دعواتكم لزميلنا المفكر د.الباقر العفيف بالشفاء العاجل
|
|
 بعد فشل أول تجربة للخصام ! إعتزار للودود هارون دياب ولجميع البورداب
|
يازول بلا صور بلا بتاع ؟!! وإنت صورتك معاي صباح ومساء ! تستحوذ على بالي وتملك صدري ! .
كأنك طائر فريد محلق في السما ، وأنا جاري وراك ! ... يازول صعب جداً الخصام مع الناس الحنان !
بصراحة ماقدرت على الخصام ! ودي أول تجربة لي يازول ! آخد على زول من تراب الوطن ده !
وفي فارغة ومقدودة !
أها التوبة لى حبوبة .
العفو لله والرسول ليك ولجميع البورداب .
طول الوقت أفكر ، معقول أموت وزول زعلان مني ... وفي فارغة كمان !
أفو أنا أخوك يا العصفور الأرق من الزرزور .
العفو والعافية .
|
|
 
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: محمد حيدر المشرف)
|
Quote: وكأنى كنت استشرف غيبا باليقين فيك ..
وده ياك انت .. |
ويزدان الشرف بيك يامحمد ..
ويقيني هو عرق المحبة المكتوب في الجبين .. قدرماتحاول تتنصل منو
تلقاهو مزروع ومغورق في الضمير !
إتعلمت قيمة كبيرة يامحمد من تعب الخصام ،، وهى أن تزداد شوقاً وإلتياعاً في بُعدك عن نار المحبين !
وكلما إستعرت نارها كلما إلتهبت واشتد أوارها ! ... ( وتبقى مشغول بى زولك طول الوقت ! )
وطول السنين !
أها معتز ده مكتول بالهوى والحنين !
| |
|
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: Abdulrahman Gorashi)
|
| Quote: يا زول جميل ان تعتذر، ولكن اذا وصل الاعتذار حد الانبطاحة فهذة مشكلة اخري. |
العزيز عبدالرحمن قرشي ،
جميل جداً ! هذه مداخلة أنتظرها تماماً ..
إنبطاحة من شنو ولى شنو ياخوي ؟!! قال ليك نحن في حرب واللا في معركة ؟!! ....
وبعدين أنا في حل عن الإنبطاح ، لأنو لا في زول بصرف علي في الدنيا دي ، لا في
زول ماسك علي حاجة لاسمح الله ! .... والحمدلله طيلة حياتي وإلى الآن في وضع
يمكنني تماماً أن أُعين الناس ! وأملك اليد العليا !
لا أحتاج في دنيتي هذه سوى القربى ثم القربى ثم القربى .. والنجاة من سخط المحبين !
ومن أجل النجاة من سخط أحدهم ، أهلاً بالإنبطاح ! ... وهاك يا إنبطاحة في شان الأحباب !
الأمر التاني ياعبدالرحمن : الموضوع الذي بيني وبين إخوتي هنا ماتفتكرو كبير ! ده موضوع
( توثيق إحتفالاتنا هنا بالتصاوير المنثورة في هذا الفضاء في آخر الزمان ! ) .. يعني الموضوع
إنزال صورة في جمع كريم ولمة ناس حلوين في زمن أغبر ! وقليل من الإعتبار والدقة والإهتمام !
ثم أني يا عزيزي عبدالرحمن ، لي في ( إنبطاحتي ) هذه التي سميتها أنت ! مآرب أخرى !.. ولكنها في
النهاية لن تعدو إلا أن تكون خيراً ومحبة وسلام !
أقول قولي هذا ولا أنتظر إلا النجاة بنفسي من مهالك النفس والهوى .. ومن سخط رب العالمين !
وإذا كان على الذي بيني وبين قومي هؤلاء فيس لدي ما يُخيفني أو يرعبني إلا حق الرحم والصحبة !
وهاك يا إنبطاحة !
تحياتي .
| |
|
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: Abdulrahman Gorashi)
|
Quote: حاشاني الله اذا كان القصد من كلامي اعلاه تقليل او تحقير ،
وجدت اعتذارا كثيرا ومتكرر فذهبت الي ترجمة الانبطاحة تلك، وكان يجدر بي ان اصل الي ترجمة اخري الا وهي الطيبة والمعدن الجميل الذي يتحلي بة شخصك من سماحة وغفران. فلك العتبي حتي ترضي يا صديقي. |
العزيز/ عبدالرحمن قرشي ،
يازول أرضى ونص وخمسة ! فلقد كسبت صديق جديد ! حضورك هنا بالدنيا !
ومن ضمن المآرب الأخرى يا عبدالرحمن : على الأقل أن لاينقطع حبل الوريد من جانبي ! وأن أكون في مأمن من هذا !
ومن المآرب الأخرى : أن أُدرب نفسي وأن أحملها على الإعتزار ! ... فمن مصائبنا السودانية ، ضعف ثقافة الإعتزار !
ويقول النصيح في حكاية إبراهيم العبادي الشعرية ( طه أب كبس ) :
بشرك أطرحو ماتكون دوام متغير
كم سبق الأجل خلا العقل متحير !
فتك بى ألف عافية ياصديقي الحميم .
| |
|
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: 7abib_alkul)
|
Quote: اذا كان اول تجربة في الخصام مع الإنسان هارون دياب لازم تفشل لأنه انت اخترت الإنسان الخطأ كأول تجربة ليك دا زول حنين و قلبه أبيض
ما بتخاصم |
ياحبيب الكل ، سلامات وألف تحية ،
هو في الحقيقة أنا ما اخترت ، إختارت الأقدار ! ولعلو ده اللطف الإلهي تجي في هارون الحنين طيب القلب !
وبعدين هو ما خصام ياحبيب ولا شى ، هو كان عتاب حبان ! بس أنا سميتو خصام لزوم تفخيم العنوان !
والله لا جاب خصام !
تحياتي ياحبيب
| |
|
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: ناصر المحسى)
|
ابو الدكتورة.....
صدقني وانا اري صورها تزين
لوحات وجداريات الاعلان في الدوحة
وهي تقول انا افتخر بمهنتي ....
كنت اسعد ايما سعادة واقول لمرافقي
اي كان....هذه الدكتورة ابنة اخي وصديقي
مامون احمد ابراهيم الرجل الفنان...صاحب القلب
الكبير........
ولان الرجال مواقف فاني اذكر واتذكر الموقف الاول
الذي جمعنا سويا وانا في ايامي الاول في هذا المكان
عندما دعت الاخت تراجي مصطفي لمساعدة اسرة سودانية
مكونة من ام وابنتها ضلتا الطريق الي امريكا في
المانيا وسوف يصلون عن طريق الدوحة ....يومها تعرفت
عليك في مطار الدوحة ...انت واسرتك تهبون لاستقبالهم
ووجدنا تلك المراة السودانية التي تصادف وجودها وقد
استقلت الطائرة الخطأ من سوريا الي امريكا ايضا....
كل تفاصيل الاستقبال والعشاء والمبيت حتي اليوم التالي
ثم السفر ....جعلاني اشعر بانني اذا خرجت من هذا المكان
في تلك الليلة ومعي معرفتك واسرتك والاستاذ ابو ساندرا
واسرته فقط....لكفاني....!!!!
ياصاحب....هونها وتهون انت لاتعرف ولاتستطيع الخصام فلا تتعب
نفسك وراء مالاطايل منه.
ستظل هذا الرجل الجميل بالقلب الكبير
وكما قلت سابقا...مامون في القلب قبل العيون .
التحية لك ولهذه الاسرة الجميلة التي حباك الله بها
لانك تستحق .
مامون ايها الجميل.....
كن كيف شاء لك الجمال
فانني بك معجب
| |
|
|
|
|
|
|
|
|
|
Re: بعد فشل أول تجربة للخصام ! إعتزار للودود هارون دياب ولجميع البوردا (Re: haroon diyab)
|
Quote: وكما قلت سابقا...مامون في القلب قبل العيون .
التحية لك ولهذه الاسرة الجميلة التي حباك الله بها
لانك تستحق .
مامون ايها الجميل.....
كن كيف شاء لك الجمال
فانني بك معجب |
لاحولا ياهارون يازول أنا أقل من كده بى كتير !
ونحن كذا بك معجبين أيها الودود المحبوب الرصين
وهاردلك لجماعتك الطيبين .. شايف ودالصايم جاك بى جاي .. هو رشاشة واللا شنو ؟!!!! ها ها ها !!
تحياتي يازول ياحلو
سلام للأهل والبنيات السمحين .
| |
|
|
|
|
|
|
| |
مامون أحمد إبراهيم
محمد حيدر المشرف
ناصر المحسى
محمد أبوالعزائم أبوالريش
7abib_alkul
haroon diyab
محمد عبد الماجد الصايم
ماجد حسون
فيس بوك
تويتر
انستقرام
يوتيوب
بنتيريست