|
|
 هذا ما حدث في محكمة لبنى .. شاهد عيان
|
أمس الثلاثاء28 يوليو اتصلت بي الاستاذة أمل هباني ..
قالت "يا حمور محكمة لبنى دي بكره الساعة عشرة ".
كانت متحفزة مليئة بالحماس .. كفرس يعلك اللجام.
فهذه ساعتها و ساعة نضالها.
المعركة التي خاضتها عن طيب خاطر و تواجه من أجلها تهمة اشانة سمعة شرطة النظام العام قد حانت جولتها الفاصلة.
وعدتها ان اكون هناك .. في مجمع محاكم الخرطوم شمال ..
و قد وفيت.
و رأيت و سمعت .
و هذا ما حدث ...
|
|
 
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
وصلت المحكمة في تمام التاسعة و الربع صباحا ..
كنت مبكرا جدا .. عجلا جدا ..
اريد أن احجز لنفسي مكانا اماميا في هذا الحدث ..
اريد ان اسمع كل كلمة.. ارى كل منظر
رأيت احتشاد الناس رويدا رويدا كسحائب الخريف ..
عند العاشرة تماما كانت الصالة بالطابق الأول أمام مكتب القاضي قد امتلأت تماما ..
محاميون .. صحفيون .. ناشطون .. مراسلون وطنيون و اجانب .. مراسل القناة الفرنسية كان تائها يحاول ان يفهم كيف تحاكم لبنى للبس بنطلون بينما اغلب الفتيات في صالة المحكمة يلبسن البنطلون و بعضهن مع الحجاب ايضا .. تناقض لم تستطع عقليته الفرانكفونية ان تفهمه.
تحول الحشد الى ملتقى اجتماعي .. الناس تتحاور .. تتعارف .. و ينتظرون أن يأذن مولانا بالدخول .
لكن مولانا (الذي حضر سابقا في التاسعة و النصف ) لم يكن على عجل من أمره مثل الحضور.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
حوالي الثانية عشر ظهرا (نعم بعد ساعتين من الموعد المقرر و المعلن عنه ) نادى الحاجب "لبنى أحمد حسين ".
اسرع الناس بالاحتشاد امام قاعة المحكمة للدخول ..
بينما فرطت أنا أن رجعت الى حيث كانت لبنى تجلس بعيدا مع عدد من الصحفيين لأزف اليها النداء الكئيب.
نهضت في حماس كأنما دعوتها الى كل الخير لا الى محكمة.
فكرت أن اسألها "هل انت خائفة ؟ "
لكني خشيت اجابتها.
خشيتها ان تقول لي " نعم انا خائفة "
فقد كنا جميعا نستمد شجاعتنا منها.
تقدمت لبنى تشق الحشود كملكة تسير الى عرشها.
رافعة رأسها تسير في وقار.
و غابت داخل باب مكتب القاضي.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
رجوعي الى لبنى جعلني في مؤخرة الحشد ..
فاخذت انظر من الخلف الى رجال الشرطة الذين احتشدوا امام المكتب لمنع الحشود من الدخول ..
كانوا يصيحون "المتهمة بس "
بعد دخول لبنى قرروا ان يصيحوا "المحامين ".
برزت عشرات البطاقات و ابرز الصحفيون هوياتهم محاولين الحصول على فرصة.
خطر لي أن استفيد من كاميرتي التي احملها لأصور هذه الحشود ..
اخرجتها و اخذت اصور المئات الذين يتدافعون محاولين الدخول الى القاعة ..
حينها امسك بي شرطي فجأة من الخلف و جرني ..
نظرت اليه متسائلا فقال لي "بتعمل في شنو ؟ "
قلت لي اني التقط صورا ..
جذبني بعيدا و سألني " ما عارف التصوير ممنوع ؟ "
اخبرته اني لا اعرف.
فاقتادني بعيدا و اوقفني امام مكتب و أمر شخصا يرتدي الثياب المدنية بحراستي.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
خلال الدقائق التي انتظرتها تذكرت مقولة للاستاذ نبيل اديب (الذي هو محامي لبنى ايضا ) ..
قال مرة في تضامن في جريدة اجراس الحرية ان القوانين في كل بلد معقولة تعرف بالفهم العام .. لكنك في السودان معرض في كل لحظة لمخالفة القانون.
لم اكن اعرف القانون الذي اخترقته و لا التهمة التي قد اواجهها .. لكني كنت اعلم يقينا ان اي اعتراض مني يوقعني تحت تهمة اعتراض رجل شرطة .. و هي تهمة محببة لرجال الشرطة يستعملونها دوما حتى في الفرن البلدي على ناصية الشوارع.
بعد دقائق عاد اليّ الشرطي و قال لي " تمسح الصور الصورتها دي وله ادخلك للعقيد ؟ "
سألته متظارفا " و العقيد حيعمل شنو ؟ "
قال لي بجدية " العقيد بيمسحا هو ".
لم اتمالك نفسي من الابتسام و قلت له " خلاص امسحا انا و العقيد ما يتعب ".
ربت على كتفي و اشار الى احد الوقوف و قال له " اتأكد انو مسحا لأني ما بعرف ".
ثم قال لي " امسحا و امشي ".
مسحت الصور بشهادة الشخص الواقف ( و لا ادري من هو بالضبط .. أهو رجل شرطة ام مجرد مواطن صالح تصادف وجوده ) و هممت بالانصراف..
فناداني ذلك الشرطي المكلف بحراستي و قال لي بغضب " تعال اقيف هنا يا زول ".
اخبرته ان الشرطي الاخر اذن لي بالانصراف فقال لي " ما قال لي انا اخليك تمشي ".
وقفت و انا احس بطرافة الموقف. فبالحالة هذه كان يمكن أن اقضي ليلتي في انتظار تأكيد امر الافراج الغير مفهوم هذا.
وفعلا بعد ربع ساعة كان الشرطي المكلف بي قد مل فذهب يبحث عن امر الافراج ليعود بعد دقائق مبتسما و ههو يقول " اتفضل يا ابن العم بالسلامة".
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Zoal Wahid)
|
| Quote: قال مرة في تضامن في جريدة اجراس الحرية ان القوانين في كل بلد معقولة تعرف بالفهم العام .. لكنك في السودان معرض في كل لحظة لمخالفة القانون. |
سلام يا حمور
فهذا زمانك يا مهازل فامرحي و برطعي كمان و لنمد ارجلنا كابي حنيفة
تعرف سنة 99 ذهب شقيقي الاصغر مني الي السودان في اجازه, شقيقي الاخر الاصغر من الاصغر مني كان عندو فكره يعمل ماستر في الاسواق الشعبية, فكلفه بان يصور له صور فيديويه من السودان, ذهب الي السوق الشعبي في السجانه لانو ماشي رفاعه ليسلم علي الاهل و كانت معه كمرة الفيديو و بدا في تصوير السوق الشعبي, هنا اتي اليه رجل الامن, ساله عن التصديق, قال ليهو تصديق شنو, رجل الامن قال ليهو عشان تصور لا بد انو يكون عندك تصديق من وزارة الثقافه و الاعلام او من مكاتب الامن, قال ليهو و الله انا ما عندي علم بمثل هذه القوانين نحنا في امريكا شايلين الكاميرات زي التسالي هنا, رجل الامن يعني انت جاي من امريكا كدي و ريني بطاقتك, شقيقي بحسن نية اداهو الجواز الامريكي, رجل الامن اوووووووووووه جاسوس امريكي كمان يعني بتصور للامريكان (يعني الامريكا ماقضل ليهم الا يرسل جواسيس ذي اخوي المسكين ده هم مالين السماء اطباق و كاميرات و صلاح قوش ذاتو و كمان ضربو مصنع الشفاء من بورتسودان و صوروا القذافي في الحمام) طبعا الايام (ديك) امريكا لمي (جدادك) و دنا عذابك, المهم شال منو الكاميرا و فوتوهو البص, و من حينها بدا في اجاويد ارجاع الكاميرا اها لحدي اليوم الكاميرا ما معروفه مشبت وين, يوم عند الامن الاقتصادي و يوم عند الامن العلاني و يوم عند الامن الفلاني, غطست و خرجت و لم تعد حتي الان
معليش دوشتك بالقصة دي, ربنا يكون في عون لبني و امل و جميع السودان انسانا كان او حيوانا كان نباتا او جمادا فكلهم متاثرين بحكم و ظلم الانقاذ
لطفي
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Zoal Wahid)
|
لو قالوا لمخرج فلم حديقة الديناصورات استنسخ لنا من خيالك بشرا وقوانين مثل البشر والقوانين التي تتحكم في الشعب السوداني في القرن الواحد والعشرين، لفشل خياله في ان يتجاوز الواقع المر.
قراقوش بتاع شنوا!!
إلى متى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: dardiri satti)
|
Quote: بعد دقائق عاد اليّ الشرطي و قال لي " تمسح الصور الصورتها دي وله ادخلك للعقيد ؟ "
سألته متظارفا " و العقيد حيعمل شنو ؟ "
قال لي بجدية " العقيد بيمسحا هو ".
لم اتمالك نفسي من الابتسام و قلت له " خلاص امسحا انا و العقيد ما يتعب ". |
حمــور الحمدلله طلعت بكمرتك
كان ممكن يشـيلوها معــروضات
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: عبدالله احيمر)
|
حين عدت الى حيث التجمهر وجدت الناس قد استطاعوا ان يشقوا طريقهم الى داخل المحكمة و قد اغلق الباب دوني .
اخذت اتسكع خارجا مع بعض الاصدقاء ننفث غضبنا و نتبادل التوقعات.
فجأة خرج الناس. اسرعت نحو زميلة المنبر ولاء صلاح الدين لاسألها ..
محامي الامم المتحدة طلب الشطب بحجة الحصانة .. و اعترضت النيابة بحجة أن الحصانة تشمل العمل لا التصرفات الشخصية. و طلبت لبنى (الشجاعة ) رفع الحصانة عنها و قالت انها مستعدة للاستقالة و لا تريد أن تختبئ خلف حصانة عملها.
رفع القاضي الجلسة لعشرة دقائق للمشاورة.
و بعد نصف ساعة ( لا دقائق عشرة ) نادوا مرة اخرى على الجلسة فاخذنا نتدافع مرة اخرى طلبا للدخول.
هذه المرة تمكنت من اخذ مكاني مع الحضور داخل القاعة التي امتلأت بالحضور الوقوف و الجلوس.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
القاضي (الذي كان يتكلم بصوت هادئ اقرب للهمس ) قال ان الحصانة تمنع التحقيق مع لبنى لكنه توجه اليها بسؤال عن موقفها فأكدت لبنى مرة اخرى بصوت جهور "انا بكره دي حاقدم استقالتي و عاوزه المحكمة تستمر ".
هز القاضي رأسه و قرر نظر القضية في جلسة يوم 4 اغسطس القادم الساعة الحادية عشر.
كنت أظن أن الأمر انتهى الى هنا و خرجنا نتحدث عن ما سمعناه و نتبادل الاراء ..
لكن ما حدث بعد ذلك كان اكثر مدعاة للسخرية و الذهول مما مرّ.
ما حدث بعد ذلك كان اقرب للملهاة .. و لو لم اره لما صدقته.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
على سلالم المحكمة الخارجية تجمع الصحفيون و المراسلون يصورون و يجرون الاحاديث ..
و أخرجت عدد من الناشطات لافتات ترفض قهر المرأة و تتضامن مع لبنى .. و كان مع الحضور الاستاذ ياسر عرمان ..
لعل وجود ياسر عرمان ما اعطى الناس براحا .. لعله ..
لأن سيارة ياسر ما كادت ان تتحرك مبتعدة حتى برز رجال الشرطة يأمرون الناس بالتفرق و يشفعون الامر بالدفع و التقريع ..
"يلا يا زول زح من هنا "
"امشوا يلا خلاص ما عاوزين لمه "
بدأنا في التفرق حين رأينا شرطي يعبر الطريق الى الجانب المقابل مع المحكمة ليدفع مراسل قناة العربية من صدره و يحاول مصادرة كاميرته.
مشهد كتلك المشاهد التي نراها في نشرات الاخبار من اسرائيل او دول النزاعات الافريقية ..
حين يهجم الشرطي المسلح على المصور و يغطي عدسة الكاميرا ..
لكن شرطتنا كانت تملك شفافية تمنعها من تغطية العدسة و ان لم تمنعها من محاولة تحطيم الكاميرا نفسها.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
فجأة استعر الموقف و اصبح كل حامل كاميرا معرضا لأن يجر من ياقة قميصة مع الكثير من عبارات " تعال هنا يا زول " " مش قلنا ليك ما تصور ؟ " "عامل راجل انت ؟ " ..
و اعتدى احد رجال الشرطة على الزميلة ولاء صلاح محاولا انتزاع موبايلها الشخصي منها ..
هل اقول من اعترض ؟
خجل انا ان اقول ان النساء من ثرن و هجن و هاجمن بعنف ..
تجمع النساء امام المصورين و هن يصرخن
"هوووي يا زول .. عاوز تدقوا يعني ؟ "
و صنعن باجسادهن دروعا تحمي من خلفهن.
رغم ذلك تمكن رجال الشرطة من اقتياد مراسل العربية و مراسل الحرة مهانين من قمصانهم يجرون جرا كما السوائم ..
و رجعنا لنتجمع امام باب المحكمة مرة اخرى ..
فقط ليقتادوا الصحفي سهل من اجراس الحرية و يعتدوا على الصحفي عبد القادر محمد من الميدان.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
الصحفي عبد القادر كان يقف حاملا بطاقته الصحفية صائحا "انا صحافة " ..
فهاجمه شرطي بدين قصير غاضب يصرخ " تعال هنا ده "..
اخذ الشرطي دفتر اوراق عبد القادر و مزق قميصه ..
و حين حاول عبد القادر استعادة اوراقه تصدى له عدد من رجال الشرطة و منعوه ..
تأزم الموقف و وصل حد الاشتعال ..
و كما هي العادة - على ما يبدو - تجمهر النساء في المقدمة يدافعن و يهتفن ..
حينها برز عقيد (ذلك الذي هددوني به من قبل ) ليطيب الخواطر ..
هدأ العقيد المتجمهرين و احضر لعبد القادر دفتره و قال كلمتين طيبتين ..
ثم اخذ رجال الشرطة بالعصي و الاسلحة يفرقون من بقي قرب المحكمة و اخرجوا الناس حتى الشارع الرئيسي .
جاء الخبر أن المراسلين المعتقلين تم تحويلهم الى قسم الشمالي ..
فتحرك الناس الى هناك ليلحقوا بهم ..
و في الطريق بينما كان عبد القادر جواري اذا بثلاثة من الشرطة يلحقون به و يمسكونه ليحاولوا اعادته مرة اخرى الى المحكمة.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
العسكري الأول الذي لحق بنا نادى عبد القادر " تعال يا زول عاوزنك "
توقف عبد القادر ليلحق به الاخرين و يمسكانه من قميصه الممزق و يبدأون في دفعه في وسط شارع الحرية ( هذه المفارقة حقيقية و لا علاقة لها بالبلاغة ) عودا الى المحكمة ..
تجمعنا حوله لنسأل عن سبب اقتياده مرة اخرى فقال العسكري ( و كان للمصادفة ذات الذي اعتدى على عبد القادر اول مرة - يمكن ان تقبلها مصادفة ان شئت ) " عاوزنو في المحكمة "
سأله عبد القادر " يعني مقبوض عليّ " قال العسكري بثقه " ايوه مقبوض يا زول .. بتقاوم ؟ "
فسأله عبد القادر بحدة "وريني امر القبض ".
هاج الحضور و بدأوا في الصخب مرة اخرى فقال العسكري انهم لا يريدون ارجاعه الى المحكمةبل يريدون اخذه الى القسم الشمالي لفتح بلاغ ضده.
اعلنا اننا ذاهبون الى هناك سلفا .. فقال العسكري " ما عندنا شغلة بيكم احنا حنسوق الزول ده " فقالت احدى النساء "ما بيمشي معاكم براو ".
اخذنا في السير راجلين واضطر العسكري لترك ثياب عبد القادر التي كان متشبثا بها ..
و من المضحك أن عبد القادر كان يتقدم العسكري احيانا باكثر من عشرين مترا وحده ..
حتى وصلنا القسم الشمالي.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
على باب القسم التقينا بمراسل الحرة خارجا..
قال انهم اعتذروا له في القسم و اعادوا اليه اشياءه ..
استبشرنا ..
لكن العسكري على الباب حاول منع بعضنا من الدخول ..
لماذا لا ادري .. و لماذا سمح لنا بالدخول بعد ذلك لا ادري ايضا .
فقط هكذا.
في الداخل تم اقتياد عبد القادر الى حجرة الضابط المناوب ثم بعدها الى حجرة رئيس القسم.
الرائد كان لطيفا و حاسما.
القى محاضرة عن دور الشرطة و الصحافة و لام عبد القادر على انفعاله و قال له بالحرف " الزول ده لو غلط في حقك تقول ليو الله يسامحك"
ثم حمل على العساكر لأنهم ينفذون التعليمات لكنهم يكونون تحت ضغط و طلب من الصحفيين ان يتفهموا ذلك.
لم يعجب الكلام العساكر فاعترض احدهم باغرب تهمة اسمعها في حياتي " يا جنابو الناس ديل كلامم كتير ".
جنابو لم يبد عليه انه مهتم بهذه التهمة فاعاد الى عبد القادر بطاقته و اشياءه و اذن له بالانصراف.
لكن احدا لم يخبر عبد القادر ان من حقه مقاضاة العساكر و لا ظهر انهم معرضين لمسائلة لاعتداء على صحفي.
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
انتهى اليوم(الذي حكيته مختصرا ) و قد تراجعت قضية لبنى امام ما رأيته اليوم ..
لم اكن اتخيل ان ارى بعيني العساكر يعتدون على المراسلين و الصحفيين الذين يمارسون عملهم ..
لم اتخيل في حياتي ان ارى شرطيا يهاجم مراسل محاولا تحطيم كاميرته و يمسك به من تلابيبه و المراسل يصيح " يا زول ما تمسكني " و يرد العسكري " بمسكك .. يعني حتسوي شنو ".
كان هذا العسكري البسيط الذي لم ينصفه الرائد و لا العقيد قبله اكثر فهما منا للمجتمع و الدولة ..
سؤاله القاتل سيظل يلاحقني ما حييت .
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
Quote: وقف عسكري بذيه الرسمي على سلم المحكمة ليقول في ضيق :
و الله من بكره تاني تشوفو الكلام ده في الشارع بيان بالعمل عشان تتأدبوا.
العسكري كان في خمسينيات عمره و يبدو رجلا لطيفا يسف السعوط ..
لكن كبرياء الكاكي كان يحركه. |
يا حمور الراجل ده طوالي موجود هناك..
وفي كل المحاكمات التي حضرتها كان هو يتصرف بنفس الطريقه..
فعلا بيحركه كبرياء الكاكي!
| |
|
|
|
|
|
|
|
|
 Re: هذا ما حدث في محكمة لبنى .. شاهد عيان (Re: حمور زيادة)
|
Quote:
لم اكن اتخيل ان ارى بعيني العساكر يعتدون على المراسلين و الصحفيين الذين يمارسون عملهم ..
لم اتخيل في حياتي ان ارى شرطيا يهاجم مراسل محاولا تحطيم كاميرته و يمسك به من تلابيبه و المراسل يصيح " يا زول ما تمسكني " و يرد العسكري " بمسكك .. يعني حتسوي شنو ".
كان هذا العسكري البسيط الذي لم ينصفه الرائد و لا العقيد قبله اكثر فهما منا للمجتمع و الدولة ..
سؤاله القاتل سيظل يلاحقني ما حييت .
يعني حتسوي شنو ؟؟؟
|
ساي طلعتني "مسكين" قبل كدة!
_____________
هذه محاكمة في قلب الخرطوم،
هذه وقائع لصحفيين لقنوات إعلامية معروفة،
فما بالنا بما حصل في معسكر كلمة في دارفور مثلاً؟
سيأتي جنابو عمر عثمان بعد قليل ومعه الصحفي عبود عبد الرحيم،
ليلقي باللوم على "تجاوزت" بعض أخوانهم!
وليرحم الله الضحايا!
يرحم الله الضحايا!
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حافظ حسن ابراهيم)
|
| Quote: او ربما اكتفي بأن اقئ في حمام البيت فاخرج ما بجوفي من اشمئزاز |
بس خلي بالك ما تقع في السايفون!!! حاكم في موضة الايام دي!
والله ده ابرز دليل على انه البلد دي خربانه من ساسها!!!
شكرا على نقل الوقائع... وفي انتظار يوم 4/8/2009...
وتحية لنساء السودان
بمناسبة نساء السودان دي.. لي زمن مستغربه، ليه احنا البلد الوحيد الاسمه مذكّر..
بقولوا ده السودان.. ودي بريطانيا... ودي السعودية.. ودي امريكا!!!
عدم شغله موش؟
بنت الحسين
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: مريم بنت الحسين)
|
Quote:
بمناسبة نساء السودان دي.. لي زمن مستغربه، ليه احنا البلد الوحيد الاسمه مذكّر..
بقولوا ده السودان.. ودي بريطانيا... ودي السعودية.. ودي امريكا!!!
|
أنت ناسية إنو المصريين الوحيدين البيأنثوا السودان... يقولك:
آه السودان دي بلد كبيرة أوي...
يا ربي ليه؟؟
| |
|
|
|
|
|
|
|
|
 Re: هذا ما حدث في محكمة لبنى .. شاهد عيان (Re: سيف اليزل برعي البدوي)
|
السودان : تأجيل قضية لبنى احمد الحسين إلى جلسة 4 أغسطس المقبل .. واحتجاز أربع إعلاميين عقب المحاكمة
الشبكة العربية تجدد تضامنها مع لبنى الحسين وتطالب بتعديل المادة 152 من قانون العقوبات التي تكرس العنف ضد النساء
القاهرة في 29يوليو 2009.
قالت الشبكة العربية لمعلومات حقوق الإنسان اليوم أن محاكمة الصحفية السودانية " لبنى احمد الحسين " قد تم تأجيلها إلى جلسة 4 أغسطس المقبل وذلك في جلسة الاستماع الأولى بمحكمة جنايات الخرطوم وسط حضورا إعلاميا مكثفا ،
واحتجزت الشرطة السودانية مراسلي كل من وكالة أنباء رويترز وقناة الحرة وصحف الميدان وأجراس الحرية أثناء تغطيتهم للمحاكمة كما صادرت جهاز التسجيل ودفتر الكتابة الخاص بالصحفي عبد القادر محمد بجريدة الميدان .
وكانت لبنى قد رفضت تسوية تقدم بها الدكتور محي الدين تيتاوى رئيس اتحاد الصحفيين السودانيين لشطب البلاغ مقابل تعهدها بعدم تكرار ارتداء ملابس مماثلة ، كما رفضت عفوا رئاسيا يعفى عنها ضمن ثلاث فتيات كانت محكمة النظام العام بالسجانة قد أرجعت أوراقهن لمزيد من التحريات .
وأعربت الشبكة العربية لمعلومات حقوق الإنسان عن تجديد مساندتها التامة للصحفية السودانية وكافة النساء السودانيات اللاتي يتعرضن للاضطهاد والعنف بحماية قانونية ، مطالبة بتعديل المادة 152 من قانون العقوبات التي من شأنها تكريس العقوبة على فتيات أخريات، معتبرة أن هذه المادة تخالف الدستور وتتجاوز الحريات
يذكر أن لبنى قد أحيلت إلى المحاكمة بتهمة ارتداء ملابس "تخدش الحياء والذوق" حيث رأت الشرطة القائمة على تنفيذ قانون النظام العام في ملابس (لبنى) خطراٌ على المجتمع وقيمه السمحة !! والعقوبة لهذه الجريمة هي الجلد 40 جلدة وبشكل علني وذلك وفقاً لنص المادة (152) من القانون الجنائي السوداني لسنة 1991 بتهمة "ارتداء ملابس مُضايقة للشعور العام"، وهو ما اعتبر انتقاما من شخص الصحفية لكتاباتها المعارضة للنظام السوداني وللمتشددين الإسلاميين بالسودان.
الشبكة العربية لمعلومات حقوق الإنسان
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Kostawi)
|
كوستاوى كيفك
صاحبة الشريط وغض النظر عن راينا فيما تقدمه من فن الا انها امراة سودانية لها الحق في اختيار ملابسها دون تدخل من احد ومسالة الزى مسالة شخصية دون ادني تمييز بين امراة واخرى ولو قصرنا ما يحدث الان من اصطفاف في مسالة معيار الزى وتضييق السلطة التقديرية لتحديد الفاضح وغير الفاضح بنكون افرغناالاصطفاف من معناه ورضينا منه بما لايخدم قضية الحريات ومقاومة كافة اشكال العنف التي تمارس ضد نساء بلادى هو واجب الساعة
| |
|
|
|
|
|
|
|
|
 Re: هذا ما حدث في محكمة لبنى .. شاهد عيان (Re: جهر)
|
حمور
والله بغتك
ده كله حصل ليك؟؟
والله حسدتك عديل انك في السودان
ياخ انا المغامرات دي بموت فيها
مرة طلعت بطاقة شرطة مزورة
حاكموني ب 146 انتحال شخصية
لكن ابوي ما بخليني طبعا (الوكت داك لمن كنت سغير)
وطلعت في 5 دقائق
ياخ والله حبيت السودان شديد بالعنكبات الحكيتها دي
البلد دي نايمة ساي وما فيها آكشن
انعل ابو كده زاطو
كنت متنمي اكون جوه المحكمة
واشوف العساكر بعملوا شنو
تعرف العساكر في السودان اصلهم حقارين
وحتي لو تغيرت الحكومة هم ما حا يتغيروا
دي كلمة واسمعها مني
لكن خليني اضيف ليك حاجة اخيرة
العساكر في السودان ما اسوا عساكر في العالم
امشي مصر القريبة دي وشوف بعينك
ولا اقول ليك
تعال لندن لمن يكونوا مدورين قوانين الارهاب
والله تشتاق لعساكر السودان شوق
هههههههههههههههههههههههههههه
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: ASHRAF MUSTAFA)
|
Quote: حمور
والله بغتك
ده كله حصل ليك؟؟
والله حسدتك عديل انك في السودان
ياخ انا المغامرات دي بموت فيها
مرة طلعت بطاقة شرطة مزورة
حاكموني ب 146 انتحال شخصية
لكن ابوي ما بخليني طبعا (الوكت داك لمن كنت سغير)
وطلعت في 5 دقائق
ياخ والله حبيت السودان شديد بالعنكبات الحكيتها دي
البلد دي نايمة ساي وما فيها آكشن
انعل ابو كده زاطو
كنت متنمي اكون جوه المحكمة
واشوف العساكر بعملوا شنو
تعرف العساكر في السودان اصلهم حقارين
وحتي لو تغيرت الحكومة هم ما حا يتغيروا
دي كلمة واسمعها مني
لكن خليني اضيف ليك حاجة اخيرة
العساكر في السودان ما اسوا عساكر في العالم
امشي مصر القريبة دي وشوف بعينك
ولا اقول ليك
تعال لندن لمن يكونوا مدورين قوانين الارهاب
والله تشتاق لعساكر السودان شوق
هههههههههههههههههههههههههههه |
???
متأكد انو دي مداخلتك هنا يا اشرف يا اخوي؟
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
ما قتلني الف مرة كانت فكرة ان هذا العسكري ليس نافع علي نافع و لا هو صلاح قوش ..
هو مجرد مواطن غلبان اخر ..
مظلوم من المظاليم ..
كما قالت لي ناهد جبر الله "المساكين ديل ما عارفين انو نحن بنعارض قوانين ضدهم هم ".
الضحية عندما يصبح جلادا.
عسكري ماهيته لا تكفيه ..
لابد انه استاء من زيادة اسعار السكر في الايام الماضية ..
و من الوارد ان سقف منزله قد سرب كثير من ماء الامطار يوم امس ..
و اكيد ان ولده لا يدرس في مدرسة خاصة بالملايين و مستقبله مهدد ..
و تأمينه الصحي لا يغطي نفقات علاجه ..
و كهرباء بيته تقطع كل يوم و الاخر ..
و فاتورة النفايات و المياه تطوقانه ..
لكنه رغم كل ذلك كان في الجانب الاخر ليمزق قميص عبد القادر لا لشئ لا انه جاء ليتضامن مع لبنى ..
التي كان من الممكن ان تكون ابنته.
يا للوجع في رؤية الضحية المتشحطة في دمها و هو تمارس دور الجلاد المتكامل القسوة.
| |
|
|
|
|
|
|
|
|
 Re: هذا ما حدث في محكمة لبنى .. شاهد عيان (Re: ASHRAF MUSTAFA)
|
Quote: حمور
والله بغتك
ده كله حصل ليك؟؟
والله حسدتك عديل انك في السودان
ياخ انا المغامرات دي بموت فيها
مرة طلعت بطاقة شرطة مزورة
حاكموني ب 146 انتحال شخصية
لكن ابوي ما بخليني طبعا (الوكت داك لمن كنت سغير)
وطلعت في 5 دقائق
ياخ والله حبيت السودان شديد بالعنكبات الحكيتها دي
البلد دي نايمة ساي وما فيها آكشن
انعل ابو كده زاطو
كنت متنمي اكون جوه المحكمة
واشوف العساكر بعملوا شنو
تعرف العساكر في السودان اصلهم حقارين
وحتي لو تغيرت الحكومة هم ما حا يتغيروا
دي كلمة واسمعها مني
لكن خليني اضيف ليك حاجة اخيرة
العساكر في السودان ما اسوا عساكر في العالم
امشي مصر القريبة دي وشوف بعينك
ولا اقول ليك
تعال لندن لمن يكونوا مدورين قوانين الارهاب
والله تشتاق لعساكر السودان شوق
هههههههههههههههههههههههههههه |
اشرف انت بصحك !!!
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: سيف اليزل برعي البدوي)
|
هكذا يكون عندما يكتب المحترفون
شكرا يا استاذ حمور .. فقد أرحتنا
وأن يقي في النفس شيء من حتى!
لذلك اقترح أن يتم نشر كل الإفادات في بوستك هذا
حتى نرتاح ويرتاح غيري من المساسقه بين البوستات
وراء التفاصيل! .. أتمنى
أما الذي هو "من حتى" فهو سرد كامل
لكل ما قيل داخل المحكمة (قال كده وقالت كده ... إلى آخره )
عبارة واحدة التقطها من سردك السينمائي جاءت على لسان القاضي
ان الحصانة تمنع التحقيق مع لبنى
هذه العبارة إذا استطعت قراءة فكرة القاضي
تعني حسب فقه القانون أن القاضي قد شطب الدعوى وردها بالطعن في خطأ الإجراءات
أي أن التحقيق مع لبنى في الأساس قام على مخالفة الإجراءات
فهو باطل، وببطلانه يرد القاضي الدعوى أو يطلب إعادة التحقيق من جديد
بعد زوال السبب المانع للتحقيق وهو حصانة لبنى.
لكن التحقيق لا يمكن إعادته في مثل هذه القضايا نسية لاستحالة ذلك
من الوجهة العملية
لكن لا أدري لماذا لم يعلن القاضي ذلك وأنهى الأمر
لك التحية ومبروك للجريدة انضمامك لها .. لكن لا أدري كيف يمكنني
مطالعتها
سالم أحمد سالم
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
Quote: لذلك على المحامين مطالبة القاضي بتقديم مذكرة
تفسيرية يطلب فيها مراجعة القانون نفسه .. فهذا من حق القاضي
ومن حقه أن يقترح على الجهات المشرّعة، إن وجدت، حذف أو تعديل
مادة القانون طالما ثبت له عدم توافقها (عند التطبيق) مع المعايير
الاجتماعية. (يمكن الرجوع للمجلة القضائية السودانية حيث توجد الكثير من
مذكرات القضاة التي عدلت بموجبها الكثير من المواد)
فالقضية ليست مسألة إدانة أو تبرئة، بل هي قضية ضد القانون نفسه
وأعتقد أن لبنى أدركت ذلك ووقفت لتحاكم القانون ,,
وفي حال لم يأخذ القاضي بطلب الدفاع الخاص برفع مذكرة تفسيرية
بشأن تعديل وحذف المادة أو المواد، فإني اقترح رفع طلب
إلى قاضي المحكمة العليا أو إلى المحكمة الدستورية الآن وقبل أن
يبرد الموضوع وقبل موعد الجلسة القادمة. فذلك قد يجبر القاضي
على تأجيل البت في الدعوى إلى حين صدور قرار الطعن في القانون ..
ففي حال صدور الحكم قبل طرح مسألة تعديل القانون نكون قد خسرنا القضية!
فالمعركة مع القانون وليست من أجل تبرئة لبنى .. فهي شرفنا الباذخ
البريء عما يفترون
|
شكراً استاذ سالم على ما ذكرت أعلاه
ـــــــــ
حمور إزيك سردك ممتع جداً وتفصيلي
لكن الناس الما حضرت الجلسة ي خلاص روحها حرقتها
عشان كدا أكتب ليهم باقي التفاصيل ياخ
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: حمور زيادة)
|
..........تحجج القاضي بالحصانة هي بحث عن مخرج قانوني ....التلويح بعفو
رئاسي هو محاولة أخري للمخارجة وقبلها محاولة للتكسب السياسي
وساطة تيتاوي محاولة للتخارج ولكنها خبيثة لأنها تثبت التهمة وتؤيد القانون
المعني والطريقة المهينة في إنفاذه....
..القضية أخذت بعدا عالميا وإهتماما كبيرا من الرأي العام والمنظمات
المختصة مما وضع الطقمة في مأزق ....
لا حل سوي الغاءالقوانين المقيدة للحريات ووقف التغول علي خصوصيات الناس
وإبتزازهم وإذلالهم عبر القانون
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: سالم أحمد سالم)
|
يا بوليس امك مسكينة
شكرا حمور كاننا قد حضرنا معكم هذه المجابدة والملايقه
لكن استغرب من بعض الزملاء في المنبر بيخففوا دمهم في كل المواضيع
والله يا جماعة قصة انك تطرح نفسك ظريف طوالي دي بتفقع المراره
التحية للبنى وهي تدخل النظام العام وحكومتـــــه مدرسة
والتحية لنساء بلادي ...........
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: معتصم ود الجمام)
|
Quote: ???
متأكد انو دي مداخلتك هنا يا اشرف يا اخوي؟ |
انا فقط اعلق علي الموقف الطريف الذي مر بحمور
وليس ما حدث في المحكمة
ذكرني بمغامراتي مع البوليس في السودان
وهو كمان حكاه بطريقة اشبه بطريقة د. نبيل فاروق
ولا انا غلطان يا حمور؟؟؟
لكن حقيقة انا متاكد انو البوليس المصري اكتر حقارة من السوداني
بالرغم من ان البوليس السوداني كاد ان يقتلني من قبل
لكن شفت مشاهد اسوأ في مصر بالنسبة للمصريين
وكيف انهم بخافوا من البوليس
اما بالنسبة لبريطانيا
فقوانين الارهاب ادتهم حرية يدخلوا نص الليل ويكسروا البيوت
وممكن يقتلوا شخص بدون اي سبب
ود طبعا معروف عندنا
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: ود الخليفه)
|
Quote: الاخ اشرف
انت قصدك 93
لانو 146 دي ما كويسه في حقك |
ود الخليفة ازيك
اذا المواد غيروها ما بعرف
لكن زمان سنة 90 و 91 كانت المادة 146 هي لانتحال شخصية
وممكن تتاكد من كده من جنابو عمر
Quote: السيد اشرف
بما انك بتحب المغامرات وبروسلي والحاجات دي
ممكن تورينا البطل منو والخاين وكده
وانت بتشجع القاضي ولا القانون ولا المتفرجين زين
الموضوع جادي ولكن حب المغامره خلاك تتصور
انو حمور بقي نبيل فاروق؟ |
انا والله مندهش وما عارف الحاصل شنو
انا فعلا بحب المغامرة لكن ما قايل الواحد ما عندو اخلاق يتحمل اي كلام
ياخ حمور ده عادة باله طويل
لو زول سب دين او سب العقيدة بتكلم معاه بالحجة وبكل احترام
بوريه غلطه ويقعد يتفاصل معاه
يعني بطنه غريقة
وانا لو كنت شاكلته اتوقع انه يكون عنده حجة يخجلني من نفسي
خليه اكون انا بهزر معاه
بالنسبة للتشجيع ده سؤال غريب شوية
ما قادر افهمه
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: سالم أحمد سالم)
|
Quote: عزيزي الأستاذ حمور
نعمل قدر الممكن أن نساهم معكم في المعركة عن بعد !
لذلك، وأنت الأقرب، أرجو أن تلفت انتباه محامي لبنى
إلى عدم حصر نفسه في المرافعة من أجل تبرئة لبنى فهي بريئة
حتى بقوانينهم الخرقاء هذه ..
لذلك على المحامين مطالبة القاضي بتقديم مذكرة
تفسيرية يطلب فيها مراجعة القانون نفسه .. فهذا من حق القاضي
ومن حقه أن يقترح على الجهات المشرّعة، إن وجدت، حذف أو تعديل
مادة القانون طالما ثبت له عدم توافقها (عند التطبيق) مع المعايير
الاجتماعية. (يمكن الرجوع للمجلة القضائية السودانية حيث توجد الكثير من
مذكرات القضاة التي عدلت بموجبها الكثير من المواد)
فالقضية ليست مسألة إدانة أو تبرئة، بل هي قضية ضد القانون نفسه
وأعتقد أن لبنى أدركت ذلك ووقفت لتحاكم القانون ,,
وفي حال لم يأخذ القاضي بطلب الدفاع الخاص برفع مذكرة تفسيرية
بشأن تعديل وحذف المادة أو المواد، فإني اقترح رفع طلب
إلى قاضي المحكمة العليا أو إلى المحكمة الدستورية الآن وقبل أن
يبرد الموضوع وقبل موعد الجلسة القادمة. فذلك قد يجبر القاضي
على تأجيل البت في الدعوى إلى حين صدور قرار الطعن في القانون ..
ففي حال صدور الحكم قبل طرح مسألة تعديل القانون نكون قد خسرنا القضية!
فالمعركة مع القانون وليست من أجل تبرئة لبنى .. فهي شرفنا الباذخ
البريء عما يفترون
تحياتي
سالم أحمد سالم |
لو فى قانون ضد لباس المراة للبنطلون ده يكون ما قانون الزمن ده, البنطلون فى حالات كتيره احسن من التوب السودانى بمائة مره
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Yasir Aloob)
|
Quote: حمور
والله بغتك
ده كله حصل ليك؟؟
والله حسدتك عديل انك في السودان
ياخ انا المغامرات دي بموت فيها
مرة طلعت بطاقة شرطة مزورة
حاكموني ب 146 انتحال شخصية
لكن ابوي ما بخليني طبعا (الوكت داك لمن كنت سغير)
وطلعت في 5 دقائق
ياخ والله حبيت السودان شديد بالعنكبات الحكيتها دي
البلد دي نايمة ساي وما فيها آكشن
انعل ابو كده زاطو
كنت متنمي اكون جوه المحكمة
واشوف العساكر بعملوا شنو
تعرف العساكر في السودان اصلهم حقارين
وحتي لو تغيرت الحكومة هم ما حا يتغيروا
دي كلمة واسمعها مني
لكن خليني اضيف ليك حاجة اخيرة
العساكر في السودان ما اسوا عساكر في العالم
امشي مصر القريبة دي وشوف بعينك
ولا اقول ليك
تعال لندن لمن يكونوا مدورين قوانين الارهاب
والله تشتاق لعساكر السودان شوق
هههههههههههههههههههههههههههه |
بعدين يا حمور كلامي ده انا بشاغل فيك
وموجه ليك انت كدعابة
انت مالك؟؟
جاي زعلان ولا شنو عامل بتتسائل في كلامي!!
لو كلامي بقي ما بتهضم ليك قولي كده
عشان ما اتداخل معاك تاني
ويا دار ما دخلك شر
عالم عجيبة والله
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Hussein Mallasi)
|
Quote: لذلك على المحامين مطالبة القاضي بتقديم مذكرة
تفسيرية يطلب فيها مراجعة القانون نفسه .. فهذا من حق القاضي
ومن حقه أن يقترح على الجهات المشرّعة، إن وجدت، حذف أو تعديل
مادة القانون طالما ثبت له عدم توافقها (عند التطبيق) مع المعايير الاجتماعية. (يمكن الرجوع للمجلة القضائية السودانية حيث توجد الكثير من مذكرات القضاة التي عدلت بموجبها الكثير من المواد)
فالقضية ليست مسألة إدانة أو تبرئة، بل هي قضية ضد القانون نفسه وأعتقد أن لبنى أدركت ذلك و وقفت لتحاكم القانون ,,
وفي حال لم يأخذ القاضي بطلب الدفاع الخاص برفع مذكرة تفسيرية بشأن تعديل وحذف المادة أو المواد، فإني اقترح رفع طلب إلى قاضي المحكمة العليا أو إلى المحكمة الدستورية الآن وقبل أن يبرد الموضوع وقبل موعد الجلسة القادمة. فذلك قد يجبر القاضي على تأجيل البت في الدعوى إلى حين صدور قرار الطعن في القانون ..
ففي حال صدور الحكم قبل طرح مسألة تعديل القانون نكون قد خسرنا القضية!
فالمعركة مع القانون وليست من أجل تبرئة لبنى .. فهي شرفنا الباذخ البريء عما يفترون
|
دا الشغل. شكرأً أستاذ سالم. شكراً أستاذ حمور.
| |
|
|
|
|
|
|
|
|
 Re: هذا ما حدث في محكمة لبنى .. شاهد عيان (Re: هاشم الحسن)
|
حمور ،،،
يا صديق الاوقات العصيبة ...
تحياتي ومحبتي
أسمح لي بأن أشاركك بهذا الرابط ريثما أعود ،،،،
الشبكة العربية لمعلومات حقوق الإنسان
Quote: عاجل - السودان
ملاحقة الصحفيات السودانيات
28/7/2009
يتابع البرنامج العربي لنشطاء حقوق الانسان بقلق بالغ قضية الصحفية السودانية و الناشطة الحقوقية لبني احمد حسين والتي احالتها السطات السودانية منذ نحو اسبوعين للمحاكمة تحت المادة 52 من القانون الجنائي لسنة 1991 بتهمة "ارتداء ملابس خادشة للحياء والذوق العام" وفي حالة ادانتها سوف تجلد 40 جلدة بحسب القانون المعروف بقانون النظام العام .
يذكر ان الصحفية السودانية لبني تكتب في جريدة الصحافة السودانية ولديها عمود ثابت (كلام رجال) , وهي من الاقلام الشابة والشجاعة في الصحافة السودانية .
وكذلك يتابع البرنامج العربي بقلق بالغ قضية الصحفية أمل هباني وهي كاتبة عمود (اشياء صغيرة ) في صحيفة اجراس الحرية السودانية والتي دونت شرطة النظام العام بلاغا ضدها , علي خلفية تناول الأستاذة أمل لقضية الصحفية لبني احمد حسين في عمودها ليوم الأحد 12/7 2009م،
والبلاغ تحت المادة 159 من القانون الجنائي المتمثل في اشانة السمعة . وقد طالبت شرطة النظام العام الصحفية بالتعويض بمبلغ 10 مليون جنيه سوداني اشانة سمعة .
ان البرنامج العربي يدين مثل هذه الاعمال و ملاحقة السلطات السودانية للصحفيات تحت القوانين المقيدة للحريات كقانون النظام العام والذي يجيز للشرطة القبض علي النساء اذا رأت ان مظهرهم غير مقبول , مما يمثل انتهاكا للحريات الشخصية والتي هي حق اساسي من حقوق الانسان , وخصوصا المادة (12) من الاعلان العالمي لحقوق الانسان والتي تنص علي انه لا يجوز تعريض أحد لتدخل تعسفي في حياته الخاصة أو في شؤون أسرته أو مسكنه أو مراسلاته، ولا لحملات تمس شرفه وسمعته. ولكل شخص الحق في أن يحميه القانون من مثل ذلك التدخل أو تلك الحملات.
البرنامج العربي لنشطاء حقوق الانسان يطالب السلطات السودانية بالكف عن ملاحقة الصحفيات كأمثال الصحفية لبني احمد حسين وكذلك الصحفية أمل هباني , وعدم ملاحقتهم قضائيا بتهم واهية
For more information please contact:
البرنامج العربي لنشطاء حقوق الإنسان
The Arab Program for Human Rights Activists
Osama El Sadik St., behind El Serag Moll, 8th district,
building No. 10, 7th floor, flat No 16 |
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: نبيل عبد الرحيم)
|
عفوا يا شباب لا اريد ان احرف البوست عن مساره
فقط ارد علي صلاح ليون
يا ليون انا فعلا ما عارف المشكلة وين هنا
لكن ما عايز اطول عشان اجرف البوست عن مساره
برغم كده شكرا للتنبيه
والاخ العزيز: نبيل عبد الرحيم اورد:
Quote: الأخ أشرف
سلامات
ممكن أتفق معك فى المقارنه بعساكر مصر
لكن غريبه مقارنتك عساكر السودان بشرطة
إنجلترا وكأنك تتكلم عن بلد أخرى ,
لأنه رغم سن قوانيين الإرهاب الجديده
فأمازالت الشرطه تحترم أدمية البشر والحيوان معا.
وبالمنطق لا يمكن المقارنه بين الشرطه
فى بلدان أحدهم ديمقراطى يعطى الحق
لأى مواطن أن يشكو حتى وزير الدخليه
وبين بلد ديكتاتورى يحكمه ديكتاتور قابع
على الحكم أكثر من 20 عاما يحاكم مواطنه
لأنها ترتدى بنطلون ولا تعطى الحق لأى مواطن
أن يشكوى أى عسكرى عادى .
والتحية لزياد على التغضيه المميزه
لك المودة |
ازيك يا نبيل
اشكرك جدا علي تعليقك
ما عايز اطول في الرد
لكن انا لم اذكر ان البوليس في بريطانيا دائما ما يكون هكذا
انا قلت لمن يدوروا قوانين الارهاب بمعني ان تثيرها الصحافة..الخ
او يحدث امر ما فجاة نصبح نحن رهن القوانين
بالنسبة لموضوع البنطلون فهو امر مدهش حقا
وواضح انه القاضي الاجل المحكمة عارف انو البوليس غلطان
لكن لا اعتقد ان السبب الحقيقي هو البنطلون
وواضح انها مستهدفة لاسباب اخري
المهم بالنسبة لقوانين بريطانيا انا اتمني القاك لمن تجي لندن
حتي استطيع اشرح ليك وجهات نظري وخبراتي
لان الشرح يطول في هذا البوست
يعني الموضوع شيق جدا وفيه اوجه نظر مختلفة
لانه لو متذكر حتي حقوق الانسان غيروها في لندن
شكرا يا حبوب علي النقاش
وانشاء الله نتناول هذا الامر في وقت اخر
لك خالص المودة
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Elbagir Osman)
|
| Quote: تكبر لبنى في عيني كل يوم و يصغر الساسة الكبار. |
أما ملاسي، فقد تمادى اليوم وأضاف صفحة جديدة لسجله غير المشرف.
وهو هنا ينحاز، انحيازاً واضحاً، ضد الحقوق الأساسية للبنى ولك الصحفيين،
بل كل السودانيين، حين يساوي بين مسعى حمور لتنوير الرأي العام في
هذه القضية الهامة وبين مجالس إزدراد اللحم في "قندهار،"
وكأن أمر لبنى لا يعنيه البتة.
كم أحسنا الظن فيك يا حسين، وبعض الظن إثم!
| |
|
|
|
|
|
|
|
|
|
Re: هذا ما حدث في محكمة لبنى .. شاهد عيان (Re: Haydar Badawi Sadig)
|
| Quote: و اعتدى احد رجال الشرطة على الزميلة ولاء صلاح محاولا انتزاع موبايلها الشخصي منها .. |
سلوك مخجل ومرفوض ومدان.
| Quote: رغم ذلك تمكن رجال الشرطة من اقتياد مراسل العربية و مراسل الحرة مهانين من قمصانهم يجرون جرا كما السوائم .. |
سلوك قبيح ومرفوض ومدان.
Quote: فهاجمه شرطي بدين قصير غاضب يصرخ " تعال هنا ده "..
اخذ الشرطي دفتر اوراق عبد القادر و مزق قميصه ..
و حين حاول عبد القادر استعادة اوراقه تصدى له عدد من رجال الشرطة و منعوه ..
|
سلوك وتصرف غير قانوني يوقع هذا الشرطي تحت طائلة القانون.
Quote: حينها برز عقيد (ذلك الذي هددوني به من قبل ) ليطيب الخواطر ..
هدأ العقيد المتجمهرين و احضر لعبد القادر دفتره و قال كلمتين طيبتين ..
|
ضابط تمام مالي قاشو.
Quote: في الداخل تم اقتياد عبد القادر الى حجرة الضابط المناوب ثم بعدها الى حجرة رئيس القسم.
الرائد كان لطيفا و حاسما.
القى محاضرة عن دور الشرطة و الصحافة و لام عبد القادر على انفعاله و قال له بالحرف " الزول ده لو غلط في حقك تقول ليو الله يسامحك"
ثم حمل على العساكر لأنهم ينفذون التعليمات لكنهم يكونون تحت ضغط و طلب من الصحفيين ان يتفهموا ذلك.
|
ضابط كارب.
Quote: على باب القسم التقينا بمراسل الحرة خارجا..
قال انهم اعتذروا له في القسم و اعادوا اليه اشياءه ..
|
هذا هو الوجه الحقيقي للشرطة
| |
|
|
|
|
|
|
|
| |
حمور زيادة
عابدون محمد عابدون
AnwarKing
محمد أبوالعزائم أبوالريش
فادية اليمني
محمد يوسف الزين
احمد محمد بشير
مزمل خيرى
HAIDER ALZAIN
abdalla osman
حامد بدوي بشير
Elbagir Osman
محمد الشيخ أرباب
Muna Khugali
humida
عمران حسن صالح
امال حسين
ismeil abbas
نوفل عبد الرحيم حسن
هاشم الحسن
mohmed khalail
علاء الدين محمد بابكر
حافظ حسن ابراهيم
مريم بنت الحسين
Kamal Karrar
سيف اليزل برعي البدوي
isam elzein
جهر
Kostawi
كمبورة
ASHRAF MUSTAFA
Magdi Ahmed Elsheikh
ايهاب
سالم أحمد سالم
انعام عبد الحفيظ
كمال عباس
معتصم ود الجمام
ود الخليفه
نصار
نبيل عبد الرحيم
Hussein Mallasi
عبد القادر محمد
Haydar Badawi Sadig
omer osman
فيس بوك
تويتر
انستقرام
يوتيوب
بنتيريست