|
Re: محتاجين 20,000 جنيه عشان نقدر نعمل 100 حقيبه رمضانيه (Re: سيف النصر محي الدين)
|
Quote: هل الزول الما عندو حق الفطور مفروض يصوم برضو؟ |
يا دكتور الأمر لا يقتصر على رب/ ربة الأسرة الفقيرة الصائمة وإنما يتعداهم لأبنائهم ...
لحالتهم النفسية فى تدبير صينية الفطور ....
وربما ... تدبير فطور ... وجبة واحدة لأسرة لم تعرف طعم الوجبة المضمونة من زمن ...
ربما أيضاً ... أن تتلم الأسرة - بعد غيبة- فى صينية واحدة بعد أن طحنتها المعاناة ....
وأخيراً ... قد يكون الأمر بشفاء صدور قوم مؤمنين ... لا يسألون الناس إلحافاًويحسبهم البعض أغنياء من التعفف ...
أليس هو شهر رمضان ... شهر المسارعة فى الخيرات .....!!
بخصوص السؤال ... فالشرع واضح ...
مجرد تساؤل: إذا كانت نسبة الفقر فى السودان تتجاوز الـ 60% ... فهل مطلوب منهم التظاهر فقط ... وترك الفريضة !!!!!!
| |
|
|
|
|
|
|
Re: محتاجين 20,000 جنيه عشان نقدر نعمل 100 حقيبه رمضانيه (Re: رانيه محمد الشيخ)
|
استلمنا تبرعات اضافيه بقيمة 16,816 جنيه وبكده اصبح مبلغ التبرعات بحمدالله وفضله 25,601 جنيه
منذ بدأنا هذا المشوار وكل لحظه وكل عمل وكل مناسبه بتأكد ان السودانيين والسودانيات قلوبهم عمرانه بالخير لمن نزلت بوست تبرعات حقيبة الصائم متمنيه تحصيل 20,000 جنيه لتوزيع 100 حقيبه لمصداقيه قولت لنفسى لو لميت 10,000 جنيه حيكون انجاز ولو قدرنا نوزع 50 كيس حنكون انتصرنا لان كم المنظمات الخيريه البتناشد التبرعات كتيره ومرات بحس اننا حنختفى فى الازدحام بينهم وتسائلت ليه يعنى حيفضلوا يتواصلوا معانا نحنا البسيطين ويتركوا منظمات ليها وجود رسمى ومقر واسم ذو صيت
لأتفاجىء من سيل المتبرعين التدفق من كل بقعه فى الكون تليفونى ما توقف عن الرنين لدرجه ما بقيت عارفه اميز فلان من علان كلهم رافضين التصريح عن هوياتهم وغير الوعود اللى ليسه جايه
حسيت بمشاعر عاجزه عن وصفها اقوليكم شنو ناس البيت والشغل من شدة ما انا بنطط وبكورك بسعاده مع اى تبرع بستلمه قالوا لى اليشوفك يقول القروش جايه ليكى شخصيا سعادتى وفرحتى بالنفوس النقيه والخيره بتحسسنى بالاطمئنان تخيلى بسمة وسعادة الاسر المحتاجه لمن تستلم الحقيبه بتفجر جواى فرح ما طبيعى
والفضل فى دا اولا من ربنا سبحانه وتعالى وثانيا منكم انتم البتقسموا من شقاكم وتعبكم وبتدوا المحتاج البتتسببوا فى فرج الكرب وبتيسروا على المعسر انتم اللى دموع المحتاج بتبقى فرحه بيكم بشكركم بالنيابه عنهم وبقول ليكم ثوابكم لا يقدر بتمن داعيه ربنا يبارك فيكم وفى ذريتكم ويكثر من امثالكم بينا دايما ودايما ايدنا فى ايد بعض ووطنا بيكم عمران وربنا عليكم رضيان
| |
|
|
|
|
|
|
|