|
|
|
 Re: صديق الموج .. مثقف .. لطيف .. وظاهرة عليه الجدعنة . (Re: ismeil abbas)
|
النبيل عاطف مكاوي
تحياتي
العزيز.. صديق الموج ( سوداني وبس ويحمد ربو) وهدا الوصف في زماننا عملة نادرة وهو لا زال يجهر بصوته الوطني العالي في جغرافيا يصعب فيها حتى التأوه بالوطنية السودانية كما نشتهي الا من يحبون الوطن فقط ولديهم الجاهزية للموت في سبيله وصديق الموج واحد منهم...له المجد والرفعة ودوام الصحة والعافية
شكرا ....عاطف
| |
 
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: محمد عبدالرحمن محمد)
|
التقيت الموج صديق مرة واحدة لعدد سويعات لم يقمن بعد نهمي المعرفي , لكنه ومنذ الوهلة الاولى يحتضنك بكلمات بسيطة
ويلج معك الموضوعات وكأنما بينكما معرفة ممتدة , التقيته وفي لحظتها احسست اني اعرف الرجل منذ امد فهو جد في الجد
والعكس , له بااااع طويل وذراع في غناء الحقيبة حافظ ومترنم ومغني وفنان وزول بجد يحمل كل صفات السوداني الانسان
المثقف .اهم مافي الامر هو صاحب خط واضح ودوغري .
المووووج صديق زول على طريقته الخاصة جداً,,,
........................................................................................................................حجر.
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: محمد مختار جعفر)
|
البروف الموج هلّلا هلّلا
ياخى اكثر زول اشعر كأنى أعرفه و قابلته من قبل.
لم يحدث هذا لكنه كتاب مفتوح على العالم بكل ما هو سودانى و جميل.
و بعدين راجل معلّم اى و الله على مقدرة عالية تمكّن من اللغة العربية، و الله صحى.
لو مشى ناس جامعة القرآن الكريم يقرأ هناك غالباً يعينوه عميد لكلية اللغة العربية.
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: عبد الحي علي موسى)
|
الخــال العزيز صديق الموج
من عائله حباها الله بسرعة البديهة وحلـو اللسان وطيب المعشـر
وأصحاب مروة ،، يخلقون المـرح أينما كانوا صديق، اسامه.محمد. الصغير الداهية عمار والأخوات الكريمات تراهم جالسين تحسبهم أصدقاء وليس أشقياء ملوك الكوميديا
طيب القلب مسامح ...
ربنا يديـم عليه نعمة الصحة والعافيـة دائما
أبومصطفى
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: محمد عبدالرحمن محمد)
|
صديق الموج من اميز الشخصيات التي قابلتها في حياتي فهو رجل خلوق ومتزن في حديثه شفاف ومريح في تعامله مثقف من الدرجة الاولى وفوق هذا وذاك رجل فنان بمعنى الكلمه يحفظ الشعر والغناء ومناسبات القصائد وتواريخها ويعرف الكثير عن قبائل السودان وقاطنيه والاهم من ده كلو إنو راجل أخو أخوان كريم بشوش يحتويك بطيبته ولطفه وإحترامه ، لقد عرفته منذ قدومي للرياض في مطلع عام 2003 فإلتقينا في عدد كبير من المناسبات فالرجل يملأ المكان بحركته وبحديثه الجميل ومن ثم ضمانا بعد ذلك كيان سودانيز أون لاين بورداب الرياض هذا الكيان الجميل الذي أعتز بإنضمامي له لأنه جمعني بأخوان اكارم فهم نعم الاخوه ونعم الزملاء وكان من ضمنهم العزيز صديق الموج ... متعك الله بالصحة والعافية أخونا صديق الموج واطال في عمرك وجعلك اخا حبيبا على قلوبنا ...
تحياتي : ياسر العيلفون
تخريمه : غايتو انا عارف لو لاقيت حمزاوي اكيد ما حا اسلم منو .. لكن يا حمزاوي ود الموج يستاهل والله ...
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: manal eltahir)
|
صديق الموج ينطبق عليه ( رب اخ لم تلده امك)
كاتب بوستات بدرجة امتياز
مداخلاته بنكهة سودانية
لم اقابله ولكن رسمت حروفه شخصيته التى وصفتها
| Quote: مثقف .. لطيف .. وظاهرة عليه الجدعنة |
الرجل بحرف الصاد صادق فى كلماته لا يعرف اللون الرمادى
وبحرف الدال دافىء الحروف يعاتبك باريحية وشفافية
وبحرف الياء يم تبحر فيه بدون خوف من الاعاصير
وبحرف الجيم جميل ان يكون متداخل معك فى البوست
لكاتب البوست كل الشكر على اعطاء الرجل حقه
تحياتى
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: ياسر السر)
|
يا عاطف والله وضعت الناس أمام إمتحان صعب
يا أخي صديق الموج دا مهما الناس تكتب ليك عنو صدقني ما حاتقدر تخلق عنو أي إنطباع
الإنطباع لن يتأتى إلا من خلال حضورك للرياض عشان تعيش فيها سنين ، وتحضر فيها مناسبات كثير شديد عشرف تتعرف على داهية إسمو صديق الموج
نكتب ليك عن شنو ونخلي شنو
صديق المثقف جداً
ولا صديق المتحدث اللبق جداً صاحب المدرسة المميزة في الخطابة ـ والله أنا صديق يا عاطف دا لو مسك المايك ساعات ما أمل كلامو
ولا صديق بتاع النكتة العجيبة
يا عاطف مكاوي أنا صديق الموج دا سمعتو منو نكتتين بس ليهم قرابة 10 سنين ـ على بالطلاق لليلة أنا أضحك
ولا صديق الرجل الإجتماعي الذي لا يذكر بني أدم دخل السعودية ويكون صيدق الموج ما بعرفوا
ولا صديق الموج المناضل صاحب المواقف
يا عاطف مكاوي لو في زول قال ليك ممكن تتعرف على شخصية صيدق الموج من خلال ما نكتبوا عنو بكون كذب عليك
صديق دا إلا تعاشروا سنين عشان تتعرف على كل ملامح هذه الشخصية المتفردة جداً
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: قلقو)
|
مالو الصديق مات ؟
العرب شكارين الميت
قالوا الجعلي شكرو والشايقي سكرو والدنقلاوي غشو ساهي
لكن الزول دا ما معروف ليهو جنس كلو كلو
اقوليك انا جدي دينكاوي وحبوبتي جعلية وجدي رباطابي وجدي من تالا امي من حمرة الوز
وعندي خالات في 24 القرشي وعمتي من صقيعة سلامة وخالتا من ام صفقا عراض
وحبوبتها من الشدرات التحت لكن انا اصلا اصلا شراقي جينا بغنمنا وسكنا جنب الاذاعة
عشان نبيع ليهن اللبن ونوسر ليهن العناقريب لقعدة العصرية
ونسمع الغنا حااااار من خشم الفنانين
الزول مكرهنا الونسة ونسة البندر حقتو ونسة العروب اتقول والدنو في الباجور
والعجب العجيب كان مسك المكرفون مستعد امسك الحفلة مقاولة
قرآن كريم بصوت عوض عمر تجويد عديل كدا وكمان بمرق لسانو للسا ام تلاتة نقط
يتكلم عن موضوع الحفلة ويبداهو من تاريخ دخول العرب السودان وحتى لحظة وقوفه على تلك المنصة
ويقدم المادح صديق الموج ويمدح الطيارة السودانية
ويعرج على الحقيبة هوووووي يا ليلى هوي
ويقدم القبعة وفاصل من النكات منها النوع البضحكك بعد تطلع من مخرج طمنتاشر
يا ناس هوي الزول دا مو نصيح
الزول دا اذاعة عديل
الزول دا مستعد اكون قناة فضائية براهو بس الا معاهو البنات السمحات بس للنشرة الجوية
صديق الموج ..... الله اطول عمرك واديك العافية
شكرا عاطف
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Khalid Saeed)
|
بعض الناس تحبهم دون سابق معرفة ، ودون حتى أن تراهم. قابلت صديق الموج في هذا الموقع الجامع. صافحتني كلماته وعباراته خفيفة الظل. وحين لاح كلام في الحقيبة التي أحبها إنبرى الرجل يملأ المنبر العام بخرائد ود الرضي وأبو صلاح والعبادي وخليل فرح والجاغريو وحدباي والمساح والبنا وغيرهم من أساطين الكلمة الساحرة في زمن فيه ترقص كلمات الشعراء في سماوات ام درمان فيولد اللحن ناصعا ، يانعاً بين شمبات واب روف. بهرني صديق الذي صافحته وصافحتني روحه المرحة الخلوق عبر هذا الموقع.
وحين كتب عنه بعض من عرفوه عن كثب شهادات تقدير بدرجة ممتاز، عرفت أني على حق في محبتي له..فبعض الناس نحبهم دون سابق معرفة. وطبعا... نحمد لزماننا لو جمعنا بهم.
صديق الموج.. سجل عندك : أنا أحد معجبيك !
تخريمة: أعجبتني شهادة الأستاذ عبد الله ود البوش في الرجل .. فقد إمتدحه دون إسفاف، وأعطاه حقه دون مغالاة...وفي أسلوب خفيف الظل. جميل يا ود البوش هذا التقريظ لحبيبنا صديق الموج!
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: فضيلي جماع)
|
طبعا يا عاطف أنا اشاركك نفس المحبة للعزيز ود الموج،
زمان لمن كنت اقرا أسمه كنت فاكراه لقب وكنت بقول يا سلام على الأسم الشاعري..
ولما عرفته من خلال كتاباته عرفت كم هو إنسان أصيل ومهموم بهم بلده وكمان بروف ...
..شكرا عاطف علي هذه النافذة لنجدد البيعة لصديق الموج والغيم والبشر.
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: فضيلي جماع)
|
والله ياعاطف انا سعيد جداً ألا يخني خيالي المتكل علي مداخلات صديق المواج خفيفة الظل ,,,,,,وملئية ذكاء وتلميح ..........حزين جداً ان تكون علاقاتي مع صديق الموج عبر هذا الاسفير ،،،،،،،،،،كما اني في نفس الوقت سعيد جداً ان التقيه ( فالقحة ولا صمة الخشم) ياخي الزول
ده لذيذ بشكل ........فكل الذي قيل عنه تقريظاً واضح في بوستاته ومداخلاته
وشكراً لك ياعاطف وانشاء الله يوم شكره مايجي
| |
|
|
|
|
|
|
|
|
 Re: صديق الموج .. مثقف .. لطيف .. وظاهرة عليه الجدعنة . (Re: ibrahim alnimma)
|
سلام الأخ عاطف لك ولكل زوارك الكرام
الأخ صديق الموج شهادتي فيه مجروحة بحكم العلاقة ا########دة بين الأسرتين ، رغم إنه إلتقينا مرتين في زيارتنا وكان اللقاء حميميا مع كوكبة بورداب الرياض المميزين
مميزين بحفاوة ترحابهم وتقديرهم وإكرامهم لضيفهم , يكرموك ويكرموك حتى تستغيث
هؤلاء القوم منهم ود الموج الرجل خفيف الظل عريض الإبتسامة فصيح اللسان كريم الخصال وكفى ....
وإستمرت العلاقة الأخوية وكتر خيرو ما انقطع التواصل وإن شاء الله البينا دائما عامرة , له اسرة مميزة زيو ست بيتو حنييييينة وزولة حبيبة زي بت عمي ابو حريرة الحبيبة عفاف
ربي يحفظه وعياله ويحفظك اخي عاطف
على فكرة عندنا بوست كان مدور إسمه في حلتنا وتحت ضل نيمتنا , فيه عمك ود البوش وود المدير وود الموج ، وغيرهم كتير ، أمانه ما فيهو حلاة نضمي وقفشات
خاصة من ود الموج وود المدير و أخونا إسحق بلة وغيرهم , حا تستمتع فيه بمداخلات ود الموج الجميلة وممتعة حد الدهشة
كتابته السهل الممتنع
Quote: قرأت كل المساهمات وتأكدت بأن حدسي لم يخذلني
فقط ..... قصة (مريخابي) دى ما إنبلعت لي. |
اها دي انا زاتي ما بتنبلع لي كلو كلو ,, والعجب كمان معاه زوجي صاحبه ود الجنيد ,
يوم المريخ يغلب اليوم داك أنا مافي لي راحة ولا غمدة نهاااااااااائي
والله صحي
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: munswor almophtah)
|
البروف ود الموج
اكن له كثير من الاحترام والحب.... زول مجود شغله جد
بعرف يقول شنو ومتين وكيف ودي من المميزات التي تنتقص
كثرا منا وانا اولهم..... صديق اخو اخوان لمن لا يعرفه
وزول حارة وراجلا ضو وامدرماني اصيل ولا اشك اطلاقا في انه
من النوادر الذين يعرفون بواطن شعر الحقيبة ومن الموثقين
اصحاب الوزن الثقيل في شان الحقيبة.... رجل بسيط ومتواضع
وقدر اي زول يعني بلبس لاي زول مقاسو.... خلاصة القول احبه
حتى النخاع.
| |
|
|
|
|
|
|
|
|
 Re: صديق الموج .. مثقف .. لطيف .. وظاهرة عليه الجدعنة . (Re: عاطف مكاوى)
|
تسألون عن صديق الموج
عرفته فى السعودية وهو علم بارز فى مجتمعات السودانيين
راجل اجتماعي من الطراز الاول .. مثقف .بسيط .. انيق ..طيب العشرة يمتلك قدرة فائقة من الابداع الخطابي
يحفظ عن ظهر قلب تاريخ وتراث الحياة الامدرمانية
ياريت لو فتح لنا بوست يسرد فيه تاريخ وحكاوى وقصص الغناء والشعر فى امدرمان
تحياتي لك وله
ود الري
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Ali Sirelkhatim)
|
Quote:
الزول مكرهنا الونسة ونسة البندر حقتو ونسة العروب اتقول والدنو في الباجور
والعجب العجيب كان مسك المكرفون مستعد امسك الحفلة مقاولة
قرآن كريم بصوت عوض عمر تجويد عديل كدا وكمان بمرق لسانو للسا ام تلاتة نقط
يتكلم عن موضوع الحفلة ويبداهو من تاريخ دخول العرب السودان وحتى لحظة وقوفه على تلك المنصة
ويقدم المادح صديق الموج ويمدح الطيارة السودانية
ويعرج على الحقيبة هوووووي يا ليلى هوي
ويقدم القبعة وفاصل من النكات منها النوع البضحكك بعد تطلع من مخرج طمنتاشر
يا ناس هوي الزول دا مو نصيح
الزول دا اذاعة عديل
الزول دا مستعد اكون قناة فضائية براهو بس الا معاهو البنات السمحات بس للنشرة الجوية
صديق الموج ..... الله اطول عمرك واديك العافية
شكرا عاطف |
ذلك هو الرجل و اكثر
و من الملامح اعلاه لابد ان يكون من الصفوة !!!!
سلمت عاطف
و كفيت يا ود البوش
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Hassan Senada)
|
| Quote: حدثونا عنه يا أصدقائه. |
الاخ عاطف مكاوي
موضوع يشبه رمضان دي بتذكرها كلما اشوف صديق الموج
في حلفاوي كان لمن يدخل شهر رمضان يكون متضايق وكره شديد للصوم
وما يطيق حتى نفسو ... مرة قابل زول شين خلاص كوز سبيل بس الحلفاوي سأله
يازول اسمك مين الشين قال ليه اسمي رمضان ... لا حول اول مرة اشوف زول بيشبه اسمه
هلقتك ذي اسمك الهالق الناطق
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: ود الباوقة)
|
والله يا جماعة شوقتوني في أن أنتقل من مرحلة التمني
للقاء صديق الموج ... لمرحلة السعي لهذا اللقاء خاصة وأنني
لم أزور المملكة في حياتي الطويلة هذه ... كنت بقطر وزرت
الأمارات عدة مرات وزرت السلطنة مرة واحدة ونزلت ترانزيت
بمطار المنامة عدة مرات ... إلا المملكة ... لكنني سأسعي
سعي جاد ولتكن حجة أو عمرة وزيارة للأهل والأصدقاء والموج.
وبمناسبة ظهور ودالباوقة ... وعلي الرغم من أن إبرتي لا تحتمل
أى خيط كيزاني لكنني أعترف بأنني لم أستطع أن أتداخل بطريقة
خشنة مع هذا الرجل المسمي بود الباوقة وأظن بأن لصديق الموج دوراً
في ذلك إذ كثيراً ما أضحك عندما أقرأ مداخلاته معه ... فلود الباوقة
طريقة تحجب عنه المخاشنات رغم أنه (غياظاً) .. ولصديق لغة تجبر قارئها
علي الإنشراح في نفس الوقت الذى تصل فيه المعلومة التي يُريد أيصالها بدون أذى
شخصي (إلا في حالات أرى أنه كان مضطراً فيها) إذ من الصعب الإحتمال
بشكل دائم.
* يا جماعة صديق الموج ما قادر يدخل البوست !
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: محمد عبد الماجد الصايم)
|
Quote:
أصعب بوست تخش فيهو في البورض دا
البوستات البشكروكـ فيها الناس!!
ما تعرف تقول شنو زاتو!!! |
اها يا شباب النجيضة جابه ليكم الوغد المسمى مجازاً محمد عبد الماجد الصايم .
لكن احاول عسى ولعل .... ما طالبنى حليفة انا من البوست ده اتفتح اقرأ وانا قسمة بين الفرح
والحزن ، نعم تفرح نفسى الامارة و يملاءها الزهو وهى ترى الكلمات الجميله تتناثر فو قها
مثل فراشات مجنحة و لكن سرعان ما يتبدد هذا. لانكم لا تعلمون أبقاكم الله ان محبتكم ومعزتكم
هذه تذلنى وتشقينى اكثر مما تسعدنى لانى اعرف قصر رحلتى اليكم وتقزم قامتى امام سموقكم
وفى احسن الاحوال اعلم ان الظروف لن تساعدنى ان اكون عند حسن ظنكم و فى كل الاوقات
وهذا ما يجعلنى احتقر نفسى كثيراً..
انا اكتب اليكم هذا ليس من باب التواضع الزائف المستدر لعطف او الموجب لشفقة او المستوجب لاحترام
ولكنه من باب رحمة الله بعبيده العارفين لقدرهم و مقدراتهم....
انا شاكر ليكم كل ما كتبتوه عنى هنا كما اشكر كل من نوى ان يكتب حرفاً وكل من قرأ البوست
وهز رأسه كافراً او شكورا..
اها تبقى موضع السنده و السجده فى الشكر اخونا عاطف مكاوى والله اشهد ليس بيننا غير واشجة الظن الحسن
ولا اعرف اين يقيم جغرافياً ولكنه قطعا وجدانياً من الذين يسكنونى و احس انه يؤلف ويألف فالشكر له من
امثالنا الذين لا يملكون مالاً ولا خيلاً يهدونها فليكن اطنان من مودة وقوافل من حب ناقة اثر بعير و فصيل
اثر حوار تصله لتجده كما نود ويود..
الاخوة الباقين سوف اعود لكم بالمهلة وكتر خيركم ان اريتمونى مسودة من البوست يوم ان يسود لى المنبر.
فالى ان يقيض المولى لنا وقت للكتابة استودعكم الذى لا تضيع ودائعه والعفو والعافية،،،
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: نادر النور آدم)
|
العزيز عاطف مكاوى هذه الرسالة من صديق عزيز وعزيز جدا ...للصديق العزيز جدا ود الموج ...انا معاوية عبيد شهادتى فى صديق مجروحة وكابة الدم
كاتب الرسالة بقترح كتابة اميل .صاحب البوست ..للمشاركة من خارج البورد
Quote: اسامة التوم
التحية لك اخي عاطف مكاوي وانت تسلط الضوء علي احد مبدعي بلادي ... الرجل الموسوعة الكوميديا التي تمشي علي قدمين صديق الموج عرفته في الرياض عن طريق اخي الاكبر محمد بابكر وهو صديقه اللدود .... حدثني عنه وعن خفة ظله وموسوعيته في معرفة اغاني الحقيبة وشعراءها وسمارها وقصص الاغاني لدرجة انك تشك كيف لرجل في هذا العمر يحفظ جميع هذه التفاصيل عن ظهر قلب ... وموهبة صديق الحقيقية اخي عاطف تكمن في طريقة حكاويه مباشرة لا كتابة ... يعني ما رايته في صديق من كتابات لا تساوي 1% من لطافته وخفة ظله علي الواقع دون تكلف ... اضف لذلك له موهبة الحفظ لدرجة لا توصف ... وقارئ نهم لو وجد كتابا لما سمعت صوته حتي تظن انه ليس معك ... لفت نظري عام 2005 م الي الاديب محسن خالد .. وكان معجبا جدا بكتاباته ... وتنبأ له بمستقبل وشارط عليه بانه يمشي علي خطى الاديب الراحل الطيب صالح ... عند زيارة الطيب صالح الرياض قدم الندوة صديق الموج وموجود معي شريطها حتي الان ... فداعبه الاديب الراحل بان هذا الرجل الفصيح اكيد شايقي .... فرد له صديق الموج في جو مرح هل هناك من هو افصح من بروفيسور عبد الله الطيب .... فضحك الطيب صالح وقال له ( لا والله مافي ) ... استضافه ايضا ابراهيم احمد عبد الكريم في برنامجه المشهور وكان احد الضيوف للتحدث عن اغاني الحقيبة .... صديق الموج ياعزيزي عاطف فوق كل ذلك رجل متواضع تواضع الصوفيه ومن القلائل الذين تحسبهم علي اصابعك ثقافة ومعرفة من خلال هذا البورد ولكنه يملك تواضع العلماء ... اضف لذلك بانه من اشطر مدراء المبيعات علي نطاقة الرياض عامة وزي ما بقولوا ابيعلك الرملة سكر ....
تحياتي الاخ عاطف
والتحايا النواضر للموج وقفشاته التي لم تفارقني يوما بس عيبو مريخابي ....اسامة بابكر التوم احمد ...
|
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: معاوية عبيد الصائم)
|
التقيتُ يا صاحبي عاطف بالأستاذ صديق الموج في رحلتي لمدينة الرياض في يوليو 2011 وأبهرني الرجل بتواضعه الجم وقدرته الهائلة في إلقاء الشعر وبشاشته وحزنه (النبيل) كنبله والمرسوم على محياه، وهو لعمري حزنٌ كبير على وطنٍ أحبه وما زال كمن قال أحبك بتضحك واحبك عبوس. عدتُ من رحلتي وأنا صديقٌ لهذا الرجل (الموج) العالي.
أخي وصديقي صديق الموج محبة الله من محبة الناس فاعد الكرة مرتين في هذه الهبة الإلهية وأقرأ كل ما قيل عنك وحقّ لك أن تحمد الله سراً وعلانية فمحبة الناس صعبة المنال في هذا الزمن الغيهب....
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: معاوية عبيد الصائم)
|
Quote: الاخوة الباقين سوف اعود لكم بالمهلة وكتر خيركم ان اريتمونى
مسودة من البوست يوم ان يسود لى المنبر.
|
أها دا الخائف منو ذاتو
وكل الكلام المذكور اعلاه يخوف
ما باقي حاجة الا التلج والبرد
وبالمناسبة صديق الموج دا كلمني بوصيتو للبورداب واشهد عليها خالد المحرب
قال لمن اموت مافي زول ادعو لي بالتلج والبرد دي ائ حاجة ولا السقط دا
ادعو ليهو بالجنة الدافية لان المرحوم جنو وجن السقط قال لمن شعرة جلدي تكــلـب
من السقط لمن ادعو للمرحوم بالبرد والتلج
وكمان هو زول متواضع ما طماع خالص في بنات الحور كفاهو الكانن في الدنيا ديل
بس اعزل عزل لووووووووول عشان كونو المخ البنشاف في الساق
.
.
ان شاء الله يوم شكرك الشديد داك ما اجي قريب يا الصديق والوكت داك ذاتو مافي منبر
لا سواد ولا رماد
صديق الموج ياخي انا طالبك بوست ( عمر الحاج موسى )
عاين جاي
ياخي اكتب لينا كلام عديل كدا ... كداي من كداي وكداي من كداي
الكلام المفلعص زي العصيدة الدقدقوها في طاحونة عيار فاكي درشتو دراش
مابنفع معانا نحن غير المثقفاتية انا وخالد المحرب وعمران صالح
ومن لف لفهم وقام سداري
وبعداك ان شاء ابقوك وزير اذاعة ما عندنا معاك شغلة
ولا اقول ليك النجيضة ام شيط البوست دا اختاهو كلو كلو
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: عبدالله ود البوش)
|
| Quote: زيو ست بيتو حنييييينة وزولة حبيبة زي بت عمي ابو حريرة الحبيبة عفاف |
الحبيبه استاذتنا الكبيره اسماء الجنيد
وين الحي بيك
الحنيه ربنا لما خلقه اداك ليها كلها وبعدين
وزع لينا الباقي تسلمي كتير يازوق
لكن عليك الله ماتلمني مع عم الموج ده في اي شي
الزول ده ماكل عصيدة القيامه
خالتو انعام اااي
جدووووووووووووو الموج لا
ضربنا ليك كم مره لكن الظاهر انك غيرتي رقمك
سلامي لي ود الجنيد والوليدات
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: عاطف مكاوى)
|
Quote: له بااااع طويل وذراع في غناء الحقيبة حافظ ومترنم ومغني وفنان وزول بجد يحمل كل صفات السوداني الانسان
المثقف .اهم مافي الامر هو صاحب خط واضح ودوغري .
. |
وبي زياده انو رياضي مطبوع من الدرجة الأولى..
أخو أخوان وشخصية اجتماعية نشطه ومعروفة عند كافة أهل الجالية السودانية بمدينة الرياض..
وياريت أهل الحقيبة يلحقو ويسجلو ليهو ويوثقوا عن
شعراء الحقيبة
أغاني الحقيبة+ الأغاني (المسروقة والمجيره)
قبل ما يفوت الفوات(بعد عمر طويل)........
وسلامات..
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: عاطف مكاوى)
|
Quote: له بااااع طويل وذراع في غناء الحقيبة حافظ ومترنم ومغني وفنان وزول بجد يحمل كل صفات السوداني الانسان
المثقف .اهم مافي الامر هو صاحب خط واضح ودوغري .
. |
وبي زياده انو رياضي مطبوع من الدرجة الأولى..
أخو أخوان وشخصية اجتماعية نشطه ومعروفة عند كافة أهل الجالية السودانية بمدينة الرياض..
وياريت أهل الحقيبة يلحقو ويسجلو ليهو ويوثقوا عن
شعراء الحقيبة
أغاني الحقيبة+ الأغاني (المسروقة والمجيره)
قبل ما يفوت الفوات(بعد عمر طويل)........
وسلامات..
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Salih Kurdi)
|
شكراً الأخ الكريم مكاوي لفتح هذه النافذة
لنتعرف أكثر بالاخ الكريم صديق الموج ..
لم التقيه ولكنني تحدثت معه عبر الهاتف
وراسلته عبر الإيميل عندما " إعتقل
عبد المنعم رحمة ، عبد القادر عبد الرحيم "
وقضايا أخرى ..
محب للوطن مهموم به و بإنتهاكات حقوق
الإنسان فيه ..
وخال فاطنة ..
له التحية والإحترام ولك مثلها ..
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: فيصل محمد خليل)
|
والله يا صديق الواحد كان بيمر على الصور في البوست مرور الكرام
لكن ما دام أخونا فيصل ختاها بالطريقه ديه
معناها المسألة عاوزه ليها قراية تحليلية تفكيكية..
أنا ما عاوز أسرح بعيد ..
لكن احسبك بتقول فيهاللناس كلام أبوالطيب المتنبىء:
أعيذها نظـــرات منك صادقـــة **** أن تحسب الشحم فيمن شحمه ورم
وما انتفاع اخي الدنيا بناظـــره ****إذا استـــوت عنده الأنوار و الظلم
سيعلـم الجمع ممن ضم مجلسنا **** باننــي خير من تسعى به قـــــدم
انا الذي نظر العمى إلى ادبــي **** و أسمعـت كلماتي من به صمــم
انام ملء جفوني عن شواردها **** ويسهر الخلق جراها و يختصم
و جـــاهل مده في جهله ضحكي **** حتى اتتــــه يــد فراســة و فم
إذا رايـــت نيوب الليــث بارزة **** فلا تظنـــن ان الليــث يبتســم
+ متعك الله وأسرتك الكريمة بموفور الصحة والعافية
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Salih Kurdi)
|
تحية....
ياخذ من الموج تدفقه ....نشاركه ويشاركنا في الوقوف ضد قبح الاشياء والانظمة الفاسدة...نحمل معه النجمة ونجوب بها ساحات الانتصار...نقف خلفه في انتصار اخر موعود...
شهادات المتداخلين الذين يعرفونه دروس ووفاء لقيمة الكلمة والتي يحمل المذكور معناها ومبناها..وحتي هؤلاء المتداخلين احس انني اعرفهم واتابع حروفهم الاسفيرية لعلهم يشاركون الموج في ابتسامته الوافرة...وافرة لانها مريحة ومن المؤكد انها صادقة ايضا...
يديكم العافية
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: محمد المرتضى حامد)
|
.Quote: تحية طيبه يا عاطف وشكرا على البوست ،
الموج بيهدم كل غفوه على الرموش ..
غايتو يا موج السَوَّتا فيك عفراء في المول ما حصلت..
ويمين كان ما شلت حقك إلا عاطف يغيِّر عنوانو دا.. |
مولانا محمد المرتضى ..........سلام
والله يامولانا مع انى قلتيها الحاجات دى قسمة ونصيب
لكن ما قايل فى زول يتذكر شاكوش من ايام الثانوى
والغريبه انها عارفه الوالده قالت لى عفراء دى بت طيبه
وطباخه ومستورة وبت ناس بس اكبر منك يا صديق يا ولدى
وقدر ما حاولت اقنع الوالده انو اربعه سنين ما فرق ابت تقتنع
اخيراً رضاء الوالده مهم وانت سيد العارفين،،،
| |
|
|
|
|
|
|
|
|
|
Re: صديق الموج .. مثقف .. لطيف .. وظاهرة عليه الجدعنة . (Re: Afraa Sanad)
|
.Quote:
الموج وود المرتضي والله أنا ما شفته الفيديوهات بس قلت النساعد..
لكن لمن جابت ليها كبر وشاكوش يمين الله الموج ده بالميت دفعة أبوي..
يعني اصلو الواحد ما يعمل خير في المنبر ده..
اسع بنادي ليك البروفات الصحي يوروك إنت قدر منو.. |
-خالتى عفراء والله انا ما بقدر على زعلك
امسحيها لى فى وشى الشين ده،،،
| |
|
|
|
|
|
|
| |
عاطف مكاوى
محمد عبدالرحمن محمد
فايزودالقاضي
ismeil abbas
هشام هباني
الرفاعي عبدالعاطي حجر
ولياب
علي الكرار هاشم
عفاف أبو حريرة
محمد عبد الماجد الصايم
محمد مختار جعفر
abubakr salih
Hassan Makkawi
عبد الحي علي موسى
keiga2000
ياسر السر
بلدى يا حبوب
محمد علي البصير
قلقو
عبدالله ود البوش
Zomrawi Alweli
حواء سليمان ابراهيم
أسامه الكرور
عاطف عمر
Khalid Saeed
محمد المسلمي
فضيلي جماع
Afraa Sanad
ibrahim alnimma
خالد العبيد
اسماء الجنيد
munswor almophtah
الخير محمد عوض
حسن حماد محمد
Nagat Sid Ahmed Elshiekh
Ali Sirelkhatim
ايمان بدر الدين
موسي عيسي
Gaafar Ismail
صديق الموج
نادر النور آدم
معاوية عبيد الصائم
Abdlaziz Eisa
Salih Kurdi
Amani Al Ajab
فيصل محمد خليل
محمد أبوالعزائم أبوالريش
معاوية المدير
Research In Motion BlackBerry 9300(1600x1200).JPG)
نورالدين بابكر بدري
طلحة عبدالله
ادريس خليفة علم الهدي
بهاء بكري
مها عبد الله
الامين موسى البشاري
محمد المرتضى حامد
العوض المسلمي
فيس بوك
تويتر
انستقرام
يوتيوب
بنتيريست