|
Re: يابكري ماقلته الارشفه الليلة ....اتهرينا سفن أب (Re: Alyasa Nourain)
|
يسع ياعمكـ
Quote: هارون
بالله عليك اتخيل انك عطشان شديد وقاعدفي الصحراء ما في الاردن وجابو ليك قزازه بتاعت سفن أب مااظنك تكون عاوزا تخلص بسهوله
الارشفه جات...وفي ديلها( سبعه) لفات
ارشفه يأرشف ارشفه فهو مؤرشف وهي مؤرشفه
أرشفني يابكري
يسع |
سمعته بي عايرة وادوها سوط ياهو حال كورتنا اتلما التعيس علي خايب الرجاء بس لمني في رقبة مازدا ده وبعد داك وصيتك الوليدات.....!!!
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: ثروت سوار الدهب)
|
ثروتنا الغالي ازيك
شفته البشتنه الدخلت علي اخوك.....!!! المصيبة اب صلعة ده انا صاحبه وساكي ليه في الهكر طوالي وبكسر ليهو في التلج
Quote: هارون
بكري هلالابي كعادة اهل حلفاية الملوك و العهدة على حيدر قاسم.
احسن ليك حي العرب من المريخ اب حالا مايل دا
كل زول يشجع في حلته
كل عام و انت بخير |
يجي يأخر الارشفة ويخليني قاعد في السهلة كده يااخي راعي حرماني واخشي عامل السن.....!!! اتاريه رشاشة وانا قايلوا صفوة وبعدين ياعمكـ حي العرب ده وحاتك مره لعب مع الاسماعيلي لما لحقت التمانية بقينا نقول : الزمن ياحكم.....!!! المهم..... وحاتك ام العيال بالنهار قالت لي بكري ده الظاهر عليهو هلالابي
برغم النار الحارقاني جوووووووووووووه برضو.... مشتاقوووووووووووووووووون
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: haroon diyab)
|
Quote: يامجدي اها هاك دي كمان وقال ليك بكره سايقنه قندهااااااااار ياوهبه.... وحاة شموسة خلي الراجل يأرشف ارحمونا من السفن أب خلونا نشوف شغلنا. |
ذنبو علي جنبو
انا وصيتو الصباح ده
وقلت ليهو اعمل حسابك علي نفسك
وح ارجع ليهو بعدين
والله ود خالتي اخر الزمن
داير يمرق من طوعي
اهئ اهئ اهئ
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: motaz)
|
معتز تعال يااخوي شوف مغست اخوك ------ بس مغصتي الكبيرة في ولدي عبودي كلما مايجي قون يجي جاري ويضحك هييييييييييي خمسة.....!!! هييييييييييي ستة.....!!! والمصيبة اموا تقول ليهوا في الحالات دي لازم تشجع المريخ لانوا لاعب باسم السودان( نظام وطنية وكده....!!!!) وصاحبنا ولا هو هنا....يضحك ساكت التقول بالع عادل امام. بالمناسبة..... الام.... والبت البكر.... والولد الكبير.... كلهم هلالاب ياكافي البلاء وكلهم مابشربوا غير البيبسي . ماعايز ادعي عليك يامازدا لكن.... انا لله
تسلم يامعتز علي المؤاساة
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: Magdi Ahmed Elsheikh)
|
يامجدي
Quote: بامانة ياهرون انا شاكي في الجماعة ديل
وعليك الله راجع الاقوان كلها ما عدا البنلتي
وقول لي |
انا والله كنت بتاع الكورة مرتاااااااااااح وضامن التأهل وعارف الشباب مامحتاجين مدرب زاتوا فجاة..... عمك المخرج جاب ليك صورة احتياطي المريخ القي ليك المايتسمي مازدا قااااااااعد زي الحاجة الكعبة وحاتك في اللحظة ديك رفعت يدي للسماء وقلته الله يكضب الشينة. يااخي مازدا ده....!!! ولا اقول ليك خليه لي الله
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: haroon diyab)
|
هارون سلام
يا خوي و الله أبو صلعة شكلوا كدا قاصدنا عدييل لكن خليه ليه يوم
بدور عليهم الدايره و بنوجه ليه الكلام عدييييييل ناس الحلفايه ديل
عندهم الغتاتة.
و بعدين شايف مجدي إداخل في البوست دا أكتر منك !!!!!!!!
و جات الغياظة دي تمت الناقصة
فرصة عايزين إستغلوها لأنهم عارفين قريب ما بلقوها تاني
تحياتي
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: ABUHUSSEIN)
|
حبيبنا / ابو حسين مساء الخير
Quote: هارون سلام
يا خوي و الله أبو صلعة شكلوا كدا قاصدنا عدييل لكن خليه ليه يوم
بدور عليهم الدايره و بنوجه ليه الكلام عدييييييل ناس الحلفايه ديل
عندهم الغتاتة.
و بعدين شايف مجدي إداخل في البوست دا أكتر منك !!!!!!!!
و جات الغياظة دي تمت الناقصة
فرصة عايزين إستغلوها لأنهم عارفين قريب ما بلقوها تاني
تحياتي |
نقول شنو ياعمكـ التسوي بي ايدك يغلب اجاويدك الكج الاسمو مازدا ده من نهائي الممتاز وهو حردان التدريب يجي يصل الاردن قبل المباراة بساعة عشان يغطس حجرنا ويسقينا السفن اب تقول قالوا ليهو بطنا طامه هو ماعارف انوا بطنا طامه منوا ليها سنة المهم.... الجماعة جاتهم في الثابته ويحلنا الحله بله قادر الله
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: عبدالوهاب علي الحاج)
|
وهبه انت جيت يارمضاااااااااااان ينيلك ياابو صيام ( ابو صيام ده مازدا...!!!)
Quote: هارون دياب كيفك من تعب الدنيا ياخوي ارشفة الليلة مافي اها رايك شنو ؟ صدقني تعبت معاي ششوية كدا وبقبل عليك انت والغياظ الاسمو ابو حسين دا وارجو الراجيكم الليلة |
حلو ياعمكـ مشيتو لكبير الرشاشات ابو صلعة ولغيتوا الارشفة الله يجازي الكان السبب.....!!! تخيلوا اللمه دي كلها رشاشات بكري ابوساندرا وهبه المسلمي عبود ومعتز القريش ديل مش يلغوا ارشفه ديل يلغوا اوكامبو زااااااااااااتوا ابو حسين ياعمكـ الظاهر البوست ده حيجيب لينا الهواء عديييييييييل
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: haroon diyab)
|
شوفوا المارضنا ده قال شنو....؟
Quote: ذكر محمد عبدالله مازدا المدرب العام لفريق الكرة بالمريخ أن قرار السفر المبكر الى الأردن لم يكن صائباً واعتبر أن بقاء اللاعبين لما يقرب من 7 أيام بالأردن أثر سلباً على ادائهم، وقال مازدا: التعود على أجواء اي دولة لا يعني أن يغادر الفريق مبكراً وأضاف: اللاعبون عانوا وتأثروا بسبب السفر المبكر للأردن، وتحدث مازدا عن المباراة مشيراً الى الأخطاء التي ارتكبها المدافعون وأوضح أنه طالبهم بمراقبة العناصر المؤثرة في فريق الوحدات لكنهم لم يلتزموا بالتعليمات ولم ينفذوا التكتيك المتفق عليه، وكشف مازدا أنه قرر استبدال أكرم الهادي سليم عقب الهدف الأول مباشرة ولكن ابراهومة ذكر له أن محمد كمال غير جاهز ولذلك صرف النظر عن استبدال أكرم، وأكد مازدا أنه لن يستمر مع المريخ وقال أنه ودع اللاعبين فعلاً خلال المحاضرة التي سبقت المباراة أمس الأول وتمنى مازدا أن يتعاقد مجلس إدارة نادي المريخ مع جهاز فني قادر على تحقيق طموحات الجماهير، لافتاً الى أنه ترك فريقاً قوياً ومميزاً يمكنه أن يحقق البطولات، وأشاد مازدا بابراهومة وأوضح أنه تحمل المسؤولية وبذل مجهودات كبيرة. |
دي مكنتك....؟ جاييك برواااااااااااااااااااقة
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: هشام حسن)
|
هشام ازيك
Quote: هارون الحبيب.. تعيش وتشرب غيره.. زميل معاي - هلالابي - رسل لي علبة سفن أب بعد الكورة مباشرة.. ضحكته وشر البلية ما يضحك |
وكلنا في الهم شرق والله العظيم..... قبل ماارد عليك البت الصغيرة شايلة في يدها قزازة سفن أب وحايمة جنبي.... يارب الحكاية دي مقصودة ولا توارد خواطر
ربنا كريم
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: ثروت سوار الدهب)
|
ياثروتنا زولك ده قول ليهو كلامك ده قولوا لي زول ماعنده حديدة
Quote: قرر مجلس إدارة نادي المريخ حل الجهازين الفني والإداري رسمياً وكان مجلس الإدارة عقد اجتماعاً مساء أمس بدار النادي ناقش فيه أسباب الهزيمة أمام الوحدات الأردني وخروج الفريق من دور الـ16 لمسابقة دوري أبطال العرب واتخذ قرارات من بينها حل الجهازين الفني والإداري، وأعلن مجلس الإدارة بدء التفاوض مع جهاز فني أجنبي جديد وأكد وصوله خلال الأيام المقبلة، وأعلن المجلس أنه يتحمل مسؤولية قرار المشاركة في البطولة العربية. |
الخبر مؤكد لكن وحاتك الخواجة ده لو ادهوه عربية مازدا مجاااااااااااااااني ياباها ده غطس حجر الراجل
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: ثروت سوار الدهب)
|
ياثروت يااخوي الراجل ده والله العظيم انا قبل سنة طالبته بالاستقالة وماسمع الكلام..... جيت قبل مباراة تنزانيا رددت ليهو الكلام وبرضو ماعبرنا....!!! ده كلوا كان خوفا من البشتنة ورقاد الواطة بس نقول شنو.....؟ راجل عندو حب المناصب بصورة غير عادية بدليل..... الراجل وصل لدرجة مدرب المنتخب ويرضي انوا يكون مساعد المدرب للمريخ.... عليك الله سمعته بي كلام زي ده قبل كده....؟ قال ....مازدا....قال علي وزن ال الكلاكلة ال....!!!!
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: Yassir Tayfour)
|
طيفور ياجميل
صباحاتك منوره
والله الكاكااات مازدا سقط حجرهم والتقول قاصدني عديل كده .... يادوب اقول ياهادي وافتح البوست القاه جوه الميدان.....!!! والله ياصاحب هذا المازدا عار علي التدريب فريق متعادل 3/3 في ارض الخصم وقدامه 20 دقيقة فقط يجي يتغلب سبعة .....؟ وحاتكـ..... لو محمد البشري وكمال علي الزين وود الصايم لاعبين مااتغلب جنس الغلب ده....!!! بالمناسبة..... كريسمسكم بالسفن اب ولا هانيكان....؟ كل الاشواق
| |
|
|
|
|
|
|
Re: يابكري ماقلته الارشفه الليلة ....اتهرينا سفن أب (Re: محمد خليل ساني)
|
ساني سلام
شنو ياحبيب انت بقيت من صفوة بكري ولاشنو....؟
Quote: يا هارون يا جميل
جات الأرشفه ،،، ما جات الأرشفه الموضوع ما راح يروح بأخوي وأخوك سااااااكت وصدقني الحاجه دي جاياك جاياك ولو كل البوستات تأرشفت شوف الجاي كمان والجاى زى ما بيقولوا أحلى
مع عظيم التقدير والإمتنان |
اها عمكـ قلنا ليهو ارشف المنبر راح مأرشفه وناقل لينا البوست يعني نظام..... سيك....سيك....معلق فيك بس السفن أب ده مش اخير من جاااااااااري جارين وراء....؟ راجع ليك.
| |
|
|
|
|
|
|
|