|
حبشي يسطو على حصيلة مبيعات رواية حبيب نورة الجديدة - منغولي -
|
وقد افادت الإخبارية أن الحبشي قد استلم جوازه موسوما بتأشيرة الخروج والعودة دون أن يتم تحديد وجهته. ولكن المؤكد أنه يزمع تبديد رمضان بالاسفار والحالة هذه يا إما يكون ليلة القدر نزلت على الحبشي في رجب أو أنه سطى على غلة رواية منغولي التي تولى كبر توزيعها. هذا وسنوالي متابعة الحدث الجلل لحظة بلحظة ونحاول في هذه اللحظات التواصل مع الروائي الذي دقس وسلم الكاش لحبيب الحبش.
يتبع
|
|
|
|
|
|
|
|
Re: حبشي يسطو على حصيلة مبيعات رواية حبيب نورة الجديدة - منغولي - (Re: حبيب نورة)
|
يا عمك الزول ده لو لبس الشدّة وفتح علي اليمين تاتشر ما تجيبو :)
هههههههههه
ربنا يعوض عليك يا حبيبو ابو عبيدة بالله ما تنسانا من صالح الدعوات بالله الدولار بي كم الليلة؟
دي سمعتها قبل شوية: قالو واحد كل يوم يجي بالليل سايق عربيتو بشارع البنك ويقعد يضرب بوري بصورة مزعجة تيت تييييييييت يوم حراس البنك قنصو ليهو في الشارع ومسكو سالوهو : يا زول مالك عامل لنا ازعاج كل يوم؟ قال :اصلو عندي قوش في البنك وخايف تنوموا ويجو حرامية يسرقوا لبنك!!
| |
|
|
|
|
|
|
Re: حبشي يسطو على حصيلة مبيعات رواية حبيب نورة الجديدة - منغولي - (Re: Elmoiz Abunura)
|
وأفادت آخر إخبارية ان الحبشي وبعد أن عمل عملية قردية عديل كده عبر أحد البوستات المجاورة يوم أمس حيث مارس الترقيم في أفحش صوره تلقى مكالمة من مجهول/ة عن إمكانية إستثمار الغلة خلال عطلة نهاية الأسبوع سال لعابه لكنز المال فتسلل تاركاً زغب الحواصل ينتظرون أوبته لرشده لكن تبخرت الأحلام حيث داهمت دورية الهيئة الحي الراقي وصاحبنا أول ماسمع الكركبة فك البيرق ولم تنقذه إلا الشدة التي كان يرتديها إذ كانت عاملاً مساعداً على الركض الماراثوني الذي مازلنا نمارسه خلفه عله يعود وغداً حبيبي حتماً يعود.
شكراً يا أحباب على المرور الأنيق وذا البوست مناصفة بيني والحبيب حبيب نوة فيالها من شراكة
لكن بنواصل مع الحبشي
| |
|
|
|
|
|
|
Re: حبشي يسطو على حصيلة مبيعات رواية حبيب نورة الجديدة - منغولي - (Re: حبيب نورة)
|
ياخوانا مشيت أحاول في موضوع تأشيرة العمرة عشان ألحق باقي المولد وأطلع لي إن شاء الله بجغمة شربوت من المولد بتاع المنغولي السائب ده - مالقيت طريقة لكن الأدهى والأمر لقيت كل الظرفاء وعشاق الأمل إتلموا هناوبعبارة أخرى:
الموضوع إطور أوي
وأنا لولا أنني ومراعاة لزغب الحواصل لأبلغت عن مكان الحبشي وفي رواية غلام الغامدي
| |
|
|
|
|
|
|
Re: حبشي يسطو على حصيلة مبيعات رواية حبيب نورة الجديدة - منغولي - (Re: أبوعبيدة محمد الأمين)
|
معقولة بس الزول مزنوق زنقة تجاوزت كل الزنقات المعروفة العالمية كزنقة ذلك الكــــلب بالطاحونة، وبرضو يتابع أخبار هذا الحبيب بعد الشر من السطو والجاتك فى منغولي سامحتك ، بسبب هذا البوست يا أبوعبيدة كلفتني مكالمة بلغت 20 جنيها إسترلينيا للإطمئنان على منغولي ... ما تهظر تاني بالله قريبي فائز لما ترجع بالله جيب معاك نسخنا ريقنا نشف من الشحدة
مونج ابو النسب وبقية السخفاء ، خالو الخير بس أفضي ليكم وأرجع
| |
|
|
|
|
|
|
Re: حبشي يسطو على حصيلة مبيعات رواية حبيب نورة الجديدة - منغولي - (Re: مها عبد الله)
|
Quote: قريبي فائز لما ترجع بالله جيب معاك نسخنا ريقنا نشف من الشحدة |
ياخي تشحدي وود عمك الهمباتي قاعد في البلد ؟!!! ... نهبت عشانك منغولي ..(نسختك تجيك في اليومين ديل ياقريبتي بس ارتاح من تعب الجري ) ههههههه كان خالو ماعارف انتهى نهاية شديدة خلاص ..عجبني ليهو الخال ..هههههههههههههههههههههههه
Quote: بس أفضي ليكم وأرجع |
اها ارجع دي فتشوها بعد العيد .. اسالوني مجرب ..
| |
|
|
|
|
|
|
|