الجابرى (عود)...الزهور بسمت لينا

Quote: حبابكـ أبو حميد وكل سنة وإنت طيب ياخ! من ديكـ وعييييييكـ

Quote: سنة حلوة يا جميل مشتاقين والزهور بسمت لينا

Quote: يا حبيب كل سنة وانت طيب ان شاء الله طيب في عضامك ديل

Quote: واظن العزف للجابري بنفسه فقد كان يجيد عزف العود ببراعة

Quote: سنة سعيدة الجابتك يا محمد عثمان ياخ معقول ... بس للاسف ما سمعت عشان البروكسي انت داخل من ويييييين ؟ مشتاقين شديد والله ايام يا زمان

Quote: سلامات عوافي الزهور بسمت لينا والغصون مالت فرحة تنثر الورد علينا ما اجمل هذه الاغنية واختيارك فعندما يجمتع ودالريح والجابري حتماً الجمال سيلازمهم واظن العزف للجابري بنفسه فقد كان يجيد عزف العود ببراعة وقد سمعت هذا التسجيل من قبل في احدي برامج ساعة بالعود التي تقدمها اذاعة البيت السوداني يوم الجمعة وكل عام وانتم بخير

Quote: حبيبنا محمد عثمان كل عام وانتم بخير وربنا يحقق الاماني والتحيات والسلام لك ولزوارك الكرام وينك طولت ؟ وطولنا من اختياراتك الجميلة

Quote: كل سنة وإنت طيب يامحمد عثمان

Quote: ده شُغُل نضيف .......... شكراً. هل في معلومة عن من هو عازف العود في التسجيل؟

Quote: الله عليك ياخى انت زول رائع كل عام وانت بخير وشكرا لهذا النغم الجميل

Quote: كل سنة وانت طيب ياود عثمان وحمدالله سلامة وعادت الدرر مجددا الى الموقع

Quote: الله يخليك اخي محمد عثمان احب الجابري حباً جما تالله ولدي تسجيلات مهولة وقد رفعت جزء منها بمكتبة الاغنية السودانية ومنها عدة اغنيات اجتمع فيها الجابري والعميري واظن هذه احدي المكملات لجلستهم سويا لانك ان تمعنت بهذا التسجيل سوف تتبين ان العميري من الذين يرددون خلف الجابري !! مع ودي واحترامي

Quote: اسف لزحمك هكذا ولكن انه الجابري يفعل ما يفعل بي من تطريب :) ان كان لديك غير : حبيبي بستلطفها - فلق الصباح - رسائل ارجو منك ان تملكني اياها او ان تنشرها هنا وبالمقابل سوف امدك بتسجيلات للجابري وكلي ثقة بعدم سماعك اياها .. مع ودي واحترامي

Quote: ان كان لديك غير : حبيبي بستلطفها - فلق الصباح - رسائل ارجو منك ان تملكني اياها او ان تنشرها هنا

Quote: الحبيب الباشمهندس محمد عثمان كل عام وانت واحبابك بألف خير وعافية شكرا جزيلا على هذا الإبداع ..تسلم ويسلم ذوقك الرفيع. تحياتي ووافر احترامي

Quote: الزهور بسمت لينا لمن جيتنا يا جميل مشتاقين حكى احد الظرفاء ان الفنانين "احمد الجابرى وزيدان ابراهيم واحمد فرح ودكتور عوض دكام ...رحمة الله عليهم اجمعين وكان معهم يومها الفنان على ابراهيم اللحو " فى مناسبة ما قال وقد بدا الفنان على ابراهيم يغنى اغنية "اب عاجات اللحو " فقاطعه الراحل عوض دكام بقوله ـ يازيدانيااحمد الجابرى قولو عن الزهور وروه الزهور الزول دا فقاطعه احمد فرح بقوله ـ يادكتور دا غنا جميل غنا حماسة فرد عليه عوض دكام ـ ياخوى انت مع منو ؟بجيبوك ساعة الرجال فى الشغل والنسوان فى التكل فغنى الجابرى الزهور بسمت لينا واعقبه زيدان بوسط الزهور متصور اما عن احمد الجابرى فحكى العميرى رحمة الله عليهما ان احمد الجابرى كان يغنى ذات مرة فى جلسة خاصة وكان معهم صديق "شايقى " فكلما قال احمد الجابرى "البحبه جميل الانافر ، ردد الشايقى بلهجة لاتخطئها الاذن "اللى نافر " فالجابرى زهج قال للعميرى ـ ياخوى امسكو السنجك دا خلونا نغنى لاول مرة اشهد الجابرى عيانا بيانا كان ذلك ايام كنا نشتغل مع الصديق على نور الدين فى برنامج اذاعى اسم البرنامج "شارع الفن " كان يستضيف فنانا مطربا وكنت اقرا قصة قصيرة وعميرى يغنى او يقرا شعرا احيانا كان الضيف يومها الفنان احمد الجابرى ، وحين قال له المهندس "عاوزين نعمل اختبار للصوت ، خرج صوتا فريدا لاول مرة اسمعه فرد المهندس برفع ابهامه علامة الصح فاذا بالجابرى يقول "الحالة دى بالسفة " وضحكنا يومها باهمال ربما لم يكتب احد عن الجابرى وخفة ظله بعد حكى لى صديقى جمال حسن سعيد انه مرة قال للجابرى "انت يا استاذ غنيت غنى جميل لكن ما سمعناك بتغنى لاكتوبر ولا مايو ...ولا اغنية ثورية فرد بقوله ـ ياخوى الغنا البقوم النفس دا ما بقدر عليهو ....عنده ناسو رحمة الله على الفنان احمد الجابرى وشكرا لك يا جميل

Quote: محمد عثمان سلاااام محمد المنبر نور وين الغيبه دي كلها ؟ كل سنه وانت بالف خير وزارع الفرح في المنبر

Quote: العقد بقى سلسل ياخ :( انتظر منك تلفون لاني فقدتك كل التلفونات بضياع موبايلي داك [/QUO محمد عثمان كل سنة وانت طيب عوداً حميد مستطاب الزولة دي أسألها تلفونها وقع منها وين ؟؟؟ اشك انه وقع في النيل كما أدعت ارجح ان يكون في حلة ملاح او لبن الجابر ابدع عليه رحمة الله وترك بصمة واضحة لا تضل منها أذن له طريقه الذي خطه بكل تأني ودراسة لما أطرب به نفسه اولاً فكان في غاية الروعة سماعاً للمستمعين الأستاذ الجابري من المطربين اللذين يسمع لهم كل اهل السودان نقول فناني المفضل وردي مثلا لكن نسمع الجابري .. نسمع محمد ميرغني .. هاشم ميرغني .. صلاح مصطفى العقد طويل من المطربين اللذين يسمع لهم المستمعين كافة اول من مزج بين السلم الخماسي السباعي في المزيكة السودانية فأطرب ولم يكن نشوذا ( لانو اذننا حيناً لا تطيق السلم السباعي ) فقد كسر الجابري هذه العنصرية السمعية فينا اخي محمد لك كل المودة والاحترام