|
Re: بصراحة ....وبدون خجلة ....شعورك والمنبر مهكر.....؟؟؟ (Re: ابو مهند)
|
ابو مهند سلامات
Quote: والله يا دياب الواحد بقى المسطول البيفتش ليهو في ورقة برنسيس,,حالة صعبة المسألة بقت ادمان |
ياعمك البرنسيس اكان مااتلقي الواحد كان بلفها بي ورقة البرنجي الجوة....!!! الا منبر السجم ده يلفوا بي شنو....؟ وحاتك مشيت لي منبر مسجل فيه من زماااااااااااااااان لقيت عندي موضوع في الصفحة الاولي ليه اربعة شهور ومافي زول هببوا لي....!!! اها غايتو نبقي في جنس ده
مودتي
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: abuguta)
|
الغالي / ابو قوته
سلامات
Quote: حساس زول مغترب عشرينات دقو ليه خروج نهائى اولادو طلبة داخلين جداد عندو قطعة ارض ما مبنية ..واسطة ما عندو هناك
ههها ههها احاس سخيف مش...
لابد من وجود حل...بمعنى تقسيم المنبر لمنابر اذا ضرب هذا نلجاء لذاك....والعجلة مدورة |
شوف ياعمكــ.... تضرب الهم بالنوم تطلع الشفع من المدرسة تبيع قطعة الواطة وتدفع القروش لي بكري تخلي يسجل المنبر في سيرفر لايمكن تهكيره وبي كده .....
ترحمنا من المساسقة بين المنابر المخستكة والبوستات البايرة.
رائك شنو في الفكرة دي....؟
مودتي
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: Safia Mohamed)
|
يا سلام يا ود دياب على الطلة الجميلة دى ...
( اول شى انت اصبحت جزء من الحوارات الداخلية لاسرتى الصغيرة ...اها اكثر من كدى عايز شنو )
* لاول مرة فى حياتى احــس بأننى مدمــن ...
* اننى لا امتلك قرارى فى الدخول او عدم الدخول ..
* ان المنبر العام مجرد تصفح البوستات دون التداخل يروى قليل من ( خرم ) متبعة ...
* البورداب ديل كلهـــم اى واحد منهم عندو مكانة خاصة فى النفس ...
* التواصل مع البورداب اوثق واعمق من التواصل مع لاسرة الممتدة ( ومرات يجدون حظ اكبر من الاهتمام من الاسرة الصغيرة ) ..
* ان هذا البورد هــو ( الضــرة الثانية ) للمدام ام الشباب ...
* كمية الزمن الذى يقضيه الواحد فى البورد اكثر من كمية الزمن الذى يقضيه مع ناس البيت ...
* الفطام واجب منذ الحظة ...
كرمــــشــــــــة شديدة :
بكرى دى من الليلة نحن معاهـــو ولو بقى مع حزب الليكود زاتو ( وكمان حتى لو بقى هلا.......... ) انشاء الله ما تتــم ..
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: بدر الدين اسحاق احمد)
|
الحبيب / بدر الدين
سلامات ياجميل
Quote: * لاول مرة فى حياتى احــس بأننى مدمــن ...
* اننى لا امتلك قرارى فى الدخول او عدم الدخول ..
* ان المنبر العام مجرد تصفح البوستات دون التداخل يروى قليل من ( خرم ) متبعة ...
* البورداب ديل كلهـــم اى واحد منهم عندو مكانة خاصة فى النفس ... |
اها ياعمكــ.... وبي كده اكون لقيت لي نسخة طبق الاصل مني بخصوص المنبر....!!!
ادمان ....نعم امتلاك القرار ...نعميييييين عدم التداخل مشكلة كبيييييرة محبة البورداب ....ابصم بالعشرة
مودتي واحترامي وابقي واصل
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: Safia Mohamed)
|
دكتورة صفية سلام
Quote: احسن حاجة قدرت اتم شغلي المعلق ليه شهور وكانت فرصة ارتب اولوياتي
لكن برضو مغتاظة وكل خمس دقايق اعمل كلك عسى ولعل او اضرب تلفونات استفسر
المهم احد ما اعتدنا عليه من لوك الصبر عسى ولعل ان تاتي رياح التغيير يوما
تحياتي |
يادكتورة.... الشغل مابنتم الا اكان الواحد اخد بريك في المنبر عشان يرجع الشغل بي نفسيات مرتاحة وكده. اما عن الاولويات.... يااخي المنبر ده بقي اولوية الاولويات ربنا يغطس حجر الهكر الغطس بوستاتي التعبت عليها خاصة بوستات المريخ
التحايا
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: haroon diyab)
|
الاخ الحبيب هارون دياب سلام وتحية وحمد لله علي سلامة المنبر لك وللجميع
Quote: بصراحة ....وبدون خجلة ....شعورك والمنبر مهكر.....؟؟؟ |
كنت في رحلة عمل صحفية في بورتسودان وعندما حاولت الدخول فوجئت بالهكر !!! شعرت باسي بالغ وأسف لاستخدام هذا الاسلوب العاجز في مواجهة الراي الاخر ورغم تحفظاتنا علي كثير مما يطرحه بعض البورداب هنا ... لكن يظل المنبر ساحة راي وركن نقاش مفتوح للجميع ... ورغم ثقتي بان ادارة المنبر قادرة علي تجاوز هذه المحنة فقد شعرت بانني فقدت التواصل مع احباب واصدقاء جمعنا بهم هذا المنبر ...
نحمد الله علي عودته ونتمني من (ميكافيلي) ان يتركنا وشأننا اذا كان لا يريد مشاركتنا الراي !!!
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: عبود عبد الرحيم)
|
الشقيق الغالي / عبود عبد الرحيم
التحايا النواضر
Quote: كنت في رحلة عمل صحفية في بورتسودان وعندما حاولت الدخول فوجئت بالهكر !!! |
عليك الله تاني لامن تكون ماشي بورسودان اديني خبر عشان اوصيك تسلم لي علي اي حاجة تقابلك هناك....!!!!
Quote: شعرت باسي بالغ وأسف لاستخدام هذا الاسلوب العاجز في مواجهة الراي الاخر ورغم تحفظاتنا علي كثير مما يطرحه بعض البورداب هنا ... لكن يظل المنبر ساحة راي وركن نقاش مفتوح للجميع ... ورغم ثقتي بان ادارة المنبر قادرة علي تجاوز هذه المحنة فقد شعرت بانني فقدت التواصل مع احباب واصدقاء جمعنا بهم هذا المنبر ...
نحمد الله علي عودته ونتمني من (ميكافيلي) ان يتركنا وشأننا اذا كان لا يريد مشاركتنا الراي !!! |
واعتقد بوجودك وبقملك النظيف الراقئ ....سيظل هذا المنبر ساحة جميلة للتحاور والتفاكر وباذن الله لايتكرر ماحدث مرة اخري.
تحياي لجدو والاسرة الكريمة
كل الود
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: Faisal Elrasheed)
|
فيصلنا مساء الخير
هرون نهاراتك بيضاء
Quote: ما عارف لكن الواحد حاسي انه هو ما هو مع تشويش وطمام .. وشعور بالتشرد وتشتت ...
هو الحاصل شنو؟؟ |
ياعمك طمام ساكت....؟ ده كان طمام ووجع بطن ورجفة كده مع كل كلكـ للكيبورد التقول منبر ابوي ( الله يرحمه) وبرضو... الله لاكسبك ياميكافيلي ولا غزة فيك بركة اكان فرتكت فهمنا وشمت فينا العوازل
قول آمييييييييييييييين
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: khaleel)
|
الجميل / خليل
سلامات
Quote: هارون الانيق
والله انت اخو وما عليك مدسة
كان ما منبر تراجي قربت امشي البار ولا ديسكو رمادها
وارجع الريد الزمان القالو عند الناس (خرف) |
ياعمكــ انت كويس اللقيت ليك حاجة تلهيك انا وحاتك مشيت لي جماعة كنت مسجل معاهم زماااااان التقول كانوا منتظرني ....يادوب بقول ياهادي قلته اعمل لي مداخلة مع واحد من الفرد بتاعين زماااان ...بس دخلت راسي العكاكيز بالصف .... امشي يامهكر...!!! خاتينا احتياطي....!!!! عامل فيها بتاع سياسة ...!!! انشاء الله سودانيز ده تاني ماينفتح نشوفك حتقبل ويييين....؟ يعني مداخلات تجيب القرحة والقدة في نفس الوقت المهم.... لولا بعد المسافة كنت مشيت لي مستورة بت قنيرة ولا.... فتشوا خشموا..... بس فروع بورسودان.....
بالمناسبة بالطريقة دي حنرجع الريد الزمان ....يعني حنرجعه وبعد داك.... المايشتري مننا يتفرج فينا سااااااكت...!!!
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: haroon diyab)
|
سلام للكل وحمدالله على السلامة لرجعة الموقع. والله الموقع مش احساس بأنك فى السودان بس وايضا أحساس بالتعبير عن الاراء بوضوح شديد وماذا يحصل فى السودان بشفافية شديدة . ولمن الوقع قفل كان إحساس بالظلم والبطش ودا نوع من انواع الممارسات السيئة للحكومة لاخماد اى راى مضاد لها كما يفعلون فى اهلنا فى السودان وهذا دليل على الموقف القوى لموقعنا وانه على خطى حقيقة وسوف نمارس فى فضح اعمالهم وبطشهم والله المعستعان .
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: haroon diyab)
|
وحتي لانظلم الزوجات اتاري في واحدات كده المنبر ده بالنسبة ليهم فكه من الراجل وتدخلاته في اعمال البيت ( رشيدة الرشيدة مثالا)
وفي واحدات طول النهار ماعندهم غير: انت يازول منبر السجم ده ماتخليه وماعارف المنبر ده بقي ليك حياتك وكلام من النوع البغيظ داك..... المهم.... اتاريها بي وراك هي زاته ماعندها شغلة غير المنبر والظاهر اكتر زول زعلان علي التهكير كانت هي زااااااااتا العامله فيها متضايقة من قعادك في المنبر....!!!!
وقالت شنو....: ( بداءيا......سودانيزاولاين.....!!!) وبداءيا دي بفهموها اهلنا الدناقلة وتستخدم في حالة الاسي والحزن .....!!!
شوفتوا جنس المحن دي....!!!
الله يجازي محنك ياامنية
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: عثمان دغيس)
|
فنانا الجميل / دغيس سلامات
Quote: والله يا هرون أخوي ما عارف أقول ليك شنو ... لكن شعوري بس خلي سااااااااااااااااكت .... ياخي الواحد بقى زي المرة العرسوا فوقها ... بقى زي الزول الخرمان لي سفة ..وهو قاعدفي بلد حقة سعوط وااااااااحدة بالغلط ما فيها ...! |
عارف يادغيس من شدة الخرمة انا واخوي الكاشف الاسمو محمد الصايم ده امس بنزازي لي 2 صباحا والليلة الصباح اصبح ولسة قاعدين تحت رحمة الفقر الاسمو الهكر ده...... مافي مانع يعرسوا فوقنا بس يخارجونا من هكر السجم والرماد ده....!!!
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: Siddig A. Omer)
|
انا غايتو بجي اتاوق .. بكب الزوغة كان لقيت اسماء زي الاسماء المستعارة في غرف الدردشة ناس :
لو جريئة أضغطي هنا صيدلية كنتاكي للخياطة عايزه عريس مغترب الاماسي الحالمة ( طبعا ده لزوم الجفلة ) وما عايز ابوظ علاقتي معاهم لكن نصيحة اخو كبير الالفاظ البذيئة لاخواتنا في المنبر حاجة ما حلوة ..
حنين للبلد اكرم وأنبل من ان توصف بصفاتكم ... اعتذروا لها
الله يهديهم ...
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: علاء الدين حيموره)
|
حبيبنا / علاء الدين
كيفنك ياجميل
Quote: انا غايتو بجي اتاوق .. بكب الزوغة كان لقيت اسماء زي الاسماء المستعارة في غرف الدردشة ناس :
لو جريئة أضغطي هنا صيدلية كنتاكي للخياطة عايزه عريس مغترب الاماسي الحالمة ( طبعا ده لزوم الجفلة ) وما عايز ابوظ علاقتي معاهم لكن نصيحة اخو كبير الالفاظ البذيئة لاخواتنا في المنبر حاجة ما حلوة ..
حنين للبلد اكرم وأنبل من ان توصف بصفاتكم ... اعتذروا لها
الله يهديهم ... |
انشاء الله يعفصني القندراني أكان فاهم حاجة في كلامك ده.....!!!! اصلوا اخوك بعيد عنك لمه فيهوا واحد كده خلاه قاعد في السهلة سااااااااكت ولا عشان ماجيت عزيتنا في الباسوورد القديم الجميل..... المهم مردودة ليك في التهكيرة القادمة
مودتي
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: haroon diyab)
|
اغرب حاجة انوا كنت بتسأل عن شعورك والمنبر مهكر قام الراجل زعل وهكرني انا زاااااااااااااااتي...!!! نقدر نغير السؤال ونقول:
شعورك والمنبر شغال وانت مهكر.....؟ يعني تعاين من الشباك ساااااكت والله دي حارة بشكل زي اخونا واحد حذفوا مكتبتوا... قال شنو...؟ ياترجعوا لي مكتبتي ياتحذفوا المكتبات كلها نظام... المساؤاة في الظلم عدل ولا ماكده ياحبه...؟
| |
|
|
|
|
|
|
Re: بصراحة ....وبدون خجلة ....شعورك والمنبر مهكر.....؟؟؟ (Re: haroon diyab)
|
العزيز هارون السلام عليكم و رحمة الله
كنت غائباً عن المنبر أيام تهكيره و قبله بمدة طويلة و لكن لم أستطع مقاومة دخوله و الكتابة فيه في أول سانحة جمعتني بالإنترنت ، لا أزال عندي الكثير لقوله عبر هذا المنبر ، و لذا أتصور صعوبة التخلي عنه و لو أمه يسرق من وقتي و جهدي ومن وقت أسرتي الكثير و في هذا دلالة على مدى تأثير المنبر في مستخدميه و أنا من أقلهم إدماناً فكيف حال المستغرقين في إدمانه ؟!
| |
|
|
|
|
|
|
|