|
الى بورداب الدوحة مع كامل الحب والتقدير
|
مدخل خاص شـــراع......
زول يفتح الروح ضلفتين يخشك ويمرقك عادي .. ما بتقفل الباب من وراهو بل تساسق بين شفقتك ... وحرقتك ما بستاذنك ... ما روحه نفاج غربتك مدخل اول مركب ....... يا معشر صناع الجمال درجات يا من نسجتــو خيوط العنكبوت حتى لا نتاذى من رصاص طايش يا من كنتو البسمة التى نرسمها على وجوهنا لحظة تقيف الكلمة فى جوف الحلق تصعب تقول المستحيل بكم يكون التمرحل فى بيوتات العشق لحظة النشوة البتمرق فى غياب الوعى الجميل لى كل زول يحمل رسالة يكون مدها الاحتمال الى نفاج الضوء البيمرق منكم نحو الخيال الى من اعشقهم حتى الوحل فى تراب الاغنيات شكرا لكم
مدخل حنين.....
الزول البفتح الباب للنسيم يدخلك يقعد معاك يدهشك يرسم حروفك يهديه ليك فى حلمتك الزول البشيل منك سرابك ويهديك الطريق الصح الزول البحب يطلق عليك رصاص الفرهدة عذ البكاء الزول السمح روح ورهافة قلب انت الدهشة انت العطر البينفح لحظة تكون جالس تقف احترام انت التشيل نغم الحزن تعزف جمال لحن الكلام انت الزول السكن جواى اتمنا لك حياة جميلة مفعمة بالحب واليقين وان يسعدك دائما/ استاذى محمدالسنى دفع الله
مدخل مفتوح..... لكم جميعا حبى الابدى
اذا كانت الابدية تعنى الخلود وهذا من المستحيل سوف يكون وقتى وحبى
للعيون الشايلة سمح الكلام القلوب الفاردة اشرع الجمال للحب الوجوه البتلبس اقنعة السلام بالليل ديل ناسنا مدخل خاص جدا الزول البتاوق فى عيونو فرهدة السلام للقلب الزول اليدخلك بدون جواز للمرور يقطع تذاكر خلوتك يجلس يوانسك وننتشى الحبيب...... هارون دياب
نـــــص
كلمة سحرية تمر عبر شريانى السادس مكونة داخلها كريات دم ذات ابعاد انسانية غريبة اكون فى حضرة هذا المكان شخص ثانى اتحول الى انسان صامت غير معبر انها فلسفة الاحترام لبعض من اناس هم حاضرى الجميل فى دوحتى الجميلة اتحلا بصبر غير ارادى اجسد شخصية الابن المطيع فى تركيبة يكتب السناريو لها ذلك الودود الابتسامة عادل التجانى يخرجها عبر صالة عرض الواقع الخليفة (عادل ابو جقادو) وهذا السناريو الذى اعشقه. تحيات الود الجميل تقاسيم الفرح الذى استنشقه سمفونية الخيال عبر بوابات الدخول لدنيا هذا الجمال عقد منظوم درجات من يقين هى فرحى الخرافى ولون شمس درجة جنونى وهمهمات الترقب نحو كتابة افضل . تسالت من اين تاتى حبات العشق تاكد لى بانها تاتى من قلوب رحيمة قدسية الضريح تلاقى العيون للبنت السودانية مع شمس الصباح لحظة ميلاد الكيف هبهان الحب نحو قهوة جميلة. البيوت العابرة فى خاطرى هى بيوت الفرح لحظة اكون فى قمة مزاجى الكونى واسافر سفرى ليس هروب بل هو نوع من انواع الحاسة الابعد من عيونى. لا اريد ان اشكل عقد خاص ببعض الاشخاص فقد فشلت فى سابقة بان ارتبهم حسب حروفهم الابجدية فسقطت بعض الحروف سهوا. فشكلة نشاز فى الجملة الموسيقية التى اعزفها فكان النغم غير شرقى ليخرج نغم غربى ايقاعه طارد لعيون الحبيبة التى اعشقها فى سرى . ابحث عن راحة النفس وانا فى شوق لتلك الاحواش التى تمنحنى السكون وتلفحنى بشى من طيب الروح وانا اتجول فى محارب سيدى الحسن المراغنة وناس هناك.جبل عالى وابتسامة القلب المشاغب فى شجرة جدى الحبيب وصوت ساقية . ساقية معطونة بطين تكتب فى فجر الصباح لحن الكفاح الجاى منك . حبيبة بتفتح الوردة وتشيل شهد الرحيق عسل البنيات الصغار لحظة تنادى ام الحسن شاى الصباح عجلة طلوعى وصوت (عنج)ناظر(شديد)طابور صفوف المدرسة . الحصة الاولى تربية بدنية ورسم . اللوحة طولوس بنادى يا فجر الغناء الغناى تعال ... توتيل كما القلب الكبير يحضن حبيبتك ويبتسم. وانا مبتسم سر جمالك طيب خيالك شوية رملة وحبة اندهاش محمدالبحر هدندوى من دنقلا
|
|
|
|
|
|
|
|
Re: الى بورداب الدوحة مع كامل الحب والتقدير (Re: كمال سالم)
|
Quote: شكيتك على الله ياود البحر ,, على الطلاق زى دخلتك دى محسن خالد ما عملها !! يأخ إنت جيت داخل بنمره خمسه طوالى ! والله ألف مرحب بيك ونحن سعداء جدا بأن إنضم لبورداب الدوحه أحد المبدعين الكبار . تحياتى . |
اللورد كمال الواحد عشر تحيات بسخونة هذا الطقس الذى يلفحنا نهارا لك كامل الحب يا زول يا مدهش عاش من شافك والله الناس ساى يقولو الدوحة صغيرة (كذابين ساى) الله يسالك وين انت يا زول ... المشروع قرب يخلص خلاص ابقى طيب
| |
|
|
|
|
|
|
Re: الى بورداب الدوحة مع كامل الحب والتقدير (Re: Faisal Al Zubeir)
|
Quote: ود البحر ... وفي دواخله الدرر
قرات بوست مسرحية الجرة في مسرح البقعة .. وهي تجربة قطرية متميزة
نقلت المقال الى موقع الجالية sudanjalya.q` او قوقل الجالية السودانية في قطر وليتك تكتب |
الانيق/ فيصل تسلم يا فخيم مسرحية(الجرة) تجربة كانت مع الاخوة القطريين فى مهرجان البقعة نسخته التى تم تحويله من محلى الى دولى وقد وجد العمل مشاهدة طيبة وقرات نقدية مميزة منها المقال لربيع يوسف .... وتشكر لى الاهتمام.... اكيد سوف اكتب ولنا لقاء باذن من رفع السماء ابقى طيب
| |
|
|
|
|
|
|
Re: الى بورداب الدوحة مع كامل الحب والتقدير (Re: haroon diyab)
|
Quote: يابحرنا
صباحك ناضر
وشكرا علي الكلمات الطيبات في حق الجميع
انت من اكبر مكاسب التسجيلات الاخيرة
تمنيتك طويلا في هذا المكان الجامع
وانا اري فيك المجدد للمسرح السوداني القادم
كن بخير وابقي اظهر
تحاياي ايها الاسمر الجميل |
هارون دياب سلامات يا زول وعوافى نهارك سعيد تلك الكلمات هى نبراس تواصل بيننا ومن نحب مع تمنياتنا بان نكون عند حسن الظن وانا لى الشرف بانا اكون ضمن كوكبه من مبدعى بلادى فى كل المجالات فمنبر سودانيزاولاين مكان جامع لكل الثقافات والتوجهات الفكرية والسياسية والرياضية. وشكرا ليك كثير وعبر تلك الكلمات ابعث بخالص الود لكل عمالقة فن التمثيل فى بلادى بداية من العملاق محمد السنى دفع الله وتلميذه النجيب / الرشيد احمد عيسى وكل الفطاحلة فى فن التمثيل ولك كامل الحب يا زول يا صفوة
ابقى طيب
| |
|
|
|
|
|
|
Re: الى بورداب الدوحة مع كامل الحب والتقدير (Re: محمد البحر)
|
Quote: يكون التمرحل فى بيوتات العشق لحظة النشوة البتمرق فى غياب الوعى الجميل |
آخوى..محمد....تكفينى لحظة النشوة البتمرق فى غياب الوعى.....الجميل......
دها كلآم "زولنا"....بس ربنا يقدرنا.....على رؤيسك "الفات" الحد.....
"رؤيسنا".....اصبح.....و آمسى يفتش على لحظة النشوة البتمرق فى غياب الوعى الجميل......
يا زول مرحب الف......و اركب تعال "خور كلاب" بهناك.....و الله.....مافى اجمل من كدها....!!!!
صديق القاعد بعيد
| |
|
|
|
|
|
|
Re: الى بورداب الدوحة مع كامل الحب والتقدير (Re: Siddig A. Omer)
|
Quote: آخوى..محمد....تكفينى لحظة النشوة البتمرق فى غياب الوعى.....الجميل......
دها كلآم "زولنا"....بس ربنا يقدرنا.....على رؤيسك "الفات" الحد.....
"رؤيسنا".....اصبح.....و آمسى يفتش على لحظة النشوة البتمرق فى غياب الوعى الجميل......
يا زول مرحب الف......و اركب تعال "خور كلاب" بهناك.....و الله.....مافى اجمل من كدها....!!!!
صديق القاعد بعيد |
صديق القاعد بعيد/ الزول الشايل هموم الناس وهمو العندو غالبو يشيلو سلامات يا زول يا نقى... الف شكر على المرور وعندى ليك جى خاصه ..... قبيل كنت مع بهاء فى المصرف وسبحان الله جبنا سيرتك
ابقى طيب يا زول يا سمح
| |
|
|
|
|
|
|
|