|
|
 الشوق بحر
|
تعرفو دي وحشة ما عادية التواصل معكم اصبح ضرورة صعب الاستغناء عنها
بعد غيبة بسبب ظروف الشتات وعدم الاستقرار اشتاق للجميع بون فرز بكل الوان طيفكم اشتهي كتاباتكم الحلوة والمرة التي تاخذني الى الي الوطن واحس في ها بهمس الليل وجمال النيل بالدعاش والغيم ورائحة الوطن ووجوه الحي سلام للكل وشوق حتى للشينة ولو صعبة
|
|
 
|
|
|
|
|
|
|
|
Re: الشوق بحر (Re: الجندرية)
|
الاخت عشة بت فاطنة
والله ليك وحشة والبورد كان فاقدك حقيقى وفاقد مشاركاتك الثرة ان شاء الله تزول كل الموانع وتجى ثانى لى عشك تنوريه وتغردى فيه
حبابك عشرة يا ستى
| |
|
|
|
|
|
|
|
|
|
Re: الشوق بحر (Re: قرشـــو)
|
عوداً حميداً يا عشة بت أم عشة
وحمدالله على السلامة
ننتظر منك الجديد والبورد عامر بكل الوجوه الطيبة والقلوب العمرانة
بالمحبة
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
مرحبا بعودتك يا عشة
ونحن في انتظار وشوق لابداعاتك
ففي زمن النباح والصراخ والغيبوبة
ما أشد الحوجة لواحة نستظل بها
نغتسل فيها من أدراننا
ونمارس التطهر
لعل وعسي
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
واااااااااااااااااي
ما بصدق عشششششششششة
عشوشة
كدا يا شينة
بحر ساي
و الله مشتاااااااااااااااقين
و لي كم يوم طارياك
ازيك
و اخبارك و وينىالحي بيك
معقولة بس
اها انشاءالله استقريتو (قلت راحلة)غايتو حمد عل السلامة
و طلعت بريدك جد جد ما تعمليها
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
الأخت / عشه
تحياتى لك ملئ الكون ده كله و أكتر بى كتير
أنتى أسمك عشه و لا عائشه
بالمناسبه أنا عندى وآحده جارتنا أسمها عيشه
قالوا مره فى وآحده راكبه البص لما جاء
الكمسارى قاليها تزاكر تزاكر يله يا
قالت ليه ما عندى وكان زعلان شويه قال ليها
أنتى أسمك منو أنتى قالت ليهو عيشه
قال ليها يله أنزلى قبل ما أقضرضك
كـــر يــم
| |
|
|
|
|
|
|
|
|
|
Re: الشوق بحر (Re: karim)
|
عشة
ازيك الله يسلمك الله يبارك فيك الله يعافيك الله يسلمك الله يتولاك الله يسلمك الجيتى منهم؟ الله يسلمك الله يبارك فيك الله يعافيك كيف الاحوال؟ممممممممه، مممممممممه، ما شا الله، عينى باردة، الله يبارك فيك الله يسلمك شديدة؟ اخباركم شنو؟؟الله يسلمك الله يبارك فيك اتفضلى على العنقريب، يا بنات تعالوا سلموا على عشة بت فاطنه ، والله نورتى ، كيف الاخبار ؟ واب قفطان الواقف برة دة بيرق؟؟؟؟قول ليه ادخل، اتفضل يابيرق ، البيت بيتك ياخ ، ازيك الله يسلمك الله يتولاك ، كيفك يا عشوشة ياخى، والجيتى منهم؟؟؟والله ليك شوقة ، ازيك انتى، الله يبارك فيك الله يسلمك
عاد اقول ليك شنو يا عشة؟؟؟
الحب مطر
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
اسمعى بطلى كلام النسوان والدجل دا..
ماتجينا يدك فاضية..انا بكجن الناس البيجوا مدلدلين يدينهن....
تعالي بي موضوع...قضية...هم...غم...نكتة...حاجة نغير بيها جو.......وبالعدم بيت شعر جميل....لكن ماتخمينا بجنس الكلام دا كتاحة وكنداكة وهبوب......
...............
ولك ودى وسلامى
shereef shereef
| |
|
|
|
|
|
|
|
|
|
Re: الشوق بحر (Re: Tumadir)
|
الرائعة عشوشة الشوق بحر و حمد الله على السلامة و جبتى لى معاك شنو من البلد؟
و هذه الاغنية هدية لك
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
جوني زاروني شايلين ازهار شايلين الليل قلبوه نهار
وانا ما مصدق انكم طاريني اهلا شديدين كيفنك ياتماضر الله يسلمك الله يعافيك اهلا مرحبتين كلكم الله يلمكم من الشتات واستر غربتكم واكفيكم شر ناس هولاكو والعساكر والامريكان واجمع كم في دياركم عامرين وسالمن اهلا الله يسلمك يا تماضر اهلا ب بكري ابو بكر الغنية ما وصلت اصلي قاعدة اتاوق ليكم من الكفي نت والهندي ما ظابت الصوت اهلا حباب الجندرية بت الجودلية بت البحر . اهلا كيف حالك يا عزنا والله فارقة معاي ومشياقة ليك شوق ماليهو حد ولا ليه قيف . احمد عكاشة تسلم ايد مشتاقة ليكم وانشاالله اتواصل معاكم اكتر الايام الجاية اصلي الايام الفاتت كنت حزينة من تحويل الخطاب في بلاد الرافدين من عيون المها الي صوت المدافع ما بين الرصافة والجسر ورغم الفرحة من زوال الطاغية مازال الحزن غائرا من وطاة خف الامريكان والله يرفع البلى .طبعا انا شدة ما مشتاقة ليكم لبست كبكي وواحد جكة لحدي الكفي نت في عز الهجير الله يجيركم الحالة واقفة معانا لا هاتف ولا نت ولاتواصل الا مع شاشة التلفزيون الكئيبة . اهلا الله يسلمك يا تماضر كتابي وينو الخليتو تحت الحاف ومااظنو ستانسلافسكي لان الخطاب عندنا اتغير وكذلك الكتاب اسامة الخواض والموصلي الله يسلمكم . هي يا منعمشوف الله يسلمك . ام درماني ومي وابو كريم انشا الله خيرين اشوفكم ومشاولين من الخير وين كحلوش اكان لاقيت يه يا عزة سلمي عليه وقول ليه اوعك تمشي الجيران اقصد العراك لانو نحن عندنا عركة ما انتهت لم ا نرجع اسمعو الهندي دا عايز اقفل ودعتكم الله وابقو عشرة علي العقاب يلا الله يسلمك يا تماضر وبدرالدين ما نسيتك الله يسلمك اها تماضر سفنجتي ابقي عليها عشرة ونص ولا قرشونص انشاالله ارجع قريب
| |
|
|
|
|
|
|
|
|
|
Re: الشوق بحر (Re: عشة بت فاطنة)
|
رغم انو الواطة ليل الا حلفت الا اخفس للكفي نت واشوفكم واسالمكم واطايبكم رغم اني احس او امر بفلس فكري ما عاىي يلا اهو الخوا حاصل بس انشا الله اسلم عليكم وارسل ليكم خطاب باني اهو عايشه هانتو كيف بتتجاوزوا حالة القرف و وجع الروح انا امس مفروض
اعمل شنو ما عارفة " يا الله الكي بورد معاكسني
ودعقاب وودقاسم سلامات الله يعزكم
اها مع السلامه واسفة للازعاج والزهج يلا تصبحو علي خير 
| |
|
|
|
|
|
|
| |
عشة بت فاطنة
Abomihyar
الجندرية
قرشـــو
Habib_bldo
karim
Tumadir
منعمشوف
Elmosley
بكرى ابوبكر
ايهاب
ودقاسم
فيس بوك
تويتر
انستقرام
يوتيوب
بنتيريست