Quote: وبنطه واحة وطااااااخ طرااخ بالبرطوش في راسه صاحبنا يقوم واقع في الواطه
كضاب 99% انه يجلي منها في الضربة الاولى و 99% انه يكون شتت لما انت تنعدل وتقعد تكابس في البرطوش تاركاً لك الضنب يفرفر اللهم يا ود البشاري الا اذا كنت ياود البشاري البطل بتاع enemy at the gates ونحن ما جايبين خبر كدي بعيداً عن الضببة شفت الزنقة الانزقنها واحد اخونا كدة في بوست جينفير لوبيز، ياخي انت اتكيفت لمن عروق راسي ديل طقطقن عشان تاني كل ما يلقى ليهو بوست زي دا يجي مطفر وعقبال اصحابه الاتنين ديلك بتاع القاهرة وجدة نرجع للضباب (بضم الضاء) وهي جمع ضب عندنا خلى الضباب في حالهم
06-04-2012, 07:17 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: كضاب 99% انه يجلي منها في الضربة الاولى و 99% انه يكون شتت لما انت تنعدل وتقعد تكابس في البرطوش تاركاً لك الضنب يفرفر اللهم يا ود البشاري الا اذا كنت ياود البشاري البطل بتاع enemy at the gates ونحن ما جايبين خبر
الخبرة لها دور يا محمد عمر ياخ غايتو لو الصياد ماسورة ممكن يكون كلامكـ دا صحي غايتو زمان كنا مؤذيين أذى شديد مرة الكــلاب ومرة القطط ومرات الضببة " جمع ضب" عارف ذكرتني حكاية العميكه ود أخو العمده العمده جاييهو مسعول كبير زيارة في الحلة وقام سلم البندق دا لود اخوه وقال ليهو: بعدين لما المسؤول يجي اضرب لك 10 طلقات احتفالاً بيهو قام العميكه قال للعمدة: رأيكـ شنو يا عمده لو جبتو ليكـ من فرد طلقه
Quote: ياخي انت اتكيفت لمن عروق راسي ديل طقطقن عشان تاني كل ما يلقى ليهو بوست زي دا يجي مطفر وعقبال اصحابه الاتنين ديلك بتاع القاهرة وجدة
يا حاقد بطل شماته ياخ غايتو اللفيف دا تاني كان كحلوه بشطه ما يجي بهناكـ والله صحي () أقوووووووووووووول خلينا في الضببه أحسن
تحياتي
06-04-2012, 07:27 AM
محمد عمر الفكي محمد عمر الفكي
تاريخ التسجيل: 10-15-2006
مجموع المشاركات: 7313
عارف يا الأمين انا عندي فوبيا عديل من الضببه دي مشكله كبيره بعدين امبارح كنت بتونس مع زول في الموضوع دا وقال لي اغلبية الضببه دي بتكون جن فشغلي قران ياخي انا لو شفت ضب ساي بخلي ليهو المكان
06-04-2012, 11:48 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: عارف يا الأمين انا عندي فوبيا عديل من الضببه دي مشكله كبيره بعدين امبارح كنت بتونس مع زول في الموضوع دا
هويدا شرف الدين .. ازيك
بالعكس يا هويدا الضببه دي مسالمة جداً وغير مؤذية بل لها فوائد في المحافظة على التوازن البيئي غايتو لو جيتي عندنا هنا بنعزمكـ غدوة كاربة زي دي !
عارفة مرة عندنا جاراً لينا سكر سكرة صاح وهو متزوج مرتين ومع السكرة قام شاكلهم ليكـ شكلة طيري اها نحن سمعنا الصوت والصريخ مشينا نحجز لقيناهو ليكـ قافل عليهم الغرفة وحالف لازم ينزلو ليهو الضب الفوق في الحيطة دا عقاباً لهم وردعاً لامثالهم لأنو جا وما وجد عشاء جاهز هسي أنا عندي ضب ما داير يركز أبدا عشان اصيده كلميهو قولي ليهو انزل من الحيطة دي تعال وخليكـ راكز ياخ
تحياتي
06-04-2012, 12:01 PM
معتز القريش معتز القريش
تاريخ التسجيل: 07-07-2006
مجموع المشاركات: 11343
احكي ليك دي سافرت نيالا في ماموريه واول يوم لي في الاستراحه طلعت بره الحوش في الحيطه لقيت ليك ضب كبير ملون وراسو ذي المفصول من جسمو يعني ما ذي الضب بتاعنا بتاع الخرطوم وشمس المغيب دي ضاربه فيهو والوانو تلمع وكبير شديد واناكل ما اتحرك يحرك راسو معاي انا اتصلبت في مكاني من الخوف وماقدرت اتحرك نهائي ومن الخوف قلبي قرب يقع ضربت للحرس البره وصوتي طالع يا الله يا الله كلهم جو جاريين عاوزين يعرفو الحاصل قعدو يضحكو وقالو لي والله انتي لغاية ما تمشي حا تتعبني ووتتعبينا شديد
06-04-2012, 01:26 PM
فاروق عثمان فاروق عثمان
تاريخ التسجيل: 10-22-2010
مجموع المشاركات: 2017
البشاري يا حبيب اسم انثي الضب ما اظنو الضبه لانو الضبه دي البسمكرو بيها الحاجات غايتو بقيتنا زي البتغاالتو في اسم انثي البغل هههههههههههه بس اظن اسمها المكون ______________________________
الضب زمان لمن كنا شفع مسلطين بنقزز بيهو عشان لمن اتزنق بفك جزء من ضنبو ونحنا نمسك باقي الضنب نلعب بيهو اليوم كلو اها مره كده فكا لينا ضنبو بعد اتزنق في ملف ضيق,عشان يُكب النسيم قمنا اتغاتتنا عليهو وما اشتغلنا بالضنب وقبضناهو هو في عضمو وقلنا ليهو طبعا دي تعملها(للفارات)يا فاره ههههههههههههه وبي عباره اخري الكلام ده تقولو لي زول ما اندو الهديده
06-04-2012, 07:46 PM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
Quote: الضب زمان لمن كنا شفع مسلطين بنقزز بيهو عشان لمن اتزنق بفك جزء من ضنبو ونحنا نمسك باقي الضنب نلعب بيهو اليوم كلو اها مره كده فكا لينا ضنبو بعد اتزنق في ملف ضيق,عشان يُكب النسيم قمنا اتغاتتنا عليهو وما اشتغلنا بالضنب وقبضناهو هو في عضمو
بختكم ياخ شكلو كدا ضبنا دا حريف شديد على الايمان لا لمينا في ضنب ولا فيهو لكن ح يمشي وين اهو نحن قاعدين منتظرين في الحوش دا لغاية ما يطلع من جحره ولو ما طلع براهو بنسخن لينا موية ونكبها في الجحر
كن بخير
06-05-2012, 00:07 AM
معاوية عبيد الصائم معاوية عبيد الصائم
تاريخ التسجيل: 06-09-2010
مجموع المشاركات: 22458
ود البشاري كيفك ياخوي غايتو اذا قاصد بالبوست دا عبد العزيز تكون بالغت رسمي, يوجد خيط رفيع بين التشفير و المطاعنة التي لا تليق بيك بالتأكيد عزيز على علاته وعلى الأقريسفنس وخلقه للعداوات بلا معنى يحمد له على الأقل انه واضح و بجي للزول في محله وبشتّمه بالإسم
أما اذا ما كنت قاصده فا جلّي المداخلة دي و اعتبرها كأن لم تكن
06-05-2012, 07:02 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: غايتو اذا قاصد بالبوست دا عبد العزيز تكون بالغت رسمي, يوجد خيط رفيع بين التشفير و المطاعنة التي لا تليق بيك بالتأكيد
أولا شكرا لحسن الظن وبالطبع لا أعرف المطاعنة ولا يعجبني الشجار أصلاً وطالما أنت تبرعت بمثل هذه النصائح فكان الأجدى بكـ أن تبذلها لمن يستحقها ويقوم ببهت الناس بالباطل ................ فُل استوب هذا البوست عن ضب الحيطه وكل البوست يتحدث عن ذلكـ ولم نأتي بسيرة أحد ولا نملكـ تحجيم اخيلة الناس في تفسير ما يقرأون أما من أراد تأويله فلا نملكـ أن نغير ذلكـ ........ فُل استوب المذكور أعلاه لا يهمني أمره ولم اتداخل معه هنا ولا في منابر أخرى لأن سيرته كما ذكرت تماماً هي الشتم والاساءة للغير بسبب وبدون سبب وبعدين كما ذكرت أعلاه يفهم من هذا البوست أنه يتحد عن صفات ضب الحيطه وبعد كدا كل واحد وعلامه ..........
Quote: عزيز على علاته وعلى الأقريسفنس وخلقه للعداوات بلا معنى يحمد له على الأقل انه واضح و بجي للزول في محله وبشتّمه بالإسم
ونعم الرجل هو إذن حسب وجهة نظركـ؟! ومنذ متى كان الشتم فخراً يا ود البشـــرى؟ مالكـ كيف تحكم؟ عليكـ قراءة البوست في سياق الضببه فقط ولذلكـ سأعتبر نفسي غير معني بهذه المداخله
كن بخير
06-05-2012, 07:21 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
تمام يا ود البشاري وزي ما قلت ليك اعتبر مداخلتي كأن لم تكن بس اسمح لي بتعليق - رغم انه خارج سياق البوست - على الكوت ادناه
Quote: ونعم الرجل هو إذن حسب وجهة نظركـ؟! ومنذ متى كان الشتم فخراً يا ود البشـــرى؟ مالكـ كيف تحكم؟
بالتأكيد الشتيمة ليست فخرا ومعاذ الله ان يكون دا معنى كلامي لكن اذا كانت الشتيمة سيئة ومنقصة فالشتيمة الغير واضحة و متضارية فهي أسوأ اضعاف المرّات وكلامي ما كان عن استحسان الأولى لكن لذم الثانية
06-05-2012, 10:51 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
كيف حالكـ يعني ما شايف في contradiction بين المداخلتين كنت قد كتبت :
Quote: عزيز على علاته وعلى الأقريسفنس وخلقه للعداوات بلا معنى يحمد له على الأقل انه واضح و بجي للزول في محله وبشتّمه بالإسم
والحمد كما نفهم في اللغة العربية هو الثناء والشكر تجدون معنى الحمد هنا والحمد هنا يعطي اشارات واضحة بالاستمرار في هذا النهج قد لا تكون أنت تقصد ذلكـ ولكن هكذا ربما يفسر
ثم عدت لتكتب
Quote: بالتأكيد الشتيمة ليست فخرا ومعاذ الله ان يكون دا معنى كلامي .. .. وكلامي ما كان عن استحسان الأولى لكن لذم الثانية
يلا كان هنا برضو يلزمكـ ارسال اشارات واضحة بالتوقف عن هذا النهج ولا شنو؟ انت حمدت الاولـى ولم تذمها صراحة
احترامي
06-05-2012, 07:42 AM
بريمة محمد بريمة محمد
تاريخ التسجيل: 04-30-2009
مجموع المشاركات: 13471
فى بادية البقارة بغرب السودان يوجد ضب صغيييير يسمى كريلو. وكريلو الله يكرمك يجمع خصلتين متناقضتين .. جبَان رعديد ولكن فى نفس الوقت حينما يحرش ليك زول تظن أنه التمساح العشارى يملئ بطينته هواء وينزفر كل ما فيها بصورة متواصلة حتى تظن أنو سوف ينقطع حبل نفسه .. تسمع إخخخخخخخ .. بصورة متوصله. لكن لو مديت عليه قصبة أو قشة يكون كسح يسابق الريح.
ذات مرة إحد أخواتنا البقاريات .. كانت غزيرة الشعر وقامت نقضت مشاطها .. وجاءتها غفوة وقت الظهيرة تحت ظل شجرة فى وسط بيت الأسرة. جاء كريلو وطلع ليها فى ذارعها .. المتوسداه وفجأة صحت على حركة شيئ غريب على ذراعها وحاولت تنفض يدها بقوة .. كريلو على طول قفز ليها فى نص شعرها المنكوش طلباً للحماية بعامل الجبن المعهود به البت قامت وفكت البيرق .. تصرخ بأعلى صوتها وكريلو راكز يشخر إخخخخخخخخخخ فى نص شعرها
والأمر، البنت وصلت من الصراخ حتى تبلدت أحساسيها من النهيب فلا تستطيع ان تجيب .. الناس قالوا أجروا جيبوا الفقير (الفكى) .. بت ناس فلان جنّت .. وأنتشر الخبر كالنار فى الهشيم
وعلى الفور حضر الفكى أم بتار .. وقال بسم الله ثم مد يده على رأسها .. على طول أخرج كريلو رأسه من وسط شعرها ونفخ إخخخخخخخخخخخخ !! الفكى نشل ليك يده ست حتى وقف على طوله .. وهو يقول أخرج يا لعين وإلا رجتمك!
والناس بدأوا يضحكون على الفكى فى ذات نفسه .. أخرجوا الكريلو من شعرها .. ومازال ينفخ إخخخخخخخخخخ! والفكى يظن أن الشيطان تلون فى صورة كريلو .. والأيات والمحايا رقدت رج
بريمة
06-05-2012, 08:23 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
واحدة من طرق العربان فى صيد الضبُبُة هى توصيل خرطوش بعادم العربية وإدخاله للضب فى جحره مع ابنصات تقيلة وبعد سحب خرطوش العادم بدقايق زولك بطلع واقف كك يفتش فى الهوا ومدودر ودايخ ومسطول حالتو بالبلا,,
كامل تضامنى مع ضب الحيطة فى زنقته !!! أرفعوا ايديكم عن الضب يا هؤلاء وما تدخلونا معاكم فى جحره...
* ونحن أطفال صغار فى حنتوب الزمن داك الضب كان قدر الورل هسة واحد أخونا كان متخصص (ضبٌبة) يزنق الضب ورا صورة فى حيطة أو بالشبشب ويقوم بحقنه بعدد إتنين سي سي من مادة البولنداسايكلين وإتفرج بعد داك فى الضب لما يطشم,,
فكوا الضب دا وكفاهو الزنقة الهو فيها
06-05-2012, 11:01 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: احكي ليك دي سافرت نيالا في ماموريه واول يوم لي في الاستراحه طلعت بره الحوش في الحيطه لقيت ليك ضب كبير ملون وراسو ذي المفصول من جسمو يعني ما ذي الضب بتاعنا بتاع الخرطوم وشمس المغيب دي ضاربه فيهو والوانو تلمع وكبير شديد واناكل ما اتحرك يحرك راسو معاي انا اتصلبت في مكاني من الخوف وماقدرت اتحرك نهائي ومن الخوف قلبي قرب يقع ضربت للحرس البره وصوتي طالع يا الله يا الله كلهم جو جاريين عاوزين يعرفو الحاصل قعدو يضحكو وقالو لي والله انتي لغاية ما تمشي حا تتعبني ووتتعبينا شديد
هويدا يا سلام على نيالا والميزات والاستراحات في نيالا ياخ
ويا حليل الماموريات والله الخدمة المدنية دي كانت عز وهيبة لكن هسي راحت شمار في مرقة ... الله يجازي الكان السبب والفضل لله من قبل ومن بعد أخوكـ أول كمبيوترات تركب في بنكـ السودان فرع نيالا ركبتهم أنا دا وهذا للتاريخ مامورية لمدة 10 عشــرة أيام لا زالت ذكراها باقية في جدران الذاكرة ضربنا الشية في سوق المواشي لامن قلنا بس
تحياتي يا هويدا
06-05-2012, 07:01 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا ود البشاري خليني من الحمولات المتعددة للغة و عجزي عن التعبير الذي قاد لفهم كلامي على نحو غير الذي اعنيه بالعربي البسيط و المباشر اقول ليك انا قصدي شنو:
يعني انا مثلا لو جا واحد شتمني في وشي ونعّلني زيييين وقال لي يا محمد انت فعلتك وتركتك دا مليون مرة افضل لي من واحد يمشي غادي وغادي و يرمي في الكلامات و يلمزني من طرف خفي ونظام اياك اعني وكدي ليه لأنو الأولاني كان واضح معاي في بهتانو لي و شتيمته واداني الفرصة كاملة اما ارد عليه وآخد حقي منه او اسامحه او اسفهه لكن التاني على شتيمته المن طرف خفي زيد عليها الجبن و حرمني من فرصة المواجهة حتى الأفعال السيئة لها درجات في السيئ و الأسوا منه الشتيمة و الافتراء و البهتان شي سيئ لا يختلف عليها اثنان لكن المطاعنة اسوأ دا ببساطة رأيي في الموضوع, اتمنى أكون ازلت اللبس
06-15-2012, 11:10 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
بناء على توصية شيخي التقني اللمين البشاري أبعث له هذا الفيديو .. والله صحي طبعا الضبان في الخليج يعني جمع ضب عكس في السودان عندنا يعني الذباب لكن كده كده الفيديو ده وقع لي في جرح مع الضبان السوداني ^________^
06-21-2012, 07:48 AM
أيمن الطيب أيمن الطيب
تاريخ التسجيل: 09-19-2003
مجموع المشاركات: 5845
امس اول ما اعلنو النتيجة يا ود البشرى جريت البطانية ونمت نومة العصرية النهى عنها الرسول، ما عصيان لكن لو قعدت صاحي بتفرج في التلفزيون وقطع شك كان حيجيني سكري ولا ضغط لمن اشوف التيس دا ومعاهو بقية التيوس التانية محتفلة، المهم صحيت وبدون ما افتح تلفزيون مرقت مع الاولاد على السوق وجيت راجع حضرت كورة ايطاليا وانجلترا ونمت تاني، صحيت اليوم فاذا بالنار قد بردت والله يا ود البشرى انبسط، ت برانا نحن وناس غزة النتعذب؟ المصريين ديل قطع شك اخدتهم دعوة المظلوم مبارك قال شنو "وُليت عليكم" ماك هين يا سيدنا عمر قم لف، تلف للصدقة والزكاة وما تلقاهن
06-25-2012, 08:56 AM
وضاحة وضاحة
تاريخ التسجيل: 01-16-2005
مجموع المشاركات: 9116
ههههههههههه غايتو يا ود البشرى دي بالغته فيها عامل زي الزول يقوم يدقشك في المواصلات متعمد ويقول ليك ســـوري ياخ جدعته الاذن وتووووووووش جيت منقطع .. ..
__ اتفضل ياخ الحيطة حيطتكـ
06-25-2012, 09:52 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
البشاري يا حبيب اسمع انا بنقل ليك بوست المهارات التقنية رغم انو جني وجن قراية الكتولوجات واصلو ما حصل شغلت لي تلفزيون بقراية كتلوج لكن داير منك حاجة واحدة تعلمني رفع الفيديو عشان ابقى زي صاحبي خالد المحرب اصلو انا وخالد دا اهلنا ما قرونا كويس نصها قراية ونصها سرحة سعية وجديع قصب تتصل علي وتقول لي كداي من كدايا لحدي ما الفيديو يولع ويسوي كحا بو خلاس ؟ دي ما مسوامة عارفك زول كلس وساهي بتعلمني لكن دي ونسة ساهي وحرم انا برا تعليم انقلوا ليك بس ختيني حق الضببة دا الضب خسيم الرب
06-26-2012, 11:42 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: وحرم انا برا تعليم انقلوا ليك بس ختيني حق الضببة دا الضب خسيم الرب
هييييييييييييييييييييييع deal يا حبيب وحرم اعلمك جنس تعليم علا النصيحة انت بلا عصاية وسوط ما بتتعلم فدحين كان بتحمل المحط وجلد السوط ابشر تب والضب وقع معاي وقعة شديدة خلاااااااااااس
06-26-2012, 12:18 PM
عبدالله ود البوش عبدالله ود البوش
تاريخ التسجيل: 08-12-2009
مجموع المشاركات: 6700
كان امحطنا في المدرسة ما كان بقينا مهندسين ؟ فيديوك طاير عليك اصلو فيديو ولا سواقة طيارة ؟ عرفتو خالد المحرب حرشك علي عشان ما ابقى زيو لكن الله كريم بت عمي مها بتعلمني رغم انها بتزهج مني ولا اقوليك وضاحة بتي قاعدة وروحا طويلة بتعلمني مقابل الجبكسين للضببة
06-27-2012, 11:19 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: عرفتو خالد المحرب حرشك علي عشان ما ابقى زيو لكن الله كريم بت عمي مها بتعلمني رغم انها بتزهج مني ولا اقوليك وضاحة بتي قاعدة وروحا طويلة بتعلمني مقابل الجبكسين للضببة
خلاص غسلته يدك مني؟ ياخ حبابك الف واتا عارفني ما بقصر معاك .. ..
__ وبعدين مش قلنا العاقبة عندكم في المسرات؟
06-26-2012, 11:48 AM
وضاحة وضاحة
تاريخ التسجيل: 01-16-2005
مجموع المشاركات: 9116
الناس ينقلوا في بوستات عن الجسيم الخلاق وواحدين عن اكتشاف جهنم وواحدين عن احتجاجات السودان وواحدين عن تضامن السودانيين بالخارج مع الاحتجاجات واللمين يعتل في الضبابة !!!!فتأمل بالمناسبة ضبك دا ثيقل الدم دا لو عندو دم اساساً ياخي ما كان يظهر ويرحمنا ، وماشاء الله بتوعدنا كم بالاثارة يا عمك في الربع الجديد، معناها الضب مصابحنا ومماسينا في الصفحة الاولي ود البشاري قلنا نشغالك من الصباح صباحك خير
07-04-2012, 07:23 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: الناس ينقلوا في بوستات عن الجسيم الخلاق وواحدين عن اكتشاف جهنم وواحدين عن احتجاجات السودان وواحدين عن تضامن السودانيين بالخارج مع الاحتجاجات واللمين يعتل في الضبابة !!!!فتأمل
يا عمكـ انا الضب حقي دا اهم من حاجاتكم ديل والله صحي الاثارة مستمرة فكن على الموعد ياخ توجد مواصلات بعد العرض
وبعدين يا محمد عمر الفكي الدنيا بدور والآخــرة بدور يا حبيب
07-05-2012, 08:17 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: وزارة الداخلية تحدد فترات ومواقع الصيد الرياض - صالح الحميدي
حددت وزارة الداخلية في بيان أصدرته أمس فترات ومواقع الصيد لهذا العام 1433 ه وفي ما يلي نص البيان الذي أصدرته الوزارة بهذا الشأن.
أعلنت وزارة الداخلية لعموم المواطنين بالمملكة بأن حكومة خادم الحرمين الشريفين حرصاً منها على الحفاظ على الحياة الفطرية في البلاد قد حظرت وبشكل قاطع مايلي:
أولاً: حظر صيد جميع الطيور الفطرية المهاجرة بجميع أنواعها وبأي وسيلة كانت خوفاً من انتقال مرض أنفلونزا الطيور إلى الإنسان والدواجن من خلال صيد هذه الطيور والاحتكاك بها.
ثانياً: صيد الغزلان والوعول والمها وكذا المفترسات مثل النمر العربي والوشق والذئب والضبع والطيور الجارحة في مختلف أوقات السنة.
ثالثاً: استعمال بنادق الرش والشوزن أو أي أسلحة نارية أو استخدام أي وسائل أخرى تؤدي إلى اصطياد أكثر من حيوان كما يحظر صيد الضب باستخدام عادم السيارة أو الإغراق بالماء.
رابعاً: الصيد ليلاً.
خامساً: صيد جميع أنواع الحيوانات أو الطيور داخل حدود المدن والقرى وفي المناطق المحمية التي حددتها الهيئة السعودية للحياة الفطرية وهي كالتالي:
1 محمية جزيرة أم القماري.
2 محمية جرف ريدة.
3 محمية الوعول.
4 محمية محازة الصيد.
5 محمية جزائر فرسان.
6 محمية الطبيق.
7 محمية حرة الحرة.
8 محمية الخنفة.
9 محمية مجامع الهضب.
10 محمية عروق بني معارض.
11 محمية التيسية.
12 محمية الجندلية.
13 محمية نفود عريق الدسم.
14 محمية الجبيل.
15 جبل شدا الأعلى.
16 محمية سجا وأم الرمث.
كما يمنع الصيد بجميع أشكاله ووسائله في منطقة الربع الخالي التي يحدها من الشرق والجنوب خط حدود المملكة مع الدول المجاورة ومن الجنوب الغربي والغرب بالطريق المسفلت بين الوديعة وقورية الفاو ومن الشمال المنطقة الوسطى من سلوى إلى زبدة إلى قلمة ندقان إلى بئر فاضل إلى عرق القصباء إلى ريداء إلى ############ة إلى القوانس حتى قرية الفاو.
وعلى من يمارس الصيد قرب المناطق المشار إليها مراجعة اقرب محافظة أو أي مركز حكومي حتى لا يقع تحت طائلة النظام. وأوضحت وزارة الداخلية أن الأنواع الفطرية المسموح بصيدها هذا العام هي الضبان فقط ولمدة ستين يوماً بدأت من 13 / 9 / 1433ه - 1 / 8 / 2012م إلى 14 / 11 / 1433ه 30 / 9 / 2012م. وتهيب وزارة الداخلية بالجميع التقيد بذلك وتوجيه الانتباه إلى أن الصيد لا يجوز إلا بعد الحصول على ترخيص من إمارات المناطق طبقاً لنظام الصيد ولائحته التنفيذية وأن من يخالف ذلك أو يزاول الصيد قبل البداية المحددة له أو يقوم بالصيد بعد انتهاء الفترة المحددة للأنواع الفطرية أعلاه أو يستعمل أدوات غير مرخص باستعمالها أو يزاول الصيد في غير الموقع المسموح بها سيعرض نفسه للعقوبات والغرامات ومصادرة الوسائل والأدوات المستعملة في الصيد التي نصت عليها الأنظمة والتعليمات الخاصة بهذا الشأن وقد بلغت إمارات المناطق بتوقيف المخالفين والرفع عنهم.
يلا استغلوا فترة السماح دي ومارسوا صيد الضببة او الضبان كما ذكر البيان
09-10-2012, 07:40 AM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: الجاتك فى ضبك سامحتك.. الله يتوب عليك كمان من سكّ الضببة ده ياخ..
بالمناسبة دى هو ضب ولا ضبّة
ابو اليمن مالك ياخ قلنا الواحد يصلح اعمالو مع الله أنت ما شايف الموت المفاجئ المدور دا ولا شنو؟ الضببه لو خلوني في حالي الحبة ما بتجيهم .... والله صحي .. ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الامين موسى البشاري
البحيراوي
محمد عمر الفكي
هويدا شرف الدين
معتز القريش
فاروق عثمان
مهيرة
معاوية عبيد الصائم
مها عبد الله
محمد البشرى الخضر
بريمة محمد
أيمن الطيب
محمد جلال عبدالله
وضاحة
عبدالله ود البوش
فيس بوك
تويتر
انستقرام
يوتيوب
بنتيريست