كتب الكاتب الفاتح جبرا المتوفرة بمعرض الدوحة
|
Re: عيبو لي القبيلة ! (Re: aydaroos)
|
عن القــــبــــــــيلة في نقاءها - إفتراضاً
مجموعة متجانسة عرقياً يرجعون إصولهم لأب واحد (البشر -المكون الأول). ينشطون إجتماعياً و إقتصادياً علي رقعة جغرافية محددة (الجغرافيا-المكون الثاني). لهم روايات شفهية و حكايات عن إسلافهم و عن علاقتهم بالمحيط الجغرافي و المجموعات الأخري من حولهم (الأسطورة – المكون الثالث). لهم زعيم – شيخ – ملك –سلطان يدير شؤونهم الدينيوية يساعده مجموعة من الحكماء- الأرابيب – العمد - الأمراء (السلطة الدنيوية– المكون الرابع). لهم زعيم روحي – كجور – فكي – شيخ (السلطة الروحية – المكون الخامس) ، و قد تدمج السلطتان الدنيوية و الدينية في شخص واحد. غالبا" يقوم الفرسان بالدفاع و الهجوم عن القبيلة في وجه أعدائها (القوة العسكرية – المكون السادس). أما دور الحكامات / الغنايات/ الغنايين/ الشاعرات/ الشعراء – الحكائين فيتلخص في دعم و نشر و تجديد الإسطورة التي تقوم بربط أفراد القبيلة بالمحيط الحغرافي/الإقتصادي/الإجتماعي و تدعمهم في صراعهم للبقاء (المبدعين /المثقفين/المؤرخين و الاداة الإعلامية للقبيلة – المكون السابع). و لكل قبيلة رموز تميزهم عن الاخر تبدأ من وسم الحيوانات و الشلوخ و لا تنتهي عند الككر و الطبول و دقات النحاس المميزة لهم( التمثُل المادي للهوية – المكون الثامن).
إذن القبيلة كيان سياسي/ثقافي/إجتماعي/إقتصادي سابق لتكون الدولة. نشأت القبيلة في خضم الصراع مع الطبيعة (الغابات ، الصحاري ،الفيضانات، الجدب، الاوبئة...إلخ) بادوات إنتاج متدنية الكفاءة، وبالصراع مع الآخرين الذين يزاحمون القبيلة علي الماء و النار و الكلأ. ممكن تكتبو عن قبائلكم في ضوء المكونات المذكورة أعلاه؟
| |
|
|
|
|
|
|
Re: عيبو لي القبيلة ! (Re: aydaroos)
|
Quote: و تُرك معظم البلد بنظمه القبلية والعشائرية تحت سطوة النهب المنظم. |
أنتم الكضب والكلام الشين دا بجيبوه من وين؟
عزيزي الفاضل/ القبيلة هي كانت صمام امان البلد بالأقاليم البعيدة التي ما كانت تعرف
نقاط البوليس او النظام العام، ولما تعدت حكومة المشير/ نميري عليه رحمة الله تعالي، و
ألغت الإدارة الأهلية بدون ترتيبات شرطية كافية، حدث الفراغ، وإختلط الحابل بالنابل،
وعندما تمت إعادة الإدارة الأهلية مرة أخرى، كان الشعب غير الشعب والأرض غير الأرض، حيث
خرج من هم أمثالك، ممن لا يعرفون فضل القبيلة، والله بدون مبالغة، كنت منذ عمر التاسعة
بالمدينة ولا زلت، إلا أنني، لم أسرق، ولم أزن، ولم أدخن، ولم أفعل ما يحني رأس الرجل،
ليس لأنني متدين، والحمدلله بنعمة الإسلام والإلتزام، ولكن كيلا توصف قبيلتي بشئ من تلك الرزائل،
فماذا تريد من القبيلة أكثر من ذلك؟ مع العلم بأن كل ممارسات المركز التي ترتبط بالقبلية
هي خاطئة وفساد إداري وتربوي وأجزم بأن القبائل لم تشاور في تلك التجاوزات.
| |
|
|
|
|
|
|
Re: عيبو لي القبيلة ! (Re: حماد الطاهر عبدالله)
|
سلام يا حماد
Quote: أنتم الكضب والكلام الشين دا بجيبوه من وين؟
عزيزي الفاضل/ القبيلة هي كانت صمام امان البلد بالأقاليم البعيدة التي ما كانت تعرف
نقاط البوليس او النظام العام، ولما تعدت حكومة المشير/ نميري عليه رحمة الله تعالي، و
ألغت الإدارة الأهلية بدون ترتيبات شرطية كافية، حدث الفراغ، وإختلط الحابل بالنابل،
وعندما تمت إعادة الإدارة الأهلية مرة أخرى، كان الشعب غير الشعب والأرض غير الأرض، حيث
خرج من هم أمثالك، ممن لا يعرفون فضل القبيلة، والله بدون مبالغة، كنت منذ عمر التاسعة
بالمدينة ولا زلت، إلا أنني، لم أسرق، ولم أزن، ولم أدخن، ولم أفعل ما يحني رأس الرجل،
. |
لو قريت كلامي كويس، أنا ما قلت إنو ناس الكيانات القبلية و العشائرية(الهامش) هم البسرقو بالعكس ... النهب واقع عليهم من قبل المركز ... يعني الكلام القلتو أنا
Quote: و تُرك معظم البلد بنظمه القبلية والعشائرية تحت سطوة النهب المنظم |
مقصود بيه نهب الهامش من قبل الدولة ووكلائها. و بتفق معاك في باقي كلامك. و عكس ما فهمته أنت البوست دا لدراسة القبيلة عن حب لفهم تأثيرات الوعي القبلي و العشائري منذ ما قبل الإستعمار و حتي الآن و لك جزيل الشكر
| |
|
|
|
|
|
|
Re: عيبو لي القبيلة ! (Re: aydaroos)
|
68 عاماً قبل الإستقلال، و 56 عاماً بعد الإستقلال بما مجموعه 124 عاماً هو عمر دولتنا الحديثة، هذا الطفل ذو الاسنان اللبنية يحاول أن يسيطر علي القبائل و الوعي القبائلي التي و جدت علي هذه الأرض منذ الآف السنين وإستطاعت أن تقاوم عسف الطبيعة و جور الحكام و محاولات الغزاة للسيطرة عليهم علي مدار التاريخ، بدلت أديانها و لم تنهار، بدلت إنتماءاتها العرقية و لم تتلاشئ. حوربت القبائل بأسم الدين و بأسم الحداثة و بأسم الإنتماء للوطن و بأسم التنمية و لكن مخزون الوعي التليد الذي يمتد لآلاف السنين في التاريخ عنده من الخبرة و التجارب ما يمكنه من الكمون، التفاوض،المقاومة و الهجوم علي كل من يحاول هدمه.
إذن ما أحاول قوله: القبيلة كائن مادي تاريخي حافظ و دافع عن شعوب السودان و له إرث ثقافي و سياسي و إجتماعي، و لتغييره للأحسن، لابدأن يصدر ذلك عن محبة و فهم للقبيلة و إنسانها.
| |
|
|
|
|
|
|
Re: عيبو لي القبيلة ! (Re: aydaroos)
|
سلامات يا عمدة بقدر سعادتي بشوفتك هنا بقدر ما ساءني الجوز الجاك برا سبب هنا، مع انو صاحبو بأيد كلامك!!! صراحة انا المستغرب لطرحك دا!!
Quote: *3 تطور الصراع الطبيعي بين أطراف نظام ما يؤدي الي بروز الجديد المهيمن، و الإحتفاظ بشئ من القديم، و نفي (إستبعاد) ما يتناقض مع الجديد في القديم. و مع ولادة الجديد تولد التناقضات داخله لتقود الصراع التطوري(قاعدة نفي النفي في الجدل). و لا يتم فرض التغيير من خارج علاقة الصراع بين مكونات النظام.
|
منو القال البي الاحمر دا!؟ دائماً هناك الطفرة (في الطبيعة) و الثورة (في اجتماع الناس) المافي شنو؟
الردة الرجعية البتدعو ليها دي، نفاها وعي الناس الاتمدنت (اقرأ "تثورت)غصباً عنها في اطار سعيها الحميم لتدبير معاشها ..
نفس الجدل بقول: مسار التاريخ لولبي صاعد .. مع بعض التراجعات و الانكسارات .. لكنه ابداً لن يعود الى (امس) او تشكيلة اقتصادية/اجتماعية متخلفة!
سعيد بشوفتك من جديد ياخي
| |
|
|
|
|
|
|
Re: عيبو لي القبيلة ! (Re: قيقراوي)
|
سلامو شوق يا قيقا
Quote: الردة الرجعية البتدعو ليها دي، نفاها وعي الناس الاتمدنت (اقرأ "تثورت)غصباً عنها في اطار سعيها الحميم لتدبير معاشها .. |
السبب الاول للبوست دا هو نقد التنميط و الأفكار الجاهزة، هل القبيلة كيان رجعي لأنو قديم تاريخيا"، ولا رجعي لانو كموسسة ما بيلبي إحتياجات أفراد مجتمعه ... و لا لأنو مربوط بالعنصرية .. و لا لأنو ما ديمقراطي . قول أسبابك وخلينا نناقشها ، لأنو وضح تماماُ من أزماتنا المتكررة إنو التنميط و المسلمات ما قادرة تحل مشاكلنا، و عشان كدا أنا داير أعاين من زاوية جديدة، يلا عاين معاي هامش : هل الناس تمدنت و تثورت ، ولا الإستعمار فرض عليها التمدن؟ (البي الأحمر)
Quote: : *3 تطور الصراع الطبيعي بين أطراف نظام ما يؤدي الي بروز الجديد المهيمن، و الإحتفاظ بشئ من القديم، و نفي (إستبعاد) ما يتناقض مع الجديد في القديم. و مع ولادة الجديد تولد التناقضات داخله لتقود الصراع التطوري(قاعدة نفي النفي في الجدل). و لا يتم فرض التغيير من خارج علاقة الصراع بين مكونات النظام. منو القال البي الاحمر دا!؟ دائماً هناك الطفرة (في الطبيعة) و الثورة (في اجتماع الناس) المافي شنو؟
|
يا قيقا الطفرة و الثورة بي ينطبق عليهم قانون الجدل (التراكم الكمي يؤدي للتغير الكيفي) و هما ما مفروضين من خارج الصراع، و لكنهم نتيجة إنفجار المنظومة البتربط إطراف الصراع عشان يجي الجديد المذكور أعلاه في قانون نفي النفي. و بخصوص المافي شنو ... المافي (تقليب المسلمات من جديد)
Quote: نفس الجدل بقول: مسار التاريخ لولبي صاعد .. مع بعض التراجعات و الانكسارات .. لكنه ابداً لن يعود الى (امس) او تشكيلة اقتصادية/اجتماعية متخلفة!
|
و منو القال ليك يا قيقا إنو التاريخ إتجاوز القبيلة في السودان الفضل دا؟!! ياخي القبيلة قاعدة في روسين الناس الحايمة دي (معظمهم) و مقيلة و مبيضه و مفرخه كمان (دا علي مستوي الوعي)، علي مستوي الوجود المادي ممكن أقول ليك إنو القبيلة موجودة حاليا" و بتدافع عن مصالح مجتمعاتها بما لا يقاس مقارنة مع الدولة السودانية الحديثة دي القاهرة الناس و سارقاهم.
في النهاية أنا يا قيقا بدرس القبيلة و بنتقدها ( و النقد بي يبين مناطق القوة و مناطق الضعف) لأجل فايدة التغيير و التجاوز للأحسن و معاي مجتمع القبيلة و ناس القبيلة(شايلهم في تفكيري) ... لكن طريقة الإتهامات و التنميط الكلي (تخلف / رجعي و غيرو) دي ما نقد و لكنه سعي فكري لتنميط الأخر لتهديمه و إزالته ودا في رأيي واحدمن أهم أسباب الحروب القايمه في السودان الليلة. (و طبعا" في فرق كبير بين التغيير و الإزالة)
| |
|
|
|
|
|
|
Re: عيبو لي القبيلة ! (Re: aydaroos)
|
Quote: في النهاية أنا يا قيقا بدرس القبيلة و بنتقدها ( و النقد بي يبين مناطق القوة و مناطق الضعف) لأجل فايدة التغيير و التجاوز للأحسن و معاي مجتمع القبيلة و ناس القبيلة(شايلهم في تفكيري) ... لكن طريقة الإتهامات و التنميط الكلي (تخلف / رجعي و غيرو) دي ما نقد و لكنه سعي فكري لتنميط الأخر لتهديمه و إزالته ودا في رأيي واحدمن أهم أسباب الحروب القايمه في السودان الليلة. (و طبعا" في فرق كبير بين التغيير و الإزالة)
|
لوووووووووب
اتهامات و تنميط و آخر!؟
براحة براحة يا عمدة انا بتكلم عن (تشكيلة اجتماعية/اقتصادية) ما عن قبيلة بعينها اها انا دا ما عندي ما يشدني لقبيلتي كلو كلو اصلاً قبيلتي وين ذاتو ما عارفا .. لا حصل عشت معاهم في حيز -منعزل- زي ما بتقول :
Quote: علي مستوي الوجود المادي ممكن أقول ليك إنو القبيلة موجودة حاليا" و بتدافع عن مصالح مجتمعاتها بما لا يقاس مقارنة مع الدولة السودانية الحديثة دي القاهرة الناس و سارقاهم.
|
وين دا!؟ انا مولود في الجنوب، وعشت معظم حياتي في الوسط .. وقبيلتي هنااااااااك مافي ما يلمني معاهم لا في نمط التفكير، لا في الوعي، و لا حتى مصالح ساااي!
ما عارف انت بتتكلم عن ياتو نموذج شخصياً كلامك دا ما واقع لي كلو كلو!!
| |
|
|
|
|
|
|
Re: عيبو لي القبيلة ! (Re: قيقراوي)
|
Quote: : في النهاية أنا يا قيقا بدرس القبيلة و بنتقدها ( و النقد بي يبين مناطق القوة و مناطق الضعف) لأجل فايدة التغيير و التجاوز للأحسن و معاي مجتمع القبيلة و ناس القبيلة(شايلهم في تفكيري) ... لكن طريقة الإتهامات و التنميط الكلي (تخلف / رجعي و غيرو) دي ما نقد و لكنه سعي فكري لتنميط الأخر لتهديمه و إزالته ودا في رأيي واحدمن أهم أسباب الحروب القايمه في السودان الليلة. (و طبعا" في فرق كبير بين التغيير و الإزالة)
لوووووووووب
اتهامات و تنميط و آخر!؟
براحة براحة يا عمدة انا بتكلم عن (تشكيلة اجتماعية/اقتصادية) ما عن قبيلة بعينها اها انا دا ما عندي ما يشدني لقبيلتي كلو كلو اصلاً قبيلتي وين ذاتو ما عارفا .. |
تكون ما جادي يا قيقا لو مفتكرني بتكلم عن قبيلة معينة (قبيلتي مثلاً) لا ياخ .. أنا برضو بتكلم عن التشكيلة الأجتماعية/الإقتصادية و أضيف ليك السياسية/ الثقافية الإسمها القبيلة .. بالغت معاي ياخ :)
Quote: انا مولود في الجنوب، وعشت معظم حياتي في الوسط .. وقبيلتي هنااااااااك مافي ما يلمني معاهم لا في نمط التفكير، لا في الوعي، و لا حتى مصالح ساااي! ما عارف انت بتتكلم عن ياتو نموذج شخصياً كلامك دا ما واقع لي كلو كلو!! |
أنا قلت يا قيقا : التحول من الكيانات القبلية و العشائرية للدولة السودانية الحديثة في المركز ، ما تم نتيجة لتطور تاريخي، ولكنه تم بواسطة قهر المستعمر ... عشان كدا تأثير الوعي القديم مستمر و بقوة حتي في حداثةالمركز .
| |
|
|
|
|
|
|
Re: عيبو لي القبيلة ! (Re: aydaroos)
|
Quote: أنا قلت يا قيقا : التحول من الكيانات القبلية و العشائرية للدولة السودانية الحديثة في المركز ، ما تم نتيجة لتطور تاريخي، ولكنه تم بواسطة قهر المستعمر ... عشان كدا تأثير الوعي القديم مستمر و بقوة حتي في حداثةالمركز .
|
ابداً التطور التاريخي تم نتيجة قهر الظروف المعيشية وهي الشكلت وعي الناس (الحالي) .. بالضبط زي ما بقول ماركس .. شغل تحتي ما قرار فوقي
بتتكلم كأنوا شعوب السودان دي كلها تم تثقيفها (اقرأ تعليمها) .. والمعروفة اننا بنتكلم عن امة امية تماماً او شبه تماماً الردة الظهرت مؤخراً دي مظهر لأزمة الدولة الحديثة الفشلت النخبة في توطينها .. كلو من الايدولوجيات الصاخبة يسار و يمين .. رغم اشراقات اليسار الكان متبني شعار "تحديث المجتمع قبل نقل قيم الحداثة" او نحو ذلك.
| |
|
|
|
|
|
|
Re: عيبو لي القبيلة ! (Re: قيقراوي)
|
Quote: Quote: أنا قلت يا قيقا : التحول من الكيانات القبلية و العشائرية للدولة السودانية الحديثة في المركز ، ما تم نتيجة لتطور تاريخي، ولكنه تم بواسطة قهر المستعمر ... عشان كدا تأثير الوعي القديم مستمر و بقوة حتي في حداثةالمركز .
ابداً التطور التاريخي تم نتيجة قهر الظروف المعيشية وهي الشكلت وعي الناس (الحالي) .. بالضبط زي ما بقول ماركس .. شغل تحتي ما قرار فوقي. |
يا قيقا يا قيقا، إنت مغالطني إنو دولتنا السودانية دي فصلها الإستعمار البريطاني إبتداءاً من سنة 1898م و لحدي الإستقلال، وانو المدن الأسسها و دعمها بالمشاريع الزراعية و الخدمية دي هي المركز البي نتكلم عنو .. و إنو السائد في المناطق دي كان القبائل و العشائر و الإقتصاد ما قبل إقتصاد السوق؟ و إنو المناطق دي دخلت الحداثة(تقرأ الدولة الوطنية + الإرتباط بالإقتصاد الراسمالي+ التعليم الحديث + الخدمة المدنية و الجيش و الشرطة)
Quote: بتتكلم كأنوا شعوب السودان دي كلها تم تثقيفها (اقرأ تعليمها) .. والمعروفة اننا بنتكلم عن امة امية تماماً او شبه تماماً |
و هل الأمية بي تنفي الثقافة، عندي الثقافة هي إسلوب ممارسة الحياة
Quote: الردة الظهرت مؤخراً دي مظهر لأزمة الدولة الحديثة الفشلت النخبة في توطينها .. كلو من الايدولوجيات الصاخبة يسار و يمين . |
جزئيا" بتفق معاك بما يؤيد وجهة نظري، ما تسميه أنت ردة أسميه أنا وعي قبائلي نشط و في صراع مع الوعي المنتج من مكونات الدولة السودانية الحديثة(حديثة للزمن ما للتقدم) و عشان كدا أول ماالوعي أو المكون المادي للدولة الحديثة يتراجع، طوالي الوعي القبائلي بي يملأ محل التراجع. و شكرا" ليك يا قيقا يا صاحب
| |
|
|
|
|
|
|
Re: عيبو لي القبيلة ! (Re: aydaroos)
|
Quote: يا قيقا يا قيقا، إنت مغالطني إنو دولتنا السودانية دي فصلها الإستعمار البريطاني إبتداءاً من سنة 1898م و لحدي الإستقلال، وانو المدن الأسسها و دعمها بالمشاريع الزراعية و الخدمية دي هي المركز البي نتكلم عنو ..
|
لا .. ابداً
لكن برضو الحقيقة الراسخة انهم غادروا منذ 1953 و انقضى الجلاء في 1956م عشان كدا انا محمل المسئولية لمن يسمون بـ(اباء الاستقلال)
تحياتي وياخ ان لاقيك وين المماحكة دي ممكن تعتبرا شوق ساي ياخ!
| |
|
|
|
|
|
|
Re: عيبو لي القبيلة ! (Re: aydaroos)
|
سلامات عيدروس
مفاكرة جريئة في حسباني. أنا أحد الناس المهتمين بالنظر في البنية الإجتماعية السودانية و "الشخصية" السودانية (سايكلوجية الزول) وجدلية المجتمع المدني/الدولة.
وهي كما تفعل أنت الآن وأعلم أنك تعلم قضايا في غاية الحساسية والتعقيد كون الموضوع في "الذات" مما يجعل الموضوعية أمرآ بالغ الصعوبة لكن لا بد منها.
ولو أذن لي المشاركون والقراء الأعزاء أن ألتمس منهم كمهتمين ومهمومين قراءة كلام عيدروس "عن القبيلة ودورها موجب/سالب" بروية وتمعن للأسباب التي قلت بها للتو "أعلاه" وطبعآ لا أنسى نفسي من ذاك الإلتماس وإني لفاعل كلما بوسعي. وأعد أن أشارك برأيي كلما شعرت منه فائدة مرجوة في مجرى هذا النقاش الذي أتوقعه ثرآ ومفيدآ على ما به من شبكة ومتشابكات تندغم مع الواقع والوقائع مباشرة فتكون الآيدولوجيا والسياسة والحرب والصراع الدامي بين الريف والمدينة والبزنس والسوق والرأسمالية والماركسية وبنية الدولة كما التاريخ والفروسية والضغائن والثارات والأحكام المسبقة الكثيرة والدماء النقية والأخرى الملوثة وفق الأساطير الشعبية المعتقة والعتيقة وهلمجرا "كتير". تحياتي عيدورس ولي عودة بعد إذنك طبعآ!.
محمد جمال
| |
|
|
|
|
|
|
Re: عيبو لي القبيلة ! (Re: Tragie Mustafa)
|
الصـــــــريح
[B]"القبيلة كيان سياسي/ثقافي/إجتماعي/إقتصادي سابق لتكون الدولة و نشأ في خضم الصراع مع الطبيعة (الغابات ، الصحاري ،الفيضانات، الجدب، الاوبئة...إلخ) بادوات إنتاج متدنية الكفاءة، وصراع مع الآخرين الذين يزاحمون القبيلة في الماء و النار و الكلأ".
الفوق دا هو الأساس المادي لوجود للقبيلة (الصراع مع الطبيعة بادوات إنتاج متدنية الكفاءة ، ومع الآخرين و برضو بأسلحة متدنية الكفاءة ). و من الجمل الفوق دي ممكن الزول يطلع بي حاجات كتيرة إذا أشتغل بالتفكيك (علي قول الصديق كيكي) : - مجتمع القبيلة بسادته و افراده، بمثقفيه و محاربيه و سلطته الروحيه مكرس لإدارة هذا الصراع مع الطبيعة و مع الآخرين. الصراع مع الطبيعة لإكثار الناتج منها (و دا تاريخياً أدي للإكتشافات التاريخية المهمة مثل : الزراعة ، تدجين الحيوانات و تطور أدوات الأنتاج مثل الفأس و الطورية و إكتشاف و إستخدام الحديد كمثال) و أيضا" الصراع مع الطبيعة لدرء كوارثها (عشان كدا الأديان في المرحلة دي بي تركز علي طقوس مثل مباركة إدوات الإنتاج و مباركة الحصاد و طقوس و ادوات مقدسة للحماية زي الحجبات و مباركة المحاربين و دور السلطة الروحية الأساسي هو تعزيز القوة البشرية للفرد القبلي بالقوة المقدسة في مواجهة الطبيعة الهائلة القوة ، و تقديم العزاء له بأن من ماتوا في هذه المعارك حياتهم مستمرة في العالم القدسي بل و يقدمون له العون من وراء حجب الموت الوهمية "الاولياء"). حصيلة الإنتاج في الصراع مع الطبيعة ضئيلة و قد لا تكفي أفراد القبيلة في معظم الأحيان ، ومن هنا يركز الوعي القبلي علي الكرم كقيمة أخلاقية اساسية لإعادة تدوير للمنتج تضمن شئ من المساواة الإقتصادية بين أفراد القبيلة . تم دعم هذه القيمة الاخلاقية علي كل مستويات مؤسسة القبيلة، فالارابيب و الزعماء يتم تعميدهم كسلطة سياسيةللقبيلة بموجب هذه القيمة و يستحيل أن يكون الارباب بخيلاً و المغنين و الشعراء في القبيلة (و في المدينة "السودانية" كذلك!) يمدحون الكرم و يذمون البخل لأقصي درجة، بل ذهبت العادات عند القبائل الي فرض حقوق للأهل و الجيران في المنتج لحظة حصاده و في الحيوان عند إصطياده و تكاثره ( تدخل المناسبات الإحتفالية أيضاً في هذا الجانب). القيم القبلية علي مستوي الوعي تعمل علي إعلاء قيمة العطاء و العمل و التضامن ما بين أفراد القبيلة و تذم الغني (السيط ولا الغني –مثل سوداني) و تراكم الثروة مما يؤدي الي مجتمع متجانس من حيث القدرة الإقتصادية. و هنا ياتي سؤال "طيب شنو الإساس للمكانة الإجتماعية و التقسيم الاجتماعي في المجتمع القبلي؟" الإجابة في تقديري هي: 1- للصراع مع الطبييعة بأدوات إنتاج ضعيفة تحتاج القبيلة لجهد بشري عالي، لذا يقدر الفرد بحساب عدد أولادو و أحفادو (عشيرتو). 2- تقدر عالياً القيم الشخصية مثل الكرم (تقرأ توزيع الثروة)، القوة والشجاعة (تقرأ الدفاع عن القبيلة)، المرؤة ( تقرأ التضامن بين أفراد القبيلة) ... الخ ... الخ. 3- القدرات الروحية (القدرة علي إنزال البركة للقبيلة و إنزال اللعنه و السخط علي الاعداء و القدرة علي تسخير الطبيعة روحياً) و الثقافية زي الحكايات و الغنايات و الشاعرات (للحفاظ علي أسطورة القبيلة و حكايات عظمتها و قوتها في مواحهة الطبيعة و الآخرين).
من دا كلو أنا طلعت بي إستنتاجين مهمين : - القبيلة متضامنة سادتها و أفرادها مثقفيها و كجورينها و شيوخها لمواجهة الطبيعة و الآخرين. عشان كدا من الغلط الواضح إنك تفتش فيها عن طبقات و تمايز (إن وجد فهذا إستثناء ضد طبيعة وجود القبيلة)، يعني بالعربي كدا داير تتعامل مع القبيلة فاوض السلطة الموجودة في القبيلة، داير تغير القبيلة برضو فاوض السلطة الموجودة في القبيلة و اقنعها بان التغيير لمصلحتها. - الصراع الاساسي ليس داخل مجتمع القبيلة و إنما بين المجتمعات القبيلة و العشائرية و الطبيعة ، و بين مختلف القبائل و العشائر علي المنتوج. عشان كدا الأداة الأساسية للتغيير في هذه المجتمعات هي التنمية ، و التنمية و ثم التنمية ، كما تتفق فيها الدولة بالتفاوض مع هذ المجتمعات و لمصلحة هذه المجتمعات. لأنه بالتنمية و حدها يتم مصالحة الإنسان مع الطبيعة و من ثم يتوفر الإنتاج و تتم المصالحة مع الآخر (طبعاً الوعي لا يتغير مباشرة بعد تغيير الواقع المادي للصراع، عشان كدا الوعي العشائري و القبائلي حا يستمر شغال لي زمن طويل ، ودي الجبهة البي يشتغلو فيها المثقفين)
| |
|
|
|
|
|
|
Re: عيبو لي القبيلة ! (Re: محمد جمال الدين)
|
أول حاجة مراحب و سلامات يا محمد جمال الدين (والبوست دا شرك ليك و للمهتمين بالمواضيع دي) ياخي تعالو كلنا نتفاكر و نتونس من زوايا جديدة. و شكراً علي كلامك الطيب و في إنتظار الرجعة.
| |
|
|
|
|
|
|
Re: عيبو لي القبيلة ! (Re: aydaroos)
|
Quote: تحياتي وياخ ان لاقيك وين المماحكة دي ممكن تعتبرا شوق ساي ياخ! |
و عليكم الشوق و رحمة الله تعالي يا قيقا و واصل مماحكتك الغنية.. الدار دارك حبابك عشرة بلا كشرة. و يا وليد يا مبارك ... مساهمتك و وثائقك و لو بي زاوية مختلفة و للباقين ياريت تكتبو عن قبايلكم إو عن ما تحبون في الموضوع
| |
|
|
|
|
|
|
Re: عيبو لي القبيلة ! (Re: aydaroos)
|
يا عمدة اسمح لي اسجل اعتراض على التماس محمد جمال دا ياخي!
بالجد طريقة التشكيك في قراءات الناس دي ما حلوة وبقت موضة في مطعم الباشا دا! ومن القال اننا ما قرينها بتعمق؟ عشان خالفنا صاحب الفكرة يعني؟ طبيعي ياخ المافي شنو؟ كلو زول وعيو اتراكم من تجاربو الذاتية، وتحصيلو ..
اها انا دا ما واقعة لي للاسباب الذكرتها، مافي في ذاكرتي اي قبيلة و لا احس باي انتماء لقبيلة ظروفي كدا يا اخوانا .. الشغلة بالرجالة هي!؟ فتشتها في وعيي ما لقيت .. استلف وعي من قبيلة الجيران؟ بعدين مع العولمة، وبقدر قرايتي- ام دق ونمر- ما ممكن وجود كيانات اقتصادية صغير، ومعزولة .. ح تبتلعها الهوامير طوالي .. حيث لا رحمة هناك! الناس اتجاوزت الوحدة القطرية لتجمعات قارية .. تقولوا لي قبيلة؟ ثم ثانياً- وكان في نقتطه الكم ما عارف - اذا كان ما عندي مصالح اقتصادية مشتركة مع عائلتي الاقربين .. ح تكون عندي مع القبيلة (الزراعية) الكبيرة ديك؟ قضاياهم ما قضاياي المباشرة .. بعكس ابناء (مدينتي) .. كل ما يمسها يمسني مباشرةً الكلام دا ما خاشي راسي
تحياتي للجميع بدون فرز .. مهما كانت قراءاتهم
| |
|
|
|
|
|
|
Re: عيبو لي القبيلة ! (Re: قيقراوي)
|
قيقاراوي:
Quote: مافي في ذاكرتي اي قبيلة و لا احس باي انتماء لقبيلة ظروفي كدا يا اخوانا .. الشغلة بالرجالة هي!؟ فتشتها في وعيي ما لقيت .. استلف وعي من قبيلة الجيران؟
|
لا عندك وعي قبلي وعشائري معتق بس في اللا وعي ولا بل في الآيديولوجيا!. حا أقول ليك كيف لقدام، بس انت أصبر شوية!. لو عندك شوية زمن اقرأ "سيكلوجية الزول السوداني" في الرابط دا: http://sudaneseonline.com/forum/viewtopic.php?t...9aced4a9217dd70636c6
وبعد داك نتفاهم. أقراه "لطفآ"... كلام كتير بس ضروري ... عشان نقدر نتفاهم بشكل أفضل "أنا وأنت قصدي، طبعآ".
--- الإلتماس مجرد ألتماس... يمكن تجاوزه وعليه أنا شخصيآ ألتمس تجاوزه!.
| |
|
|
|
|
|
|
Re: عيبو لي القبيلة ! (Re: محمد جمال الدين)
|
Quote: كلام كتير بس ضروري
|
طيب وكت عارفو كتير كاتبو كتير ليه!؟
دي واحدة من اشكالات اللغة -ما انت- والعربية -تحديداً- او ثرثرة اللغة .. كلام كتير، وافكار قليلة! ما عندي مانع اقرا كلو كلو والله .. وخصوصاً ليك او لعيدروس او لكل المجيدين هنا او في اي مكان وزمان. بس ماذا نفعل مع الزمن المشحتف خلقة دا؟ يا ريت لو عملتوها كبسولات .. عند اللزوم بالمناسبة بالتطور المعلوماتي التكنولوجي العلينا دا ما بعيد انو (القراية ام دق) -اقرا في نسختها التقليدية- كوسيلة وحيدة للمعرفة تبقى محض تاريخ! والله صحي! .. رأيت ذلك فيما يرى الصاحي (اقرأ ازرق اليمامة) تعرف انو قيمة اصول شركة ابل اعلى من اصول الدولة الامريكية العظيمة! تفتكر .. هل دا صدفة؟ يا عزيز وين انتو عايشين، عشان تؤسسوا لرابطة بدائية مرتبط باثنية (عرقية/ثقافية) انا ما معاكم .. وضعي كداعية دولة مدني ةما بسمح لي ذاتو!
ابوي كان مقتنع بنسبه العباسي القرشي .. ورانا (نسبة) تصله بعم الرسول! في بدايات الانقاذ -لاغراض الرسوم الجامعية- اضطريت استصدار (شهادة وطن) من الرنك
ما بين الورقتين ديل- اتخيل ليك جنس بيروقراطية- هويتي ضايعة وهل يحتاج (الوظن) او (الشرف) لورقة لاثباته!
لا ياخي .. لا (يشرفني) الانتماء لمن يظن في نفسه انو (اغتصابه) للآخر -فعلاً، او اغتصاب افكاره- (يشرّف) هذا (الآخر)!! لا لن اعيش في جلباب ابي .. ومتأكد ان ابي ذات نفسه لا يشرفه ما يفعله قومه، ولكان انكرها. واكاد اراه مبسوطاً انو مات قبل ما يشوف السخف دا .. ولا هو مسئول عنه. ويحمد الله على منة الموت.
تغالطو الزول في بزاقو انتو!؟
| |
|
|
|
|
|
|
Re: عيبو لي القبيلة ! (Re: aydaroos)
|
Quote: أكتب يا محمد جمال الدين ... وقول "عيدروس و أنا" بنقول ...
شكرا" ... يا صديق الفكرة |
شكرآ للثقة... سنفعل أنت وأنا ما بوسعنا أتفقنا أم أختلفنا في التفاصيل ... وعلى أمل أن يفعل غيرنا أتفقوا معنا أم أختلفوا في الجوهر ... فكلنا لسنا بشيء غير باحثين عن الحقيقة وعن الحلول لمأزق بلادنا.
معزتي الأكيدة
محمد جمال
| |
|
|
|
|
|
|
Re: عيبو لي القبيلة ! (Re: محمد جمال الدين)
|
وانا معكم لمجادعون .. قدر قدرتنا ..
بس ما تشككوا في قراياتنا (الما قريناو اعذرونا عاد) اتفقنا؟
--------
لكن حكاية انو ما قادرين تقتنعوا بي انو في ناس اتجاوزت القبلية دي راجعوها .. ممكن عادي تقدم نقد للحداثة انها ما قدمت شئ تجاه الجماهير البتهاتي بيها..وتدعي تمثيلها. وحتى في دي يا ريت تدرس اتحاد المزارعين، وتجربة جبهة الهيئات، ودورها المحوري في اكتوبر 1964م وكل تجربة الحزب الشيوعي في الجزيرة. .. وكذلك السكة حديد. الكلام ما يكون عموميات وخم ساااي!
دا كوم .. وكونك انو تشكك في وعيها ذاته -القوى الحديثة- هنا جافيت الحقيقة، و الموضوعية يا جمال عاد!
النكلمك بالدغري
| |
|
|
|
|
|
|
Re: عيبو لي القبيلة ! (Re: قيقراوي)
|
(2)
Quote: أدناه جدول بياني يوضح بشكل أساسي الخلفية الاجتماعية والاقتصادية لعدد من الاحزاب السياسية السودانية "قديمة وجديدة". كما يتطرق الى شكل عضويتها وارتباطاتها الخارجية بشكل مجمل. هذا الجدول البياني يجئ بناءا على قراءاتي الخاصة. الهدف الاساس منه هو الاستعانة به في توصيل فكرتي عن كيفية تمظهرات المجتمع المدني "الفوقية" و "الأصيلة" وطبيعة علاقتها بالدولة. وسيليه في وقت لاحق جدول بياني آخر لنفس الغرض يوضح تمظهرات المجتمع المدني "الاصيلة" حصرا... وكيفية شغل منظومة القيم الاجتماعية. [align=center]
[/align]
|
Quote: ادناه لستة بأسماء مجموعة من اكثر الأحزاب السياسية السودانية تداولآ في المنابر ( بعضها لم يرد في الجدول البياني اعلاه) اضعها هنا "دون افضلية في الترتيب" لمزيد من التأمل في التشكيلات "التمظهرات" الاجتماعية الاصيلة الواقفة خلف تخلق مثل هذه التنظيمات السياسية من قبيل القبيلة والعشيرة والطائفة الدينية والنقابة والاتحاد والنادي الخ...(وحتى نعود لنقتفي أثر التمظهر المجتمعي الاصيل في في حد ذاته):
حزب المؤتمر الوطني "الحاكم" الحزب الإتحادي الديمقراطي حزب الأمة وكيان الانصار الحزب الشيوعي السوداني الحركة الشعبية لتحرير السودان الجبهة الوطنية السودانية الإفريقي (سانو) الحزب الجمهوري المنبر الديمقراطي لجبال النوبة الجبهة الديمقراطية المتحدة (استقلال الجنوب) مؤتمر البجا التحالف الوطني السوداني التحالف الفيدرالي الديمقراطي السوداني حركة تحرير السودان "النور" حركة تحرير السودان "الوحدة" حركة العدل والمساواة "خليل" الأسود الحرة جبهة الشرق الحزب القومي السوداني الحزب الليبرالي السوداني حركة حق حزب المؤتمر السوداني (المعارض) حركة كوش
|
Quote: ملاحظات أولية حول قائمة الاحزاب السياسية "اعلاه":
الملاحظة الاولى: ان معظم هذه الاحزاب تجد خلفيتها في القبلية/العشيرة او/و الطائفة الدينية. الملاحظة الثانية: ان النشاط الاقتصادي في الغالب الاعم لتلك الخلفية الاجتماعية هو الرعي أو/والزراعة ثم التجارة "والنقد". الملاحظة الثالثة: ان جميع الاحزاب ذات الثقل العددي "الجماهيري" من الوسط الجغرافي وشكل عضويتها افضليته للمسلم "المسلم من الوسط الجغرافي/السياسي" بإستثناء الحركة الشعبية القائمة في الاساس على خلفية حلف قبلي عريض. الملاحظة الرابعة والأخيرة: ان الاحزاب السياسية التي تجد خلفيتها في بنيات اخرى حديثة "افندية/عمال الخ..." ونشاطها الاقتصادي عادة ما ينحصر في "الخدمات" قليلة العدد وثقلها "الجماهيري" صغير بالمقارنة مع تلك التي تجد خلفيتها في القبيلة أو/و الطائفة الدينية وتتمركز في المدينة "الخرطوم تحديدا" ونادرا ما تتعدى حدود مدن الوسط (مدني، سنار، كوستي، الابيض وعطبرة) وتغيب بشكل شبه كلي خلف هذه الحدود.
وعليه ربما نستطيع ان نقول ان الكينات السياسية السودانية تنقسم بشكل مجمل في كتلتين (كتلة الريف وكتلة المدينة): كتلة الكينات السياسية الاكثر وضوحا وانتشارا تقوم على خلفية بنيات اجتماعية راسخة هي القبيلة والطائفة الدينية ونشاطها الاقتصادي الاساس هو الرعي والزراعة (بنيات واقتصاديات الريف السوداني) كما بالطبع التجارة "والنقد" والتي بدورها تقوم في الاساس على اقتصاديات الريف في السودان. والاخرى تجد جذورها في النقابة المهنية والاتحاد العمالى وما شابه ذلك، ونشاطها الاقتصادي الاساس هو الخدمات (بنيات واقتصاديات المدينة في السودان). هذا بشكل مختزل من اجل مقاربة الواقع ليس الا. ولا يقدح في هذه الفكرة كون ان كتلة الريف قد تقيم وتنشط "مكنيكيآ" في المدينة كما ان كتلة المدينة قد تقيم وتنشط "مكنيكيآ" في الريف (أرفنة المدينة ومدننة الريف) أو هو بالأحرى: صراع القيم الاجتماعية، الذي اشرت له بداية هذا الخيط، على النحو التالي:
(قولي بانه لا يوجد مجتمع مدني واحد، افتراض يؤيده الواقع. كيف؟.
لا سبيل الى معرفة تلك الحقيقة الا بملاحظة تجليات "تمظهرات" المجتمع المدني "المفترض" في دول مختلفة وامكنة مختلفة وفي الريف والمدينة داخل الدولة الواحدة ومقارنة تلك التمظهرات ببعضها البعض. عندها سنجد ان المجتمع المدني مثل بصمات الاصابع لا يتكرر مرتين ولا يتطابق ابدا في اللحظة التاريخية المحددة. وبهكذا زعم سأنأ بنفسي قدر الامكان عن الاستعانة بالتعريفات المعلبة والجاهزة. ولهذا وضعت (اعلاه) محددات او خطوط عريضة مسبقا لمحاولتي التعرف على المجتمع المدني (المجتمعات المدنية في السودان) في مقابل الدولة. استطيع ان أقول بشكل مبدئي، ان المجتمع المدني في السودان ينقسم في كتلتين تتوازيان مرة وتتقاطعان في بعض المرات، تختصمان في لحظة ما وتتصالاحان في لحظة اخري، في نفس الوقت الذي يعتمل في داخل كل منهما مجموعة من التناقضات الذاتية بفعل اختلاف اواختلال منظومة القيم الواقفة وراء تمظهرهما( أي ان كل كتلة في ذاتها تتراكب من جزيئات تتشابه حينآ و تتمايز تراكيبها بعضا عن بعض أحيانآ آخرى). هذان المجتمعان يتمثلان بشكل مجمل في المجتمع المدني "المديني" والمجتمع المدني " القروي" او الريفي. ولكل منهما تمظهراته المختلفة عن الاخر، ومنظمومة قيمه الخاصة).
وفيه ايضا تفسير لماذا لا يعتبر معظم "الأفندية" في الخرطوم: القبيلة/العشيرة/الطائفة الدينية في عداد المجتمع المدني (راجع ايضا الاسباب التي طرحناها هنا في مكان ما "اعلاه"). ولماذا قال د. حيدر ابراهيم ان المجتمع المدني هو فقط 50 "نفر" في الخرطوم، متحسرا، آملا في ان يتمدد هذا المجتمع المدني "اللبرالي" الى الارجاء الاخري "الريف". بحيث لا يكون هذا الريف بعدها نهبآ لاشكال اجتماعية تالفة من قبيل الطائفة والقبيلة ليست من المجتمع المدني في شي!. (راجع رابط المقال في مكان ما "اعلاه"). هناك بالقطع صراع!. (هل ناس شبشة الشيخ برير غير متمدنين "كونهم غير مدينيين"؟. هل الشيخ أزرق طيبة طائفي متعفن وغير تقدمي "كونه شيخ السجادة العركية"؟. وفي المقابل هل ناس حي العمارات متمدنين بالضرورة "كونهم غير قرويين"؟. وهل نقيب الاطباء بالضرورة "ديمقراطي وتقدمي" كونه غير طائفي"؟).
يتواصل.........(المجتمع المدني والدولة في السودان)
محمد جمال الدين
|
| |
|
|
|
|
|
|
Re: عيبو لي القبيلة ! (Re: محمد جمال الدين)
|
(3)
Quote: [size=18] [/size] الدكتاتوريات في السودان صناعة "افندية" لا "طائفية/عشائرية"
1- مؤتمر الخريجين
لم يكن مؤتمر الخريجين نقابة بالمعنى المعروف للنقابات المهنية او العمالية ولم يكن جمعية ادبية بالمعنى المعروف للجمعيات الادبية والثقافية وانما كان تمظهرا فوقيا لتمظهرات اجتماعية "مدينية" اكثر تجذرا واصالة من قبيل: جمعيات أبي روف و ودمدني و مدرستي النهضة والفجر. وبجملة واحدة فإن مؤتمر الخريجين كان حركة سياسية الغرض الاساس منها التغيير السياسي (طرد المستعمر) وإقامة حكومة وطنية يكون قوامها "الأفندية". وكان شيئآ جاء على قرار حزب المؤتمر "السياسي" الهندي.
قال الاستاذ محمود محمد طه في احد لقاءاته: (اقترح واحد من كبار الخريجين ، الأخ أحمد خير ، فى الجمعية الأدبية فى مدنى ، أنه الخريجين السودانيين يعملوا مؤتمر عام ليبلور نشاطهم ويجعلهم فى مواجهة الإستعمار قوة فعالة .. المؤتمر واجه إعتراض من الإستعمار بمعنى أنو الخريجين موظفين للحكومة وموظفى الحكومة ليس من حقهم يعملوا فى السياسة والأفندية المنضويين تحت لواء مؤتمر الخريجين مش هم البيمثلوا السودان ، بيمثل السودان زعماء العشائر وزعماء الدين .)
وقد كانت اساس فكرة احمد خير المحامي، كما قال هو: (اذا ما انتظم السوداني المستنير في رابطة أو مؤتمر أو نقابة مركزها لجنة النادي بام درمان وفروعها في الأقاليم، اذا ما نشر برنامجه القومي نكون عرفنا وحددنا واجبنا السياسي) من كتاب السودان المأزق التاريخي وآفاق المستقبل - محمد ابو القاسم حاج حمد.
ببساطة كان حلم مؤسس مؤتمر الخريجين "مؤتمر الأفندية"، أحمد خير، كما قال: (نقابة مركزها لجنة النادي بام درمان وفروعها في الأقاليم). "دا كلام كبير وخطير جدا" في زمانه. بل ولم يتحقق ابدا حتى اليوم لا في سياقه السياسي المباشر إذا ما اعتبرنا ان المؤتمر حزبا سياسيا ولا في سياقه "المدني" اذا ما اخذنا كلمة نقابة الواردة في حديث أحمد خير حرفيا. هذه الفكرة التي قال بها ابو الأفندية (ولنقل ابو المثقفين العضويين بلغة "غرامشي") أحمد خير المحامي في حوالى عام 1938، اعتملت تلك الفكرة في طياتها أول بيان لإنقلاب عسكري على ديمقراطية قادمة. لأنها مفارقة للواقع الموضوعي في أوانها وطموحة اكثر مما ينبغى في اربعينات القرن الماضي كما انها لا تزال عصية على التطبيق حتى يومنا هذا. كيف؟.
سأحاول تفكيك هذه الفكرة التى تبدو بسيطة في شكلها الخارجي، ولو ان محتواها جبار:
أراد أحمد خير أن يقول الأفندية هم قيادة البلد (نحن) لا للطائفية والعشائرية (هم = الآخر)، نادي الخريجين سينطلق من أمدرمان الى كل الاقاليم (أي الريف)، سيكون هناك هيئة تمثيلية للنادي في كل مكان في المدن والارياف ومن ثم نطرد المستعمر ونقصى الطائفيين والعشائريين ونحكم البلد..ان هذه البلاد يجب ان يحكمها ابناءها "الوطنيين المستنيرين" اي الأفندية. وبإيجاز شديد ان المجتمع المدني "المديني" هو الذي وجب ان يحكم البلد. أي انه وجب ان يحدث تغيير جذري لبنيات الدولة والمجتمع في السودان. وظل ذاك حلم معظم "الافندية" في ذاك الزمان وفي كل الازمنة التي تلته.
وقالها أحمد خير بشكل اكثر صراحة في اوقات مختلفة. منها على سبيل المثال:
(لم سمح لنفسه- أي المثقف- بالتفكير في كل شئ وقد عمل الجليل وشاد العظيم من الأسس الا ترتيب الصفوف وتنظيم القيادة؟ الا الثورة على هذا النظام العتيق البالي، الذي لايتمشى مع تطورات فكره وأحوال زمانه) «نفس المصدر السابق).
فأحمد خير يرى أن النظام الاستعماري نظام عتيق بالي، لايتمشى مع تطورات فكره وأحوال زمانه، واما رأيه في اعوان المستعمر "الطائفيين والعشائريين" فليس بأقل حدة.
تلك كانت بداية اعلان الحرب صراحة وعمليا بين القوة التقليدية " قوى الريف" القبلية الطائفية والقوى الجديدة "الحديثة" المتمثلة في الافندية "قوى المدينة". اعتقد ان جميعنا يعرف ماذا حدث بين عام 1938 اطلاق هذه المقولة وعام 1958 عام انقلاب الجنرال عبود... لقد سحقت آمال احمد خير سحقا كاملا وبسهولة، فأصيب وقدر كبير من زملاءه باليأس والقنوط. ولا أرى داعيا هنا للتفاصيل كوني لا اهدف الى تأرخة جديدة لاحداث مؤتمر الخريجين، لكني قلت اني اضرب الامثال من باب محاولة إضاءة فكرتي عن صدام الريف والمدينة في السودان: صدام القيم والمصالح بين بنيات المجتمع المدني الريفي والمجتمع المدني المديني. لكن لا بأس من ذكر حكايتين متعلقتين، في تقديري، الاولى ان بعد مضي اكثر من سبعين عاما ما زال الكثير منا يحلم بنفس قدرة وطريقة أحمد خير المحامي، في : (نقابة مركزها لجنة النادي "بالعاصمة المثلثة" وفروعها في الأقاليم). النقابة هنا تعني المجتمع المدني المديني، كما تشئ كل قرائن الاحوال. وهذا بالضبط ما دعاني للتحامل "الودي والايجابي" على د. حيدر إبراهيم حينما قال مرة من المرات أن المجتمع المدني ما هو إلا 50 "نفر" في الخرطوم، متحسرا، آملا في ان يتمدد هذا المجتمع المدني المديني " اللبرالي او الأفندوي" الى الارجاء الاخري "الريف". بحيث لا يكون هذا الريف بعدها نهبآ لاشكال اجتماعية تالفة من قبيل الطائفة والقبيلة ليست من المجتمع المدني في شي، لكنها رغما عن ذلك تأتي الينا في مدينتنا "ديمقراطيآ" فتحتل برلمان دولتنا وتشكل بإسمنا كل مرة حكومة من الغوغاء.. الطائفيين والعشائريين.. حتى وصل الامر ليستل احد القرويين "العشائريين" سكينه في البرلمان.. وقال عمر نور الدائم مرة على الملأ ان: (البلد بلدنا ونحن اسيادها) ويعنى "باسيادها": جماعة الأمة وكيان الانصار.
هذا بالضبط كان حلم احمد خير الذي لم يتحقق ابدا. فأصابه اليأس، وكم هو يائس د. حيدر: (فالصورة تزداد عنده قتامة كل يوم جديد) او كما قال.
هنا بعض ما قال د. حيدر: (عجز المجتمع المدني السوداني عن أن يخرج عن صفويته ومدينيته «اي الوجود في المدينة» وظل المجتمع المدني السوداني منكمشا. فالوجوه التي تتحدث متكررة، والمستمعون والمناقشون لم تتسع دائرتهم، فقد ذكرت سابقا ان كل هذا الضجيج الذي نقوم به، هو اداء مجموعة تتكون من 40 الى 50 شخصا). أنا اهتم بكلام د. حيدر ابراهيم لانه مهم جدا عندي فهو رجل صادق ومثابر وجاد مثله وأحمد خير المحامي، لا فرق عندي بينهما. حتى انهما يشتركان في كل شيء تقريبآ، حتى في نزعتيهما الانقلابية!. هل اصبح أحمد خير انقلابيآ بعد يأسه من المجتمع المدني المديني "مجتمع الأفندية"؟. نعم. وعندي الدليل المادي. هل يكون د. حيدر انقلابيآ؟. نعم. وعندي ما قاله بنفسه.
وسأبدا هنا بحيدر وانتهي باحمد.
هكذا يقول د. حيدر عاتبا ولائما "الأفندية" ممثلين في مجتمعهم المدني : (تزداد الصورة لدي قتامة، فقد عجزنا عن الاستفادة من مؤسسة حديثة هي المجتمع المدني. وأصر السودانيون على شحنها بالتخلف والتقليدية اي سودنتها. وهذه الوضعية تزيد اليأس، فالدولة تحولت الى امنوقراطية، والاحزاب الى لجان اندية الليق؟ فماذا تبقى لنا؟).
اذا يئس د. حيدر من المجتمع المدني في ان يحدث التغيير المترتجى فما أيأسه من ان يرجو الطائفية!. هناك حل واحد في سياق هذا المنطق وهو الانقلاب، حيث اذن يستطيع المرء ان يغير بيده "الشديدة" كما هو مجرب. وقد قالها علنا، "وبدون لف ولا دوران" حينما قال: (واعتقد بلا مبالغة او تبخيس او سخرية، ان هذا هو المجتمع المدني السوداني بلا زيادة ولا نقصان . ومن اراد ان يدحض هذه الفكرة عمليا عليه ان يعقد ندوة او ورشة او مؤتمرا خاليا من هذه الاسماء. وتراودني فكرة خبيثة ولكنها قد تكون مفيدة في حالة اردنا التجديد. فقد كان الخليفة عبد الله يتضايق من بعض المعارضين وتقعير المثقفين، يذهب بهم الى الاسكلة وينقلون الى جبل الرجاف حتى يقضي الله امرا. واقول في نفسي ماذا لو انقذتنا السماء بخليفة ينقذنا من مجتمعنا المدني الحالي، لكي نجبر على بعث مجتمع مدني حقيقي).
لاحظوا معي هذه "الجملة" من د. حيدر: (وتراودني فكرة خبيثة ولكنها قد تكون مفيدة في حالة اردنا التجديد). انه يقول 1- تراودني فكرة خبيثة (والفكرة هي الانقلاب العسكري) 2- لكنها قد تكون مفيدة (والمفيد هو اعلان حالة الطواريء وقوانين الحسم الثوري) 3- في حالة اردنا التجديد (والتجديد هو البرنامج السياسي للانقلاب، اقصد الثورة). لا أجد تفسيرا لتلك الجمل من جاني غير ذلك!.
ويتضح ذلك جليآ دون تأويل مني بقليل من الانتاه الى المقاصد الظاهرة للحديث:
انتباه 1 : ( فقد كان الخليفة عبد الله يتضايق من بعض المعارضين وتقعير المثقفين، يذهب بهم الى الاسكلة وينقلون الى جبل الرجاف حتى يقضي الله امرا. واقول في نفسي ماذا لو انقذتنا السماء بخليفة ينقذنا من مجتمعنا المدني الحالي، لكي نجبر على بعث مجتمع مدني حقيقي). د. حيدر.
انتباه 2 : (واقول في نفسي ماذا لو انقذتنا السماء بخليفة ينقذنا من مجتمعنا المدني الحالي، لكي نجبر على بعث مجتمع مدني حقيقي) د. حيدر.
انتباه 3 "تمعنوا معي بدقة في هذه العبارة" : ((( لكي نجبر على بعث مجتمع مدني حقيقي))) د. حيدر..... مبررا يبدو حاسما... هذا هو لب مغزي كل حديثي في هذا الخيط!.
انتباه 4 : ( خليفة ينقذنا) د. حيدر.
الخلفاء المنقذون في تاريخ السودان كانوا اربعة وهم: الخليفة عبد الله التعايشي، الخليفة عبود الخليفة نميري والخليفة البشير ... ولكنهم لم يجيئوا الى سدة الخلافة "بمشاورة" ورضى معظم الناس مثلما جاء الخلفاء الأربعة في "المدينة" قبل الف واربعمائة عام (حوالي 700 م)... بل جاء خلفاءنا الأربعة في "الخرطوم" بين عامي 1885 و 1989 م بقوة السلاح لا يأبهون بأحد وفعلوا ما فعلوا بسلطة السلاح. ومن المستبعد جدا ان يكون د. حيدر يقصد خليفة مثل الأزهرى أو الميرغني أو الصادق المهدي !. وكيف يجوز ذلك وان "مثلا" الصادق المهدي مذكور في قائمة الخمسين "نفر" كناشط في حقوق الانسان "وديمقراطي". إذ قال: (ففي حالة عقد ندوة او ورشة عن الديمقراطية وحقوق الانسان، لن يخرج المتحدثون عن الاسماء التالية «مع حفظ الالقاب»: الصادق المهدي، علي محمود حسنين، امين مكي مدني، فاروق ابو عيسى، حسن الترابي، مبارك الفاضل المهدي...) الخ القائمة.
فالصادق المهدي فوق كونه مستبعد كخليفة منقذ فهو من المبشرين بجبل الرجاف!.
انه يعني خليفة يستطيع ان يفعل فعلا "رادكاليآ جدا" لا خليفة "ابو كلام".. وهذا ليس من بنات افكاري او "تبليآ" وانما قالها: (فقد كان الخليفة عبد الله يتضايق من بعض المعارضين وتقعير المثقفين، يذهب بهم الى الاسكلة وينقلون الى جبل الرجاف حتى يقضي الله امرا. واقول في نفسي ماذا لو انقذتنا السماء بخليفة ينقذنا). وذاك ربما عنى لي ان بيوت الاشباح في زمن الخليفة الاول عبد الله التعايشي كانت بعيدة "شوية" من اعين منظمات المجتمع المدني حيث كان مكانها جبل الرجاف في الجنوب بينما الخليفة الاخير عمر البشير اقام بيوت اشباحه في وسط أم در!.
فعندي أن د. حيدر ابراهيم يريد خليفة "عسكري" مستنير يستطيع ان يعدل رأس المجتمع المدني ويجعل له شأنآ عظيما يتفق ما عظمة الفكرة!. فتكون عندئذ للنقابة الأم في الخرطوم فروعا في كل الاقاليم، بلغة احمد خير المحامي.
ولنترك هنا د. حيدر الانقلابي الجديد في شأنه ونعود هنيهة الى ابو الافندية أو ابو الانقلابيين "الذي اوحي للانقلابيين قديمهم وجديدهم بالفكرة من حيث يدري أو لا يدري": وهو بالطبع احمد خير المحامي!. وهنا تكون الحكاية الثانية والأخيرة. ماذا دهى أحمد خير في نهاية المطاف؟... لا شي غير انه اصبح وزيرا!... وزير خارجية لأول نظام انقلابي "دكتاتوري" في تاريخ السودان هو نظام الحنرال عبود 1958.. وانتهى!.
لكن هل أحمد خير ود. حيدر ابراهيم الانقلابيان الوحيدان في السودان؟.. طبعا لا.. كان هناك عبد الله بك خليل، الرجل الذي سلم السلطة للجنرال عبود.. ثم كان في المسافة الزمنية الفاصلة بين يأس "الأفندي" أحمد خير المحامي ويأس "الافندي" د. حيدر ابراهيم آلاف من الانقلابيين.. وجميعهم أفندية يحلمون بنقابة مركزها في الخرطوم وفروعها "في السماء" في الاقاليم اي الارياف البعيدة. بحيث لا يكون من بعد مكانآ "للآخر" وهو هنا الطائفي/القبلي/العشائري.. فيكون "الافندي" هو خاتم الحكام.. واحيانا يكون الآخر هو الجزء المنفي او الفاسد من الذات "صراع الكتلة الواحدة في ذاتها" .. ومن اسطع امثلة الانقلابيين: عبد الخالق محجوب والترابي، كل بطريقته الخاصة. ومع ان الاول انكرها لعلمه المسبق بخطلها والثاني ندم عليها بعد ان ذاق طعمها المر.. إلا ان نكران عبد الخالق لم يشفع له فمات مقتولا من جراء الشبهة، والثاني لم يشفع له ندمه فاتهم مرات عديدة بنيته في الانقلاب مرة ثانية فأودع في السجن مرات عديدة..
وكل هذه العبر لم تردع د. حيدر من ان يتمنى انقلابآ على شاكلة فكرته.. وهي سيادة القيم الجديدة التي يؤمن بها، وفيها نفيا ليس للطائفيين والعشائريين "الأعداء" وحدهم بل ايضآ لزملائه الخمسين "لعلة فيهم هي فشلهم المقيم في الانجاز على ارض الواقع".. فيتمنى لهم اقامة سعيدة في كهوف جبل الرجاف بأمر من "خليفة ما" وحتى يقضي الله امرا.. وهنا يشتغل الاختلال في منظومة القيم شغله "صراع ايديولوجي" من نوع قديم متجدد داخل الكتلة المجتمعية المدنية الواحدة (سواءا كانت كتلة الريف او كتلة المدينة). وعبارة "وحتى يقضي الله امرا" هذه، في حديث د. حيدر، تأويلها عندي هو : "وحتي نزبط الامور بواسطة الثورة الجديدة، اي الخليفة الجديد".. ربما آتي على هذه النقطة في المرة القادمة (أعنى صراع الكتلة الواحدة في ذاتها).
وانا شخصيآ برغم قلة حيلتي كثيرا ما تطاردني تلك الاحلام الشريرة في كل لحظات اليأس التي كثيرا ما تتملك بعضنا في مواجهة واقعنا المظلم...فكلنا في الهم شرق.. وانما اتخذت من د. حيدر مثالآ من وحي جرأته ووضوحه الشديدين في قول ما يريد... وأكاد أجزم بان كل "الافندية" واعنى "المثقفين".. تتنازعهم جميعهم بلا استثناء مشاعر وافكار انقلابية!.
يتواصل.........(المجتمع المدني والدولة في السودان)
محمد جمال الدين |
| |
|
|
|
|
|
|
Re: عيبو لي القبيلة ! (Re: aydaroos)
|
Quote: - البناء الفوقي هو إنعكاس للوجود الإقتصادي/الإجتماعي. - الوجود المادي يحدد الوعي.
لما تعاين يا قيقراوي لي كلام زي ده(ماخوذ من المادية الجدلية) و تطبقو علي دولة زي إنجلترا في بداية العصر البرجوازي (عصر الرأسمال)، تغيرت مجتمعها بإنسجام من الإقطاع لي الرأسمالية ،بي يريحك في حنانك و يخليك تتعامل بصورة ميكانيكية مع السبب/ و النتيجة. لكن في حته زي بلدنا دي الوجود المادي و البناء التحتي أو الوجود الإقتصادي /الإجتماعي فيه متشظي (حلوه مش؟)، و تتجاور في بلدناكل البني الإقتصادية(و قيل تتراكب) من إقتصاد الخدمات (بالمناسبة شركات الموبايل عندنا تستخدم أحدث تكنلوجيا في العالم) لحدت إقتصاد الجمع و الصيد(إقتصاد البعر يا إستبعاري :))، و كل التراكيب الإجتماعية من الشركات ، النقابات و الأحزاب لحدت القبائل و خشوم البيوت. في بلد زي بلدنا دي محتاج عين فاحصة عشان تعرف (الوعي الحقيقي) من (الوعي المزيف) من (الوعي المستلب) و غالباً الوعي الجمعي بي يضم شئ من كل نوع من الأنواع الذكرتها دي. و طبعا" لما أنا أجي اعاين لي مجتمعات زي حقتنا دي عشان أحلل أي ظاهرة لازم إستعمل التفكيك و التركيب، التفكيك عشان أدرس الظاهرة في ذاتها، بقوانينهاالداخلية (و دا العملتو مع القبيلة). و التركيب عشان ادرس الظاهرة في علاقتها بباقي الظواهر. دا فيما يخص قيقراوي .. و يا محمد جمال نقرا كلامك و نجيك بي مهلة
|
ما مشيت بعيد يا عمدة المادية الجدلية و نقدها بدوك قراية سليمة جداً تجاوز ماركس -الكافر- لدور الثقافة و الدين تحديداً، و التحليل النفسي وقصر المسألة على الاقتصادي خلتو جلاها ثابتة ..ومن اتبعه بغير احسان
بس النقطة الخايف منها انا اضفاء مشروعية زائفة على "نظام" متخلف تجاوزته البشرية .. ما انكرت وجودها، و لا حتى البتكلم عنو محمد جمال (صفات الشخصية) وهنا اعتقد التفريق بين (البداوة) كصفة شخصية، و (القبلية) كفكرة ايدولوجية و ارتباط سياسي/اجتماعي/ اقتصادي.
شخصياً لا، ولم، و لن انكر بدويتي .. على العكس تماماً فخور بيها جداً وهي دليل اصالة وبرواز لشخصيتي -وان استبعرت مدينياً- واسعى جاهداً لتأسيس وشق درب فيها كمفهوم معاصر جداً كـ"البداوة المعاصرة".. لكنها ليست مرتبطة بقبيلة متعينة، بقدر ما هي مرتبطة بالريف عموم، و تفيد من كل ثقافات الشعوب السودانية .. المافي شنو!؟ العصبية المدينية، بديل موضوعي وعادل جداً للعصبية القبلية .. لانها واقعية، و كسب شخصي لا حقائق وجود انكنترولبول! القبلية ما ديموقراطية كلو كلو .. اسي لو زهجت من قبيلتي مثلاً .. هل بقدر اغيرها!؟ ثم برضو انا ما مقتنع بنسبة ابوي- الله يرحمو- انا اشواقي لا تغازل مدن الملح المستحيل (او شرق الاحمر) بل هواي غربي جداً .. نحو مدينة الانوار ... هنااااااك عندي احساس قوي جداً انو جذوري فرنسية!
| |
|
|
|
|
|
|
Re: عيبو لي القبيلة ! (Re: قيقراوي)
|
يا محمد جمال الدين عموم إستشهاداتك و تحليلاتك ليها متفقة تماما" مع ما أراه بس في تفاصيل زي جدول الاحزاب الجبتو و القاعدة الإجتماعية لكل حزب و النشاط الإقتصادي لجماهير هذه الأحزاب بختلف فيها معاك لحد ما.بس لو سمحتا لي بأجل النقاش في الموضوع دا عشان أركز علي الكيانات القبلية و العشائرية و عندي أفكار لبوستين متتمات لي البنعمل فيهو هنا واحد عن التحول من القبيلة لي المملكة .. وواحد عن الدولة الحديثة، لكن إنتا إستمر في خطك الماشي فيهو و كتر من الإستشهادات و تحليلها ... يخدر ضراعك
...................................... و ضراع قيقا راوي البي يحاول يظهر الفكرة بالإختلاف معها :)
| |
|
|
|
|
|
|
Re: عيبو لي القبيلة ! (Re: aydaroos)
|
Quote: فرنسات شنو كمان البي هناك دي، يا قيقا ياخ إنتا كائن عالمي (و قيل عوالمي) ، قلت لي الكوكب الجديد الإكتشفو إسمو شنو (ما داير أقول ليك كائن فضائي :))
|
كيبلر 22
ما تكلم زول .. انا بخطط لطلب لجوء سياسي بهناك
سئمنا من فساد الحياة في كوكب الارض دا ..
ايدولوجيات و قبائل و كيزان و دجل و قيمة وثيمة و ديو!! كوكبكم دا بقى مورستان كبييييير .. او سراي صفراء بس سكان كيبلر 22 يبدو انهم (ناس) راقين جداً .. حيث لا استبعار هناك لو لقيت لي مركبة فضائية كان اسي اكون في ضيفة و قرعة نضيفة المافي شنو؟
-----
لا بالجد .. الوعي المدني لن يكف عن صراع الاشكال البدائية للعلاقات اللجتماعية و التشكيلات الاقتصادية .. ابداً لأنو شكل متقدم منها .. ولن ينقلب الديالكتيك على رأسو .. او يرقص الترترة
| |
|
|
|
|
|
|
Re: عيبو لي القبيلة ! (Re: قيقراوي)
|
عيدورس
Quote: يا محمد جمال الدين عموم إستشهاداتك و تحليلاتك ليها متفقة تماما" مع ما أراه بس في تفاصيل زي جدول الاحزاب الجبتو و القاعدة الإجتماعية لكل حزب و النشاط الإقتصادي لجماهير هذه الأحزاب بختلف فيها معاك لحد ما.بس لو سمحتا لي بأجل النقاش في الموضوع دا عشان أركز علي الكيانات القبلية و العشائرية و عندي أفكار لبوستين متتمات لي البنعمل فيهو هنا واحد عن التحول من القبيلة لي المملكة .. وواحد عن الدولة الحديثة، لكن إنتا إستمر في خطك الماشي فيهو و كتر من الإستشهادات و تحليلها ... يخدر ضراعك |
ولا يهمك يا عيدورسنا أنا ذاتي ما فاهم "جدولي" دا نهائي أو منزل وقلت بذاك عندما قدمت له في أبريل سنة 2009 . هو مجرد محاولة لقراءة الحالة ولو به "الجدول" قدر من Errors.
قيقا
Quote: لا بالجد .. الوعي المدني لن يكف عن صراع الاشكال البدائية للعلاقات اللجتماعية و التشكيلات الاقتصادية .. ابداً لأنو شكل متقدم منها .. ولن ينقلب الديالكتيك على رأسو .. او يرقص الترترة |
يا مان نحن كلنا مع الديالكتيك... بس الديالكتيك مختلف عن الواقع بما هو "فهم" مجرد... رأيك شنو في ما يحدث في دول الخليج العربي من رأسمالية في تصالح مع البنى القديمة "العشائرية"؟. كمان في أوروبا "الأسر المالكة" بدورها عشائرية منسجمة ومتصالحة تمامآ مع الرأسمالية ولا بل مع النزعات الإشتراكية في "عينها" يا مان الديالكتيك في الحتة دي يخط يدو في جضومو وإحتار!.
لحظات وأعود (بس يا قيقا أوعى تفتكر نحن بنمجد في القبيلة)؟!. لا، لا، لا!. نحن نتحدث عن الواقع بزعم عدم عمانا عنه (أنا وصاحبي الكاشف وقيل عيدروس ومعانا عائشة البجاوية وقيل تراجي "لها مني التحية").
محمد جمال
| |
|
|
|
|
|
|
Re: عيبو لي القبيلة ! (Re: Abdel Aati)
|
مراحب عادل عبد العاطي
Quote: اعتقد ان صاحب البوست هو الاخ عماد عيدروس وليس عبد الله عيدروس |
الكنداكة تراجي أناصححتها فوق ... ولا إنت قاصد دا ما كلامنا نحن ناس اللبرالي :) المهم ... خلينا من عماد و عبدالله، ما تدينا رايك في المواضيع دي - عشم
| |
|
|
|
|
|
|
Re: عيبو لي القبيلة ! (Re: محمد جمال الدين)
|
يا سلام ياشباب .. حقيقة إستمتعت لقراءة هذا البوست المميز وعليه أضيف بعض الكلمات لإستكمال الصورة .. أنا شخصيآ أؤمن بالتكامل القومي في السودان كشرط أساسي لبزوغ الوعي القومي الإيجابي الذي يقود منظومة الدولة إلى الأمام.. التكامل القومي هو المعادل الموضوعي للقبلية في شكلها المفرد وتكبيرها للأناء القبلية في شكل الفرد المنتمي للقبيلة.. فمثلآ إذا أردنا تأسيس نظام سياسي للدولة السودانية يستمد القبلية كشرعية له تكون النتيجة سلبية ونقصآ من حساب الوعي القومي وهو مثال مايحدث اليوم في الدولة السودان من تفكيك وتفتيت سيؤدي بالطبع إلى تجزئة الدولة نفسها. المعادلة الصحيحة هي تذويب القبلية في قاعدة عريضة للتكامل القومي تؤدي إلى نشوء وعي قومي إيجابي تجاه مرتكزات الدولة ومؤسساتها التي صنعها هذا الوعي .. فيكون السلام والعدالة والتنمية هم نتاج ديموقراطية الوعي القومي وليس القبلية. ولكم الود في هذا الحوار الرائع .. شكرآ عيدروس.
| |
|
|
|
|
|
|
Re: عيبو لي القبيلة ! (Re: عادل نجيلة)
|
Quote: لحظات وأعود (بس يا قيقا أوعى تفتكر نحن بنمجد في القبيلة)؟!. لا، لا، لا!.
|
يلا تعال اوريك (الافتكار) دا جا من وين؟
انت قايلو جا ساي كدا، لا لا لا ياخي .. قديمن قيل : وراء كل فعل اعتقاد
عاين لي عنوان البوست دا:
هناك في ضهارينا ديك - مدنياص يا عيدروس مفروض تحفظ الحقوق الفكرية، ول قايلنا عرب ساااي ما بنعرف انت؟- مضربو (او قول مكان استخدامو، زي ما جا في منيو حلف اللبن "نيدو") للتحدي باعجاز المخاطب بسرد (عيب) ما واااحد بس حتى للمراهن عليه ..
بي الفهم دا دا رهان بييييش .. بالنسبة لي
-----
اما اذا كان عمدة قصد من (عيبو لي القبيلة) الاستفهام العااادي، وانو ما فكر فيها و لم يجد عيوب ليها .. فيبقى يبطل اللفحي و ختف المحافض دا عاد ساي!
| |
|
|
|
|
|
|
Re: عيبو لي القبيلة ! (Re: aydaroos)
|
Quote: يا سلام ياشباب .. حقيقة إستمتعت لقراءة هذا البوست المميز وعليه أضيف بعض الكلمات لإستكمال الصورة .. أنا شخصيآ أؤمن بالتكامل القومي في السودان كشرط أساسي لبزوغ الوعي القومي الإيجابي الذي يقود منظومة الدولة إلى الأمام.. التكامل القومي هو المعادل الموضوعي للقبلية في شكلها المفرد وتكبيرها للأناء القبلية في شكل الفرد المنتمي للقبيلة.. فمثلآ إذا أردنا تأسيس نظام سياسي للدولة السودانية يستمد القبلية كشرعية له تكون النتيجة سلبية ونقصآ من حساب الوعي القومي وهو مثال مايحدث اليوم في الدولة السودان من تفكيك وتفتيت سيؤدي بالطبع إلى تجزئة الدولة نفسها. المعادلة الصحيحة هي تذويب القبلية في قاعدة عريضة للتكامل القومي تؤدي إلى نشوء وعي قومي إيجابي تجاه مرتكزات الدولة ومؤسساتها التي صنعها هذا الوعي .. فيكون السلام والعدالة والتنمية هم نتاج ديموقراطية الوعي القومي وليس القبلية. ولكم الود في هذا الحوار الرائع .. شكرآ عيدروس. |
أولا" شكرا" ليك يا نجيلة علي الإشادة، بالضبط هموم الدولة السودانية منذ الإستقلال (أو قول أحلامهم) غنو يصحو و يلقو القبايل المالية البلد و النظم القبلية ذابت و لكن دا ما حا يحصل إلا بالإدراك لمشاكل هذه الكيانات و حلها معهم لمصلحتهم و مصلحة التنمية /الديمقراطية/ الحداثة، فالقهر لا يبني بلد، و هوية اللبوة لا تتحول الي كديسة بضربها و تخويفها. و شكرا" ليك تاني
| |
|
|
|
|
|
|
Re: عيبو لي القبيلة ! (Re: aydaroos)
|
قال قيا راوي
Quote: الان فهمتكم
انا فهمتكم |
و من دربك دا عديلة عليك كان داير تبقا إستبعاري و لا إستعباري و لا إستعرابي
بعد فهمتنا يلا ورينا قولك :)
| |
|
|
|
|
|
|
Re: عيبو لي القبيلة ! (Re: aydaroos)
|
قال الصديق محمد جمال الدين ردا" علي قيقا راوي
Quote: لحظات وأعود (بس يا قيقا أوعى تفتكر نحن بنمجد في القبيلة)؟!. لا، لا، لا!. نحن نتحدث عن الواقع بزعم عدم عمانا عنه (أنا وصاحبي الكاشف وقيل عيدروس ومعانا عائشة البجاوية وقيل تراجي "لها مني التحية"). |
الإضافة مني : لتغييره يا صديق ... لتغييره لدولة الديمقراطية و الحريات و الحقوق لدولة المواطنة.
| |
|
|
|
|
|
|
Re: عيبو لي القبيلة ! (Re: aydaroos)
|
Quote: الإضافة مني : لتغييره يا صديق ... لتغييره لدولة الديمقراطية و الحريات و الحقوق لدولة المواطنة.
|
بعد قولك دا يا عمدة تاني خليت لي قول!؟
دا ما كان ينقص (شرح سروال القبيلة .. الحديد) العملو جمال
لا يكفي الدفع بحجة (واقعاً نقرره و لا نقره) .. وكت ما بتقره .. اذن (تسعى) لتغييره طوالي او (داي تراينغ) المافي شنو!؟
--------
لكن صدقني اكتر من (قهر) المعيشة حاجة بتجبر الزول على (التغيير) مافي كلو كلو يحمد للانقاذ تعظيمها لقيمة (العمل) في ثقافة الزول السوداني .. من حيث ارادت قهره! زمان كان بشتغل زول واااحد، و بقية الشباب من ضل لي ضل .. بعد يخلصوا قرايتهم. اسي الكل يشتغل عشان يقرأ واااااحد/ة في البيت!
خطوة كويسة .. بـ(العمل) كلو بستعدل وكل الناس ببقوا اهل .. والما كان قراب .. بقربهم (العمل)
| |
|
|
|
|
|
|
Re: عيبو لي القبيلة ! (Re: aydaroos)
|
Quote: بدل الجدارة الفردية تظهر الوراثة و محل مجتمع الكرم و التضامن يظهر الثراء و البخل. عندها، يبدع المجتمع القبائلي الهمباته، محاربي طواحين الهواء، الآخذين من الأغنياء و التجار الواهبين للفقراء و المعدمين، لا ينتمون لأي قبيلة علي وجه التحديد و لكن للفضاء القبلي بقيمه الأصيلة(كما يزعمون)، يسعي النظام لأن يوازن نفسه.. و لكن هيهات
|
اختلاف صغير
ليست بالضبط .. عملتهم (ثوريين) راسم عديييل كدا؟ قطعاً الظاهرة ليست جديدة .. وهي شديدة الشبه بـ(الصعلكة/الصعاليك) العربية الشهيرة .. اعتقد تماماً انها نسختها المتقدمة، لارتباط الهمباتة و المهاجرية بقيم المجتمع القبلي، على عكس الصعاليك الخارجين على القيم الماثلة. الهمباتة خارجين على النظام الاقتصادي/الاخلاقي (بتحفظ) ليس القيمي في مقابلة طريفة جداً زي دي في كتاب اقتنيته باكراً (الهمباتة و الهمبتة في السودان) افرد باب كامل فيه للمقاربة مع الصعلكة و الصعاليك العرب. غير ان الفرق الحااااسم هو انو همباتتنا علماء دين، وحفظة قرآن، ابناء أسر متدينة و مشهورة واغنياء عديييل كدا
اقرأ اقوال جدنا "الطيب ود ضحوية*":
ماني التمبل القاعد بقول سويت
وزاد:
ان بردن ماني البخيل صريت .. وان حرن، بكاااار ماهن صفائح زيت!
اكتر حتة عا########ي:
ويشهد خالقي كان يوم السؤال قريت!!
ابو الزفـــت!! ولد دا!؟
شوف ليك جنس ايمان بـ(الخالق، يوم السؤال) .. وشوف ليك جنس إلحاد في نفس السطر،او قول شطر المربع!!
-------
* في الكتاب المشار اليه ذكر المؤلف انو ود ضحوية من "جنوب منطقة العالياب" .. والاخيرة دي بلد جذورنا .. ومسقط رأس ابوي وابواه من قبله رسمي وشعبي!
اخوي الاصغر (اللمين) عندو فكرة بيض زي حقت ود ضحوية دي .. قال يوم القيامة (بكضب) .. ما ح يعترف بالحقيقة! لمن ختوها ليو انو ما ممكن .. لأنو يدك ح تعترف .. رجلك برضو ح تفتو .. اللخ اللخ قال: لا وكت بعترفوا خلي يطلعوا (...) .. طيب انا بدافع لمنو!؟
| |
|
|
|
|
|
|
Re: عيبو لي القبيلة ! (Re: صلاح هاشم السعيد)
|
سلام عيدورس وكل الصحاب هنا...
أتابع معكم بدقة وأتعلم منكم الكثير. لن آتي بإقتباسات جديدة إلا عند أقصى الضرورات كون من أراد الإطلاع على مساهمتي الصغيرة في قضية "القبيلة" و"الطائفة الدينية" فما عليه إلا أن يرجع إلى اللنك الموضوع أعلاه تحت عنوان "الإنسان والمجتمع والدولة في السودان- نحو أفق جديد" هناك قلت كثير مما عندي بالتفصيل. غير أنني بعد سأتابع وأشارك معكم بشكل مستمر كلما دعت الضرورة.
تحياتي
محمد جمال
| |
|
|
|
|
|
|
Re: عيبو لي القبيلة ! (Re: محمد جمال الدين)
|
العزيز عادل نجيلة، و لا تاخد في خاطرك، و أنا حتي الإنكتب ما أخدتو بحدة و شكرا" يا صلاح هاشم السعيد، و البوست مميز بالمتداخلين (إنت يا صلاح أبوك العم هاشم السعيد ، النقابي من عطبرة) تحيات
| |
|
|
|
|
|
|
Re: عيبو لي القبيلة ! (Re: aydaroos)
|
العزيز محمد جمال الدين
Quote: أتابع معكم بدقة وأتعلم منكم الكثير. لن آتي بإقتباسات جديدة إلا عند أقصى الضرورات كون من أراد الإطلاع على مساهمتي الصغيرة في قضية "القبيلة" و"الطائفة الدينية" فما عليه إلا أن يرجع إلى اللنك الموضوع أعلاه تحت عنوان "الإنسان والمجتمع والدولة في السودان- نحو أفق جديد" هناك قلت كثير مما عندي بالتفصيل. غير أنني بعد سأتابع وأشارك معكم بشكل مستمر كلما دعت الضرورة.
|
هوي يا زول ما في حاجه زي دي :) (عشم طبعا").. عليك الله واصل بالأفكار و الإستشهادات و الإقتباسات و ختها هنا و هناك (المافي شنو :)) ... عندي راي إنو البوست بي يختلف من المقال و ما ضروري فيه وحدة الموضوع ... المهم إتجاه الأفكار... فعليك الله واصل معانا و بكل أدواتك. ولو إنتا إتعلمتا مننا (انا و المتداخلين) ... نحنابرضو إتعلمنا منك ...
| |
|
|
|
|
|
|
Re: عيبو لي القبيلة ! (Re: aydaroos)
|
Quote: العزيز محمد جمال الدين هوي يا زول ما في حاجه زي دي :) (عشم طبعا").. عليك الله واصل بالأفكار و الإستشهادات و الإقتباسات و ختها هنا و هناك (المافي شنو :)) ... عندي راي إنو البوست بي يختلف من المقال و ما ضروري فيه وحدة الموضوع ... المهم إتجاه الأفكار... فعليك الله واصل معانا و بكل أدواتك. ولو إنتا إتعلمتا مننا (انا و المتداخلين) ... نحنابرضو إتعلمنا منك ... |
أقبل النداء. أنا أصلآ قاعد على الهبشة. الموضوع مهم جدآ عندي على صعوبته. سأفعل من جديد ما أستطيع.
تحياتي عيدروس والصحاب ... ولي عودة.
محمد جمال
| |
|
|
|
|
|
|
Re: عيبو لي القبيلة ! (Re: محمد جمال الدين)
|
سلام قيقراوي
معاك في مفاكرة صغيرة بس في عظم الموضوع.
أجيب على هذه الأسئلة "نقدر وقتك مقدمآ":
1- القبيلة كتجلي قيمي "أصيل": واحد قال: "أنا هدندوي أو شايقي أو زقاوي" رأيك شنو فيه؟. رأيك شنو من القضية؟.
2- القبيلة كتجلي سياسي "فوقي": واحد قال ليك أنا: "مؤتمر بجا أو أنا إتحادي ديمقراطي (بعض الشايقية ختمية وإتحادية كقبيلة) أو حركة عدل ومساواة". رأيك شنو فيه؟. رأيك شنو من القضية؟.
3- القبيلة كدولة واحد قال أنا وطني: السودان دا حقنا نحن بس "حق الجماعة العرقية الفلانية وبس". رأيك شنو فيه؟. رأيك شنو من القضية؟.
ملاحظة هامة:
حا نجي نطبق نفس الفكرة على: 1- الطائفة الدينية بمعناها الشامل (الأصل منها وجدليتها مع السياسة والدولة)، و
2- النقابة العمالية "المجتمع المدني "المديني" من مدينة،الحديث والوافد في أصله" (الأصل منه وجدليته مع السياسة والدولة).
عشان كدا فكر شديد في الإجابة لأن الفكرة التي تبدو بسيطة من ورائها مأزق عظيم ومعضلة كبيرة ربما تكشفت لنا لاحقآ (هو زعمي)!.
محمد جمال
| |
|
|
|
|
|
|
Re: عيبو لي القبيلة ! (Re: aydaroos)
|
جيمي استميح عذراً (والله ما قدرت ادخل الا اسي، القلم برضو ليو رافع!)
استميحك عذراً ارد على عيدروس الليلة و أرجئك لبكرة (صراحة رد عيدروس ما دايرلو تفكير زي داك)
Quote: ان بردن ماني البخيل صريت .. وان حرن، بكاااار ماهن صفائح زيت! شفت التشديد علي قيمة الكرم في زمن تركم الثروات و البخل ,و شفت كمان و دي أهما كتير، ذم صفائح الزيت المنتجه بالألات الحديثة مقارنة بمنتجات الطبيعة (الأبكار)، و إنكار المنتج الحديث(صفائح الزيت) وذمه من قبل الهمباته بي يمتد لي التاجر نبي نظام المستقبل. و شكرا" ليك يا قيقا
|
ما بالضبط كدا في (قيم) الهمباتة (البكار) اللبل يعني (سوقن) ايدية و حمرة عين دي ما (سرقة) السرقة ياهو من جنس (صفايح الزيت) وبقية المتاع المادي (عديم القيمة) دا .. ويشمل حتى الغنم!
قال ود ضحوية نفسه (بيش نرضيهن غير ألبل جداية الباجة) شفت كيف .. القصة (قيمة) تقدم لاسترضاء ذوي (القيمة) النهائية
الفرق الاتكلمت عنو -نقلاً عما اتذكره من الكتاب- بين الهمباتة و الصعاليك العرب .. الصعاليك العرب كانو -قبلياً- ضعيفين او مستضعفين .. ولم يرتبطوا بقيم القبائل (السائدة) ربما هم الثوريين الحقيقيين .. اما الهمتة .. فاستعراض فروسية او لتحقيق كماليات (لزول مرتبط بالقبيلة وقيمها ولا يسعى لتغييرها) الشغلة (بطر) و ترف ساي (في نظري)!
------
* ايوة (قيم) .. ومال ايه؟
الهمباتة ما بسرقوا من صاحب الواحدة، و الضعيف، المرأة .. اللخ اللخ بسوقوها منك كرررررررر .. وانت تعاين بعيونك .. وتبكي بس .. عين بي قطرة و عين بي مس!
الهمباتي ما بعترف على رفيقو (حتى يوم القيامة على حد زعمهم) وان بردن .. بنزل الراية** كلو كلو .. ومافي زول بدفع
** عارفة الرمزية دي ول اقول؟
| |
|
|
|
|
|
|
Re: عيبو لي القبيلة ! (Re: قيقراوي)
|
Quote: استميحك عذراً ارد على عيدروس الليلة و أرجئك لبكرة (صراحة رد عيدروس ما دايرلو تفكير زي داك) |
إهايا قيقاراوي عشان جنس إمعانك في الإستبعار البي الاحمر الفوق دا ما حا أرد عليك :)
في رايي توضيحك لمسألة الإبل و صفائح الزيت و الفرق بين الصعاليك و الهمباته ما بي يغير من كلامي الفوق
| |
|
|
|
|
|
|
Re: عيبو لي القبيلة ! (Re: aydaroos)
|
والله يا جيمي كتبت ليك رد مفصل و ممل .. طويل وعريض محل خفس ما عرفتو .. حتى الكوبي البحتفظ بيو ما لميت فيو
الظاهر انو شيخ محمد عثمان -من بعد الله اللطيف الرؤف الرحيم- زول ما هين و سرو بااااتع
-------
جايك يا عيدروس نتم ليك باقي الاستبعار لثقافتك البدوية في الوكت دا حاول فتش ما قاله ود ضحوية في مناقب طه الضرير
لكن حكاية انهم (بسعوا) للتتغيير الاجتماعي بخلفية اقتصادية اخلاقية دي شرقتني من الضحك
والله التغيير الوحيد البسعوا ليو يبقى لي (تغيير جو) ساي بس! الشغلة ترف ساي .. انت قايلم محتاجين؟ ول شغالين بي زول ونضال و شرقرق؟ الناس ديل بسوقوا ابلك .. ويتكاملوا بيها الانداية .. وينزلوا الراية تب! دا تخريب للاقتصاد الوطني و جوبكة للديالكتيك
ما قلنا ليكم -انا ود. حيدر- ماركس لم يزر السودان .. احسن ليو والله .. كان بطير ليو عدييييل كدا!
| |
|
|
|
|
|
|
Re: عيبو لي القبيلة ! (Re: قيقراوي)
|
وكمان الهوية السودانية هي معايير سلوكية حميدة تتساوى فيها كل قبائل السودان.. وانظر الى هذه القصيدة ما بخاف من شئ برضي خابر......المقدر لا بد يكون ******** إن اتانى الهم جيشه دافر....يلقى يا خلاي صبري وافر يلقى عزمي التام ليه خافر....يلقى قلبي شجاع ما جبون ********* بالعدا معروف ما ببادر .......ما بخون الجار مانى غادر ما بقول للناس مثلى نادر......بل بقول للخالق..... شئون ******** ما عصيت مولاي مانى فاجر.......لا... ولا بالعالم بتاجر نفسي يا أحباب ليها زاجر........لم أكون كل يوم لي لون ******** الثبات معروف لي معاصر ......لو بقيت في داخل معاصر و الإله غير شك لي ناصر........رغم انف الواشي الخؤن ********* قول لشاهد الزور فيما ثائر.......هدى روعك قبل الخسائر يا ما قبلك عميت بصائر........من لساني ...وقولي الهتون ******* قول لأهل الجور والمساخر .....مافى أول ما ليه آخر مابدوم العز والمفاخر.......وما بدوم الظل والحصون ******* عن لسان الحق مانى نافر....وما جحدت الخير مانى كافر ما ضمرت السوء مانى حافر......للصديق هاويات السجون
هذه الأغنية من الحان الحاج محمد سرور لكنه لم يسجلها بل سجلها للإذاعة المبدع بادي محمد الطيب بلحن رائع جميل مع احتفاظه بهيكل لحن سرور .
وتعال لمزيد من التفاصيل في البوست ادناه من الارشيف
السودان بيتنا
| |
|
|
|
|
|
|
Re: عيبو لي القبيلة ! (Re: aydaroos)
|
الاخ العزيز عيدروس تحية طيبة القبيلة كمنظور انثربولجي حقيقي ورؤية واقعية وعلمية تشكل قوة مجتمعية تساعد على تماسك الدولة القطرية وهذا ما دعت له الحركة الشعبية لتحرير السودان بان الناس في السودان كلهم سودانيين الا من ابى ..ولكن عندما تتحول الى ايدولجية مزيفة(الاخوان المسلمين) وادعاء تريخي غير حقيقي بعروبة البعض يشرخ المجتمع الواحد الى سادة وعبيد عندها تمتد الفتنة وتتمدد ويتشظي الوطن... هناك قبائل سودانية حقيقية يمتد تاريخها الى كوش بن حام بن نوع وهذا الثابت-النوبة الفور البجة الدينكا والنوير والشلك ...الخ وهناك قبائل وافدة من الشرق الرشايدة ومن الغرب افريقيا الفلاتة في العصور الجديدة وهناك قبائل هاجرت وعادت الى السودان عبر البقط في العصور القديمة-الشايقية /الدولة الفاطمية والجعليين/الدولة العباسية كلها قبائل نوبية مستعربة فقط ثقافيا... وهناك اقليات معتبره من الاتراك والاقباط والاجناس الاخرى.. كل مشاريع السودان القديم واحزاب المركز تعاني من القصور في استيعاب التنوع العرقي و الاثني في السودان واستعارت النوذج المصري الرديء(الدولة المركزية الفاسدة والفاشلة والفاشية) لحكم السودان وتعاطي القتل الرخيس في الهامش..بينما ظل مشروع الحركة الشعبية السودان الجديد يقاوم بكافة السبل علننا او خفية ..تحت ستار كثيف من العنصرية البغيضة(الفلاتي احسن من الجنوبي بي شنو مثلا؟؟!!) تم اختراق القبائل السودانية في الشمال بواسطة القادمون من خارج الحدود عبر السنين..والتغلغل في اجهزة الدولة السياسية بمشروع الاخوان المسلمين الوافد وتسلل عبر حاضنة حزب الامة..او الاجهزة الامنية عبر امن نميري الراحل وشكلت الانقاذ الحالية التي تقتل الجميع وفي كل مكان وجعلت الطيب صالح يتساءل من اين اتى هؤلاء..؟؟!! وانظر الى الاسم (مثلث الحمدي)..الى اين ينتمي الحمدي الى السودان ام الى تنظيم هلامي ودولة هلامية تسمى الاخوان المسلمين... ختاما النموذج الامثل الذى يجب ان نقتدي به هو الهند والدولة المدنية الفدرالية الديموقراطية...وتحقير الجنوبيين عمل مشين لا يشبه السودان ولا قبائل السودان ولا شعب السودان لانهم الاصول الحقيقية للقبائل السودانية والذي ينتمي لقبائل السودان حتما ينتمي لحضارة السودان ولا يحقر السودانيين الاخرين ويزدري مورثاتهم الثقافية والتراثية والزبد يذهب جفاء وما ينفع الناس يمكث في الارض
هذا البوست من الارشيف دعما للرؤية الجيدة التي يقدمها هذا البوست طوبا لقائل:هذا او الطوفان
| |
|
|
|
|
|
|
Re: عيبو لي القبيلة ! (Re: aydaroos)
|
القبيلة كما الطائفة الدينية... أشياء عذرية في السودان لم تفض بكارتها بعد من جهة البحث العلمي... على حد علمي. (هناك عك كتير وبس)!.
تحياتي
محمد جمال
| |
|
|
|
|
|
|
Re: عيبو لي القبيلة ! (Re: محمد جمال الدين)
|
Quote: ممكن تكتبو عن قبائلكم في ضوء المكونات المذكورة أعلاه؟ |
لا ما ممكن
الهميم/عيدروس
أحييكم على هذا الجهد المبذول عمل منحوت بإزميل وطني
دعني أحي الكريم/ محمد جمال الدين على جهده الرصدي الجميل
| |
|
|
|
|
|
|
Re: عيبو لي القبيلة ! (Re: آدم صيام)
|
سلام للعزيز آدم صيام... لك أجمل التحايا يا صديق... وأتمنى أن نواصل تفكيرنا وتفاكرنا هنا وفي كل الحتات الممكنة.
قليلآ وأعود.
محمد جمال
| |
|
|
|
|
|
|
Re: عيبو لي القبيلة ! (Re: aydaroos)
|
عن القــــبــــــــيلة في نقاءها - إفتراضاً
مجموعة متجانسة عرقياً يرجعون إصولهم لأب واحد (البشر -المكون الأول). ينشطون إجتماعياً و إقتصادياً علي رقعة جغرافية محددة (الجغرافيا-المكون الثاني). لهم روايات شفهية و حكايات عن إسلافهم و عن علاقتهم بالمحيط الجغرافي و المجموعات الأخري من حولهم (الأسطورة – المكون الثالث). لهم زعيم – شيخ – ملك –سلطان يدير شؤونهم الدينيوية يساعده مجموعة من الحكماء- الأرابيب – العمد - الأمراء (السلطة الدنيوية– المكون الرابع). لهم زعيم روحي – كجور – فكي – شيخ (السلطة الروحية – المكون الخامس) ، و قد تدمج السلطتان الدنيوية و الدينية في شخص واحد. غالبا" يقوم الفرسان بالدفاع و الهجوم عن القبيلة في وجه أعدائها (القوة العسكرية – المكون السادس). أما دور الحكامات / الغنايات/ الغنايين/ الشاعرات/ الشعراء – الحكائين فيتلخص في دعم و نشر و تجديد الإسطورة التي تقوم بربط أفراد القبيلة بالمحيط الحغرافي/الإقتصادي/الإجتماعي و تدعمهم في صراعهم للبقاء (المبدعين /المثقفين/المؤرخين و الاداة الإعلامية للقبيلة – المكون السابع). و لكل قبيلة رموز تميزهم عن الاخر تبدأ من وسم الحيوانات و الشلوخ و لا تنتهي عند الككر و الطبول و دقات النحاس المميزة لهم( التمثُل المادي للهوية – المكون الثامن).
إذن القبيلة كيان سياسي/ثقافي/إجتماعي/إقتصادي سابق لتكون الدولة. نشأت القبيلة في خضم الصراع مع الطبيعة (الغابات ، الصحاري ،الفيضانات، الجدب، الاوبئة...إلخ) بادوات إنتاج متدنية الكفاءة، وبالصراع مع الآخرين الذين يزاحمون القبيلة علي الماء و النار و الكلأ. ممكن تكتبو عن قبائلكم في ضوء المكونات المذكورة أعلاه؟
| |
|
|
|
|
|
|
Re: عيبو لي القبيلة ! (Re: aydaroos)
|
وكمان تشكروا وتقول كلامو سمح يا عيدروس
Quote: وهناك قبائل هاجرت وعادت الى السودان عبر البقط في العصور القديمة-الشايقية /الدولة الفاطمية والجعليين/الدولة العباسية كلها قبائل نوبية مستعربة فقط ثقافيا... |
هسع كلام عادل ده: وين مرجعيتو
ولّ مثله لا يسأل عن مرجعية يا عيدروس
اسمح لي أقول بالفم المليان: هذا الكلام محض "استلاف مزاعم بدون وعي، وانقياد بدون تدقيق".
يعني بالواضح كدة: الكلام الفوق ده كذب.. ولن تجد أي مصدر تاريخي يسنده
انت بالطريقة دي يا عيدروس قاعد تبوظ في موضوعك ده
طالما أنت تؤسس لوجود هذه الكيانات القبلية عبر هذه المزاعم
يبقى انت قاعد تشخص في حالة مصنوعة ووهمية وغير حقيقية
تحياتي
| |
|
|
|
|
|
|
Re: عيبو لي القبيلة ! (Re: عماد حسين)
|
عماد حسين .. تحية طيبة وكل عام وإنت بخير
Quote: وكمان تشكروا وتقول كلامو سمح يا عيدروس
Quote: وهناك قبائل هاجرت وعادت الى السودان عبر البقط في العصور القديمة-الشايقية /الدولة الفاطمية والجعليين/الدولة العباسية كلها قبائل نوبية مستعربة فقط ثقافيا...
هسع كلام عادل ده: وين مرجعيتو |
الصحيح إنو أنا قريت عموم كلام عادل ووافقتو عليهو ومافات علي إنو كلامو الجبتوإنت هنا في إختلافات كتيرة حولو لكن لو قمت ناقشت (مشكلة الهوية) كنت حا إبتعد عن (القبيلة ككيان سياسي/ثقافي/إقتصادي/إجتماعي) كان ولا يزال يحقق أغراض وجوده وده غرضي الأساسي من البوست.
علي العموم أنا رأيي مختلف وواضح في النقاط دي وممكن أنت تفتح بوست بي كلام عادل ده وأجيك فيهو بآرائي. ولحدي ما تفتح بوستيك ممكن تقرأ آرائي هنا: شرك العروبة/الزنوجة والرؤي الدينية
أها ما قلتا لي رأيك في باقي الآراء عن موضوع القبيلة شنو؟
| |
|
|
|
|
|
|
Re: عيبو لي القبيلة ! (Re: عبدالله الشقليني)
|
عبدالله الشقليني تحية طيبة وكل عام وأنت بخير
Quote: في عشرينات القرن الماضي كتب الشاعر القومي ( إبراهيم العبادي ) :* |
هل هناك قومية سودانية؟! العارفو أنا إنو كل الناس البتدعو لي دولة المواطنة الآن، بي يسعوا لي إنو مكونات الوطن السودان تتعايش بمساواة وإحترام وكرامة. تتكلم عن عشرينيات القرن الماضي ونحن في عام 2012 نتحدث عن وطن يجمع ويساوي ويحترم الهويات المتشرذمة.
Quote: وكان قد تجاوز فكرة القبيلة قبل تسعين عاماً ، ونعود اليوم إلى العنوان الذي ارتدته الإنقاذ وسيلة ، ووجدت ويا للحسرة من يستجيب لنداء القبلية في القرن الحادي والعشرين !!!* |
كيف يتم تجاوز أي كيان سياسي/ثقافي/إقتصادي/إجتماعي؟ بتغييره وقبل تغييره لابد من دراسته وتحليله ومعرفة أساسه الإقتصادي/الإجتماعي. القرارات السياسية لا تلغي فاعلية الكيانات الإقتصادية/الإجتماعية ما دامت تؤدي دورها تجاه من تضمهم. إستعلاء المثقفين لا يلغي الكيانات والمفاهيم القديمة بمجرد تفكيرهم بأنها متخلفة، ما يغيرها حقا" هو تغيير أساسها الإقتصادي/الإجتماعي ودراسة وتحليل الوعي الناتج منها لتغييره.
هل تجاوزنا القبيلة حقا"؟! أم أن الوعي القبلي ووعي شبه الإقطاع هو ما يسيرنا في الحضر (موطن الحداثة والبرالية والديمقراطية !) هل تجاوزنا القبيلة حقا"؟! ولم تحارب القبائل في هوامش وأطراف البلاد؟
هل تجاوزنا القبيلة حقا"؟! هل حاربت قبيلة المسيرية لتحرير هجليج؟
وهل وهل وهل ..............
يا عبدالله الشقليني أنا أوصف ما هو كائن وأحاول أن أحلله وأدرسه في ذاته وفي علاقته مع الآخر ... لتغييره لمصلحة من ينتمون اليه... ولمصلحة مفهوم الوطن.
أما العنوان (الذي إعتبرته صادما") فهو لموازنة التحيزات المسبقة للمثقفين ضد الكيانات القديمة الفاعلة في السودان.
| |
|
|
|
|
|
|
|