|
|
 المريخ العالمي......وهلال الملايين وقمة فوق العادة
|
المكان : استاد الهلال بامدرمان
الزمان : الاثنين 17/11/2008م
الوقت : الثامنة مساء
الحدث : نهائي الدوري الممتاز
المريخ العالمي
وهلال الملايين
في النهائي الحلم.
كل الامنيات بنهائي جميل من كل النواحي
وصادق الامنيات للمريخ العظيم
الاحمر الوهاج بنصر مؤزر
|
|
 
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: haroon diyab)
|
وهي قمة فوق العادة لاكتمال كل مقومات
النجاح لها من الناحية الفنية
الفريقان يمتلكان افضل العناصر الوطنية
مستوي الفريقين متقارب جدا ...ان لم نقل متساوي
ارتفاع في مستوي الفريقين قاريا
انعكس علي مستوي الفريق القومي ونتائجه الاخيرة
نتمني ان نري مباراة تليق بنا كسودانيين اولا
وبمستوانا المتطور ثانيا
المباراة منقولة فضائيا فنتمني ان نقدم الوجه الحضاري لبلدنا.
مقدما مبروك للفائز
وهاردلك للخاسر.
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: أسامة الفضل)
|
من حقك يا ود دياب
لكن مش زوتها شوية..من اين لك بالعالمية
ومريخك لم يقارع الكبار فى عهد عبد الوهاب
وحمورى ,,فكيف يكون عالمى فى عهد البعيوات
اما كلمة ملايين دى بتزعل طلحة وهو عارف
مافى زول بشعج مريخ لو طلعتو من العاصمة,,,
اما عن الضبح من قبلكم فى ارضنا
دا سابع المستحيلات,,,,عشان كدا ركزو على التعالد
لكن ضبحنا نحن بالمشقة والقزازة
لان المذبوحة ما بتتساهل سكين
دى طيرة ساى,,,
اها دحين اتوقعو كوم حزن وكمية زعل
وبعدها طرد مدرب واعتزال عواجيز,,وهجر رئيس للنادى
نتمنى لكم التعال,,,حتى تحفظو ماء وجه الرئيس المسكين
والمسكنة ليست قلة مال,,ولكن فى ضياع المخزون
ودمت
ابقوتة فى السلخانة
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: haroon diyab)
|
يا هارون يا أخوي كلامك ده كلام خوف ساكت وفيهو رجفة في عجلات الثقة عشان كده يا ريت ترصصها قبل المباراة وخليك هلاريخي لغاية ما تعرف النتيجة ، ونصيحتي لك ولأمثالي أن تحضر المباراة براك ، وما يكون عندك لا جك مويه ولا كباية شاي ولا ترمسه مليانه قهوة وإياك والشيشة والولاعة والطفاية دي كلها أدوات غير مسموح بها في مثل هذه الحالات الإستثنائية. ويفضل أن تودي الريموت كونترول بي غادي وتحضر بدون ريموت ، وكتر من التسالي والترمس وأى حاجه ممكن تعضيها بحيث إنها لا تؤثر على أسنانك يعني دوم ولالوب ما معانا وخليك مع التبش.
الهلال شكلو كده يعني تقدر تقول بي قدرة قادر وكده يمكن يعملها ويكون التوالي السادس أنا بقول يمكن.
ولو شفت البلد يا هارون تقول نهائي كأس مزاجها زنجبيلا العالم غير الكورة ما عندها نضم وجيرانا عزابه من بحر أبيض والله جايبين ليهم أظن ترليون يارة قماش أحمر وأصفر ويقصقصوا ويظبطوا في الأعلام من قبل ثلاثة أيام حسوما والليلة من الصباح شوف عيني شايلين راياتهم للبيع في بوكس ، والراية أو العلم جزء أساسي من العربية زيها وزي الترخيص.
الساعة 8 باقي ليها أقل من 11 ساعه وهسي من دربي ده قايم أجيب الجرايد والتسالي وبقية المكيفات وأظبط ليك موقعي في شارع بيتنا تحت النيمة الوارفة الظلال رغم إنها بدأت تحت أوراقها لدخول فصل الشتاء مجازا
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: almulaomar)
|
الملا عمر
كيفنك ياجميل
Quote: يا هارون يا أخوي كلامك ده كلام خوف ساكت وفيهو رجفة في عجلات الثقة عشان كده يا ريت ترصصها قبل المباراة وخليك هلاريخي لغاية ما تعرف النتيجة ، ونصيحتي لك ولأمثالي أن تحضر المباراة براك ، وما يكون عندك لا جك مويه ولا كباية شاي ولا ترمسه مليانه قهوة وإياك والشيشة والولاعة والطفاية دي كلها أدوات غير مسموح بها في مثل هذه الحالات الإستثنائية. ويفضل أن تودي الريموت كونترول بي غادي وتحضر بدون ريموت ، وكتر من التسالي والترمس وأى حاجه ممكن تعضيها بحيث إنها لا تؤثر على أسنانك يعني دوم ولالوب ما معانا وخليك مع التبش.
الهلال شكلو كده يعني تقدر تقول بي قدرة قادر وكده يمكن يعملها ويكون التوالي السادس أنا بقول يمكن.
ولو شفت البلد يا هارون تقول نهائي كأس مزاجها زنجبيلا العالم غير الكورة ما عندها نضم وجيرانا عزابه من بحر أبيض والله جايبين ليهم أظن ترليون يارة قماش أحمر وأصفر ويقصقصوا ويظبطوا في الأعلام من قبل ثلاثة أيام حسوما والليلة من الصباح شوف عيني شايلين راياتهم للبيع في بوكس ، والراية أو العلم جزء أساسي من العربية زيها وزي الترخيص.
الساعة 8 باقي ليها أقل من 11 ساعه وهسي من دربي ده قايم أجيب الجرايد والتسالي وبقية المكيفات وأظبط ليك موقعي في شارع بيتنا تحت النيمة الوارفة الظلال رغم إنها بدأت تحت أوراقها لدخول فصل الشتاء مجازا |
وطولنا من مداخلاتك المجنونة دي...يعني وحشتنت عديييل كده
لكن جماعتك ديل الليلة ماعندهم درب غير الزريبة دي تحوشهم مننا.
والارباب ده وحاتك الا اكان يغرق بي هلالو.
منتظرك بعد الكورة
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: almulaomar)
|
عاد يا هارون ما جقلبتا عديل كده
كل يومين بوست
بوستاتك كترت
ودي هضربة جنس هضربة
يااخوي اركز
ووفر بوستاتك الى يوم كاس السودان
باي انتوا ناس كاس وبس
ممتاز ده الشر برة وبعيد
يخربكم من خمسة سنين والسادسة الليلة
خلي بالك واسع عشان الهزيمة تكون بروح رياضية
والعقاب زي ما قلت (عنوانك في البروفايل)
| |
|
|
|
|
|
|
|
|
 Re: المريخ العالمي......وهلال الملايين وقمة فوق العادة (Re: haroon diyab)
|
هارون يا أخوي
أنا خلاص ظبطت شجرة النيم قدام بيتنا وطردت منها ود الزمبه قاديني كل يوم لامي ليهو نحل وعامل حلاق بيحلق للناس ملح طبعاً والحلاقة يا معلم في ثواني بحسب كثافة ونظافة الشعر أها أول ما يخلص من رأس يعمل ليك حركة بتاعت طقطقة أو كشكشة للمقص قريب من أضان المحلوق له ويقول ليهو آمين ، يعني خلاص شتت واللي بعده ودي الشفرة السرية المستخدمة في مثل هذه الحالات.
المهم يا هارون كان إنت الأيام دي في السودان أوعك تدخل الكورة في الإستاد وإتفرج في البيت أحسن ليك لأنو إذا المريخ غلب بدون ما تشعر حا تحرق عمتك السمحة دي وإذا إتغلب ممكن تضيع منك في مضاربه أو شكله أو مناقشه ، تعرف يا هارون الباقي للكوره حوالي 8 ساعات و35 دقيقة بحسب توقيت أمبده السبيل
===
هضربه قبل ضربة البداية:
الله يكضب الشينة
والشينة منكورة
والشين شين كان إستحمي كل يوم
وشينه وعاجباني
ويا شناة الحلة يوم ناس  فاتو
وين الشينين وين راحو وين الشينين وين راحو
يا سمح يا شين يا سمح يا شين يا بلدي يا حبوب
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: almulaomar)
|
الملاعمر
تحياتى يا رجل و مشتاقين و ليك فترة غائب عل المانع خير ؟؟؟
بعدين يا ملا " احبطنى " كونك هلالابى و انت المثقف الحصيف و مكانك بصراحة كده مع الصفوة بالاضافة الى صميم الفؤاد!!!
المريخ لا يعلو عليه فريق فى هذه الايام ... و المعنى واضح و ليس فيه التباس
هارون الصفوة
يا حبيبنا نحن جهزنا الخرفان و البارد للاحتفال
و لولا بعض من حياء ما قابلنا " المحليين " فى زريبة " المهمشين "
نخاف فقط من معارك " ذات المراتب " لان جمهور " الهليل" سيطلع من طوره "كالعادة" و يقذف النجوم العالمية ببعض من "طوب" و "كريستال" الارض "الزرباء"... و طبعآ "الزريبة" مساعده على ذلك.
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: حسين محي الدين)
|
Quote: هارون يا أخوي
أنا خلاص ظبطت شجرة النيم قدام بيتنا وطردت منها ود الزمبه قاديني كل يوم لامي ليهو نحل وعامل حلاق بيحلق للناس ملح طبعاً والحلاقة يا معلم في ثواني بحسب كثافة ونظافة الشعر أها أول ما يخلص من رأس يعمل ليك حركة بتاعت طقطقة أو كشكشة للمقص قريب من أضان المحلوق له ويقول ليهو آمين ، يعني خلاص شتت واللي بعده ودي الشفرة السرية المستخدمة في مثل هذه الحالات.
المهم يا هارون كان إنت الأيام دي في السودان أوعك تدخل الكورة في الإستاد وإتفرج في البيت أحسن ليك لأنو إذا المريخ غلب بدون ما تشعر حا تحرق عمتك السمحة دي وإذا إتغلب ممكن تضيع منك في مضاربه أو شكله أو مناقشه ، تعرف يا هارون الباقي للكوره حوالي 8 ساعات و35 دقيقة بحسب توقيت أمبده السبيل
===
هضربه قبل ضربة البداية:
الله يكضب الشينة
والشينة منكورة
والشين شين كان إستحمي كل يوم
وشينه وعاجباني
ويا شناة الحلة يوم ناس فاتو
وين الشينين وين راحو وين الشينين وين راحو
يا سمح يا شين يا سمح يا شين يا بلدي يا حبوب |
الملا عمر
ياخي الواحد بيحسدكم عديل كده في الصور الجمالية اليومية للمجتمع السوداني البسيط
ياخي ده كلام سمح شديد خلاص بتاع الحلاق ده
اتخيلتك وانت بتشتت في الجماعة
عندي صاحبي قال كان في الخرطوم ياسق العربية ومعاه صاحبوو مغترب صرخ باعلى صوته في الشارع عنما شاهد مشهد امامه يبين احد المتشعبطين في البص الذي امامهم وهو (يشوت) برجله (غنامية) عند اللفة كي يبعدها عن البص وصاح المغترب (بالله منظر زي دي نشوفوا نحن وين في الغربة أحي انا من الغربة السجم دي)
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: جمال السنوسي)
|
الأخ دياب
سلام
أقول لك خبر..
فزنا 3/1 لكن الحجارة مبالغة..
عشرات من جمهور المريخ مصابين..
السعودي في المستشفى.. ذنبو جاب الثالث..
عقوبات رادعة تنتظر ناس الزريبة..
الأرباب لم يحضر المباراة لأن كان مشغول بتسجيل سهرة غنائية..
وقدم استقالته..
الديبة شوهد في مارنجان نفس الليلة..
الأخ Kosta من وجاهتك وفهمك ما خيبت ظني أنك من الصفوة..
تحياتي
عبدالعزيز
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: KOSTA)
|
الحبيب KOSTA
بداية أسمحوا لي أخي الكريم أن أشكركم أن إعتبرتموني من الطبقة المستنيرة في مقامنا هذا أون لاين ، واكرر شكري لسببين الأول أن الذي لا يشكر الله لا يشكر الناس والآخر أنك خلعت على لقباً ربما لا أستحقه فلك الشكر والتقدير والإمتنان.
أما كوني على غير ملتكم في الشأن الرياضي فالموضوع له قصة قديمة قدم التاريخ الأفرنجي فأهل بيت أخيك الملا عن بكرة أبيهم يشجعون المريخ بالدفوف ويبيتون القوى عند الهزيمة ويولمون الولائم عند الفوز يستوي في ذلك الذكر والأنثي ، أى اننا بلغة العصر متحررين متحضرين ، والحال كذلك فكرت وقدرت وقررت أن أكون غياظابي وهي على وزن هلالابي ومريخابي وموردابي وسرورابي وأصل كوني غياظابي أن ألبد لناس بيتنا وأنكد عليهم في أى هزيمة إن شاء الله في مباراة وديه وقد كان ، وتوالت السنون فأصبحت هلالابي بالتجنس حيث أنني وبحسب علمي المتواضع والـ log book الخاص بأسرتنا ولدت على الفطرة.
لذلك أعترف أمامك أخي كوستا وأمام كل من شمر ومر من هنا أو إختلس النظر أو حتى إسترق السمع لضياع باصويرده أنني هلالي أو قل هلالابي جناح أم جكو أى أنني معتدل وفي كثير من الأحيان أشجع اللعبة الحلوة وهي نادرة من الفريقين هذه الأيام كما تعلم ، ولكن تبقي نكهة مباراة القمة إلى القمة التي تليها. وتبقي النتيجة في ذاكرة التاريخ وهو قطعاً لا يرحم ولا ينسى.
هوي يا هارون فتحت البوست وطفشت وين الكورة قربت وباقي ليها 5 ساعات ونص ، والنص ده ممكن قزقزة تسالي ساكت نقضيهو لكين الخمسة دي الواحد في الكوشتينه ما بدورها خاصة إذا كانت خمسة ديناري رميتك ليها يجروك بيها والجوكر بايظ كمان.
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: عبود عبد الرحيم)
|
هارون يا راقي
ارجو الراجيكم
شفنا حبيب بنريدو غير علة
اهلا بيهو الهلال هل
الحزن ولى كوكب الأفراح في السماء اتجلى
نور حبيب الروح النور الحلة
اب قمر دورين في الارض اتدلا
اهلا بيهو الهلال هل
شوف سعادتنا بي قدوم محبوبنا الرحمة ظلتنا
سحب الحنان والعاطفة ظلتنا
بعد هم للبين من تاني لمتنا
أهلا بيهو الهلال هل
الحبيب جانا بي نغيم الريدة المطرب اشجانا
من سهام العين بي شوفتو نجانا
والمحبة الطاهرة لبسنا تيجانا
اهلا بيهو الهلال هل
نسال المولى يحفظنا من العين برعايته يتولى
نلقى في الدنيا الهيبة والصولة
يتم هنانا نفوز بي رضا المولى
اهلا بيه الهلال هل
| |
|
|
|
|
|
|
|
|
|
Re: المريخ العالمي......وهلال الملايين وقمة فوق العادة (Re: الحاج حمد الحاج)
|
مبروك لاهل الصفوة عودة الكأس طواعياً ...
بس ياجماعة الخبر أنا بسأل عن الزول ده :
 ماسمعت ليه لا حس ولا خبر ... يكون مشى يبارك للمريخ في السودان ويرجع ولا كيف ؟ أظهر وبان عليك الامان ... عادي ياخي ماتخجل تعال طالع ماشايف ود الصائم وود البشرى لي هسع لسانهم بلهث من ...... وبرضوا بحاولوا يتماشوا مع الامر والواقع وكده ..... تعال ما بنسألك ..... قلت لي شنو ياسمير عبد الرحيم؟ ... التوالي الكم ؟
| |
|
|
|
|
|
|
| |
haroon diyab
أسامة الفضل
abuguta
almulaomar
حسن طه محمد
أبوالزفت
جمال السنوسي
محي الدين جبريل
حسين محي الدين
Abdlaziz Eisa
عبود عبد الرحيم
بشير أحمد
طلحة عبدالله
عبدالوهاب علي الحاج
عماد الشبلي
عبدالعزيز الفاضلابى
شهاب الفاتح عثمان
بدر الدين اسحاق احمد
الحاج حمد الحاج
فيس بوك
تويتر
انستقرام
يوتيوب
بنتيريست