|
|
 شذاذ افاق
|
شذاذ افاقنا
ارفعو صوت الحناجر
إعتلو كل المنابر
قفلو كل المحاور
جهزو كفن المقابر
لي نظام حكم البرابر
واكتبو بي دم الشهيد
احنا مرقنا وكان إيمانا
حرية عدالة
وما بثنينا لارصاصك ولا تهديد
حلم خلاصك ورفعة راسك
يا سودانا احلي نشيد
وابدا ابدا
قسما قسما مابنحيد
درب الثورة اللسة جديد
لا حراسك لا قرع إجراسك
لا رصاصك لا قوة راسك
ليك اليوم مش حتفيد
ولازم تعلم انو الشعب
وعزمو أكيد
حيرجع تاني سيرة اكتوبر
وليها يعيد
وبي ثورية وارث نضالي
الثورة تكون محمية
ومافي تعالي
لي ميثاق الشرف الغالي
البحمي الثورة من كل مغالي
من العسكر او متربص او سريالي
وبكرة نشوف مين لي كوعو
مين البلحس
شذاذ آفاق
وبكرة تعالو خلوها وفاق
ومين البلبس
مليانة نفاق جلابيتك
مابندبس
شذاذ آفاق
في رأيك انت
ثوار أحرار
ياريت لو كنت فهمت
دروس جيرانك
واتلونت
شفت طريقك واتخارجت
غضب الثوار ماليهو نهاية
كشف الاحرار سويتو محاية
مرض الاطفال ماليهو عناية
عموم الناس لاعيش لا قراية
قلناها خلاص
قلناها كفاية
قلناها خلاص
قلناها كفاية
شذاذ افاق
|
|
 
|
|
|
|
|
|
|
|
Re: شذاذ افاق (Re: Sami Talab)
|
غضب الثوار ماليهو نهاية
كشف الاحرار سويتو محاية
مرض الاطفال ماليهو عناية
عموم الناس لاعيش لا قراية
قلناها خلاص
قلناها كفاية
قلناها خلاص
قلناها كفاية
شذاذ افاق
| |
|
|
|
|
|
|
| |
Haju Muktar
علي مزمل
فيس بوك
تويتر
انستقرام
يوتيوب
بنتيريست