|
|
 إعتقال إبن أختى ذو ال16 عام يوم أمس
|
تسلل من المنزل وذهب وشارك بمظاهرة يوم أمس الجمعة. تم القبض عليه بواسطة عناصر أمن بملابس ملكية بعد أن باغتوه فجأة. رفعوه فى بوكسى إلا أنه تمكن من الفرار.
نال علق ساخنة من والده عند رجوعه المنزل.
جيل جديد بهم ينتعش الأمل بغد زاهرمضئ.
|
|
 
|
|
|
|
|
|
|
 Re: إعتقال إبن أختى ذو ال16 عام يوم أمس (Re: الجيلى أحمد)
|
معقول يا عمي الشيخ زول زي دا يدقوهو!!
نسيبك بالغ لكن..
حكي لي اخي ان له صديق انصاري ضابط جمارك متقاعد
وله اولاد في الجامعات وعندما تمت زيادة المواصلات اتو
لوالدهم لكي يزود المصروف شوية فقال لهم شوفوا يا اولادي
انا معاشي ثابت ما حصل ليه اي زيادات فالحكومة زودت المواصلات
لكن ما زودت معاشي ودي ما غلطتي انا عشان اتحمل نائجها
زيادة مصاريف مافي والعندو احتجاج اهدااك الشارع كان قدرتوا
دقيتو الكيزان واجبرتوهم ينزلوا الاسعار فحلال عليكم اما اذا الكيزان
دقوكم وما قدرتوا عليهم ما تجوا تفكوها فيني انا المسكين دا
براي عندي سكري
| |
|
|
|
|
|
|
|
|
|
Re: إعتقال إبن أختى ذو ال16 عام يوم أمس (Re: أنور أدم)
|
| Quote: نال علق ساخنة من والده عند رجوعه المنزل. |
حمدلله على السلامة ... لكن عليك الله وانا عارفك بتعزني خلي ابوهو تاني ما يدقو .... والله الموضوع ده داير ليهو بوست براهو ...
تعرف يا دكتور المراهقين او التين ايجيرز Teenagers في البلدان المتطورة ( وزي ما بقول شيخي السني : في اوربا والدول المتقدمة ) بعتبروهم في احيان ( غير متزنين عقليا ) وانت الادري بكميات الهرمونات التملأ الواحد في الفترة دي.
غايتو لو الحكومة دي غارت عندي مشاريع لفئة من 14-18 لكن مع نافع والبشير والهطلة الاسمو عبدالرحيم بتاع الطيارة طافية النور ده والله الا اموت بيهو وما يشمو....
مشتاقين كتير يا دكترة
| |
|
|
|
|
|
|
|
|
 Re: إعتقال إبن أختى ذو ال16 عام يوم أمس (Re: smart_ana2001)
|
يعني يا اسمارت انا الانصاري صاحب اخوي دا اولادو ديل ماجرهم ولا شنو:)
انا العمري كم وعشرين سنة دا امي قالت لي انت بدل قاعد تحرش في اخوانك عشان يطلعوا مظاهرات
ما تاخد ليك اجازة وتجي تطلع معاهم :)
قلت ليها يمة انتي بتعرفي ود الباوقة..
قالت لي خلاص قمتا لكلام المجانين بتاعك دا..
قلتا ليها خلاص عشان ما تسمعي كلام المجانين دا اديني واحد من شُذاذ الافاق بتاعينك ديل:)
الخلاصة يا اسمارت اذا اي واحد خاف على اولادو الثورة دي الحيقوم بيها منو؟
| |
|
|
|
|
|
|
|
|
|
Re: إعتقال إبن أختى ذو ال16 عام يوم أمس (Re: حسين نوباتيا)
|
سلامات يا نوباتيا. وينك؟
انا ما قلتا ما يطلعوا يا اخي. انا قلتا ده قلب الام.
مهما كان نبل و اهمية الموقف ما في ام ح ترسل ولدها المظاهرات و ترقد تنوم.
أمي لو كنت سمعتا كلامها كنت اكون قاريه طب و قاعدة جمبها هسي.
الآباء طبعا ما بيكونوا ذي الأمهات ^_^. الأنصاري صحب أخوك ده اب عادي جداً. أمهم كان سمعت كلامه ده كان شالت كل المعاش و ريحته
ود أختي عمره حوالي 16 سنة برضو امه قالت ليه لو طلعتا في مظاهرة ح اكتلك بيدي، أحسن من يقتلوك ناس الامن.
حاولت أتكلم معاه، قامت قالت لي ( اختي): لو مات في مظاهرة ح تنبسطي؟؟؟قمت سكتا.
قلتا لي كم وعشرين؟؟؟ طلعتا صغير و جاهل يا نوباتيا :)
| |
|
|
|
|
|
|
|
|
 Re: إعتقال إبن أختى ذو ال16 عام يوم أمس (Re: ombadda)
|
أمبدة إزيك وحالك وأحوالك
بدل تكرموا الولد الشجاع دا تدقوهو؟؟؟
أبوه رئيس اللجان الشعبية ولا شنو؟
أنا لو محلو أبدأ برفع الشعارات المناوئة للحكومة من البيت
وأعمل ثورة إحتجاجية منزلية وأطالب بالتقسيم والإنفصال ..
أو أسلم روحي لأقرب سفارة أجنبية محتجآ على تعسف الوالد ودكتاتوريته
سلامنا وتقديرنا ليهو .. ربنا يحفظه
وقول ليهو الحقوق تنتزع إنتزاعآ ياخ .. ههه
وقول ليهو كمان _بعد الدقة دي_ حقك محفوظ بعد الزول يغور
..
| |
|
|
|
|
|
|
| |
ombadda
وضاحة
الجيلى أحمد
حسين نوباتيا
أنور أدم
Osama Mohammed
smart_ana2001
Hadeer Alzain
فيس بوك
تويتر
انستقرام
يوتيوب
بنتيريست