|
Re: بدينا البشتنة وشيل الحال.......المريخ غير مؤهل للفوز.....! (Re: عبدالكريم الامين احمد)
|
الحبيب / كيكي مساء الخير
اولا :مبروك فوز الهلال وطبعا برانا قاعدين نديكم ليها مملحة .....!
Quote: شنو الكواريك يا هارون وحي العرب سكورتا
قلنا ليكم كده من زمان قلتو لعععععععع |
المغصة ياكيكي في امثال مزمل ابو القاسم الصحفي الاصبح صاحب كلمة مسموعة في نادي المريخ.....! يقعدوا ينفخوا الحكاية لامن تطرشق عشان تجونا انتوا وناس ود البشري وتشيلوا حالنا في خمسة دقائق.....عشرين بوست تشفئ.....! حردونا العشاء....! جنس مغصة .....!
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
اتمني ان نستفيد من هذه الخسارة ..... لنضع يدنا علي موضع الجرح.... قد يكون مؤلما ....لكنه قد يكون حلا ناجعا لجميع الامراض...... مع كامل احترامي وتقديري للرجل العالي.... جمال الوالي
هل لديك اي فكرة عن كيف تدار كرة القدم داخل النادي .....؟ وهل هذا هو مستوي المريخ .....؟ وهل المحترفين يستحقون مادفع فيهم من اموال .....؟ وهل مازدا مكتوب علينا ان يعمل مع كل اجهزة التدريب....؟ وهل ابراهومة هو الشخص المناسب في المكان المناسب.....؟ وهل .....؟وهل.....؟ وهل.....؟
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
نقدر لك كل مجهوداتك من اجل المريخ..... واليوم تحدث صاموئيل ايتو عن ان صديقك لابورتا هو الرجل الوحيد في برشلونة.....
.... وان تكون الرجل الوحيد في المريخ وتحقق النتائج ..... خيرا من وجود مئات الارزقية الغطسوا حجرنا....
نقولها وبالصوت العالي ..... لن نرضاه للسنة السادسة علي التوالي ..... فقد اختلت الموازين .... وليس بالمال وحده تتحقق النتائج والانجازات .....!
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
هااااااااارون يا أخوي ،،،
والله ما رضيتها ليكم ،،، لكن ده السوكرتا برضو ،،،
مش عارف أقول أيه ،،،
طبعا الكورة تابعتها مع الأخوه كمبا وضمره وأسامه الدرديري من بورتسودان من الاستاد مباشرة ،،،
أخوك كان فى مؤتمر التعليم فى السودان بالمركز الثقافي ،،، طلعت طلعة إستراحه شويه وعرفت النتيجه ،،،
حقيقة إرتحت شديد المريخ إتغلب يا رجااااااله ،،، والسوكرتا فاز يا حبااااااان ،،،
طبعا أول زول بلغته الخبر الزعيم كمال سالم ،،، وهااااااااك يا جرسه ،،،
خايف بكره الصحف الحمراء بدل ما تشوف أسباب الهزيمه تحمل البرمجه وزر الهزيمه ،،، و دقى يا مزيكا ،،،
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: محمد خليل ساني)
|
ساني مساء الخير
Quote: هااااااااارون يا أخوي ،،،
والله ما رضيتها ليكم ،،، لكن ده السوكرتا برضو ،،،
مش عارف أقول أيه ،،،
طبعا الكورة تابعتها مع الأخوه كمبا وضمره وأسامه الدرديري من بورتسودان من الاستاد مباشرة ،،،
أخوك كان فى مؤتمر التعليم فى السودان بالمركز الثقافي ،،، طلعت طلعة إستراحه شويه وعرفت النتيجه ،،،
حقيقة إرتحت شديد المريخ إتغلب يا رجااااااله ،،، والسوكرتا فاز يا حبااااااان ،،،
طبعا أول زول بلغته الخبر الزعيم كمال سالم ،،، وهااااااااك يا جرسه ،،،
خايف بكره الصحف الحمراء بدل ما تشوف أسباب الهزيمه تحمل البرمجه وزر الهزيمه ،،، و دقى يا مزيكا ،،، |
النصر والهزيمة اخوان وماشين مع بعض ولكن ان تكون الهزيمة بسبب قوة الخصم او سوء الطالع مافي مشكلة .... وذي مانحنا زعلانين الليلة ياما المريخ فرحنا واسعد ليالينا .... لكن ... لما الهزائم تكون بسبب الاداء وسوء الاعداد رغم الصرف البزخي علي الفريق واللاعبين فالامر يحتاج الي وقفة ومراجعة ولابد من وضع الرجل المناسب في المكان المناسب . نقول هذا... لاننا نحب مريخنا... نقول هذا .... لان هذا ليس حال الزعيم.... نقول هذا... لانه من غيرنا يعطي لهذا الشعب معني ان يعيش وينتصر ... وقادمات الايام بيننا ....فلا تفرحوا كثيرا مادام المريخ موجود...وسيظل الاحمر الوهاج عاليا...غاليا
سنلتقي
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
Quote: اتمني ان نستفيد من هذه الخسارة ..... لنضع يدنا علي موضع الجرح.... قد يكون مؤلما ....لكنه قد يكون حلا ناجعا لجميع الامراض...... مع كامل احترامي وتقديري للرجل العالي.... جمال الوالي
هل لديك اي فكرة عن كيف تدار كرة القدم داخل النادي .....؟ وهل هذا هو مستوي المريخ .....؟ وهل المحترفين يستحقون مادفع فيهم من اموال .....؟ وهل مازدا مكتوب علينا ان يعمل مع كل اجهزة التدريب....؟ وهل ابراهومة هو الشخص المناسب في المكان المناسب.....؟ وهل .....؟وهل.....؟ وهل.....؟ |
TOO LATE SORRY,
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: waleed dawash)
|
المشكله يا هارون ،،، إن المريخ لم يحسب لحى العرب أى حساب ،،،
ولو وضع التقدير الكامل للفريق الخصم مع الأداء التكتيكي العالي ،،، حتما النتيجه ح تكون غير ،،،
ما عارف نزول الطائرة إضطراريا فى بورتسودان هو سبب الهزيمه ،،،
يعني مفاجأة الخصم كانت ضروريه هنا ،،، والمريخ كان مكشوف خططيا للعرب من خلال متابعة التدريبات ،،،
ده طبعا وإنت سيد العارفين إن التظاهرات الإحتفائية بالمريخ أثرت كتير على تركيز اللاعبين ،،،
هل تصدق إن المباراه دى كان ضيف الشرف فيها الوالى محمد طاهر إيلا ومعه جمال الوالي ،،، وما حأنسى كمان الفنان محمد الأمين ،،،
طبعا للهزيمة ما وراءها يا هارون ،،، نتمنى أن المريخ يعود قويا لمصلحة البطولة ،،، مع محبتي.
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
Quote: المغصة ياكيكي في امثال مزمل ابو القاسم الصحفي الاصبح صاحب كلمة مسموعة في نادي المريخ.....! يقعدوا ينفخوا الحكاية لامن تطرشق عشان تجونا انتوا وناس ود البشري وتشيلوا حالنا في خمسة دقائق.....عشرين بوست تشفئ.....! حردونا العشاء....! جنس مغصة .....! |
المقعدكم شنو للمغسة يا هارون يا اخوي...؟
انت مش عندكم كأس محمول جوي بداوي المغس؟
ما تمشوا تملوه دواء مغس وتكركعوا كلكم منو ؟ ادو كروجر كركيعة ومزمل جغمة... ورشوا باقي موية الكأس في الجمهور...مش الكأس المحمول دا فيه.....
<6=font size> بركة....
بركة عباس.....هيييييييييييييييييييييييييي يكة
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: nazar hussien)
|
الحبيب / نزار حسين مساء الخير وكلي اسف للتأخير
اQuote: لمقعدكم شنو للمغسة يا هارون يا اخوي...؟
انت مش عندكم كأس محمول جوي بداوي المغس؟
ما تمشوا تملوه دواء مغس وتكركعوا كلكم منو ؟ ادو كروجر كركيعة ومزمل جغمة... ورشوا باقي موية الكأس في الجمهور...مش الكأس المحمول دا فيه..... |
انحنا يااخوي مغستنا ساهلة بنداويها بي كاساتنا المحمولة جوا دي.... المصيبة في مغصتكم الماببتبلع ....! ومن حسع بلوا راسكم ....! انحنا الفينا اتعرفت ...انتوا البخارجكم شنو....؟
Quote: بركة عباس.....هيييييييييييييييييييييييييي يكة |
هههههههههههههههههههههههههههههههههاي
كل الود هارون دياب
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: nazar hussien)
|
ياحبيب ابواسيل
الزعيم زعيم لاتهزه هزيمه عابره
المريخ لم يقدم مستوى لكن حاليا في الساحة غير الزعيم مافي زعيم
والهزيمة بشرف امام فريق عريق وانت ادرى بذلك اخف ذلة
والمريخ مريخ والمريخ فوووووووووق دائما
ومهما حصل فنحن احباب المريخ ونحمدلله الذي جعلنا مريخاب ولم يجعلنا وصيفاب
ونحمدلله كثيرا على هذه النعمه
نوم عافيه ياخي بكره ياقلبي الحنين تلقى السعادة و(المــرح)
والساقيه لسع مدوره وانشاء الله الكاس كاسنا
ابومصطفى
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: keiga2000)
|
ابو مصطفي مساء الخير
ياحبيب ابواسيل
الزعيم زعيم لاتهزه هزيمه عابره
المريخ لم يقدم مستوى لكن حاليا في الساحة غير الزعيم مافي زعيم
والهزيمة بشرف امام فريق عريق وانت ادرى بذلك اخف ذلة
والمريخ مريخ والمريخ فوووووووووق دائما
ومهما حصل فنحن احباب المريخ ونحمدلله الذي جعلنا مريخاب ولم يجعلنا وصيفاب
ونحمدلله كثيرا على هذه النعمه
نوم عافيه ياخي بكره ياقلبي الحنين تلقى السعادة و(المــرح)
والساقيه لسع مدوره وانشاء الله الكاس كاسنا
ابومصطفى
تذكر السنة الفاتت الفرق كان 7 نقاط وفي النهائة لقينا نفسنا في المركز الثاني . وانت عارف.... ده من حبنا في المريخ.... كلامك الفوق ده علي الراس والعين ....لكن يااخوي كترت الدق بتفك اللحام . المعذرة لك وللجميع لكن الحقائق يجب ان تقال ..... اعلم.... سيعود المارد الاحمر وهاجا ....ولكنها غصة في الحلق اتمني ان تزول .
كل حبي وتقديري هارون دياب
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
كما طالبنا فقداوردت الصدي مايلي :
في تصريحات خاصة بالصدى أكد رئيس المريخ جمال الوالي أن مجلس إدارة النادي سيتدخل لتصحيح مسيرة الفريق وسيبحث مع الجهاز الفني واللاعبين مسببات الخسارة التي تعرض لها الفريق أمام حي العرب في الممتاز.. وقال الوالي: خسر المريخ مباراة لكنه لم يخسر اللقب وسيسعى للفوز بالمباريات المقبلة سعياً لاستعادة لقب الدوري.. وطالب الوالي جماهير النادي الالتفاف حول الفريق لتمكينه من تجاوز العثرة وتخطي اللقاءات الصعبة التي تنتظره في الدوري الممتاز والبطولة الإفريقية.
و أكد رئيس المريخ أن تحضيرات الفريق لملاقاة هايلاندرز الزيمبابوي ستتصاعد سعياً لبلوغ مرحلة دور المجموعات والفوز باللقب القاري.أما على صعيد المنشآت فقد أكد الوالي أنهم وقعوا عقداً مع الشركة المنفذة لإنهاء العمل في الوقت المحدد وتم تحديد يوم 15 يوليو المقبل للاحتفال بافتتاح مشروع الطابق الثاني كما قرر المجلس تقديم موعد الجمعية العمومية من ديسمبر إلى يوليو لتجنيب المريخ شرور الانشغال بالانتخابات خلال فترة الانتقالات وأعلن أن المجلس حدد منتصف مايو كآخر موعد لتسديد اشتراكات الأعضاء الراغبين في حضور الجمعية العمومية للنادي..
نتمني ان تقوم ادارة النادي بالجلوس مع المدرب اليوم قبل الغد..... وتمليك الجماهير كل الحقائق.
ودائما مريخنا فووووووووووووق
| |
|
|
|
|
|
|
Re: بدينا البشتنة وشيل الحال.......المريخ غير مؤهل للفوز.....! (Re: haroon diyab)
|
وكعهده دائما ..... وبسرعة البرق.... عاد المارد الاحمر جبارا.... واستطاع ان يعيد البسمة لجماهيره الوفية ..... والتي لاتزعل منه .... لكنها تزعل لاجله .... وسداسية جميييييييييييييييييييييييلة في مرمي الخرطوم تلاتة ..... لكني لازلت اتسأل .... ماالذي بين مازدا....والسعودي .....؟ لماذا الاصرار علي تركه علي الكنبة دائما ....؟ كلما يلعب يبدع.... كلما يشارك يسجل .... وارجعوا للمباريات السابقة .....
عليك الله يامازدا مادام بقيت مكتوب علينا*****خاف الله فينا . وريحنا وارحمنا من الاسماء الرنانة ولعب لينا الاكفأ والاجدر ....
وفووووووووووووووووووووووووووووق غوووووووووووووووووووووووووووووق مريخنا فووووووووووووووووووووووق
| |
|
|
|
|
|
|
|