|
ابو ساندرا ..... سلامتك والالم بيزول
|
الاخ الحبيب والصديق الرائع ومقنع الكاشفات ذي مابقول ليه اخونا ( ضحية ) الاستاذ عبد الرحمن بركات ( ابو ساندرا ) من امس الاول المت به وعكة صحية الزمته الفراش الابيض لكن الحمد لله في البيت , لكن حبيبنا لانو راجل هميم وزول شغل ورغم الجيوب الانفية اللئمة والحمي الحارة ابي الا انو يمشي الشغل اليوم ...! ده كلام ياراجل ... ادعو معي انوا يقوم بالسلامة ويشم العافية عشان يعطر هذا المنبر الجميل بوجوده . هارون دياب
|
|
|
|
|
|
|
|
Re: ابو ساندرا ..... سلامتك والالم بيزول (Re: بدر الدين الأمير)
|
Quote: مرض الظالم عبادة وزى ما بقولوا اهلنا: الموت كان خلاك كبر مابخليك والحمدالله فى قطر توجد مستشفى للعجزة والمسنين |
ابو التومات.. عشا البايتات تسلم من كل شر.. انشاءالله اجر وعافيه ..وماتهتم لكلام القرعى الفوق ده ولسه هو متصابى ومتشبشب وكل يوم صبغه وكريمات وماسفرة بيروت ببعيده عن الاذهان فقد سمعنا انها لشد الوجه وازاحة الترهلات وكدمات الزمان ..
| |
|
|
|
|
|
|
Re: ابو ساندرا ..... سلامتك والالم بيزول (Re: خالد الطيب أحمد)
|
خالد ياابو اليد تحياتي
سQuote: لامتك ابوساندرا..
ودعواتناليك بالشفاء العاجل ودوام الصحة والعافية..
وأرتاح في البيت شوية ..لو ما علشان روحك ..علشانا نحنا
شكرا هارون.. |
يااخوي يرتاح كيف عمك لقي العملية ماشة كويس بعد ماقام من الحمي فتح لينا موضوع العيون .... غايتو عامل تحب الترطيبة بشكل ...! هارون دياب
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
أخوي هارون ياخ كتر خيرك والإخوة المتداخلين - ماعدا الأخير- إن شاء الله ماتشوفوا شر
هسع محموم وحاصلة لي زغللة في النظر بشوف سطر وبفط سطر برجع ليكم واحد واحد لما أطيب من الألم وإرتاح
أما للقرعي فنقول : برضو في مستشفى أطفال
وبحسب الحمى الطالعة في رأسي: في مستشفى نساء وولادة برضو
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
أخي الحبيب أبوساندرا كفارة و ما تشوف إن شا الله شر
Quote: هسع محموم وحاصلة لي زغللة في النظر بشوف سطر وبفط سطر برجع ليكم واحد واحد لما أطيب من الألم وإرتاح |
إن شاء الله تكون كتبت مداخلتك الأخيرة عن الوثيقة في بوست فيصل الزبير تحت تأثير أعلاه
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
كتب ضحية:
Quote: ولسه هو متصابى ومتشبشب وكل يوم صبغه وكريمات وماسفرة بيروت ببعيده عن الاذهان |
انا خايف كمان يكون فيها شد و { خياطة }
يا شباب والله الحمى في السماء وأرتجف من بردها فأنا ما مؤاخذ ليس على المحموم حرج
وانت يا أم سنينات ، أطلعي منها
| |
|
|
|
|
|
|
Re: ابو ساندرا ..... سلامتك والالم بيزول (Re: أبو ساندرا)
|
Quote: سلامتك يا أبا الشباب "كيتن" في عرب أربجي وان شاء الله أربجي كلها كرامتك !!!! |
اها ابوساندرا عندو حمى .. فاروق دا بهضرب مالو ؟..هوى يافاروق شنو يازول (اعمل شخيت ...) ..
ابوساندار كفارة وماتشوف شر ..مع انو (مدور) ليك كم شكلة فى المنبر دا من ماصبحت ...ياخى كان مريض ماتمشى تنوم فى داعى لجنس المهاترات البهناك دى ...
| |
|
|
|
|
|
|
Re: ابو ساندرا ..... سلامتك والالم بيزول (Re: محمد أبوالعزائم أبوالريش)
|
Quote: نتهدات: الملك ضحية ننصحك بالابتعاد عن المدعو بركات هو زي شوال الفحم لو وقع عليك بوسخك ولو وقعت عليه برضو بوسخك |
والله يا ابا لبيد ضحكتنى جدا ..انت ليه فطيت مداخلتى وابيت ترد على سفرة بيروت قالو السكوت علامات الرضا.. انا سمعت قالو ناس الاردن فى جراحات التجميل والصبينه اشطر من اللبنانيين؟؟؟؟؟؟؟؟؟؟؟؟؟؟؟؟
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
يا ابو ساندرا سلامات.. يا ابو البنيات.. ربنا يقومك بالعافية والسلامة.. (بدر الدين ده ما تشتغل بيهو) أصلوا زول جزيرة.. وانت عارف الاعراب.. هو أخوهو هنا برضو ما مريحنا.. تراهو هو بهناك ما مريحكم برضو الله يكون في عون الدوحة...
(بدر.. سلامي... كتبت ليك رد بهناك... صغير.. لكن برضو أمشي ليهو)
| |
|
|
|
|
|
|
Re: ابو ساندرا ..... سلامتك والالم بيزول (Re: شادية عبد المنعم)
|
Quote: وانت عارف الاعراب.. هو أخوهو هنا برضو ما مريحنا.. تراهو هو بهناك ما مريحكم برضو الله يكون في عون الدوحة... |
ياقصى ...
تحياتى ...
مع تحفظنا على كلمة (الاعراب ) ويستحسن تعتذر عنها .. لكن صدقت فى قصة (اخوهو) دى ..ياخى داك حالة متأخرة .. زول (يسأل) و(يجاوب) براهو وانت عليك تشاركو بالاستماع بس .. غير كدا سبحان الله زول (كرعيهو) الاتنين (شمال ) لاقاكم زول زى دا ..الله يعينك ياقصى ..مع انو بينى وبينك الشوق حاصل سلامى ليهو ..
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
سلامات يازول ... اجر وعافية حتة سخانة عامل ليها قيامة رابطة بلاش دلع معاك .. شنو يعنى ( 72 درجة ) ..؟؟ نحن هنا محتملين ( 270 درجة ) ...؟؟ غايتو الطبقة الكادحة لمن تحاول ت( تتبرجز ) ... شينة ومالايقة معاها ..!!
وزمان قلنا ليك ماتخفف الشنب .. كان بيصفى الروب .. هسع بتشربو بى بلاويهو كلو وبيجيب ليك ( المغص ) و ( السخانة ) لك العافية وراحة البال .......
| |
|
|
|
|
|
|
Re: ابو ساندرا ..... سلامتك والالم بيزول (Re: الطاهر ساتي)
|
الاخ الحبيسب ابو ساندرا سلامتك وبورداب الدوحه ( الحقانين ) كرامتك انت البوديك تباري ود عبد العاطي في الردود شنو؟؟؟ يا اخوي ده مانع في عضمه ده وشقي حال سهرك الليالي لما جاب لك الحمى اها يا الطاهر ساتي بالله بلغ ولاء صلاح قل ليها عمك ابو ساندرا شغال للمعركه بالمنبر لما مرض من السهر الكثير.
تبرأ يا يابا وتستبرأ يا ابو ساندرا. ابعد من المنبر يومين وما عندك عوجه تب.
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
يا شباب لغاية ما أبلى أو أنفق برجع ليكم واحد ورا واحد بس هسع الحمى طالعة في حتة كده غريبة
يعني خميس أم ساندرا راح شمار في مرقة
غايتو إلا تستعين ب
بالصبر والصلوات
الصعاليك ناس عماد وضحية وكيكي قايلني حا أقول ب صديق
دي تلقوها عند الغافل أو عند الفاصل { المداري }
لو عايزين ترجمة ، فإستعينوا بود الديم عماد عبدالله
هسع البوست ده كان كان { العوام } فيهو حسين { ملاصي } كان { أكوك } تداخل
المرض ده ما { كعب } داير { شنو}
ياخ دي حمى ابوطيرة
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
ابو التومات تمها عامل فيها راقد
ما هكدا تورد الابل
وكل الشغل والمداخلات والتنظير وكمان بقت فبها فتاوى وعندك حمى وجيوب انفية
سلامتك والف حمداللة على السلامة وعلى الخط الاخر على العوض
يقول سلامتك ومعها ضحكة وبدكر فيها ايام الديم والسجانة الخوالى
واتحاد الشباب وفريق الاصدقاء
والكتابة على الجدران
بدل يقيضوك يقيضوا خال عكش
| |
|
|
|
|
|
|
Re: ابو ساندرا ..... سلامتك والالم بيزول (Re: رؤوف جميل)
|
الاخ العزيز أبو ساندرا ألف سلامة ليك .... شفت حسادة بدر الدين؟ ما يهمك و أقول ليك من الليله بدر الدين ده خليه لي... اندمه على اليوم الزكاني فيه للموقع. أصلنانحن ( دافننه سوا) عامل لي ود البيه بس ود البيه 2!!! حامد موسي
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
اللهم رب الناس اذهب الباس لا شفاء الا شفاؤك.. شفاء لا يغادر سقما.. اللهم يا من تجيب المضطر وتكشف الضر .. اللهم يا من تجيب المضطر وتكشف الضر.. اللهم يا من تجيب المضطر وتكشف الضر .. هذا عبدك بين يديك .. لا يحجبه عنك حاجب ...ولا يمنعه عنك مانع .. قد نزل به البأس ..ودعت له الناس .. وحزنت عليه النفوس .. وتوجهوا لك بالدعاء أن تشفيه وترحمه وتعفو عن الذي بينك وبينه .. اللهم لا ترد هذه الجموع خائبة .. وأنت الرحمن الرحيم .. الرؤوف الكريم .. اللهم شافه وعافه واكشف ما به .. اللهم رب الأرباب.. اللهم ملك الملوك .. اللهم يا من بيده مقاليد السموات والأرض.. اللهم يا من هو أرحم بعباده من الأم بأولادها.. لا إله إلا أنت سبحانك اعترفنا بفضلك فأرنا رحمتك فيه وعافيتك . اللهم صلي على محمد وعلى أله وصحبه وسلم
اللهم آمييييييييييييييين
ام وضاح
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
عزيزنا عبد الرحمن بركات
الف سلامة ليك و عليك الله اعفى لينا قومنا نفسك معانا الايام الفاتت دي لو كنا قايلنها بتجيب ليها مرض كان بصمنا و سكتنا
يا الله يا زول عارفنك صنديد حمى خليجية شنو البتسوي ليك حاجة، و الله الايام دي اجوائنا في هولندا جميلة كان صرينا ليك شوية هوا بارد ينعنشك
تحياتي و تمنياتي بسرعة التعافي أخوك امجد ابراهيم
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
أولاد حق الحلوين : معروف سند أمجد إبراهيم
أول حاجة إنتو قدرتو كيف تفكوا المرفعين الماسكنو ده وجيتو تكفروا
والله شاكر جدآ وإن شاء الله مانكفر ليكم في ورطات
هي قومة نفس ساكت يا أمجد ومعاها إرتفاع في السكر الله يجازي عماد عبدالله الساهر بي الليل
من هولندا بس { صر } لي طارق أبوعبيدة ورسلو بالممتاز السريع وانت معاهو
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
خالد الطيب أحمد : وين نلقى الراحة ياحبيب أنت ماسمعت انا الفي الدنيا مامرتاح ؟
إشراقة مصطفى : كتر خيرك
عبدالغني كرم الله : قاصد دينا مش ؟ الله يسلمك يازول يا راقي يازين
ضحية إبراهيم : طبعآ راجل زعيم قبلي مثلك لازم نعتز بشهادتو ، يالمسيري الضكران
عبدالكريم الأمين : الحالة دي يرفعك منها ربنا ، ولو إستمرت حا أرفعك انا
فاروق حامد : بنقبل الكرامة وبنستثني محمد عبدالرحمن وناس عبدالرحمن علي طه
لنا مهدي : تصدقي ، الحمى كانت ملازماني خلال كل المشاركات يومها فأي حاجة ماعجبتك أمسحيها في وش القرعي
فيصل الزبير : إزيك يالحبيب ، والله انا مكلف أقعد معاك رسميآ بس أيام الحمى حالت دون ذلك
محمد عبدالرحمن : مافي داعي والله بعدين عمك فاروق ده ماتحمل عليهو
محمد أبوالعزائم : في بيتنا توجد غرفة علوية رشيدة قالت حاتعتقلني فيها لمن أخرف { خريف أبوالسعن }
قصي مجدي سليم :انا متأكد ربنا حايرحم ناس الدوحة عشان أخدوا عذابهم بوجود القرعي بينهم
طارق جبريل : ياود جيرانا يا لذيذ ، كيالقصاصيب والطبونات طرفكم
عماد عبدالله : مرض ضهبان بس ، يتوه عن القرعي وعن قريعتي راحت ويجيني أنا ،فتخيل ، عدم عدالة في التوزيع
شادية عبدالمنعم : حا اختم بيك الفقرة دي عشان يكون ختامها مسك ،، الدوحة مشتاقة ليك
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
- حاتم إبراهيم : شكرآ جزيلآ نواجبك في الأفراح
- إنعام عبدالحفيظ : شكرآ ، بنردها ليك يوم الزفاف
- خالد العبيد : أم ساندرا مشغولة عني بالتلفونات ، وما مشكلة تنشغل عني المشكلة في فاتورة التلفون التي نطالب بتمزيقها
- ياسر الشريف : الشريف ياسر ، كل الشكر يا جميل
- عمر بوب : مابتقصروا والله ، لكن خايفين على الدكتورة من التلوث خاصة لو تمخض الحمل عن كيس خواء
- مكي : الدنيا مافيها راحة يا مكي ، الراحة علا ورا القبر زي ماقال حميد
- أبوريش : عينك باردة ياخ ،، مشتهين جيتك
- دينق : ماممكن القرعي يكون كرامتي لموانع شريعة
- أميرة الشيخ : كلامك صاح ، عين الحسود فيها عود
- أبوقصي : المرض مابيكتلو زول إلا لو وافق اليوم المرض وانا ملاوز من الحتة دي ،، وينك يالحبيب ؟
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
ردود سريعة.. النسخة التالتة : ----------------------------- بنعتذر عن التوقف لأسباب برضو صحية ، النظر مجلي حبتين
- سلمى الشيخ سلامة : مافي كبر ياسلوم ولاحاجة دي عين وصابتنا وتبري أنت من الألم لو زنقتك دبرسة طالعتي رسم عزة الجميلة فتنفتح لك الدنيا وتضحك
- الصحافة_30 جمايلك مغرقانا يا وسيم يا رايق غايتو لو كان أديت ود خالتك مسحة من وسامتك كان كرهنا نادي الفروسية ، أصلو ما مقصر
- هارون دياب : الفروسية كيف ؟ اها العد التنازلي بدأ والجمعة قربت تهانينا مقدمآ ،، سمبهار يعني
- أحمد موسى : ماعهدناك بخيل ومقتر ، هسه الألف دي قديمها وجديدها كان نقطوها ليكط في عينك واللا في جبهتك بتبلك الشوت جاي ورا قلت لي حركة ساي واللا حركة شعبية
- الطاهر ساتي : بفعل ناسك القدام إتسعت الطبقة الكادحة وضمت الطبقة الوسطى القديمة فإنتمينا ليها ،، غايتو من ما الديم والعمارات صارو دائرة واحدة الواحدة حاسي ببرجزة
- تراجي مصطفى : والله نصيحتك شديدة ،، المثل قال : اسأل مجرب ومتسأل طبيب من مافارقت دربو إرتحت شوية ، لكن هو مابيبطل عادتو خايف على سعادتو ومنشغل بالطاهر ساتي
- عوض حمزة : داك كلو عفيناك منو ، إلا جلسة وداع العمدة ما ح نغفرها ليك لو فوتها علينا منتظرين منك الافادة
- طارق الأمين : سلم { تسلم } حسني قبل يومين كنا في سيرتك انا وكمال مالك راجل عيشة بت عمتك
وراجعين
| |
|
|
|
|
|
|
Re: ابو ساندرا ..... سلامتك والالم بيزول (Re: أبو ساندرا)
|
بركات يااخوي في شنو...؟
Quote: هارون دياب : الفروسية كيف ؟ اها العد التنازلي بدأ والجمعة قربت تهانينا مقدمآ ،، سمبهار يعني |
يااخوانا الراجل ده يكون جنه ولاشنو ....؟ يمكن الحمي طلعت ليه في راسو .... سليت البوست ده من وين ... بكري ابوبكر تلحقنا وتنجدنا . ياربي ده يكون من شنو ...؟ بسم الله الرحمن الرحيم ...!
| |
|
|
|
|
|
|
Re: ابو ساندرا ..... سلامتك والالم بيزول (Re: haroon diyab)
|
كتبت صفية محمد:
Quote: استاذ هارون دياب سلام وتشكر على التنوير ابو ساندرا الف سلامة وان شاء الله عدوينك السلام مننا ومن تيثير النوراني قالت ليك هي هثع في القضارف لا ثوادانيز اون لاين ولا اوفلاين. تسلم.
صقية تيسير
نثيت اقثد ثفية تيثير |
غايتو يا صفية مافيش ألذ منك إلا هي
مشت القضارف تزرع واللا تبني حركة ثورية ؟
ثلمي لي عليها
| |
|
|
|
|
|
|
Re: ابو ساندرا ..... سلامتك والالم بيزول (Re: مجاهد عبدالله)
|
مجاهد عبد الله صباح الخير
Quote: حمدالله الف على السلامة أستاذ عبدرالرحمن.ز أجر وعافية ...
خالص الود وشكراً هارون |
شكرا للمرور والمشاركة وعاوزين برضو الراجل اليومين دي متوك بعيونو وماعرفين نعمل معاهو شنو ..؟ حقو الناس تغني ليه ( في عيونك ضجة الشوق والهواجس ) تحياتي هارون دياب
| |
|
|
|
|
|
|
Re: ابو ساندرا ..... سلامتك والالم بيزول (Re: مجاهد عبدالله)
|
مجاهد عبد الله صباح الخير
Quote: حمدالله الف على السلامة أستاذ عبدرالرحمن.ز أجر وعافية ...
خالص الود وشكراً هارون |
شكرا للمرور والمشاركة وعاوزين برضو الراجل اليومين دي متوك بعيونو وماعرفين نعمل معاهو شنو ..؟ حقو الناس تغني ليه ( في عيونك ضجة الشوق والهواجس ) تحياتي هارون دياب
| |
|
|
|
|
|
|
Re: ابو ساندرا ..... سلامتك والالم بيزول (Re: سمرية)
|
سمرية صباح الخير
Quote: الف سلامة ليك وانشاء الله ما تشوف شر ابدا !!
بالمناسبة قالوا الزول البمرض لمن رمضان يقرب بكون بفتش ليهو في رخصة ( وش ابو غمزة )
تحياتي لرشيدة ... والبنات !! |
كنت اتمني انو البوست يكون فيه جائزة لاجمل تعليق كنتي تفوزي بيها ...! باللهي عليكي كيف عرفتي انو اخونا عاوز يكب الزوغة من رمضان . رمضانك كريم مقدما هارون دياب
| |
|
|
|
|
|
|
|