|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
أها كان قريت بوستي ده عليك الله لم لي الحاجات الحاخت ليك لنكاتا دي في مكتبة و جامل جارك ياخ انا ساكن الحلفايا جمبك و صباحي قال بيتك جمبي في مربع تمنية شفت انا بسوق ليك الواسطات دي كيف ؟ و بالمرة كان قريت ده عليك سيدي الحسن كان ما رجعت لينا داليا حافظ ياخ
اها بوستاتي هدي يا بكور
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
أهن - يا عملات ناسنا في البلد - الفوق ديلاك ياهن كتابتي في بورديك ده كان سويتلي بيهن مكتبة النبي فوقك كمان - و بخجل مني كدي - خت لي الكتبوهن فيني الزملا معاهن في زملا هنا كتر خيرم كتبو فيني كم بوست كدي و الله مخجلاتني لكن الواحد لمن يعجز و يحب يقشر لشفعو بمكتبو في سودانيز اون لاين البوستات دي بتعمل ليو منظر قدام الوليدات اها بديك لنكاتم
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: عبدالوهاب علي الحاج)
|
Quote: اها يا بكري قريبك ده كمان ذكاني ..
تاني نوسط ليك منو ؟ |
اخي حمور
هنا تنتفي صفة القرابة والصداقة والوساطه
لو داير تجوطة واصل
وبامانة لست انت من يطلب مكتبة
ولكن بامانة هي التي يجب ان تاتي اليك
والمرء هنا من يقول هذه اعمالي تتحدث عني
وليس كان ابي وامي واصحابي وقريبي وقريبك
اقفل علي كده وبس
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
حمور سلام
Quote: كامل تاييدي ان تكون لك مكتبة.
يا بكري، اقتراحبن 1- اعطي حمور مكتبة 2- بعد ذلك، اطرح المكتبات في السوق: من يريد، يدفع اجر استضافة سنوية و زيد عليها صفحة خاصة تعريفية بصاحب المكتبة و ربما اعطيه الحق المحدود في تحرير صفحته. يعني بالعربي: ويب هوستنق |
يا حمور قلنا يدوك مكتبة و بعد ذلك يكون في امكانية انه الزول لو عايز يشتري ويب سايت لمكتبته. يا حمور، في ناس ابداعهم بياهلهم للتكريم و انت منهم و في ناس بتقدر تدفع و تكون عندها مكتبة و كلو مكسب.
مكتبة مجانية و كاربة للاخ حمور!
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: محمد البشرى الخضر)
|
ود البشرى اول التبادي سلامك وصلني قريتو لاااايف في بوست معتصم .. تسلم يا راقي تاني هام شايفك رشحت بوست روزمين محنة الحرف و الحياة الخاصة لكن عمك اداو في راسو قال ما بتجذبو الحاجات دي عشان يقراها و الله كنت داير اخش اقول ليو اقراو و لله بيعجبك تاني قلت يفهمني غلط فمافي داعي تالت شي شكرا للامنيات و المعلم قالوا جايي قريب و بيتو قطعة شارع جانبي مني لكن قلت مادام خاشي في زحمة ارشفة و كده اهن ناكل مع اليتامى غايتو كان اتجاهلني حيكون احراج شديد خلاص
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: محمد البشرى الخضر)
|
ود البشرى
Quote: حمور يا عمك والله قهمني قهمة ندمني على ترشيحي هي الشي مش تصويت و ديمقرطية برضك ولّ كيف؟ يا زول اقفل على جية المعلم و بالمرة كلمو بي باسويرد تراجي و طارق الكوتش و بقال |
و الله حسيت بيو ختاها ليك زي ضربة الركبة تننن في الصابونة احتسب يا عمك غايتو المعلم كان نزل في بيتو القالو جمبي ده بتجدع ليكم فيو تراجي و بقال و الكوتش و يمكن اجيب ليكم دكتورة بيان راجعة كمان
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: mayada kamal)
|
الاخت ميادة كمال كيفنك شكرا ليك يا راقية قبيل الصباح اتذكرتك و قربت افتح ليك بوست اقول ليك كلامي فيو قريتي عمود الاستاذ صلاح عووضة الليلة في اجراس الحرية ؟ اي نعم هو رد على الكاروري و احتمال الرد ما يريحك لكن فيو المعلومة الاتكلمنا عنها يومداك بتاعة العراقي الناش الطيارة الاستاذ عووضة اتكلم عنهاو حكى انو بعد الاحتلال الامريكي المزارع جا و نكر الموضوع حطب و قال ديل ناس الصحاف قالو ليو قول كدي ده مصدر تاني غيري .. قنبي عافيه
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: عمر صديق)
|
عمر صديق .. مبروك صدور المستقلة .. اتمنى ان تصبح نبض الشارع السوداني و يحميها الله من امراض الشارع السوداني
شكرا للدعم
Quote: طال انتظارنا لكتاباتك في المستقلة |
اخذت رقم تلفونك من حاج العوض المسلمي .. ساتصل بك لأن التايفويد اطال حبسي لا بارك الله فيه
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: naeem ali)
|
نعيم الانسان .. كيفنك مكتبة شنو يا زول تعال نحدث انا البورد ده جيتو شهر تلاتة السنة الفاتت اخدت لي فيو اربعة يوم كي و طفشت جيتو شهر خمسة مع ضربة خليل اخدت لي اسبوع و تاني طفشت طفاش خلاص انا اها قبل رمضان ما تعرف الجاتني شنو قابلتو ليك يعني من شهر تسعة و لجاي كلها اربعة شهور برلوم و داير مكتبة شفت قلة الادب دي كيف ؟
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: naeem ali)
|
Quote: اريتا (برلمة) الوليدات لحدهم وقلة ادب الوليدات لحدهم يا قول حبوبه بت حاج حمد رحمها الله يا زول انت كاتب (اااااادي الدنيا) وانا مختنع بيك غايتو واشيل واعاين لتوقيعك في (كتابك) واتبسم براااي |
تعرف يا نعيم في كلمة ما عارف مرت علي في فليم او في كتاب .. متذكرا طشاش طشاش بتقول انو الانسان يمشي لاخر الدنيا يفتش ليو زول يؤمن بيو لانو لو لقى واحد بيلقى التاني و التالت و بعدها ممكن هو يؤمن بنفسو و الله و بصراحة انا لما القى ناس بقدرم و بحترمم زيك كده بيقدرو الشي الانا بكتبو يادوبي بقدرو و بحترمو انا ناقد شرس لكتابتي عشان كده مرات بحاول اكون متساهل مع روحي و اخد الحكم من افواه ناس بثق فيهم شكرا ليك شديد على كلماتك الحلوة بالجد تركت جواي اثر جميل و حسستني بدفعة قوية اللهم اني اسألك دوام نعمة القدرة على كتابة ما يجد القبول لدى الناس
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: Rawia)
|
راوية .. كيفنك
Quote: حمور سلامات سلاماتك والف لابأس عليك وحمدلله على السلامة وكل سنة وانت طيب |
الله يسلمك و كل سنة و انتي طيبة
Quote: أتلومت بالحيل بيناتنا 38 صديق مشترك وتطلب صداقتنا متأخر كدا |
مش بيقولو ان تأتي متأخرا خير من ان لا تأتي ؟ انا شخصيا فخور بيها في اي زمن جاءت
Quote: بالمناسبة مبروك برضو لتغيير الاستيتص من سينقل الى أن ريليشن |
Ignore
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
. .
العزيز حمور
شوف أخوك الأزهري عضو من سنة كم !! 2003م وأشيل وأحنس في بكري يعمل لي مكتبة وبكري آخر طناش والمزعلني في ناس جات بعد مني بي أربعة سنوات وبوستاتهم في المئات يادوب وبكري أداهم مكتبة وكما كتبت ليه موضوع في المنبر الخاص (بوستات لمكتبتي) وبرضوا مارد علي ويشيل ويكتب للناس قبل موضوعي وبعدو ويكتب ليهم (Done) وأنا زي الماشايفني وفي النهاية البوست حق طلب المكتبة إختفى مع الهكرز شفت جنس النحس دا كيف ؟
الله كريم ياود العم وربنا يحنن قلب بكري علينا
ياربي بكري دا يكون كارهني عشان مرة كتبت بكري أبو صلعة ؟
. .
تحياتي وتقديري . .
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: ALazhary2)
|
Quote: العزيز حمور
شوف أخوك الأزهري عضو من سنة كم !! 2003م وأشيل وأحنس في بكري يعمل لي مكتبة وبكري آخر طناش والمزعلني في ناس جات بعد مني بي أربعة سنوات وبوستاتهم في المئات يادوب وبكري أداهم مكتبة وكما كتبت ليه موضوع في المنبر الخاص (بوستات لمكتبتي) وبرضوا مارد علي ويشيل ويكتب للناس قبل موضوعي وبعدو ويكتب ليهم (Done) وأنا زي الماشايفني وفي النهاية البوست حق طلب المكتبة إختفى مع الهكرز شفت جنس النحس دا كيف ؟
الله كريم ياود العم وربنا يحنن قلب بكري علينا
ياربي بكري دا يكون كارهني عشان مرة كتبت بكري أبو صلعة ؟ |
تفتكر يا الازهري يكون الموضوع ليو علاقة بخلافات الوطني الاتحادي و الشعب الديموقراطي ؟ كدي خت ليو صورة شيخ علي عبد الرحمن و شوف اليحصل شنو
غايتو يا بكري اب تفه الازهري ده شكلك خاتي عليو كدي لمن تجي تشيل مننا تلج بنتفاهم في موضوعو ده
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: Magdi Ahmed Elsheikh)
|
حمور ازيك نثني معك وتستاهل والله
الاخ مجدي
حبيبنا واستاذنا
ياخي موضوع المكتبات ده ما واضح خالص انا صحي ما عضو قديم لكن عندي عشرات البوستات وما قادر احفظها والهكر اكل نصفها وده كله عشان بكري ما عايز يساعدنا ولا يوجد شخص من الادارة يوجه الناس الما عارفة وكده الناس دي كل جهودها تروح هباء حتي يبطلوا الكتابات انا شخصيا عندي اضافات كثيرة اريد تقديمها لكن عشان ما قدرت اعمل مكتبة قنعت وقلت علي كل بوستاتي السلام ولا داير مكتبة ولا داير اكتب بانتظام او اضع اللمسات التي كنت اريد وضعها في هذا المنبر وانا لست بمبدع او عبقري لكن والله في ناس جميلين والواحد فعلا بستمتع بيهم وحمور ده احدهم وانا قبل ما اقنع من خير في المكتبة ما كنت قايلها صعبة كده واستغربت الاستاذ حمور ما عنده مكتبة واعتبر ذلك عزاء لي..وحتي لو رسلت لبكري ايميل ما حايرد لي والحمد لله قنعت من هذا الموضوع. لكن بجد في ناس بتستاهل يتعمل ليها مكتبة.. والموضوع ده حتي لو كان بفلوس كنا حا نرضي به لكن المشكلة ما في دليل في هذا المنبر يساعد المحتارين..وبالرغم من انو انت ما دليل ..لكن انا فرحت لما شفت بوست ديبلوماسي منك ايام الهكر تطلب من الناس عدم الكتابة عن ذلك الموضوع وكنت اتمني ان تواصل مع كل الاعضاء حتي تفرض علي الاعضاء احتلرام لوائح البورد حتي لا يغلط احد ضد احد. شكرا للاستماع ولك خالص محبتي.. وعفوا اخي حمور..لهذه المداخلة الطويلة..
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: ASHRAF MUSTAFA)
|
اشرف كيفنك و مشكور للتثنية
موضوع المكتبات ده اظنو واضح للناس القدام هسه انا اكتشفت من كلام مجدي انو ي منبر عديل لطلبات المكتبات
http://www.sudaneseonline.com/cgi-bin/sdb/2bb.cgi?board=280
لكن نحن عشان جداد ما قاعدين يكلمونا البورداب القدام الحقارين ديل انا يا عزيزي ذي ما قلت لنعيم .. بكتب هنا من شهر تسعة .. لما جات الارشفة الفاتت كان عندي حوالي سبعة او تسعة بوستات ما متأكد .. ما كان ممكن او منطقي اطالب بمكتبة اهن هسه في الربع ده الله رضى علينا .. و رغم انو الهكر شال خمسة تقريبا لكن هسه ربينا اتنين و عشرين او تلاتة و عشرين فالواحد نفيستو حدثتو انو يلمهن في مكتبة انت مسجل من شهر تمنية يعني زيك زيي تقريبا جات عليك ارشفة بعد شهرين طوالي .. ما اظن كان عندك فيها كتير .. وله شنو ؟ هسه القصة بتكون اوضح ليك و لبكري ابو تفه ( عشان ما يزعل مني زي ما زعل من الازهري ) انا شخصيا عملت بنصيحة العزيز مجدي و مشيت فتحت بوست جاف جدا و عملي خالص بغادي للمطالبة بمكتبة و بجاي ده فاتح و فيو دعم الزملاء يعني مشرك لبكري بالجهتين
جرب .. يمكن تنجح و ما تبقى علينا حالة الازهري2
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
الاخ حمور شكرا للرد الجميل للتوضيح اكتر يعني لو عملت بوست وضعت فيه كل اللينكات بتاعاتبوستاتي ووضعته في البوست الخاص بالمكتبةهل بكري سينشا لي مكتبة؟؟؟؟؟؟؟؟؟؟؟ واذا كانت الاجابة نعم...متي؟؟؟؟؟هذا ما اريد توضيحه!!؟
الشيئ الثاني كيف انت عضو جديد وليك تسعة شهور بينما تسجيلك في مارس من العام الماضي؟؟؟دي ما فهمتها؟؟ وكيف كان عندك تسعة بوستات فقط؟؟؟
شكرا يا حبوب وفي انتظارك..
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: ASHRAF MUSTAFA)
|
اشرف .. كيفنك
Quote: يعني لو عملت بوست وضعت فيه كل اللينكات بتاعاتبوستاتي ووضعته في البوست الخاص بالمكتبةهل بكري سينشا لي مكتبة؟؟؟؟؟؟؟؟؟؟؟ واذا كانت الاجابة نعم...متي؟؟؟؟؟هذا ما اريد توضيحه!!؟
|
حسب ما فهمت من المخضرمين .. ايوه دي احدى الوسائل المضمونة للحصول على مكتبة بالنسبة لمتين دي ... غايتو قالوا سورة يس بتساعد
Quote: الشيئ الثاني كيف انت عضو جديد وليك تسعة شهور بينما تسجيلك في مارس من العام الماضي؟؟؟دي ما فهمتها؟؟ وكيف كان عندك تسعة بوستات فقط؟؟؟
|
سجلت مارس 2007 و طفشت ما كتبت و لا خشيت جيت كتبت شهر مايو 2008 بوستين و طفشت رجعت شهر سبتمبر 2008 بديت اكتب .. لما جات الارشفة في اخر سبتمبر كان مواضيعي قليلة و ما بتستاهل هسه اخوك دخلو الطمع
قنب عافية
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: يوسف الولى)
|
يوسف الولي .. شكرا لتثنيتك
Quote: وما المكتبه عن الهكر ببعيد....
تستاهل مكتبه ...لكن برضو احفظ ما تريد حفظه فىFlash Memory |
لا حول و لا قوة الا بالله دي حكاية متعبة خصوصااذا عرفت اني من مقدسي الكتابة بالورقة و القلم.. لكن فعلا شكلها خطوة ضرورية انو الواحد يحتفظ بارشيفو خارج شبكة الانترنت شكرا كتير للنصيحة
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: Mahathir)
|
Quote: يا بكري ... مكتبة بدون "لهذا لم احبك يا درويش" اصلو ما تعملا ليهو ...
|
الصادق مهاتير .. كيفنك يا حبوب مشتاقين و الله تعرف بوست درويش ده زعل مني رحاب خليفة شديد خلاص و انت عارف زعل رحاب ما بندورو و كان في البوست ده كلمة جميلة من طلال عفيفي شالا الهكر الله لا يبارك فيهو طلال قال لي انا حاسدك انك لسه ما قريت درويش ، قدامك متعه كتيرة او كما قال
لكن لقيتك حاسد حسادة الجقر يعني عشان بوست واحد داير تحرمني من مكتبة الم فيها كتيباتي ديل ؟ يخسي عليك ثم يخسي عليك برضو تاني
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
الْعـزيزُ والمُهَـنْدس / بكري أبو بكر ..
أتمنَّى أنْ تكرِمَ الصَّديقَ الأديبَ / حمُّـور زيادة
بمكتبةٍ تَحفَظُ حُـرُوفَـهُ مِنْ الضَّيَاعِ ،
وتَطْوي جميلَ مفرداتِـهِ فيهـا طَيَّ
السِّـرِّ في الأفئـدَة ، فإنَّـهُ لِمِثْـلِ
قَوْلـهِ تُشَدُّ رِحَـالُ القِـراءة ،
وبِمِـثْـلِ حَـرفِـهِ يُضْـربُ
المَـثَـلُ ..
احترامي .
أخوك / محمَّـد زين . ____________________________ * العزيزُ / حََمُّـور .. عيدُكَ سعيدٌ ومُبارَكٌ .
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
بكري يا عمكـ عارفكـ ما حتقرا كلامي ولا البوست دا كلو لكن أهو .. عشان نسكت ناس حمور ديل
أها يا بكري يا عمكـ عارفكـ كنت ناوي السنة دي تعمل لي مكتبة .. لكن يا عمكـ صدقني حمور دا يستاهل .. أنا متبرع ليهو بمكتبتي أصلا لو عملتها لي حيكون فيها شنو يعني .. ما كلها نياصة وكـااااكـ وكرشة وشيشة!
فعشان كدا يا عمكـ أتبرع بدوري في الصف للسيد حمور
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: محمد عبد الماجد الصايم)
|
ود الصايم ..
Quote: بكري يا عمكـ عارفكـ ما حتقرا كلامي ولا البوست دا كلو لكن أهو .. عشان نسكت ناس حمور ديل
أها يا بكري يا عمكـ عارفكـ كنت ناوي السنة دي تعمل لي مكتبة .. لكن يا عمكـ صدقني حمور دا يستاهل .. أنا متبرع ليهو بمكتبتي أصلا لو عملتها لي حيكون فيها شنو يعني .. ما كلها نياصة وكـااااكـ وكرشة وشيشة!
فعشان كدا يا عمكـ أتبرع بدوري في الصف للسيد حمور |
بالله ياعمك الشغلانه فيها صف و حجز مواعيد ؟ شفت البرالمة الزيي و زي اشرف ديل قايلين القصة ساهله و ايميل لبكري و الشغلانة تظبط بعيدن يا اب كرشة ياخ مكتبتك حتكون ممتعة انت كاااكك و كرشتك زي حقات الناس كمان ؟ انا زاتي مكتبتي فيها شنو ؟ مش ياها بطوط ما عرس زيزي ليه و مدينة البط ؟
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
Quote: أصلا لو عملتها لي حيكون فيها شنو يعني .. ما كلها نياصة وكـااااكـ وكرشة وشيشة!
|
والله تستاهلها ياخى انت كم مرة بسطنا هنا فى البورد ده ...... على الاقل لما تجينا الحالة بتاعة القرفة ديك الواحد يمشى يكاكى بهناك لعل وعسى يبيض ليه ذهبا
___________
حمور اها مكتباتنا ماجات ؟... شايفة داليا دخلت ...
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: حمور زيادة)
|
حمور أخوي إنت بعد كل التثنيات دي لسة ما أدوك ياها؟ ياخ أنا الكسلان ده طمعت فيها، وقلت يمكن ناخدا بالأقدمية.
ود الصايم يا عمكـ
Quote: يا عمكـ صدقني حمور دا يستاهل .. أنا متبرع ليهو بمكتبتي |
إنت مكتبتك دي دحين ما وهبتها لي إيمان صالح؟ أوع تقوم تديها مفتاح .. وتدي حمور مفتاح، يقوم يتلخبت عليهم الإختساس
| |
|
|
|
|
|
|
Re: لعناية بكري أبو بكر ..أتسول من جنابكم مكتبة (Re: محمد أبوالعزائم أبوالريش)
|
ابو العزائم ..
Quote: حمور أخوي إنت بعد كل التثنيات دي لسة ما أدوك ياها؟
|
شكلو كلام ود البشرى و ود الصايم صاح عمكـ ده ما بيقرا .. بيمسح بس او زي ما قال دكتور مجدي المظاهرات ما بتنفع معاو يكون قرا البوست و قال خلي البيثنوا ديل يدوهو مكتبة
Quote: إنت مكتبتك دي دحين ما وهبتها لي إيمان صالح؟ أوع تقوم تديها مفتاح .. وتدي حمور مفتاح، يقوم يتلخبت عليهم الإختساس |
منو حضر فليم غريب في بيتي ؟ بطولة نور الشريف و سعاد حسني
| |
|
|
|
|
|
|
|