقوم الشيخ يجلسه بقربه ويفضله عليهم ناهيك عن تركه الدرس الايمانى القطعو هذا السكران بعد فترة الجماعة ضاقو بهذا السكران وانتقدو الشيخ في تفضيله عليهم والترحيب الذى يكنه له .... ناهيك عن قطع الدروس فكان رد الشيخ انتو ديل القاعدين بى هنا لامحتايجن لي ولا محتاج ليكم انتو ما خلاص وصلتو وعرفتو لكن على ان اركز جهدى مع الزول دا عشان يصلكم ويكون معاكم
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
لا احد يمكن ان يزايد على معرفتى بمعتز حتى اخوانه وبعرف جيدا تنازعات معتز لم اقسو على حد قدر قسوتى على معتز كصديق كزميل عمل قبل ان يذهب لوظيفته الحالية او كعازف اكورديون في حفلة واحدة لمصطفى سيد احمد وبعدها ذهب وترك الموسيقى بل وحرمها وبقى معتكف في مسجد سارة وهو مسجد خاص بالسلفين لكنه عاد وكان احد المشرفين على التسجيل الصوتى لحفل شيراتون 1995 م لمصطفى الغاب عنه كبار المعارضين لنظام الانقاذ الاحياء منهم والاموات وهم من يشار لهم
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
Quote: بسرعة بلعت الطعم يامعتز لاحظ اول دخول لك للبوست هذا تجاهلت المداخلات المرحبة بك ورديت على مداخلتى غير المرحبة بك |
يا احمد هو دا وقتو الزل دا من المؤلفة قلوبهم هل تعلم وبتلك التخرصات الكان بكتبها عن الشيوعين او الجمهورين والمعارضين لمؤتمر القتلة صرفت له بطاقة برتبت عقيد دلوقت لمن جا بهنا دايرنو يحكى لنا كيف تم تجنيده اسفيريا وكيف صرفت له تلك البطاقة فعلا الزل دا مفيد يا احمد وممكن نستفيد منه والزيو كتار هنا ويمكنه كشفهم عشان كدا قال ليك انا مفيد
تنهدات: يا احمد لاتغلق باب التوبة
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: محمد البشرى الخضر)
|
Quote: ويااخي يابدر الدين جعلت مهمة صاحبك شاقة ...المسالة مش صفية وبس ...... ومش ومش ... و يحتاج الكثير ليمحو عن نفسه قبول رتبة عقيد بالأمن (الكترابل ...عقيد مرة واحدة ) |
يامحاسن انت البتصعبى على معتز اهمية الشرح عقيد وشوف عينى للبطاقة وقد شوفها معتز لغيرى وهم كتار هنا في الدوحة بل البطاقة موقعة من رئاسة الجمهورية ... نعم يامحاسن ارسلت لمعتز رتبة عقيد وهو في الدوحة عشان يواصل شتمه لكل معارضى مؤتر القتلة .....
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: محاسن زين العابدين)
|
سلااام يا بدر الدين الامير رد منقول من بوست التوبة
Quote: عزيزتى جدا ماجدة عوض خوجلى تحايا واشواق وعساك بخير وعافية شكرا عميقا انك خصيتينى بهذه المداخلة و لك عظيم الشكر والتقدير والامتنان
Quote: اخى العزيز قاسم تحياتى ليك خلينا فى الاول نتفق على شى اساسى انا متاكده انك بتؤمن بيهو وهو الاتى انضمام القريش للتورة ورجوعو للحق وترك الباطل حق مكفول ليهو مافى اى انسان عندو الحق لاانا ولاانت ولا اى انسان فى الدنيا دى بيقدر يقلع منو الحق ده
تماما اتفق معك فيما ذكرت بل وازيد ان لا احد يملك حق منح او منع اى شخص من ان يكون فى اى من الاتجاهات التى يرى انها تتناسب وتتماشى ورؤيته وتقديرة لما هو ماثل وما قد يحدث فى ########م الايام اذ ان الحرية التى نتحدث عنها تلزمنا ان نطبقها حرفيا خاصة اذا كانت هذه الحرية هى ( الراى والفكرة والتعبير والانتماء والاعتقاد والاعتناق ) ولو ملاحظة انى لم ارحب ولم ارفض ولا يحق لى ان افكر مجرد التفكير فى مسالة الرفض هذى ، ولكنى سالت عدة اسئلة اعتقد وارجو ان اكون مخطئا انها من الاهمية بمكان اذ ان رد الغعل العاطفى لا يمكن ان تنبنى عليه قطيعة كاملة مع ما سبق من احداث جسام و دماء كثيرة سالت تحت وفوق الجسر وحينها بالفم ماء او السخرية من الضحايا ،، ومن من ،، من عضوية ومنسوبى المؤتمر الوطنى ذلك الشىء الذى قسم المجتمع ومزق النسيج الاجتماعى ويعلم الله كم من الزمن يكفى لرتق ذلك التخريب المتعمد وتلك الفتنة التى اشعلوها عن قصد وفى ذلك قال الاحنف بن قيس ( اسرع الناس الى الفتنة اقل الناس حياءا من الفرار ) . ولا اعتقد ان الذى جاشت مشاعرة فجأة لمنظر انثى سوداناوية ضربت حتى سال الدم من راسها بقادر على حبس وكتم مشاعرة لاناس تم دفن البعض منهم وهم شبه احياء ولا لانثى اغتصبت ودليلها تقرير طبى يثبت تلك الجريمة النكراء ولا لاخرى اغتيلت رميا بالرصاص وعن عمد !!! ولا لاحداث جسام حدثت يشيب لها الولدان ......... ألا يحار المرء فى هذا التغيير الفجائى ؟؟؟ وكأنما نبى الله الخضر هبط فجأة ليملأ قلوب هؤلاء عطفا وحنانا ومودة ورحمة ؟؟؟؟ ذلك كان هو مقصدى مكرر الشكر يا ماجدة مودتى وتقديرى ،،، كونى بخير
قاسم المهداوى |
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: قاسم المهداوى)
|
الحبر الإندلق في بوستات التائبين والفارين أو سمهم ما شئت أكثر مما سكب في الثورة نفسها!!!!
البعض نصبوا أنفسهم سدنة أبواب الثورة وحاملي مفاتيحها يدخلون من يشأ ويمنعون من يشأ!!!
ليس من حق البعض إعطاء أنفسهم حق إلهي بفتح وقفل أبواب التوبة... قبولها ورفضها!!!!
كنا نسمع بهذه الوصاية من البعض منذ قيام إنقلاب الإنقاذ وللأسف أغلبهم ركب في سفينة الإنقاذ فيما بعد
لا زلت أذكر نقاشنا مع الاخ دكتور منصور العجب ونحن طلاب في هولندة في بداية التسعينات عندما كان يتهدد ويتوعد ويعتبر أن أي مهادن للإنقاذ هو خائن وعميل وإذا به يصبح إنقاذيا في آخر عمره ويعمل وزيرا بها وهي تترنح (نسأل الله حسن الخاتمة) وغيره كثر
حتي هذه المظاهرات التي يوزع البعض صكوك غفرانها لا ينكر أحد أن في رأس حربتها الترابي وحزبه وصوتهم الأعلي والاكثر حنقا علي النظام (ربما لثاراتهم معها ) وحتي إجتماعات تغيير النظام يعقد بعضها في دار حزبهم.
رغم أن معتز هو من وضع نفسه في هذا الوضع بتوسله لثوار المنبر لكن تبقي الحقيقة ليس هناك وصي علي الثورة
وكل إنسان حر فيما يعتقد وحر في أي موقع يقف وعليه تحمل مسئولية ذلك
وأتفق تماما مع دكتور حيدر المشرف في ذلك
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: الخير محمد عوض)
|
الاخ العزيز قاسم المهداوى لم ولن نقول اعفو عن من اجرم في حق السودان ارض وناس ومعتز لمن كتب مدافعا عن جرم الانقاذ واساخرا من معارضيها نال مننا مايستحقه من النقد والتقريع بل احيان السب الذى يعاقب عليه القانون لذا ياسيدى علينا ان نجعل من عودة معتز للحق والحقيقة مفتاح لعودة غيره ممن هم مضللين وضالين ليستبينو النصح قبل ضحى الغد وهؤلاء كم نحتاجهم في هذه المرحلة وباب العودة مغلق لمن ارتكبو جرم يحاسبهم عليه القانون
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: الخير محمد عوض)
|
Quote: يامحاسن انت البتصعبى على معتز اهمية الشرح عقيد وشوف عينى للبطاقة وقد شوفها معتز لغيرى وهم كتار هنا في الدوحة بل البطاقة موقعة من رئاسة الجمهورية ... نعم يامحاسن ارسلت لمعتز رتبة عقيد وهو في الدوحة عشان يواصل شتمه لكل معارضى مؤتر القتلة ..... |
فى كل الاحوال بدر و معتز فى وضع صعب
على معتز ، ان يقول كلمته هنا ، غايتو
الله يكضب الشينه ، الحل امام معتز فى
امران فقط.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: هجو الأقرع)
|
الأخ بدر الدين وضيوفه، لمعتز القريش كامل الحق في أن يغير ولاءاته وينبذ انتماءاته كما يشاء، ولا يستطيع أحد أن يحرمه من هذا الحق. ولكن في الوقت نفسه، لمعارضي نظام المؤتمر الوطني الباطش الفاسد، هنا في سودانيزاونلاين، كامل الحق أيضاً في عدم الثقة في معتز القريش وحتى عدم التعامل معه. فبصرف النظر عن السبب، أو الأسباب، التي دعت القريش لاتخاذ موقفه الحالي، فقد ظل يستخدم في خلافه مع معارضيه في الرأي هنا في البورد، وفي مختلف القضايا، عنفاً لفظياً سافراً واستفزازاً متواصلاً بأقذع الالفاظ في الأسافير، وعلى الأخص هنا في البورد، في سلوك لا يقل فظاظة عن سلوك رباطة المؤتمر الوطني على الارض حالياً في السودان....والأرشيف موجود. فالقريش عندما كان يستفز ويسب ويشتم يمنة ويسرة لم يكن في نوبة جنون، بل كان يفعل ذلك وهو في كامل وعيه، والسبب الذي قال انه دفعه لتغيير موقفه من النظام الحاكم في السودان لم يهبط على البلاد فجأة....وفساد وبطش النظام الحاكم لم يطرأ بصورة مفاجئة خلال الاسبوع الذي كان معتز القريش موجوداً فيه في السودان في الآونة الأخيرة!! القريش حر في اتخاذ الموقف الذي يرى، ومخالفوه لهم الحق في ألا يثقوا فيه. دمتم،
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ناصر المحسى)
|
يا ود الامير ليس من حق اي كان ان يوافق او يمنع من يشاء من اتخاذ موقف ما سواء أكان ذلك يوافق او يقف ضد معتقداته وافكارة ولكن الإنقاذ والانقاذيين لا يوثق بهم فهم فهم يستخدمون اي سلاح حتي سلاح الغدر والاغتصاب ويمكنهم هدم كل الأعراف والقيم والمثل وهم بهذا لا يشبهون الفطرة السودانية السوية وعليه فلا يمكنك ان تطلب من الناس ان ينامو هانئون وقد ادخلوا ثعلبا داخل دارهم والجبهجية تربوا وترعرعوا بأسلوب واحد وعليك بمراجعه كل ما كتبة الشخص المعني من ردود علي منتقديه تجدها من شاكله انت شنو وانت ما مستواي او اشياء من هذا القبيل انت نفسك مصدق ان شخص خدم الإنقاذ بإخلاص وتمت مكافأته برتبه عقيد يمكن ان يرجع عن معتقداته فقط لان زار السودان ووجد الناس جعانة ؟ ما دة نفس الكلام الدائر من ثلاث وعشرون سنة أية الجديد الخلي الغشاوة تزول أنا بسال هذا السؤال لأني لا أثق بهؤلاء الناس
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ناصر المحسى)
|
يابدر،
هناك كالعادة خلط مريع لي كم هائل من المعايير!
نعم او من حيث المبدأ، او عشان تكسب المعركة، او مش بالضرورة الحرب، ينبغي الترحيب باي فرد يروح ناطي من سفينة النظام الحاتلة لامحالة، او بالتالي عدد "البجدفو" باتجاه القيف، بقل!
كنتيجة كمية الموية المتسربة لي داخل السفينة حتكون بي وتيرة اعلي اسرع، من التجديف من الفضلو، الي القيف!
هذا لايعني اطلاقا، عفي الله عما سلف، او الماثل، وانما، لكل مقام مقال.
يعني بي وكتو، الا اذا عامل الوكت زاتو تطلب ان يكون الحساب الان، بمعني انو الخطوة دي مهمة بما لايمكن ارجاؤوها الي تاريخ لاحق.
من الجهة الاخري، علي معتز القريش تقبل راي من يصر علي مساءلتو الان او مش بكرة، لانو لو فعلا يعني ما يقول عليه ان يتحمل مسؤولية ما اتخذ من مواقف!
بالذات انو حقيقة كان كالعهد به طائش، او جارح بالذات ما اتصل بي قضية الاغتصاب، بلاش ذكر اسماء لو سمحتو، وفي هذا معتز الي ان يرث الله الارض حيكون مسؤول طول ما رافض يتحمل مسؤولية ما اغترفت يداه، بان يقول من القلب اجرمت بحقها، لاني قبلت لاخوات الاخرين الذي ارفض قبوله لاخواتي!!
من الجانب الاخر، يا بدر ابعد تماما من اصدقاك او معارفك في مكان زي ده مخصص للصراع الفكري، والا مستحيل تطلع برئي من شبه الانحياز من جهة، او تصفية حسابات شخصية من الجهة الاخري!
البروح حاشر اهل بيتو ولا اصدقاؤو في معاركو هنا، زول مشكوك في زمتو، او بالتالي لو مافاسد بالفعل، فهو فاسد بالقوة!
بالقوة معناها، عندو القابلية بي معني كامن فيهو فساد الزمة!
ابعد تماما من محيطك الاجتماعي كقاعدة، والا مصداقيتك حتدفع الفاتورة!!
والا، فكم واحد في الخيط ده بيعرف انو بشاشا عندو ود عمتو عضو هنا معانا في المنبر ده؟
قصدي انا لا آتي، بما انهي عنه، لانو كده، عار علي،اذا فعلتا، ذميم!
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Bashasha)
|
Quote: الصديق العزيز هجو المسألة ليست خصومة تفاكرية بينى ومعتز هى حقايق اوردتها بعد اعلان معتز انسلاخه من مؤتمر القتلة ومتى ياهجو عهدت فينى الكذب والتلفيق |
يا بدر يا خوى اسع عليك الله انا وين قلت انك كضاب
لكن ، الكلام ده من يثبته او ينفيه معتز ، حسب
معلوماتي المتواضعة ان الرتب الكبيرة لا تذكر رتبها
فى البطاقات ، بعدين ممعتز يمكن يكون رشاك بى فوتو
شوب ، و فى كل الاحوال حتى لو ان معتز عقيد او فريق
انت خنت امانة صديقك.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: معتز القريش)
|
Quote: عقيد وشوف عينى للبطاقة وقد شوفها معتز لغيرى وهم كتار هنا في الدوحة بل البطاقة موقعة من رئاسة الجمهورية ... نعم يامحاسن ارسلت لمعتز رتبة عقيد وهو في الدوحة عشان يواصل شتمه لكل معارضى مؤتر القتلة ..... |
يا بدر الدين .... أنا حاصدقك ما دام قلت شوف عينك ....
بس كيف، وإنت طارح نفسك معارض، ما أعلنت المعلومة دي قبل كده ... وسمحت لعقيد الأمن يواصل في عمايلو وهو موجود وسط الناس وإنت عندك معلومة زي دي.
طبعاً كلام هجو الأقرع مفروض يكون معكوس ... لأنو في الحالة دي، ما بتخون صديق .. لكن تكون بتخون مبادئ معلنها على الملأ وبتتسبب بي سكاتك في أذية ناس وطنيين مناهضين للحاصل.
هل إخترت صديقك وبعت الوطن ... أم أن الأمر التبس علي؟
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
Quote: امامسالة التهيد والوعيد لن تنال من اي حرف اكتبه |
إياك تكون فاكر نفسك حاجة عشان يهددوك هو انت بتعرف تكتب شنو قال حرف أكتبه قال انت مصدق انك مثقف وكاتب ومناضل يا زول الناس دي ضاحكة عليك أوعى لنفسك والله العظيم ضاحكين عليك
عموما : احتراما للكان بينا وياريتو ماكان واحتراما للناس البينا برضو ولأني ما زيك يا غادر ما ح أجيك هنا تاني وأتمنى إنك تفك دربي وما تجيب اسمي على لسانك الزفر دا نهائي
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ناصر المحسى)
|
Quote: يا بدر يا خوى اسع عليك الله انا وين قلت انك كضاب
لكن ، الكلام ده من يثبته او ينفيه معتز ، حسب
معلوماتي المتواضعة ان الرتب الكبيرة لا تذكر رتبها
فى البطاقات ، بعدين ممعتز يمكن يكون رشاك بى فوتو
شوب ، و فى كل الاحوال حتى لو ان معتز عقيد او فريق
انت خنت امانة صديقك. |
ياهجو اثبت على حالة هل الرتب لاتذكر في البطاقات العسكرية .... ام نى خنت الامانة بعد اعلان العقيد انسلاخه ممن نحو تلك الرتبة ....
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
Quote: قلتها له من قبل واعيدها له هنا
معتز عندي شخص غير موثوق به علي الاطلاق فهو يتلون كما الحرباء وستثبت الايام لكم قولي
معتز رجل معروف بسجل متسخ هنا وفي ( امكان اخرى ) ولن تمسح بحار الكون اتساخ جلباب
سجله مهما تزيأ بجلاب الوطنية الذي يدعي ارتداءه الان..... لا يفيد عض بنان الندم الان
فس مشهد درامي لا ينطلى علي كل ذو لب فمركبكم تهاوت.
احمق من يظن بانها توبة |
.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: عمار محمد ادريس)
|
Quote: إياك تكون فاكر نفسك حاجة عشان يهددوك هو انت بتعرف تكتب شنو قال حرف أكتبه قال انت مصدق انك مثقف وكاتب ومناضل يا زول الناس دي ضاحكة عليك أوعى لنفسك والله العظيم ضاحكين عليك
عموما : احتراما للكان بينا وياريتو ماكان واحتراما للناس البينا برضو ولأني ما زيك يا غادر ما ح أجيك هنا تاني وأتمنى إنك تفك دربي وما تجيب اسمي على لسانك الزفر دا نهائي |
يا ود القريش .. تعال ..
فايت مروح وين ؟؟؟؟؟لسه الوقت بدري
تعال ورينا حكاية البطاقة ..دي شنو ؟؟؟؟
عقيــــد يا راجل ... لاحولا
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ahmed haneen)
|
Quote: ياهجو اثبت على حالة هل الرتب لاتذكر في البطاقات العسكرية .... ام نى خنت الامانة بعد اعلان العقيد انسلاخه ممن نحو تلك الرتبة .... |
يا بدر يا خوى داير النصيحة
انت اكثر الناس معرفة باخوك ود القريش
معتز بتاع مقالب ، و حتى لو كان بهظر معاك
فانت نقلت الى العام ، ما لا يجب نقله ، يعنى
الاجابه على سؤالك (الاثنان معا) ، و التانيه
حسب معلوماتى المتواضعة . بدر نصيحة من
اخوك عليك الله روق المنقة.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: هجو الأقرع)
|
يا بدرالدين ، إنت راجل ( طيبان ) والله .. بطاقة شنو وعميد الفن منو ونقيب الفنانين ياتو ؟؟؟؟
ياخ ممكن هسي زول في خلال عشرة دقايق يعمل ليك بطاقة برتبة مشير أول أركانحرب جعفر محمد نميري.. إنت يا بدرالدين طيب واللا شنو؟؟ إنت هسي فاتح بوست تدعو فيه الناس إنهم ما يصدوا من يأتيهم تقوم تشيل ليك نَوبة وتحوم ماسك في سيرة أقرب زول ليك في البلد دي؟؟ واريتو كان كلام بيتصدق!!! تخلي الموضوع الأساسي ، وتمسك في ( أخوك ) !! لا حول ولا قوة إلا بالله.. يا بدرالدين إنت واعي للبتعمل فيهو ده؟؟ إنت متخيل شنو يعني؟؟ الناس ح يصفقوا ليك؟؟ ح تطلع الأول ؟؟ ح يدوك صك غفراني معارضي وطني ، واللا يمكن رتبة ( عقيد ) !! يا بدرالدين مجالس ( الرجال ) اسرار، وقبل كده عزام قال ليك أحفظ ما أؤتمنت من أسرار وأنا أفتكرتك بتهظر مع عزام هظارك العادي لكن بعد موضوع معتز ده ، واضح إنو ما في أمانة أسرار مجالس ، وده شئ بيعيب الراجل (عيبة شديدة) راجع ( حاجاتك ) كويس يا بدرالدين ، قبل أن تخسر من حولك ، ومن ثم ( نفسك )!!
الناس دي الحاصل عليها شنو؟؟
قلت لي رسلوا له بطاقة إسفيرية!!
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Salah Abdulla)
|
Quote: حسب معلوماتى المتواضعة . بدر نصيحة من
اخوك عليك الله روق المنقة. |
ياهجو اوعلك انا هنا لم اباركها في يوم من الايام مع احد العقيد الذى ادعى هنا الانسلاخ من مؤتمر القتلة صدقته بل وقلت له لقد سريت عنى بذالك الانسلاخ ... في بوست نسلاخه الذى خطه هنا ... وفي اول تحقق الى من صدق ذالك الانسلاخ ... انت براك شايف التهديد والوعيد ناهيك .... كدى خليهو يرسل ليك الرسالة التى ارسلها الى وهو يعلم تمام انه تجرمة حتى لو الموبايل مامسجل باسمه
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: بدر الدين الأمير)
|
بدر الدين انت غلطان وانت هسي قلت انو رسالة معتز بتجرمو وبنفس المستوي انا بقول ليك ان ما اتيت به عن معتز يمكن ان يجرمك انت زاتك الا ان تثبته لنا هنا جميعا.... يعني يا تخت لينا صورة البطاقة القلتها دي هنا يا انت غلطان والغلط راكبك من راسك لكرعيك دا اذا استبعدنا انك خائن خنت امانة رجل كان يعتبرك صديقا في يوم من الايام... ليس هذا فحسب بل ومتواطئ لانك لم تعلن عن هذه البطاقة طيلة هذه الفترة التي اراك اياها معتز - علي حد قولك - واوجو ان تقرأ كلام صلاح دا كويس لانو الحركة دي ما حركة رجال .... معتز انت تعلم او ربما لاتعلم مدى عدم احترامي له كشخص افاك ومنافق وحقيقة الامر لم اتضرر منه اكثر منك انت لان ما فعله يتسق تماما مع شخصيته ولكن انت لفترة ظننت ان فيك خيرا وايقنت الان تماما ان الطيور علي اشكالها تقع فانت ومعتز كلاكما يشابه الاخر حد التوأمة.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: الخير محمد عوض)
|
Quote: بدر الدين انت غلطان وانت هسي قلت انو رسالة معتز بتجرمو وبنفس المستوي انا بقول ليك ان ما اتيت به عن معتز يمكن ان يجرمك انت زاتك الا ان تثبته لنا هنا جميعا.... يعني يا تخت لينا صورة البطاقة القلتها دي هنا يا انت غلطان والغلط راكبك من راسك لكرعيك دا اذا استبعدنا انك خائن خنت امانة رجل كان يعتبرك صديقا في يوم من الايام... ليس هذا فحسب بل ومتواطئ لانك لم تعلن عن هذه البطاقة طيلة هذه الفترة التي اراك اياها معتز - علي حد قولك - واوجو ان تقرأ كلام صلاح دا كويس لانو الحركة دي ما حركة رجال .... معتز انت تعلم او ربما لاتعلم مدى عدم احترامي له كشخص افاك ومنافق وحقيقة الامر لم اتضرر منه اكثر منك انت لان ما فعله يتسق تماما مع شخصيته ولكن انت لفترة ظننت ان فيك خيرا وايقنت الان تماما ان الطيور علي اشكالها تقع فانت ومعتز كلاكما يشابه الاخر حد التوأمة. |
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: معتز القريش)
|
الاخ بدرالدين
سلام
والله الواحد ما مستغرب من الهجوم المضاد من سعادة العقيد بالرغم من محاولاتك الترويج له وتجميل صورته . انت حكمت عليه من خلال المعرفه الشخصيه
ونحن حكمنا عليه من خلال مواقفه وكتاباته فقط . وبالمناسبه لقد قام بالانسلاخ من قبل ايام قضيه (قدوقدو) وارتد مره اخري
واحي يا عوضيه
عليه ان يعتذر صراحه عن كل ما بدر منه اولا وبعد ذلك للجميع حق القبول او الرفض
طبعا هذا قبل قصه العقيد - عقيد مره واحده - طبعا مخصصات وامتيازات من عرق الشعب . ما هي وظيفه العقيد . عمله .
لعل المداخلات الاخيره كشفت عن الوجه الحقيقي للقريش وعدم رضاه لاي نقد واتي الامنجيه الاخرين يشجبون ذلك ( خيانه الاسرار ) يريدون ان نصدق ما يريدون الافصاح به
لقد اراد معتز استخدام المعرفه الشخصيه بك ومصداقيتك لدي القراء لغرض ماء ( من غير ان تكشف عن الرتبه )
وعلي نفسها جنت براقش . السؤال هو .بعد التهديد والوعيد . هل انت مصر علي موقفك القديم تجاه معتز ام غيرت رايك
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: معتز القريش)
|
Quote: ياخ ممكن هسي زول في خلال عشرة دقايق يعمل ليك بطاقة برتبة مشير أول أركانحرب جعفر محمد نميري.. إنت يا بدرالدين طيب واللا شنو؟؟ |
صلاح عبدالله لاتمثل دور الدرويش المتجول هو لو المسال كدا العقيد المنسلخ مالو متوتر ويرسل في الشتايم ولوعود Quote: إنت هسي فاتح بوست تدعو فيه الناس إنهم ما يصدوا من يأتيهم |
عشان نجب ماقبل قلنا له تعال ورينا تفصاصيل ماقبل ....
Quote: إنت متخيل شنو يعني؟؟ الناس ح يصفقوا ليك؟؟ ح تطلع الأول ؟؟ ح يدوك صك غفراني معارضي وطني ، واللا يمكن رتبة ( عقيد ) !! يا بدرالدين مجالس ( الرجال ) اسرار، وقبل كده عزام قال ليك أحفظ ما أؤتمنت من أسرار |
صلاح انت كنت وين من ماضى العقيد الانقاذى هنا في المنبر ونيله من كل معارض لمؤتر القتلة وبسخف حقو براهو وبعدين يعنى شنو مجالس الرجال بالامانات الامانة بتقتضى منه هو بعد صحوة ضميره واعلانه الانسلخ ان يعلن ليه كان بعمل كدا وكونو اسر لى انه عقيد بعد اعلانه الانسلاخ لم يعد هذا الامر سر او يكون زولك داير يكون عميل مزدوج
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Salah Abdulla)
|
Quote: وكونو اسر لى انه عقيد بعد اعلانه الانسلاخ لم يعد هذا الامر سر او يكون زولك داير يكون عميل مزدوج |
عقيد دي انت لو صادق اثبتا للناس دي هنا
المهم إنك خائن ولا عهد لك وأنصح كل من يتعامل معك ألا يأمنك على مثقال ذرة من سر
أكرر انت خائن وثم خائن وأكثر من مرة طلعت حاجات قلتها ليك في الخاص الى العام وكل الناس الفوق ديل قالوا ليك انت خائن وعمليتك دي ما عملية رجال عملية خيانة حتى المختلفين معاي بل وبشتموني كمان قالو ليك الزول دا كان بعتبرك صديق وانت خنت الأمانة عارف ليه قالوا ليك كدا ؟ لأنهم رجال وما بخونو الصديق ولو كان السيف على رقابهم وقبل كدا خنت أمانة المجالس مع عزام حسن فرح في المكان دا لكن الحق ما عليك الحق علي أنا الماسمعت كلام الناس الحذروني منك ومن خفة لسانك ومن استغلالك لأي شئ وبدون شرف للوصول لغاياتك هسي جاي مططوطح وجاري تفتح بوست عشان تقول للناس معتز عقيد انت عقيد دي قايلا لعب عيال ولا بطاقة بصرفو بيها تموين يازول حرّم تثبت إني عقيد أنا أختفي من البورد دا ليوم الدين يا زول انت غبيان .. أنا معاك في الدوحة دي من 89 بعدين خيانتك التانية كان اتفاقك معاي على عنوان البوست دا ومضمونو صاح ولا أنا كذاب ؟؟؟ هل كان في شئ غير انك تقول للناس رحبو بالعائدين ؟ الخلاك تجيب سيرة عقيد وبطاقة شنو ؟ ألم تغدرني في هذا البوست أيها الغادر ؟ ألم تتصل عليّ لأصحح لك العنوان (لغويا) واتفقت معي على المضمون يا أخي كان تكون صادق وفي مرة واحدة على الأقل في البوست دا والتزم بالاتفاق وأمشي أفتح ليك بوست تاني قول فيهو معتز القريش عقيد ولا حتى مشير ذاتو
بصراحة بقيت لمن أدخل عشان اشوف البوست وألقى صورتك بصيبني طمام وغثيان عشان كدا والله ما راجع ليك تاني وانت لو صادق في كلامك أثبت للناس ديل إنو أنا عقيد وفي الأمن كمان وإلا فأنت كاذب ثم كاذب .. والله نوعك دا أنا أضقل بيهو سبعين سنة .. قال عقيد قال وشوف عيني
يخس على معرفتك
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Salah Abdulla)
|
Quote: وعلي نفسها جنت براقش . السؤال هو .بعد التهديد والوعيد . هل انت مصر علي موقفك القديم تجاه معتز ام غيرت رايك |
المعز لك التقدير معتز كان مثالا وسرعان ماتعرى امام عوامل التعرية الطبيعية نعم مازلت على موقفى تجاه اي حد صحى ضميره وغادر مؤتمر القتلة نرحب به وبالمقابل نوجه له الاسئلة وتحديدا شخص زى معتز ومواقفه المشهودة هنا ونيله من كل معارض لمؤتمر القتلة
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Afraa Sanad)
|
Quote: بعدين خيانتك التانية كان اتفاقك معاي على عنوان البوست دا ومضمونو صاح ولا أنا كذاب ؟؟؟ هل كان في شئ غير انك تقول للناس رحبو بالعائدين ؟ الخلاك تجيب سيرة عقيد وبطاقة شنو ؟ ألم تغدرني في هذا البوست أيها الغادر ؟ ألم تتصل عليّ لأصحح لك العنوان (لغويا) واتفقت معي على المضمون يا أخي كان تكون صادق وفي مرة واحدة على الأقل في البوست دا والتزم بالاتفاق
|
حكمة البوست:
أخبر صديقك كذبة .. ف إن كتمها أخبره الحقيقه .... فولة و اتقسمت نصين ....
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Afraa Sanad)
|
Quote: لا احد يمكن ان يزايد على معرفتى بمعتز حتى اخوانه وبعرف جيدا تنازعات معتز لم اقسو على حد قدر قسوتى على معتز كصديق كزميل عمل قبل ان يذهب لوظيفته الحالية |
يا بدر الدين بعد تهديد العقيد الإسفيري معتز القريش ,طلعت انا بعرفو أكتر منك!
ياخي دا أول ما جبت سيرة البطاقة والرتبة أطلق عليك مدافع كيبوردو!
يا سعادة العقيد شكرا لإنفعالك الكشف دورك.
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: مرتضي عبد الجليل)
|
Quote: (إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُوماً جَهُولاً ) الأحزاب72 آية المنافق ثلاث إذا حدث كذب وإذا وعد أخلف وإذا أؤتمن خان..
|
كدى يا صلاح وقبل ان توغل في دروشتك افصل لينا القران من الحديث في استهلاك اعلاه وبعدين ياصلاح هل انت طالعت بوست معتز الذى اعلن فيه انسلاخة من مؤتر القتلة وهل اخبرك انه ليش انسلخ وعشان شنو انسلخ ..... القضية هنا قضية وطن لامجال فيها للاعتبارات الشخصية .... ولو كان هو بعد ما اعلن انسلاخة من مؤتر القتلة يعتربنى رميته بماليس فيه كونه كان هناك برتبة عقيد عليه مقاضاتى طالما ذالك الامر معيب بالنسبة له في حق وطنيته .... التى عاد لها بعد اعلانه الانسلاخ من المؤتمر القتلة ...
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: Salah Abdulla)
|
Quote: وما أظن بعد كده أصحابك وناسك ح يحترموك أو يثقوا فيك أو يطمئنوا ليك في ونستهم معاك.. البتسويهو هسي ده يا بدرالدين إسمو فجور في الخصومة، وشايفك مُصِر عليه.. وهاك المراية دي كان ينعدل حالك وتعقل شوية.. ورد في الأثر أن بعض السلف قالوا عن الفجور في الخصومة، أن الرجل يخاصم بلا بينة ويعرف أن الحق عليه، يسبق لسانه عقله وطيشه حلمه وظلمه عدله، لسانه بذيء وقلبه دنيء، يتلذذ بالتهم والتطاول والخروج عن المقصود. الفاجر في الخصومة لا أمان له ولا ستر لديه، فيه طبع اللئام، فإن اختلفت معه في شيءٍ حقير كشف أسرارك وهتك أستارك وأظهر الماضي والحاضر. الفاجر في الخصومة ليس لديه حدٌّ ولا ضابط فيها، غايته تبرر وسيلته.
|
الله ينصر دينك ودين مرايتك يا عتريس
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: معتز القريش)
|
غايتو
عندكم المجرم يصبح ضحية والعكس ..
اسرار شنو .. وصداقة شنو مع .. من ينتمي لجهاز الأمن او الحزب الحاكم ...
تستاهل يا بدرالدين .. كمان متفق معاهو علي البوست والعنوان ..
بعدين الناس البتجي طايرة دي .. وشابكننا .. خنت الأمانة .. وانتهكت اسرار صديقك ..
هو ظاتو ياتو صديق ..كنتو وين لمن انتهك حرمات الجميع هنا ..
كنتو وين لمن اساء لصفية وعوضية ..
وجا يتنكر ويقول انو مهكور ....
والارشيف ملان ...
وبرضو نقول في النهاية .. هو شن طعمه .. عاملين ليهو الزيطة
والزمبليطة ...دي كلها..جا بي هنا .. ولا مشا مع الخيانة
شي عدي جدا يغير ولائه ولونه .. بعد ان فقد شقيقه كرسي الوزارة ..
مصالح يعني .. ولا احد يلومه علي ذلك .. فهو كمن وجد شطة فعطس
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ahmed haneen)
|
Quote: نرحب بكل مفارق لمؤتمر القتلة |
والله يا بدرالدين إنت وأكثرِية في ها المنبر عايشين ليكُم في وهما عجيبة بِجد والله.. هسِع إنتو سويتو شنو لِزول المؤتمر الوطني الراسو عدييييل ومُصنقِر معاكم في دَولة قطر، خليهو الدايِر ينجو مِن مفازتُمْ ويِبْقى في معِيتِكُم ذات الصلاح، ياخ المؤتمر الوطني إنت بتقول عليهو مجرم وقاتِل وسارِق وهاتِك، وتقوم بِقُدرة قادِر تقول بس فُلان ده بِالرغم مِن إنو مؤتمر وطني عِلا زول أخو أخوان وعلاقتي معاهو إنْسانِية، ياخ إنسانِية بِتاعت فنِلتك، ياخ "عم محمد" أكان سوا الشين يا هو "عم محمد" ، ما بِسويهو "محمد" حاف كَدي عِلا قله حياءك، أي والله ياهو كَدي، يا ناس الوهما أديتا العدو، إنتو قايلين تصانيفكم ألات ده سمِح وده شين في زول جايِب ليها خبر، قال [نرحب بكل مفارق لمؤتمر القتلة] قال، غايتو يا بدرالدين ها العمود بنحْتسِبو عديل كَدي، وإن شاءالله يبقى ليك سبب في الصَوم مِن الكِتابة على الأقل كام رُبُع كَدي
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: ahmed haneen)
|
Quote: تستاهل يا بدرالدين .. كمان متفق معاهو علي البوست والعنوان ..
|
اكيد يا احمد العقيد حين جا وقال انه انسلخ من مؤتمر القتلة رحبت به في بوست انسلاخه بل وقلت له ان مكانه شاغر في صفوف معارضى مؤتمر القتلة ..... وافترعت هذا البوست حتى لايسجنه الاخرين في ماضى مواقفه ومن اقل حقوقنا عليه ان يحدثنا بعد مغادرة مؤتمر القتلة انو كان هناك شنو بعمل في شنو وكيف منحت له تلك الرتبة والامر فيه بطولة له غادر مؤتمر القتلة المغرى بالرتب وغيرها لان ضميره الوطنى قد صحى ولوبعد حين ومستعد ان يضحى لاجله ويغسل مامضى على الاقل المشهود له هنا ....في نيله من معارضى مؤتمر القتلة ونيله حتى من المغتصبة ..... لاكتشف ان العقيد عقيتو هناك ولم يبارحها
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: عزام حسن فرح)
|
الكلام للخاتم عدلان:
Quote: (وصلت فعلا إلى أن نقد السياسة السودانية بصورة لا رحمة فيها للاحزاب والقوى السياسية وفيها الرحمة كلها للشعب ومستقبله هو المهمة الأساسية للمثقفين فى الوقت الحالى وهذ مهمة يصعب تماما ممارستها من مواقع سياسية لان ذلك سيكون بمثابة الدخول فى الجب بدلا من مساعدة الآخرين على الخروج منه . إنما يمكن ممارستها من مواقع فكرية لا مكان فيها لا اعتبارات الصداقة والعداء ولا سعى فيها لإرضاء فلان على حساب ولا هيبة فيها من إغضاب علان. هذه مهمة فكرية كما قلت وهى مهمة بالغة الصعوبة ولكنها كثيرة الخير. وهى تستجيب لواقع هام فى السياسة السودانية علاوة على مهمة ما آلت إليه من فساد وهو تهيؤ جيل جديد لتسلم مقاليد القيادة لأن الطبيعة كفيلة بتحقيق ماعجزت عنه الديمقراطية فى تجديد قيادات هذه الاحزاب التى نتمنى لها طول العمر على كل حال . هذه المهمة الفكرية ظل يقوم بها كثيرون منذ زمن طويل وكان إختيارهم صائبا وصحيحا ويستشرف المرء بالانضام إليهم أقول إن مآلات القوى الجديدة إذا كانت حريصة على رسالتها هى أن تتوحد وليس أن تعود إلى أحزابها القديمة التى صارت مغارات ينعق قيها البوم . ولكنها لتتوحد يجب ان تعيد صهر معادنها وتقبل الديمقراطية وليس التآمر والحيل الصغيرة كأداة أساسية تحكم علاقاتها هذا ما بدأت به وهو خير ختام.) |
| |
|
|
|
|
|
|
Re: الى شذاذ الآفاق من الجنسين لنتفق ان البجينا مانصدو معتز القريش مثا (Re: معتز القريش)
|
Quote: te: (وصلت فعلا إلى أن نقد السياسة السودانية بصورة لا رحمة فيها للاحزاب والقوى السياسية وفيها الرحمة كلها للشعب ومستقبله هو المهمة الأساسية للمثقفين فى الوقت الحالى وهذ مهمة يصعب تماما ممارستها من مواقع سياسية لان ذلك سيكون بمثابة الدخول فى الجب بدلا من مساعدة الآخرين على الخروج منه . إنما يمكن ممارستها من مواقع فكرية لا مكان فيها لا اعتبارات الصداقة والعداء ولا سعى فيها لإرضاء فلان على حساب ولا هيبة فيها من إغضاب علان. هذه مهمة فكرية كما قلت وهى مهمة بالغة الصعوبة ولكنها كثيرة الخير. وهى تستجيب لواقع هام فى السياسة السودانية علاوة على مهمة ما آلت إليه من فساد وهو تهيؤ جيل جديد لتسلم مقاليد القيادة لأن الطبيعة كفيلة بتحقيق ماعجزت عنه الديمقراطية فى تجديد قيادات هذه الاحزاب التى نتمنى لها طول العمر على كل حال . هذه المهمة الفكرية ظل يقوم بها كثيرون منذ زمن طويل وكان إختيارهم صائبا وصحيحا ويستشرف المرء بالانضام إليهم أقول إن مآلات القوى الجديدة إذا كانت حريصة على رسالتها هى أن تتوحد وليس أن تعود إلى أحزابها القديمة التى صارت مغارات ينعق قيها البوم . ولكنها لتتوحد يجب ان تعيد صهر معادنها وتقبل الديمقراطية وليس التآمر والحيل الصغيرة كأداة أساسية تحكم علاقاتها هذا ما بدأت به وهو خير ختام.)
|
| |
|
|
|
|
|
|
|