|
|
|
 Re: لو .... لو ... لو ... (تبقي أكيد انت في السودان)! (Re: عاطف مكاوى)
|
* لو بحثت عن خط (عبور مشاة) أو (أمامك مدرسة) أو(منحنى) فى كل (العاصمة) ولم تجده
...تبقى أكيد فى السودان
* لو إنت فى بلد فيهو سنه سابعة وسنة تامنه ابتدائى … تبقى أنت أكيد فى السودان
*لو طالعت إعلانات لشركات (مسؤول) كبير وهو لا يزال (فى الخدمة)
… تبقى أنت أكيد فى السودان
* لو (لبد) ليك شرطى (مرور) فى نهاية شارع (إتجاه واحد) وخلاك لمن دخلت وجاك بى (دفتر إيصالاتو)
… تبقى أنت أكيد في السودان
... ونواصل
| |
 
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
* لو لقيت فى بلد ما فيهو (معينات البحث العلمى) وكل يوم الجامعات تناقش(خمسين) رسالة دكتوراة
و(ميتين) رسالة (ماجستير) ... تبقى أنت أكيد فى السودان
* لو أنت في بلد وزارة الصحة فيهو قالت (الدواء) ده (فاسد) أحظروهو .. وبعد شويه قالت (ما فاسد)
خلوهو .. وبعد شويتين قالت (فاسد) أمنعوهو …. تبقى أنت أكيد في السودان
* لو لقيت فى بلد (الصحف) بتتقفل بى (مادة) فى القانون (معموله للمطاعم) …تبقى أنت أكيد فى السودان
* لما تلاقى الترزي كاتب على باب المحل بتاعو آية بتقول ( وفصلنا كل شئ تفصيلا) صدق الله العظيم
… تبقى أنت أكيد في السودان
* لما تخلص موضوع فى مكان ما، وتجى تركب عربيتك وتلاقى (المساحات) مرفوعه عشان تعرف على طول انو
فى واحد مسحها ليك وح ياخد منك واحد جنيه … تبقى أنت أكيد فى السودان
ونواصل ...
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو قرأت الصحف فى 1987 أو فى 2000عن (إنتهاء قطوعات) الكهرباء ولقيت نفس الكلام فى صيف 2030
… تبقى أنت أكيد فى السودان
*****
لو زوجة الوزير مليانة دهب بتتجدع بيه بالعلن في الشارع من غير حساب وأطفالها بيملطشوا اولاد الجيران
... تبقى أكيد إنت في السودان
*****
لو أهم (كبرى) فى عاصمة البلد صيانتو عاوزة ليها (سنتين) … تبقى أنت أكيد فى السودان
*****
لو بهدلوك في اي مكان واشتكيت للشرطة قالوا دا مش اختصاصنا امشي اشتكي في الثروة الحيوانية
... تبقى أكيد أنت في السودان
.... ونواصل
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو لقيت أنو وزارة الداخلية عندها مؤسسات (تعليمية) ووزارة التعليم عندها مؤسسات (صحية)
ووزارة الصحة عندها (شركات إنشائية ) … تبقى أنت أكيد فى السودان
*****
لو دخلت (الوزارة) وأنت مؤجر في (زقلونا) وطلعت وعندك عمارتين في (قاردن سيتى ) ..تبقى أنت أكيد في السودان
*****
لو اشتغلت في الخدمة المدنية 30 سنه وأدوك معاش شهرى يساوى 6 كيلو لحمة ...تبقى أنت أكيد فى السودان
*****
لو توقفت (الحركة) إثناء ساعات (الذروة) وإكتشفت أن السبب (كشه) .... تبقى أنت أكيد فى السودان
*****
لو عدمت (التعريفة) وكمان دخلت فى (ديون) للإيفاء بنفقات (فراش) قريبك الذى توفى إلى رحمة الله
... تبقى أنت أكيد فى السودان
..... ونواصل
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو وجدت أن (ترخيص عربتك) يساوى (ربع) قيمتها … تبقى أنت أكيد فى السودان
*****
لو تقدم إبنك (المهندس) لشغل وظيفة وكان (الإنترفيو) عن (صلاة الجنازة) ... تبقى أنت أكيد فى السودان
*****
لو (فجأة) إكتشف (المسئولون) أن (الخريف) على الأبواب) .... تبقى أنت أكيد فى السودان
*****
لو عندك (الكلية) اليمين متعطلة وعاوزين يشيلوها ليك قامو (إستأصلوا) الشمال السليمة
لأنو الدكتور كان ماسك الأشعة (بالمقلوب) ... تبقى أنت أكيد فى السودان
*****
لو مكث (مرتبك) معك (تلاته ساعات وإطناشر دقيقة) هى الفترة من لحظة إستلامه من الصراف إلى حين عودتك للمنزل
... تبقى أنت أكيد فى السودان
..... ونواصل
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو فاز فريقك الذى تشجعه على الفريق الخصم فى مباراة الذهاب 8/صفر وخسر فى مباراة الإياب 12/صفر
… تبقى أنت أكيد فى السودان
*****
لو لقيت لوري التراب وكومر البلدية من سنة 50 شغال بالاضافة للركشة في نفس الشارع ... تبقى اكيد انت فى السودان
*****
لو وجدت أن رؤساء (الأحزاب) هم (رؤساء) مدى الحياة ... تبقى أنت أكيد فى السودان
*****
لو وجدت أن نسبة الفقر تزداد بإزدياد (معدل النمو تبع الحكومة) …. تبقى أنت أكيد فى السودان
*****
لو ضربتك عربية حكومة و مشيت القسم و طلعتا انت الغلطان... تبقى اكيد انت في السودان
*****
لو خشيت مؤسسة حكومية ولقيت الموظفين مافي اثناء الدوام.. تبقى اكيد انت في السودان
... ونواصل
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو طلعت مستحمي و متريح وماشي عرس و دخلت العرس زي الكأنك كنت بتلعب كورة... تبقى انت اكيد و اكيد في السودان
*****
لو ماشي مشوار 20 كيلو متر و وصلت في 4 ساعات... تبقى انت اكيد في السودان
*****
لو لقيت مطعم وقدامو دورات مياه... تبقى اكيد انت في السودان
*****
لو مشيت الحوادث و قالو ليك لو (عندك رصيد اضرب للدكتور لانو نايم)... تبقى انت اكيد في السودان
*****
لو شغال في السوق و قالو ليك ادفع ضريبة ميزان ... تبقى اكيد انت في السودان
*****
لو لقيت (اجنبي عواطلى) وعندو صلاحية اكتر منك و الناس كلها تحترمو... تبقى انت اكيد في السودان
*****
لو اعلنو عن 3000 وظيفة و مشيت تقدم في اليوم الاول و قالو ليك (تعال بكرة لانو لجنة المعاينة ما اكتملت)
و جيت تاني يوم و لقيت التقديم قفل... تبقى انت اكيد في السودان
*****
لو لقيت حي ساكن فيهو (مسؤول كبير) و الكهرباء فيهو ما بتقطع نهائى... تبقى اكيد انت في السودان
*****
لو محتاج حاجة و لقيت اقرب حتة تجيبا منها على بعد 3 كيلو متر... تبقى اكيد انت في السودان
*****
لوقريت الكلام دا وما علقتا ولا جنيت وكنت بارد شديد ومستسلم.... تبقى أكيد أنت من السودان
*****
ولو ما مرت بيك اي حاجة من الفوق دي... تبقى اكيد انت ما من السودان
انتهي الايميل (الأول).
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو شفت بنت بجلدوا فيها فى المحكمة والقاضى بتفرج والعساكر بضحكوا والمارة بتفرجوا
وتقوم الداخلية تنفعل وتعمل لجنة تحقيق ما عشان الجلد لكن عشان تعرف الصور الفيديو منو
ولو قاموا اخواتها احتجوا ومشوا يسلموا مذكرة فى مسيرة (سلمية) قام نفس البوليس ضربهم والمارة برضو واقفين يتفرجوا ورماهم فى الحراسة وبكرة ح يحاكمهم( احتمال نفس القاضى )
تبقى انت اكيد فى (واق الواق )
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: سمير شيخ ادريس)
|
اذن اضافة الأستاذ سمير شيخ ادريس هي :
- لو شفت بنت بجلدوا فيها فى المحكمة والقاضى بتفرج والعساكر بضحكوا والمارة بتفرجوا وتقوم الداخلية
تنفعل وتعمل لجنة تحقيق ما عشان الجلد لكن عشان تعرف الصور الفيديو منو... يبقي أكيد انت في السودان
****
- ولو قاموا اخواتها احتجوا ومشوا يسلموا مذكرة فى مسيرة (سلمية) قام نفس البوليس ضربهم والمارة برضو
واقفين يتفرجوا ورماهم فى الحراسة وبكرة ح يحاكمهم( احتمال نفس القاضى ) تبقى انت اكيد فى (واق الواق )
-----
* شكرا سمير
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
عاوز تموت بشنو؟
لو عاوز تموت من الحسره؟
- ياتتفرج على اعضاء المجلس الوطني وهم يمارسون (فضيلة الصمت) تجاه مشاكل المواطنين
- يا تتفرج عليهم وهم يمارسون (حق) الكلام عن (زيادة مخصصاتهم)
لو عاوز تموت مفرووووس ؟
- يا تقرأ لـ(عبدالرحمن الزومة) الذى يكتب عمودا يوميا (بين قوسين) يعدد فيه حسنات وإنجازات (النظام)
- يا تبحث عن (مردود) ما يسمى بعائدات النفط .
لو عاوز تموت شهيد ؟
- يا تسافر عن طريق أحد شوارع (الموت) التى لا تصلح حتى كشوارع (داخلية)
- يا تخرج فى مظاهرة (سلمية)
لو عاوز تموت بالسرطان ؟
- يا تتناول الخبز المحسن (بالبرومايد) الذى يباع (عينى عينك) أمام نظر السلطات
- يا تتناول (المواد الغذائية) منتهية الصلاحية المفروشه (عينى عينك برضو) على الأرض فى الأسواق .
لو عاوز تموت من الغيظ ؟
[dreen] - يا تسمع تبريرات (الحكومة) حول قوات (الهجين)
- يا تسمع تبريرات (الداخلية) حول إطلاق النار على المواطنين فى (كجبار).
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو عاوز تموت من الجوع؟
- ياتنتظر (الدوله) توفر ليك (شغل) تسد به رمقك
- يا تحرى ليك (قريشات) من (بيت مال المسلمين)
لو عاوز تموت من الهبل ؟
- يا تستمع لما تبثه (الإذاعه والتلفزيون) من إعلانات (ساذجه)
- يا تستمع لإحدى مذيعات النيل الازرق في برنامج مشوار المساء
لو عاوز تموت مرعووووب ؟
- يا تقرأ عن عدد ونوع الأسلحة والعتاد الذى تمتلكه (المليشيات) داخل العاصمة
والتى تجاوز عددها 47 حسب شهاده مسئول كبير
- يا تضع عينة من مياه الشرب تحت مكبر (مايكروسكوب) وتنظر لما تحتويه من (كائنات) غريبة الشكل !!
لو عاوز تموت من الضحك؟
- ياتقوم تتذكر إنو نحنا (دوله بتروليه)
- يا تقوم تتذكر أيام قبل ما يتم (إنقاذنا)
لو عاوز تموت مليونير؟
- يا تكون مسئول وعندك (بيزنس)
- يا تكون عندك (بيزنيس) وأخوك (مسئول)
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو عاوز تموت من الإندهاش ؟
- يا تسأل روحك (مرتبك ده مكفيك إنت والأولاد كيف؟)
- يا تسأل روحك (المسئول ده عمل العمارات دى) من مرتبو كيف؟
لو عاوز تموت من الحزن ؟
- يا تعود إلى البلاد من أى سفرية (خارجية) وتقارن بيننا وبين الناس البره
- يا تقيف أمام إحدى المستشفيات (الحكومية) وتشاهد المواطنين الذين يتسولون قيمة الدواء
لو عاوز تموت على الحديده ؟
- يا تعمل ليك مشروع تجارى و(يجوك ناس الجبايات التركية)
- يا تدخل ليك مرابحة مع (بنك إسلامى)
لو عاوز تموت قبل يومك ؟
- يا تقوم بإجراء عملية جراحية (دقيقه) فى أحدى (المستوصفات الخاصة)
- يا تقوم بإجراء عملية جراحية (غير دقيقه) بأحدى المستشفيات (الحكومية).
لو عاوز تموت من الإستغراب؟
- يا تشوف مواطن عاوز يعمل ليهو عملية تتوقف عليها حياتو (بشهاده الأطباء) وديوان (الزكاه) يديهو (ملاليم)
- يا تشوف عدد حالات (إلى ذوى القلوب الرحيمة) التى تنشرها الصحف فى دولة (المشروع الحضارى)
لو عاوز تموت من الزهج ؟
- يا تنتظر الكهرباء المقطوعه (من الصباح) تجى راجعه
- يا تنتظر دورك الـ 96 فى عيادة الأخصائى الكبير !
لو عاوز تموت مخنوق؟
- يا تقيف فى صف العربات الطويل المتوقفه فى إنتظار العبور للخرطوم من (أم درمان) بكبرى النيل الأبيض (الما معروف يتصلح متين)
- يا تكون واقف فى (صف دفع الجمرة الخبيثه) يوم نهاية (الدعم)
لو عاوز تموت مزهووووووول؟
اسمع قاضي المحكمة العيا بتكلم عن لون قميص لبني في حيثيات قضية البنطلون
لو عاوز تموت مليونير؟
- يا تمارس (تنزيل)
- يا تكون قريب (وزير)
لو عاوز تموت وفى نفسك سؤال ما لاقى ليهو إجابه؟
- يا تسأل عن (خلوها مستورة دى لمتين ح تكون مستوره)
- يا تسأل روحك (طيب ليه ما يخلونا فى الصورة) ؟
لو عاوز تموت مبسوط في الواقع الحالي دا؟
(صدقنى) يا بتحلم
- يا …….. بتحلم
-------------------
انتهي
وكل عام وجميعكم بخير.
| |
|
|
|
|
|
|
|
|
|
Re: لو .... لو ... لو ... (تبقي أكيد انت في السودان)! (Re: عاطف مكاوى)
|
لو أصرت الحكومة على اجراء انتخابات ضد رغبة الشعب ورغم علمها بأنها مزورة ...
تبقى اكيد انت فى السودان
عندما تنهب املاكك وتهدر كرامتك فتذهب للقضاء فلا ينصفك ...
تبقى اكيد انت فى السودان
عندما تجد أن المعذبين والمظلومين كثر ولا يتوحدون للمطالبة بحقوقهم ...
تبقى اكيد انت فى السودان
عندما تجد المقاهى والنوادى ممتلئة بالشباب بينما تفتقر المكتبات للرواد ...
تبقى اكيد انت فى السودان
عندما تدرس الابتدائى ستة سنوات والوسطى ثلاثة سنوات والثانوى ثلاثة سنوات والجامعة اربعة سنوات وتقضى الخدمة الوطنية سنتان ثم تعمل سائق ركشة ...
تبقى اكيد انت فى السودان
عندما يكون هنالك ثلاثة ملايين عامل اجنى وستة ملايين مواطن عطالى ...
تبقى اكيد انت فى السودان
عندما تكون هنالك اكثر من عشرة صحف رياضية ( فى بلد ترتيبه فى الفيفا بعد المائة ) ولا توجد فيه مجلة علمية واحدة ...
تبقى اكيد انت فى السودان
عندما تقود(سيارتك الأمريكية) وتفتح اللابتوب الامريكى وتأكل (البيرجر) وتشرب)البيبسى) ثم تشاهدلافتات تحت نفس المطعم تطالب بمقاطعة المنتجات الأمريكية
تبقى اكيد انت فى السودان
عندما لا تحصل على الترقية في عملك إلا (بواسطة) ولا تجيب تقدير في الجامعة إلا (بواسطة) ولا تجد الوظيفة إلا (بواسطة) ولا تنتقل إلا (بواسطة) ولا تحصل على (حقوقك إلا بواسطة
تبقى اكيد انت فى السودان
عندما تصلي الجمعة وتكون الخطبة عن كيفية الوضوء الصحيح بوقت تكون فيه الدبابات الإسرائيلية تسحق عظام طفلة فلسطينية و المئات من العراقيين يندثرون تحت التراب نتيجة حفنة من اليهود
تبقى اكيد انت فى السودان
الاخ عاطف
ايضا مجهول المصدر مع بعض التصرف
تحياتى
| |
|
|
|
|
|
|
| |
عاطف مكاوى
سمير شيخ ادريس
معاوية عبيد الصائم
فيس بوك
تويتر
انستقرام
يوتيوب
بنتيريست