|
Re: انظر ماذا يفعل شباب الامة وماذا تفعل الشرطة معهم ... (Re: أحمد الشايقي)
|
Quote: لكن يا محمد عبدالرحمن، القال منو ديل شباب الامة؟ ديل شباب السودان، مافي داعي تفرزوهم.... والله شباب الامة وشباب الشيوعي ما بتفرقوا الزمن ده! |
يامريم ...
اتوقعت السؤال ...طبعا الانتماء للسودان هو الاصل .. كنت متردد بين احفظ للحبيب صاحب اليوتيوب حقه فى التسمية وبين انو اسميهو اسم يتماشى مع الروح القومية السائدة ..اثرت فى النهاية ان احفظ لصاحب الفيديو حقه فى التسمية ...وليكونوا شباب الامة السودانية ...وزى ماقلتى مافى داعى نفرزهم ...
التحية لشباب الثورة السودانية ....
| |
|
|
|
|
|
|
Re: انظر ماذا يفعل شباب الامة وماذا تفعل الشرطة معهم ... (Re: عزالدين محمد عثمان)
|
الاعزاء
سيف مساعد الخير اخو عوض صاحبى... حمزاوى ... شهاب خليل عزالدين ...
حبابكم ومرحب بيكم ...رسائل عدة ارسلها الشباب من خلال هذا الفعل العفوى ..ان هذه الثورة لاتستهدف الا النظام ...وان هؤلاء الذين يصدر منهم مثل هذا السلوك ابعد مايكونوا عن التخريب ...واهم من كل ذلك ان هذه الثورة من وقيم ( وسلوك) وثقافة هذا الشعب ..وان هذا المعانى مازالت حية ومتجذرة ...تخيلت التناقض والتجاذب الذين من الممكن ان يكون عاشه هؤلاء الجنود بعد هذا الفعل العفوى ...غايتو انا لو كنت محلهم كان سلمت الكاكى لاقرب ضابط وانضممت لهؤلاء الشباب ...
يسلم شبابك ...سلامات ...
| |
|
|
|
|
|
|
Re: انظر ماذا يفعل شباب الامة وماذا تفعل الشرطة معهم ... (Re: بدر الدين الأمير)
|
يا محمد ياخ ألف شكر على الفديو الجميل ده وشكرا للشباب الرايعين ديل الذين يدركون أن معركتهم الحاسمة والفاصلة ليست مع رجال الشرطة المغلوبين على أمرهم , بل مشكلتهم مع النظام القبيح الجاثم على صدر الوطن لربع قرن من الزمن أفسد فيه الحياة السياسية والاقتصادية والاجتماعية , وأكيد مثل هذا التعامل الانسانى الكريم له تأثيره على أؤلئك العسكر الذين يحملون الغاز المسيل للدموع والهراوات فى قضية لا تعنيهم بقدرما تعنى عصابة من اللصوص والقتلة وجب ان تذهب لمزبلة التاريخ .
| |
|
|
|
|
|
|
Re: انظر ماذا يفعل شباب الامة وماذا تفعل الشرطة معهم ... (Re: Nasr)
|
انتو يا جماعه غايتو بقتيوا غريبين خلاص
اولا محمد عبد الرحمن نفسه لم يكمل عنوان بوسته:
هذا الجزء الاول من العنوان:
Quote: انظر ماذا يفعل شباب الامة |
وكثر خيره ابتعه بفيديو اجمعتوا انتم انه مشرف.....(انا راي بحتفظ بيه)!
اها اليكمل محمد عبد الرحمن موضوع بوسته....وماذا بعد...؟!
Quote: وماذا تفعل الشرطة معهم ... |
اها وين باقي الفيدوهوات التم فيها ضرب ناس مسجد ود نوباوي؟!
ووين البمبان الالقي داخل المساجد و المنازل لدرجة سبب الازمه القتلت بعض منا!
بس معقوله....التقول عايزين تغشوا روحكم نحن شعب معلم ونحن ناس طيبين!!
اها وبعدين....الحصل شنو؟!
| |
|
|
|
|
|
|
|