الجرسة في شنو .....؟ مانلتزم باللوائح....شكرا بكري

Quote: انت خلك منصف بوست للمزح مع أبوساندرا بعنوان يا ابوساندرا أنا مش حذرتك مليون مرة) تم فتحه بالاتفاق مع ابوساندرا وقبل ما يعرف الحاصل شنو يقوم بكري أو من يعاونه يشوتو ... وين مخالفة اللوائح هنا ولا عشان ابوساندرا عضو ذهبي ومن قبيلة المستنيرين

Quote: بوست تاني كتبت فيه راي عن الوحدة بين الشمال والجنوب وكنت أرى أن الانفصال في الوقت الراهن أفضل تم سحبه بالرغم من انو كان يحتوي مجهود ومشاركات قيمة وسبحان الله ما كان فيهو اي شكلة ولا منابيز لماذا يسحب

Quote: مش لما بكري يلتزم باللوائح ويبطل نظام الكيل بمية مكيال دا وتصنيف الأعضاء الى ذهبي وفضي وبرونزي وحديد مصدي زي حلاتنا كدا

Quote: ياهارون عايز أفتح بوست بعنوان: عليك الله يابكرى ماعجبتك? قلت آخد إزنك عشان قالوا العنوان دا من ولاد أفكارك .

Quote: بغض النظر عن الموقف اعلاه والذي أدينه أشد الادانة نحنا في منبرنا عندنا مجلس ادارة وعندنا محكمة للأعضاء ومش أنا البوقف ولا انا البرجع ولا أنا البحذف مداخلات ولا بوستات مجلس الادارة المكون من مشرفين منتخبين هم البقرروا

Quote: تتصور مما بديت اقرأ فى المنبر ده وأتابعه كنت بستغرب !!!! الإستغراب فى أنو فى موضوعات كده كان ما لازم تنزل وتتقري بالمره ،، بدخل تاني يوم بشوف نفس البوست والمداخلات فيهو ،،، كنت بقول لنفسي صاحب المنبر ده راجل بيتمتع بسعة الصدر ،،، راجل حكيم خالىّ الناس بيعملوا ويقولوا زى ما دايرين ،،، رغم إن قواعد المنبر قريتها ووجدت فيها حاجه بتحفظ ليهو حق الحذف ،،، طبعا ده حقو ما فيها كلام لكن صاحب الحوش ما كان بيستعملو ،،،

Quote: نصيه يا هارون الدور دا ما لايق عليك حتي الكيزان بطلو تطبيل

Quote: الاخ دياب سلامات: لو تم تطبيق اللوائح في ناس كتير حتفطس ليهم بوستات وتسقط عن وجوههم الكالحة السواد الاقنعة شفتا كيف? طبعا هسع سياتي اليك دعاة الظار ويقولون ليك طيب بكري ما سحب البوست الفلاني والفرتكاني? مرة اخرى اقول تجويد قوانين المنبر الحر مهمة كل حادب على مصلحة الوطن لانو هناك فرق بين حرية التعبير وحرية التعهير لك الود.

Quote: الأخ هارون دياب سلام ..طبعا لو اتحذف ليك بوست واحد ما كنت كتبت البوست ده.لانك كنت حا تعرف الحكاية حارة كيف.. والجمرة بتحرق الواطيها..

Quote: يا هارون .. يا ود القريش .. أدونا معاكم فرصة .. انتو البوست دا فاتحينوا مقاولة ؟؟؟ راس عديل كدة ؟؟؟

Quote: اللوائح تطبيقها مهم و يحل الكثير من المشاكل لكن كما يقولون : المساواة في الظلم عدل !!!

Quote: الأخ الفاضل / هارون دياب شكراً على الحقانية ، لما أرسل أبو بكر الصديق رضي الله عنه علي بن أبي طالب رضي الله عنه قاضياً باليمن فمكث علي سنة لا تأتيه شكوى ، فحمل متاعه و رجع المدينة ، و استعفى من أبي بكر فقال له الصديق : أمن كثرة الأعباء تستعفي ؟! فقال علي : مكثت سنة لم تأتني قضية هؤلاء قوم عرفوا واجبهم فأدوه و عرفوا حقهم فلم يزيدوا عليه ، فما حاجة هؤلاء لقاض ؟! و كذا الحال هنا فلو عرف كل عضو بالمنبر حدوده و لزمها لما جرى ما يجري و لكفي صاحب الموقع الإحراج و لما احتاج لتطبيق لوائحه . البوست الذي أعنيه و وضعت رابطه هنا لهشام آدم ( عزيزي الله ) !! سحب و الحمد لله و شكراً لأمين الموقع الباشمهندس بكري أبو بكر و لكنه فتح بوستاً آخر يحتج فيه على ( السحب التعسفي ) !! بعنوان : الأطفال يهزمون سودانيز أون لاين !!!

Quote: كمان ادي بكري او اي صاحب منبر اخر انوا يديره بالطريقة التعجبه .

Quote: أخوي هااااارون ،،، شايف الجرسه والولوله خفت شويه ،،، الحاصل شنو الجماعه إقتنعوا خلاص ولآ أيه ،،، حاسس إن الهدوء يسيطر على أطراف المنبر ،،، نتمنى إن الأمر يستمر على هذا الحال ،،، ياااااااا ريت ،،،