|
|
 بالطريقة دى لن تسقط الانقاذ؟؟؟ يوجد( شــــــــعر على الخفيفـ)
|
ما تبقى علينا البقت على حركات دارفور ..منذ الوهلة لاحت الخلافات وإشرأبت بأعناقها المصالح الحزبية الضيقة ..
النص:
على التهميش الفينا اتهمشنا
والثورة لسع مولوداً يافع
وكيف لما بكرة حتكبر
ويعلو صوتها فى الكون الشاسع
وسيلها الهادر يجرف
بشو وطه ومعاهم نافع
احسن تتحدوا يا اهل الثورة
انسوا احزاب انسوها منافع
الانقاذ مازالت حية
سمها قاتل ولدغها لاسع
ما حتكتفى بالبمبان
وياما بكرة حتدوى مدافع
لو عايزين الغمة تزول
وسيف الثورة يبرق لامع
يالله نهب روح الثورة
سيل من دم يغرّق شارع
ماعايزين نتهمش تانى
والهم الفاتنا يقفل راجع
نحن قرفنا بالجد يا اخوانا
والقرف الفينا اصبح راتع
فليبقى شعارنا روح الثورة
من اجل نجاحو نحن نصارع
يالله نسيب كل تعصّب
ونقود الثورة بصدر واسع
ننسى الاحزاب والنظرة الضيقة
ننسى القبلية ننساها مطامع
ونصيح بقوة فى وجه الظلم
بالدم الغالى ليه نقارع
بوحدة اهدافنا ونبل مقصدها
وروح الثورة الرمز الدامغ
حنهزم غداً الشتتوا شملنا
وشملنا تانى يصبح جامع
.. الواحد فينا عايز يظاهر ويثور ويفور ويغلى عديل كدة !! بس فى نفس الوقت ما عايزين تظاهرنا يضيع شمار فى مرقة.. فوحدوا المقاصد واخلصوا النوايا..
مع تحياتى
واحد
ثائر تائه مالاقى طريقو..
.
|
|
 
|
|
|
|
خليفة موسى حمدان
فيس بوك
تويتر
انستقرام
يوتيوب
بنتيريست