لبكرى العجمى فى زنازين جهاز الأمن ..كل سنة وانت طيب

Quote: وفى امبدة دعانى الأعزاء اصدقاء الزمن الجميل اعضاء المنبر بكرى ود العجمى سيد الإسم,وعمر محجوب "اللورد" على وليمة فى سوق الناقة,ومن قال قندهار فقد كفر ..قررنا ان نلتقى عصرأً ...وبما انى دايش كما قالوا فقد تولى اللورد الجميل عملية الوصف وياله وصف هو لايرى جيدا, وانا لا أسمع جيدا فتخيل ..كان قبلها قد صادفتنا صلاة المغرب معا فى منزل فاطنة ادريس .. ولاسباب كثيرة مقنعة قدمنا بكرى ود العجمى ليكون الإمام..ونحن بحالتى السمع والشوف اعلاه اصحبنا المصلين خلفه وبعد الصلاة إلتفت الينا جاداً ومستغرباً أنتو مابتقولوا ياميين مالكم ؟ ...وفقعناها ضحكة . حضرت الى سوق الناقة متاخر أكثر من ساعة بسبب الأعطال الفنية التى واجهتنا انا واللورد فى التفاهم يقول لى ياخى وانت ماشى فى كوم بتيخ كبير فى الدرب على إيدك الشمال...وانا اقول ليهو أ..أ ..أ ولما انجح فى سماعوا اقول ليهو انت كوم البتيخ دا شفتوا كيف ذاتك ؟ ونضحك ونبدأ من جديد.. حسم الموضوع بكرى العجمى بالحضورالى المنطقة التى يتحدث عنها صديقى الأعمش ..وذهبنا الى المكان . منى إمرأة جميلة تتولى ادارة الراكوبة وحركة اللحم, والبطيخ باقتدار وفن عظيمين وليه اخترتوا الحتة دى بالذات اللورد ..نحن زباين هنا العجمى ..الهواء ياخواجة وبعد شويتين صينيه كاربة من اللحم يتوسطها صحن إبن لزينا من كبدة الإبل النية , والشطوط , والبصل ياجماعه نحن سحاحير ؟ الشى دا كتير هو فى زول جاب خبرى ولخبتنا جد .. وتانى يوم كان الله فى العون لكم الحب ياعُزاز

Quote: الحرية لك وللوطن ولكل المعتقلين وذكرى ميلادك القادمة تمر ونحن ننعم بالامان والعدالة

Quote: سابقنا بي مشاوير ومتقدم علينا بي أزمنة وانت في اسرك لك التحية يابطل الحرية لك وللوطن ولكل المعتقلين وذكرى ميلادك القادمة تمر ونحن ننعم بالامان والعدالة

Quote: للاسف لا نملك إلا ان نحتفل بذلك الشامخ الجميل هكذا في غيابه القصري عنا ولكن بالتاكيد هو يتربع فينا حد المد .... والقول ما قاله صديقك الجميل شفاه الله محمجوب شريف ماك الوليد العاق ... لا خنت لا سراق الخزي والعار لسجانك والقادم للوطن ولنا

Quote: سابقنا بي مشاوير ومتقدم علينا بي أزمنة وانت في اسرك لك التحية يابطل الحرية لك وللوطن ولكل المعتقلين وذكرى ميلادك القادمة تمر ونحن ننعم بالامان والعدالة

Quote: التحية لبكرى العجمى فى يوم ميلاده 12/7 كل سنة وإنت طيب والوطن بخير ياحبيب

Quote: التحية والحريه للاخ والصديق ورفيق الدرب بكري العجمي ولكل الشرفاء المعتقلين فى سجون النظام

Quote: وليعلم ان هناك من يدعون له بالحرية والصحة ويتذكرون تاريخ ميلاده.. اللهم فك اسره وأسر المظاليم الآخرين..

Quote: وعيد ميلادك الجاي تلقي كل ناس الانقاذ في السجون لانو ما حتكون في بيوت اشباح

Quote: يا أيُّها الظَّالمُ والجاهلُ والشِّريرُ والكاذبُ يا أيُّها الجلاًدُ والراجفُ والمثليُ والشيطانُ، تلميذُ الجحودْ ! قم نلتقي وجهًـا على قرعِ الصمودْ قم نلتقي ثكلتْكَ لعناتُ الجُدودْ! لم تبايعْكَ الجماهيرُ التي مزَّقتَ لُحمَتَها ولسوفَ لنْ ترتاحَ بعدَ اليومِ من لطمِ الخدودْ! أقْسمتُ إنِّي ثائرٌ… ثائرٌ في وجهِ من خانوا العهودْ! أقسمتُ إنِّي ثائرٌ في وجهِ مَنْ بَاعُوا الحُدودْ! أقسمتُ إنِّي ثائرٌ في وجهِ مَنْ باعوا الدِّيانةَ بالدَّراهمِ والنُّقودْ! أقسمتُ إنِّي ثائرٌ في وجهِ من شادوا الأرائكَ بالجماجمْ، ثائرٌ في وجهِ مَنْ شادوا السُّدودْ! أقسمتُ بالسودانِ إنِّي سائرٌ في الدَّربِ اسْتَبِقُ الرُّعودْ! أسمعتَ أنِّي قدْ غفوْتُ على النضالِ على الصمودْ ؟! ها قدْ غفوتُ على النضالِ على الصمودْ