ولااول مره في تاريخ البطولات الافريقية يتم اختيار اصغر حكم لادارة مباريات بطولة الاندية الافريقية والكونفدرالية ..... ويكون اصغر حكم ....من السودان الشاب الصاعد .... الفاضل ابو شنب نموذج للتحكيم النزيه ....الخالي من التعصب الاعمي الذي ضرب جميع نواحي الرياضة . اختاره الاتحاد الافريقي ولا اول مره لادارة مباراة البيرة الاثيوبي مع ريون سبورت في اديس ابابا . كل التوفيق للاخ الفاضل ابو شنب ولجميع حكامنا في جميع المنافسات واتمني ان نراهم في نهائيات كاس العالم بجنوب افريقيا .
وبالتوفيق هارون دياب
02-16-2008, 08:58 AM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هارون يا عمك سلام وتحية إذا قاصد بأول مرة دي إنه أول مرة يكون "أصغر" حكم من السودان أوكي لأنه ما اول مرة يتم اختيار حكم سوداني لإدارة مباريات البطولات الإفريقية
تعرف الفاضل أبوشنب دا اجار مباراتكم الرشتكم فيها الموردة الموسم الفات لي اسي ناس مزمل وعمك اسماعيل حسن معتبرينه السبب الرئيسي لوصافتكم الدايمة دي
02-16-2008, 09:45 AM
haroon diyab haroon diyab
تاريخ التسجيل: 06-20-2007
مجموع المشاركات: 23215
Quote: هارون يا عمك سلام وتحية إذا قاصد بأول مرة دي إنه أول مرة يكون "أصغر" حكم من السودان أوكي لأنه ما اول مرة يتم اختيار حكم سوداني لإدارة مباريات البطولات الإفريقية
تعرف الفاضل أبوشنب دا اجار مباراتكم الرشتكم فيها الموردة الموسم الفات لي اسي ناس مزمل وعمك اسماعيل حسن معتبرينه السبب الرئيسي لوصافتكم الدايمة دي
لا وحاتك ...انا قاصد انوا اول مره يكون اصغر حكم من السودان ..... وبعدين اتاريه ....طوالي ادوا الدوليه بعد ماغلب المريخ ....بركاتك ياصلاح ادريس تلحقني وتنجدني ......! اما بخصوص وصافتنا الدايمة دي .....انا شايف السنه دي الفريق بقي ذي الامم المتحده ...ماعارفين راسوا من كرعينوا ....شئ نيجيريا..... والبرازيل..... والكنغو..... ودخلنا علي النشامي ابناء الرافدين ....والمدرب الماني ..... يعني بعد داك اكان استمرينا في الوصافة ....اخير نقفله ونعمل الاستاذ الجميل ده عفراء 2 والله اي حاجه تانية . تخريمه وكده : عليك الله حسع الحتوت الجميل ده يطلع رشاشه ....والله حرام عليك .....شكله صفوه ....صفوه ....عيني بارده الله يخليه للصفوه . مودتي هارون دياب
02-16-2008, 09:46 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18040
Quote: وبرضو يقولوا ليك الإتحاد ما قاعد ياهل الحكام ..
طبعا ياحبيب نحنا المريخاب ديل لابعجبنا العجب ولا هزيمة الرشاشات في رجب ....عشان كده اتمني انوا يكون نجاح الاخ الفاضل ابوشنب بسبب تاهيل الاتحاد ليه ....مش بمجهوده الشخصي بس .....! وشد حيلك قطر الممتاز صفر ....وحاسب من الوصافه ....والله الا اكان نخلي البلد ونمرق عديييييييييييييل كده .....! بالتوفيق لحمكنا الدولي الفاضل ابوشنب في ادغال افريقيا . تحياتي هارون دياب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
haroon diyab
محمد البشرى الخضر
طلحة عبدالله
فيس بوك
تويتر
انستقرام
يوتيوب
بنتيريست