|
|
 شوفو الشافع المسلط ده ..! وتموا الباقي
|
كلكم بتعرفو الشاعر ابو العلاء المعري طبعا هو كان شاعر كبير ومعروف لكنو كان عامل فيها منقطه ومافي زول قدره واخونا ده طبعا كان عميان لكن علي العليه كان مفتري جنس افتراء ,وعنده بيت شعر شهير بقول فيه : واني وان كنت الاخير زمانه لاتي بمالم تاتي به الاوائل .
المهم في يوم من الايام وهو قاعد في ديوانه وحواليه مجموعة من الناس وطبعا هو الوحيد البتكلم والكل يسمع فقام دخل ليك عليه شافع عمره عشره سنوات وقال ليه : انت ابو العلاء المعري رد عليه صاحبنا ايوه انا في شنو ؟ الشافع قال ليه انت القلته :
واني وان كنت الاخير زمانه لاتي بما لم تاتي به الاوائل بو العلاء قال ليه ايوه عندك اعتراض علي الكلام ده
الشافع المفعوص ساله : طيب الاوائل ديل ختو 26 حرف للحروف الابجدية العربية تقدر تزيد فوقم حرف وااااااحد بس ؟
عمك يا ابو ساندرا التقول صبت فوقه مطره سكت ساااااااكت وماقدر يقول حاجة .
اخيرا قال ليه .....!
عاوز لي نهائة للقصة دي وود الحلال يفتح الباب .
تحياتي
هارون دياب
|
|
 
|
|
|
|
haroon diyab
فيس بوك
تويتر
انستقرام
يوتيوب
بنتيريست