يامزمل ابو القاسم ... ماتتغزل في صن داونز.....باذن الله الهلال فائز.....!

Quote: دلادلا.. لا يعملا! * غداً سيلعب المريخ مع هايلاندرز.. وعصر الأحد سينازل الهلال صن داونز! * بسبب قوة موقف المريخ المنتصر في هراري وارتفاع مستوى خصم الهلال سنركز على مباراة بريتوريا! * في بريتوريا الخطر قائم.. وفي الخرطوم.. الأمر محسوم! * صن داونز فريق كبير يملك قدرات ضخمة وما لم يأخذ الهلال حذره منه فستكون العواقب وخيمة! * الأخ الزميل قسم خالد موفد الصدى إلى جنوب إفريقيا كتب عن حدوث احتكاكات بين لاعبي الهلال أثناء تدريب أمس الأول.. وتحديداً بين قائد الفريق هيثم مصطفى والمدافع داريوكان من جهة.. وعمر بخيت وصالح عبد الله من جهة أخرى.. وهذه ظاهرة خطيرة تهدد الهلال قبل لقاء الأحد! * خطورة صن داونز تتمثل في انطلاقات جناح الوسط الأيمن جوستا دلادلا الذي سجل أحد هدفي صن داونز في شباك الهلال بالخرطوم.. وهو مشهور بإجادة العكسيات أمام المرمى وإحراز الأهداف المهمة! * وهناك موريري الذي سجل هدفاً لصن داونز في مرمى الهلال بالخرطوم. * موريري يلعب لمنتخب الأولاد كما يملك سجلاً تهديفياً مخيفاً مع صن داونز.. حيث سبق له التسجيل في شباك مازيمبي الكنغولي.. دوالا الكاميروني.. ميامباني الزنزباري.. ستارليغ الموريشوصي.. رويال السويزيلاندي وسبورتيف الموزمبيقي.. كما سجل هدفاً لمنتخب جنوب إفريقيا في مرمى منتخب تشاد في تصفيات بطولة الأمم الماضية.. ونال عدداً كبيراً من أهداف صن داونز في الدوري المحلي. * احذروا (دلادلا).. لا يعملا! الشمس غابت * حاز (الشمس غابت) عدداً كبيراً من البطولات المحلية في جنوب أفريقيا أبرزها فوزه بلقب الدوري خمس مرات.. كان آخرها في العامين الماضيين على التوالي. * وكحال أخيه الكاشف يخلو سجل صن دوانز من الألقاب القارية.. وقد شارك في منافسة دوري الأبطال من قبل وخرج من دور الـ32 على يد يوسكاف المدغشقري الذي واجه المريخ في الكونفدرالية العام قبل الماضي. * وشارك صن داونز في دوري الأبطال الموسم الماضي وتحول منها للكونفدرالية حيث حل ثالثاً في المجموعة الأولى خلف الصفاقسي ومازيمبي برصيد 6 نقاط فقط حققهما من فوزين وخسر أربع مرات! * ضمت تشكيلة منتخب جنوب أفريقيا والتي شاركت في بطولة الأمم الأفريقية الأخيرة بغانا ثلاثة من لاعبي صن داونز وهم المدافع وبنسون مهلونغو وموريري وليراتو تشابانغو. * ويقود كتيبة المحترفين بصفوف الفريق الشيلي جورج أكونا لاعب خط وقد لعب لعدد من أندية شيلي كما لعب لفاينورد الهولندي وبلاكبيرن الانجليزي.. ولاعب الوسط الثاني الزيمبابوي اسروم نياندور ومواطنه بيتر ندولفو المهاجم واللاعب السابق لأندية هايلاندرز الزيمبابوي وكوفنتري وبرمنغهام وشيفليد يوناتيد الإنجليزية وهو لاعب دولي بصفوف المنتخب الزيمبابوي.. إضافة إلى الكنغولي باتريك أباتكي اللاعب السابق بصفوف الصفاقسي التونسي والمهاجم الأورغياني براين آلادفيش المنتقل لصفوف صن داونز من فنزويلا. * استضاف صن داونز في العشرين من يونيو 2007 نادي برشلونة الأسباني في مباراة ودية احتضنها ملعب الفريق ببريتوريا وخسر أصحاب ألأرض أمام النادي الكتالوني بهدفين بعد أن تقدم بهدف. * يقود تدريب نادي صن داونز طاقم تدريب وطني بقيادة المدرب مولوتو تروت.. وهاريس شوت مساعداً له. * مهمة الهلال صعبة لكنها ليست مستحيلة.. بطلوا اشتباكات وركزوا في التدريبات!

Quote: الأخ / هارون دياب سلام واحترام ،،، تمنياتنا للهلال بالنصر في هذه المباراة الهامة وخليهو مزمل يتغزل في صن داونز مع تمنياتنا للمريخ بالنصر في مباراة اليوم وفوق فوق سودانا فوق لك تحياتي أخي هارون أبو كريم

Quote: العزيز / هارون حقيقة والله فوز فريقي الهلال والمريخ يدخل الفرح في نفوس اهلنا الطيبين لذلك نتمنى الفوز للفريق القومي و لفريقي القمة والتقدم كمان وكمان حتي نفرح جميعاً وياريت لو الناس تخلي التعصب خصوصا الاخوان الصحفيين لان ذلك يضر بتقدم الكرة السودانية لانهم بهذه الطريقة التي يكتبون بها نعتبرهم مشجعين وليس صحفيين . تحياتي لك ولاسرتك الكريمة أبو كريم

Quote: والله يا دياب فتشت الاقتباس حقك دا الجبتو لى كلام مزمل مالقيت لى ولا حته تشبه عنوان بوستك دا وانو مزمل بيتغزل فى صن داونز بل العكس تماما مزمل حاول انو يتطرق لقوة صن داونز وفى الاقتباسين اعلاه بيحزر الهلال

Quote: هارون سلام وقبعة ترفع لك عاليا ايها الرياضي الاصيل يا سكورتا والهلال والمريخ وجهان لعملة واحدة... وزي زولك مزمل ده دوما يريد الاصطياد في الماء العكر وتوطين الكراهية بين الهلال والمريخ.. وما الكورة الا رياضة وجهد وبذل انساني يذهب النصر للمستحق ولكن من يقول البغلة في الابريق....

Quote: ياهارون نهارك سعيد هيثم مصطفى سألوه عن امنياته التي لم تتحقق فقال اولاً أخذ مع الهلال بطولة خارجية وثانياً ودي على حسب قوله احتمال تكون بعيد وصول السودان لنهائيات كاس العالم ومزمل قصد من ذلك رفع الروح المعنويه للاعبين لانو مرات الكلام مثل كلام مزمل بولد الحماس وبيني بينك كدا مزمل برفع الروح المعنويه للاعبين وفي الاخير بكون الانتصار والانتصار للسودان أذا كان كابتن الهلال والفريق القومي بقول احتمال بعيد باقي ليك ماعاوز ليه (صحن فول) من مزمل والنصر للسودان ومزمل في الاخير سوداني أصيل وماتلك الا مناكفات اعلامين لاتقل عن مايكتبه رمضان احمدالسيد وابراهيم عوض وغيرهم يعطيك العافيه يا ابو أسيـل وانشاء الله بكره تفتح بوست مبروك تأهل الهلال لدوري المجموعات بعد فوزه على صن داونز في عقر داره ويطلعوا لينا ناس ابوقوته وودالفاروق ببوستات كان الهلال تأهل على حساب الزعيم المريخ وفي الاخير وصيفنا دا عاوزين ليه يحقق امنية هيثم قبل ماتفك منو (كابتن كابو) عشان مايروح زي ماراح من سبقوه من كباتن الهلال وفي الاخير تأهل الوصيف بطور من الكوره السودانيه ويرفع مكانته في المحافل الدولية عشان السنة الجايه لما يعملوا لقاء مع هيثم يقول السنة الجايه السودان في كاس العالم وتأهل الوصيف الهلال فيها تقوية لمكانة الزعيم المريخ وكلام مزمل فيه تقويه للاعبي الزعيم وبكره بتلقاه قاعد مع هيثم مصطفى على (صحن فول) من العباسي السوق العربي نوم عافيه المريخ متأهل بأذن الله والهلال كذلك والنصر للسودان ابومصطفى

Quote: الكاشف يكفيه انكم وصفاء له لمدة خمسة سنوات والسادسة واقعة وده المهم ,,,,,,,, وشوف الكاشف بلعب مع منو ؟ والوصيف بلعب مع منو ؟؟ قال كونفدرالية قال مع اعتذارى للاصيل هارون دياب وتحياتى له ام وضاح

Quote: هذا قليل من كثير ياكابتن هارونا لايغير الله ما بقوم حتى يغيروا مابداخلهم وامنية هيثم مصطفى دي عاوزه ليها قيام ليل كثير ماقصرت كمشجع مريخابي كفيت واوفيت وربنا يحقق امنيتك يارب ابومصطفى

Quote: الاخوان ناس كاب تاون وبرتوريا برضوا صفر دولي بس هم بعذرهم كان عندهم فصل عنصري ومبعدين من بطولات افريقيا اها اخواننا ناس زريبة العيش عذرهم شنو غايتو اخوي مزمل دا عندو جنس حقائق الله يجازي محنك

Quote: هارون المريخابي السوداني الاصيل أنا بحب الهلال واليوم بشجع المريخ ويييييييي اتمني ان يسجل المريج نتيجة تجعل جميع الفرق المنافسة تعيد حساباتها عن المريخ والكرة السودانية اليوم المريخ منتصر بأذن الله

Quote: العزيز هارون سلام واحترام لو كان مزمل يدري أن انتصار الهلال وتأهله لدوري المجموعات في صالح المريخ لما تهكم على الهلال وتمني خسارتة قول لي كيف؟؟؟ أيوااااا تأهل الهلال لدورى المجموعات يزيد من النقاط التي حصلت عليها الفرق السودانية وزيادة النقاط تعني أن يمثل السودان بفريقين في دوري الابطال ويعني تأهل المريخ للعب في دوري الكبار بعد طول انتظار(لأنو الدرب العديل ده غلبكم تب) ويعني دخول فريق أو فريقين للكونفدرالية أيضا كلمو الزول ده الا ينظر تحت قدمية فقط وبالمرة كلم حسين وطلحة( رواد أعلام الحقد و الكراهية) ولك التحية و الاحترام وتمنياتمنياتنا للمريخ بالتوفيق اليوم عشان الحلوين الزيك وزي حبيبنا دكتور شهاب

Quote: عشان الناس الزيك ديل بس مفروض ما نتكلم وان شاء الله مويتك ما تدفق على الرهاب يا اصيل القومة ليك ام وضاح