|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
Quote: يعني حسع لو هارون دياب ولا هشام هباني ولا اي واحد في المنبر ده احترم اللوائح تفتكروا في سبب يخلي بكري يحذف ليه البوست.... او يسحب الباسورد بتاعو .....؟
طيب مصلحة المنبر شنو من ده كله ......؟
يااخوانا خليكم منصفين شوية.....! |
انت خلك منصف بوست للمزح مع أبوساندرا بعنوان يا ابوساندرا أنا مش حذرتك مليون مرة) تم فتحه بالاتفاق مع ابوساندرا وقبل ما يعرف الحاصل شنو يقوم بكري أو من يعاونه يشوتو ... وين مخالفة اللوائح هنا ولا عشان ابوساندرا عضو ذهبي ومن قبيلة المستنيرين
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: معتز القريش)
|
ود القريش تعجبني فيك سعة صدرك
Quote: انت خلك منصف بوست للمزح مع أبوساندرا بعنوان يا ابوساندرا أنا مش حذرتك مليون مرة) تم فتحه بالاتفاق مع ابوساندرا وقبل ما يعرف الحاصل شنو يقوم بكري أو من يعاونه يشوتو ... وين مخالفة اللوائح هنا ولا عشان ابوساندرا عضو ذهبي ومن قبيلة المستنيرين |
البوست المذكور تم فتحه والكتاحة بينكم لسة كان فيها باقي ...... وبكري اعتقد بحسن نية او بايعاز سحب البوست وذلك من خلال العنوان.... عشان كده انا مابلومه ..... اما حكاية انوا عضو ذهبي ...... فيااخوي خلاص الكتوف اتساوت وبقينا كلناواحد.... وكلوا عند بكري صااااااااابون .....!
كل الود لروحك الطيبة
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
Quote: البوست المذكور تم فتحه والكتاحة بينكم لسة كان فيها باقي ...... وبكري اعتقد بحسن نية او بايعاز سحب البوست وذلك من خلال العنوان.... عشان كده انا مابلومه ..... اما حكاية انوا عضو ذهبي ...... فيااخوي خلاص الكتوف اتساوت وبقينا كلناواحد.... وكلوا عند بكري صااااااااابون .....!
كل الود لروحك الطيبة |
منو القال ليك الكترابة كانت قايمة بينا ؟؟؟ بالعكس كنا زي السمن على العسل ولو كان صاحبك بكري صبر بحسن نيتو دي تلاتة مداخلات بس ما كان سحب البوست ... لكن يبدو أنني طقشت الخط الأحمر (ما قصدي الأحمر الشيوعي براهو كل الخطوط الحمر) عندما كتبت اسم أبوساندرا في صدر البوست ورغم هذا قبلت دفاعك وصدقت حسن نية بكري أوكي خلاص قبلنا حكمك
بوست تاني
كتبت فيه راي عن الوحدة بين الشمال والجنوب وكنت أرى أن الانفصال في الوقت الراهن أفضل
تم سحبه بالرغم من انو كان يحتوي مجهود ومشاركات قيمة وسبحان الله ما كان فيهو اي شكلة ولا منابيز
لماذا يسحب
يا هارون ما تدافع عن بكري ابوبكر ادارة بكري لهذا المنتدى بطريقة انا ربكم الأعلى ولا اريكم إلا ما أرى
* شكرا على كلماتك اللطيفة في سعة صدري
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: معتز القريش)
|
الحبيب / معتز مساء الخير مجددا
Quote: بوست تاني
كتبت فيه راي عن الوحدة بين الشمال والجنوب وكنت أرى أن الانفصال في الوقت الراهن أفضل
تم سحبه بالرغم من انو كان يحتوي مجهود ومشاركات قيمة وسبحان الله ما كان فيهو اي شكلة ولا منابيز
لماذا يسحب |
وبرضو ليه ماسالت ....يمكن سبب سحب البوست مش موضوعك احتمال مداخلة من احد الاعضاء .... لكن هذا ايضا لايبرر لبكري سحب البوست بدون توضيح الامر لصاحب الوست ... اذا لم يكن السبب صاحب البوست ومفروض توضيح الامر لصاحب البوست من خلال الماسنجر او الايميل حتي تصفي النفوس
Quote: يا هارون ما تدافع عن بكري ابوبكر ادارة بكري لهذا المنتدى بطريقة انا ربكم الأعلى ولا اريكم إلا ما أرى
* شكرا على كلماتك اللطيفة في سعة صدري |
حقيقة اختلف معك جملة وتفصيلا في سياسة بكري لادارة المنبر لاني اري انه يديره بالطريقة التي يري بانها تحافظ علي هيبة المنبر وكيانه .... وبعدين يااخوي ماتجيب لينا الهواء .... البوست يادوب قاعد يقول يافتاح ياعليم ....
وبرضو تعجبني سعة صدرك ياابو محمد . راجع ليك
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: معتز القريش)
|
الحبيب / ود القريش مساء الخير ومداخلة متوقعة من البدائة
Quote: مش لما بكري يلتزم باللوائح ويبطل نظام الكيل بمية مكيال دا وتصنيف الأعضاء الى ذهبي وفضي وبرونزي وحديد مصدي زي حلاتنا كدا |
طيب ياالحبيب بصفتك صاحب منبر اذا اي واحد من الاعضاء قام اساء لعضو اخر في عرضه واخلاقه وجاب ليهو فلاش زي بتاع هشام هباني لي تمبس كنت بتخليه .....؟ولا بتطبق عليه اللوائح ....؟
عاوز اجابه واضحة وصريحة .....
Quote: رزاز تلجك البتكسر فيهو دا وصلنا لغاية السد أرفع يدك من الشاكوش شوية |
واحدة قاعده جنبي قالت ليك ياراجل ياقدييييييييييييم انت من زمن التلج البكسروا بالشاكوش...؟
راجي ردك كل الود هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
Quote: طيب ياالحبيب بصفتك صاحب منبر اذا اي واحد من الاعضاء قام اساء لعضو اخر في عرضه واخلاقه وجاب ليهو فلاش زي بتاع هشام هباني لي تمبس كنت بتخليه .....؟ولا بتطبق عليه اللوائح ....؟
عاوز اجابه واضحة وصريحة ..... |
بغض النظر عن الموقف اعلاه والذي أدينه أشد الادانة نحنا في منبرنا عندنا مجلس ادارة وعندنا محكمة للأعضاء ومش أنا البوقف ولا انا البرجع ولا أنا البحذف مداخلات ولا بوستات مجلس الادارة المكون من مشرفين منتخبين هم البقرروا
بعدين اللوائح البتتطبق على فلان ولا تطبق على علان دي هنا بس ... يا أخوي زمن أنا ربكم الأعلى انتهى
أمشي شوف المنتديات الآن كيف تدار
ملاحظة :
اتوقع أن تسحب هذه المداخلات الآن أو عندما يستيقظ بكري كما أتوقع أن يسحب مني الباسوورد الذي لم اعد اقدسه كما الأول
انا اخترت بوستك دا بالذات عشان أكتب فيه رايي عشان عارفو ما ح يتحذف لماذا ؟ لأنك من الأعضاء الذهبيين
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: معتز القريش)
|
معتز
Quote: يا هارون أنا حفظت البوست لأنو عندي إحساس انك ح تطلب من بكري سحبو أو بكري براهو ح يسحبو ويعتذر ليك بالمسنجر دون أن يراعي الوقت والمجهود الذي بذل فيه . . . أتمنى أن يخيب ظني والله يكضب الشينة |
قلته شنو ....؟ اطلب سحبه ......؟ يااخي واتجدع بي شنو .....؟ ده بوست القشرة . ومن حسع انا بضمن ليك بكري بس انت اثبت .....!
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: معتز القريش)
|
ود القريش
Quote: بغض النظر عن الموقف اعلاه والذي أدينه أشد الادانة نحنا في منبرنا عندنا مجلس ادارة وعندنا محكمة للأعضاء ومش أنا البوقف ولا انا البرجع ولا أنا البحذف مداخلات ولا بوستات مجلس الادارة المكون من مشرفين منتخبين هم البقرروا |
اها انت كصاحب منبر بتديره بطريقتك.... كمان ادي بكري او اي صاحب منبر اخر انوا يديره بالطريقة التعجبه .
Quote: ملاحظة :
اتوقع أن تسحب هذه المداخلات الآن أو عندما يستيقظ بكري كما أتوقع أن يسحب مني الباسوورد الذي لم اعد اقدسه كما الأول
انا اخترت بوستك دا بالذات عشان أكتب فيه رايي عشان عارفو ما ح يتحذف لماذا ؟ لأنك من الأعضاء الذهبيين |
لا يااخوي اطمن مافي اي سبب يخلي مداخلتك تتحذف .... وبعدين منوا القال ليك انوا بكري نائم ....؟ كمان اكان انا من الاعضاء الذهبيين بكري ده مايديني مكتبة .....!
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
صباح الخير يا هرون، قالوا نمـت!،، وأنا برضـو اخترت بوستك دا بالذات لأقـول وجهة نظـري، وإن شـئت فقل (لأكسر معاك تلجك وتلجي).. أعتقد أن بكـري قد إختار وبإصرار وإدراك كامل أن يجعل الفقرة الأولى من لوائح المنتدى ويكتبها بالخط الأحمر العريض هكـذا:
Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب |
والمنبر دا إشتهر باسم حوش بكري،، وطبعاً أي زول بقـول: في my house بتمشـي my rules فقط.. والفقرة الفوق دي مافي زول هنا ما فايتة أضانو وكمبيوترو بهناك.. وما أظن بكـري قاعـد يرسـل إيميلات للناس ويقول ليهم عليكم الرسول تعالوا سجلوا عـندي،، لكن كل يوم بنقرا عدة بوستات من شاكلة: يا بكري الشفيف فلان واقف منتظر، وفلان داك يا بكـري إضافة نوعية الخ...يعني الناس بتشترك بمحض إرادتها رغم معرفتهم المسبقة للفقرة أعلاه، يبقى ما شايف في لازمة للإحتجاج على الحذف والتوقيف ما دمنا قد قبلنا وبملء إرادتنا وبخيارنا المشاركة في وجود هذه اللاائحة.. أنا واحد من الناس المادة الأولى دي ما عاجباني إذا أخذناها على إطلاقها، أعني حذف البوستات أو إيقاف الإشتراك دون إبداء الأسباب،، لكن اتفق معك بالكامل أن هذه ليست هواية بكري المفضلة ولن يستخدمها إلا للضرورة القصوى،، وفي نفس الوقت أعتقد أن بكـري يحتاج (لجوكر) وفيتو كهذه المادة لإستخدامه عند الضرورة كماأسلفت،، وعشان يرتاح (من عوار الراس) والتحقيقات الكتيرة إذا أضطـر لسحب بوست أو مداخلة أو مداخلات من بوست معين... ختاماً أتمنى أن نسهم جميعاً في دفع الحوار المفيد في شتى القضايا والهموم المشتركة للأمام،،وألا ننسى الخدمات الجليلة والتواصل الثقافي والإجتماعي الذي نجده هنا،، ولكم التحايا...
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
الاخ /عيسي مساء الخير
Quote: يمنع منعاً باتاً التدخل في شؤون إدارة المنتدى. ولإدارة المنتدي كامل الصلاحية في حذف , تعديل , نقل أو إغلاق أي موضوع/مداخلة أو إيقاف عضوية أي مشترك دون ذكر الأسباب |
يعني بكري بقول ليكم.... وباختصار شديد ..... العاجباهو الفقرة دي حياه الله .... والماعاجباه في امان الله .... وقشة ماتعتر ليه .... انا اكان لي عاجباااااااااااااااني شديييييييييد.
كل الود هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
العزيز هاااااارون ،،، عفيت منك يا ود مدينتي ،،،
تتصور مما بديت اقرأ فى المنبر ده وأتابعه كنت بستغرب !!!!
الإستغراب فى أنو فى موضوعات كده كان ما لازم تنزل وتتقري بالمره ،،
بدخل تاني يوم بشوف نفس البوست والمداخلات فيهو ،،،
كنت بقول لنفسي صاحب المنبر ده راجل بيتمتع بسعة الصدر ،،،
راجل حكيم خالىّ الناس بيعملوا ويقولوا زى ما دايرين ،،،
رغم إن قواعد المنبر قريتها ووجدت فيها حاجه بتحفظ ليهو حق الحذف ،،،
طبعا ده حقو ما فيها كلام لكن صاحب الحوش ما كان بيستعملو ،،،
الأيام دى بكري شاف العيار فلت ومن حقو يعيد النظر فى سياستو الحكيمه دى ،،،
ولازم يفرض الإنضباط من جديد وعشان كده ما فى داعي للجرسه والبكاء فى غير مواضع البكاء ،،،
لازم نلتزم باللوائح ،،، عشان ما نولول بعد ما نلقي الباسوورد مسحوب خليك من بوست ومداخله ،،،
يا شباااااب ما تخلونا رقيبين على أنفسنا والحوش مفتوح مفتوح للجميع ،،،
أهااااااا كلام زي ده يا هاااااارون عايز شاكوش ود القريش القديييييييم ده ،،، ولا عايز حاجه من أفكار الزوله اللى قاعده جنبك دى ،،،
نورنا يا حبيب فى الإنتظار ،،، مع محبتي .
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: محمد خليل ساني)
|
الاعلامي الرقم/ ساني مساء جميل
Quote: تتصور مما بديت اقرأ فى المنبر ده وأتابعه كنت بستغرب !!!!
الإستغراب فى أنو فى موضوعات كده كان ما لازم تنزل وتتقري بالمره ،،
بدخل تاني يوم بشوف نفس البوست والمداخلات فيهو ،،،
كنت بقول لنفسي صاحب المنبر ده راجل بيتمتع بسعة الصدر ،،،
راجل حكيم خالىّ الناس بيعملوا ويقولوا زى ما دايرين ،،،
رغم إن قواعد المنبر قريتها ووجدت فيها حاجه بتحفظ ليهو حق الحذف ،،،
طبعا ده حقو ما فيها كلام لكن صاحب الحوش ما كان بيستعملو ،،، |
واعتقد انوا ده كان بدايت الغلط وهو ترك الحبل علي الغارب باسم الديمقراطية . يعني لو كانت سياسة اليومين ديل مطبقة من البدائة كان في فيران دخلت جحوره من زمااااااااان .
Quote: الأيام دى بكري شاف العيار فلت ومن حقو يعيد النظر فى سياستو الحكيمه دى ،،،
ولازم يفرض الإنضباط من جديد وعشان كده ما فى داعي للجرسه والبكاء فى غير مواضع البكاء ،،، |
كلالالالالالالالالالالالالام ياعوض دكاااااااااااااااااام
Quote: لازم نلتزم باللوائح ،،، عشان ما نولول بعد ما نلقي الباسوورد مسحوب خليك من بوست ومداخله ،،،
يا شباااااب ما تخلونا رقيبين على أنفسنا والحوش مفتوح مفتوح للجميع ،،، |
والله ياساني وانت اعلامي وسيد العارفين ...اكان كل واحد بقي رقيب علي نفسة وخاف الله فينا وفي البيكتبه ماكنتا لقيت ليك بوست انحذف ولا باسوورد اتسحب .
كفيت ووفيت ....واوجزت واعجزت . كل التحايا النواضر هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: عاطف عبدون)
|
عاطف عابدون مساء الخير يابلدياتنا
Quote: نصيه يا هارون
الدور دا ما لايق عليك
حتي الكيزان بطلو تطبيل |
ده ماتطبيل ...دي وجهة نظر ياحبيب... وممكن تعتبرني كوز لسة ماجاه خبر ايقاف التطبيل . المهم ياقريبي منتظرين معاك بقية الاسئلة عشان نطالب بحذ البوست طوااالي .
كل الود والتقدير هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
الاخ دياب سلامات: لو تم تطبيق اللوائح في ناس كتير حتفطس ليهم بوستات وتسقط عن وجوههم الكالحة السواد الاقنعة شفتا كيف? طبعا هسع سياتي اليك دعاة الظار ويقولون ليك طيب بكري ما سحب البوست الفلاني والفرتكاني? مرة اخرى اقول تجويد قوانين المنبر الحر مهمة كل حادب على مصلحة الوطن لانو هناك فرق بين حرية التعبير وحرية التعهير لك الود.
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: محمود الدقم)
|
الاستاذ/ الدقم مساء الخير
Quote: الاخ دياب سلامات: لو تم تطبيق اللوائح في ناس كتير حتفطس ليهم بوستات وتسقط عن وجوههم الكالحة السواد الاقنعة شفتا كيف? طبعا هسع سياتي اليك دعاة الظار ويقولون ليك طيب بكري ما سحب البوست الفلاني والفرتكاني? مرة اخرى اقول تجويد قوانين المنبر الحر مهمة كل حادب على مصلحة الوطن لانو هناك فرق بين حرية التعبير وحرية التعهير لك الود. |
وحاتك يااستاذ حتي الان انا مقتنع بانوا مساحة الحرية والديمقراطية المفرودة في المنبر ده .....حتي داخل احزابهم مالاقنها ....لاكن تقول شنو .....؟
المهم ..... يابكري لي قدام والمرة الجاية جيب معاك عكازك المدبب...وفي نص الراس....!
التحايا هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: AMNA MUKHTAR)
|
Quote: معتز القريش انت جيت راجع تانى !!
وكمان بقيت من انصار ( حرية التعبير )..
سبحان مغير الأحوال من حال الى حال : وقعوا لحذف هذا البوست المخجل من هذا المنبر المحترم |
امونة كيفنك والله مشتاقين وين انتي يا أختي
آآآي أنا جيت ... سمح أنا وبسكويت
البوست الجبتيه دا ما حرية تعبير دا حرية تعهير زي ما قال أخوي الدقم
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: AMNA MUKHTAR)
|
الاخت العزيزة استاذة / امنه مساء الخير
Quote: الأخ هارون دياب سلام ..طبعا لو اتحذف ليك بوست واحد ما كنت كتبت البوست ده.لانك كنت حا تعرف الحكاية حارة كيف.. والجمرة بتحرق الواطيها.. |
صدقيني لانوا حاسي انها حااااارة بحاول انوا ابعد من الحتة دي ....يعني يتسحب لي بوست .....لانوا مهما كانت مبرراتي برضوا بحس اني اخطأت في حق المنبر واعضاؤه واديت بكري سبب لسحب البوست ....
ومعاكي في حتت الجمرة بتحرق الواطيها .....!
التحايا العطرات هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
يا هارون .. يا ود القريش .. أدونا معاكم فرصة .. انتو البوست دا فاتحينوا مقاولة ؟؟؟ راس عديل كدة ؟؟؟ بصراحة كدة ... احترام اللوائح مطلووووووب .. وبصراحة أكثر بعض الموضوعات مخجلة ومسيئة ...
بعد دة كلو ... نقول للاخ بكري : اذا هباني أعتذر عبر أي بوست لأحد الزملاء أرجو قبول الاعتذار ..
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: عبود عبد الرحيم)
|
العزيز / عبود مساء الخير
Quote: يا هارون .. يا ود القريش .. أدونا معاكم فرصة .. انتو البوست دا فاتحينوا مقاولة ؟؟؟ راس عديل كدة ؟؟؟ |
مااصلوا ياعمك صحبي ود القريش راجع يادووووووووووب وحسه انوا طرف الصوت وصلوا قال النلحق نفسنا قبل مايحذفونا
Quote: بصراحة كدة ... احترام اللوائح مطلووووووب .. وبصراحة أكثر بعض الموضوعات مخجلة ومسيئة ... |
يبقي انا وانت متفقييين في الحتة دي .
Quote: بعد دة كلو ... نقول للاخ بكري : اذا هباني أعتذر عبر أي بوست لأحد الزملاء أرجو قبول الاعتذار .. |
وكل الذين تم ايقاف حساباتهم بامكانهم الاعتذار للجميع وفي الحالة دي بكري مااعتقد بيرفض الاعتذار ...الاخ هباني ركن قوي في المنبر ووجوده مهم ...لكن احترامه للوائح المنبر اهم.
تخريمة صغيرة : ياقريبي ماتتحسس اعتبر البوست بتاعك بس حاسب البوهية .
ابقي واصل هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: عبد الرحمن الطقي)
|
الشيخ الفاضل / عبد الرحمن الطقي. مساء الخير
Quote: اللوائح تطبيقها مهم و يحل الكثير من المشاكل لكن كما يقولون : المساواة في الظلم عدل !!! |
مش كده باالله ياشيخ ....لابد انوا نطبق اللوائح علي انفسنا اولا ...عشان نكفي الاعضاء شر القتال.
لكن ياعمك ....الظلم ويييييين هنا .....؟ الشكر علي المرور والمداخلة .
التحايا هارون دياب
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
الأخ الفاضل / هارون دياب
شكراً على الحقانية ، لما أرسل أبو بكر الصديق رضي الله عنه علي بن أبي طالب رضي الله عنه قاضياً باليمن فمكث علي سنة لا تأتيه شكوى ، فحمل متاعه و رجع المدينة ، و استعفى من أبي بكر فقال له الصديق : أمن كثرة الأعباء تستعفي ؟! فقال علي : مكثت سنة لم تأتني قضية
هؤلاء قوم عرفوا واجبهم فأدوه و عرفوا حقهم فلم يزيدوا عليه ، فما حاجة هؤلاء لقاض ؟!
و كذا الحال هنا فلو عرف كل عضو بالمنبر حدوده و لزمها لما جرى ما يجري و لكفي صاحب الموقع الإحراج و لما احتاج لتطبيق لوائحه .
البوست الذي أعنيه و وضعت رابطه هنا لهشام آدم ( عزيزي الله ) !! سحب و الحمد لله و شكراً لأمين الموقع الباشمهندس بكري أبو بكر و لكنه فتح بوستاً آخر يحتج فيه على ( السحب التعسفي ) !! بعنوان : الأطفال يهزمون سودانيز أون لاين !!!
*** و بعدين تعال لي بجاي في بوست :
رسالة مؤثرة .. من تلميذ وفي .. و رد من القلب !! يا أهل ... هنا !! ( توجد صور )]
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: haroon diyab)
|
استاذ الطقي مساء الخير
Quote: الأخ الفاضل / هارون دياب
شكراً على الحقانية ، لما أرسل أبو بكر الصديق رضي الله عنه علي بن أبي طالب رضي الله عنه قاضياً باليمن فمكث علي سنة لا تأتيه شكوى ، فحمل متاعه و رجع المدينة ، و استعفى من أبي بكر فقال له الصديق : أمن كثرة الأعباء تستعفي ؟! فقال علي : مكثت سنة لم تأتني قضية
هؤلاء قوم عرفوا واجبهم فأدوه و عرفوا حقهم فلم يزيدوا عليه ، فما حاجة هؤلاء لقاض ؟!
و كذا الحال هنا فلو عرف كل عضو بالمنبر حدوده و لزمها لما جرى ما يجري و لكفي صاحب الموقع الإحراج و لما احتاج لتطبيق لوائحه .
البوست الذي أعنيه و وضعت رابطه هنا لهشام آدم ( عزيزي الله ) !! سحب و الحمد لله و شكراً لأمين الموقع الباشمهندس بكري أبو بكر و لكنه فتح بوستاً آخر يحتج فيه على ( السحب التعسفي ) !! بعنوان : الأطفال يهزمون سودانيز أون لاين !!! |
جزاك الله عنا خير الجزاء
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: محمد خليل ساني)
|
السيد هارون السلام جاكم
Quote: كمان ادي بكري او اي صاحب منبر اخر انوا يديره بالطريقة التعجبه .
|
الحمدلله الجات من خشمك..ياني الحكاية لا قوانين ولا لوائح ولا فسيخ الحكاية المزاج اليومي عاوز احذف لي عشرات بوستات واوقف كمتاشر نفر وأسجل كمتعشرين جداد لنج
طبعآ سيادتوا عندوا قائمة المغضوب عليهم...وديل لهم الاولية في سحب البوستات والباصورد حكمة اليوم ظالم+ظلم=دكتاتور
| |
|
|
|
|
|
|
Re: الجرسة في شنو .....؟ مانلتزم باللوائح....شكرا بكري (Re: PLAYER)
|
الحبيب / بلير صباح الخير
Quote: الحمدلله الجات من خشمك..ياني الحكاية لا قوانين ولا لوائح ولا فسيخ الحكاية المزاج اليومي |
وده كان ردا علي احد اصحاب المواقع والذي يدير منبره بطريقته الخاصة ولا يقبل للاخرين ذلك .
بعدين ياالحبيب كدي وريني بكري ده اوقف شخص بدون اي سبب .....؟ او سحب بوست بدون اي سبب.......؟
والتاجر ياالحبيب لازم يكون شاطر عشان البضاعة ماتكسد ....ولا شنو ...؟
مرور جميل ومقدر كل الود هارون دياب
| |
|
|
|
|
|
|
|