|
|
|
 Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: فقيرى جاويش طه)
|
الشاعر الدبلوماسى سيداحمد الحردلو الدنقلاوى ابن جزيرة ناوا... بلد السحاحير فى الاسطورة النوبية ويقال ان سحرة الفرعون هربوا الى تلك الجزيرة عندما تحولت عصا موسى يقدرة الله الى ثعبان ضخم والتهم ثعابين السحرة... وعندما سجدوا لموسى قال الفرعون لأقتلنكم واصلبنكم ... فهرب كثيرون منهم الى جزيرة ناوا بدنقلا...
انظروا اليه عندما يتفاخر بأصله ويقول ان جده بعانخى لزم... الله عليك حيا وميتا يا حردلو...
(تقول لي شنو..)
تقول لِى شنو
وتقولى لِى منو ،
-2-
أنحنَا السَّاسْ
ونَحنا الرَّاسْ
ونحن الدّنيا جبناهَا
وبَنيناها..
بِويت ..فى بِويتْ
وأسْعل جدى ترهاقَا
وخلى الفَاقة .. والقَاقا
-3-
تقول لِى شنو
وتقول لِى منو ،
-4-
تَالا أبوى .. بعنخى لَزَمْ
وتَالا اللُمْ..أَبوىْ أوْلبَابْ
وأمى مهيرة بتْ عبودْ
وأخويا المهدى ..سيد السيفْ
والخلى النصارى تقيفْ
هناك ..فى القيفْ ،
-5-
تقول لِى شنو
وتقول لِى منو ،
-6-
ونحن الشينْ
ونحن الزينْ
ونحن العقبه والعتمور
ونحن القِبله .. والقرعانْ
ونحن الشانْ
ونحن النانْ
أتينا عشانْ
نسوى الدّنيا للإنسانْ
تقول لِى شنو
وتقول لِى منو ،
-8-
ونحن الصّافى
والوَافى ،
ونحن الشّافى
والكافِى ،
ونحن الزادْ
ونحن العِينه
والزِيّنه ،
ونحن – يمين – أهالينا
أهلى سرورْ
ووكَتين ينزل المستورْ
تَرَانَه النور
-9-
تقول لِى شنو
وتقول لِى منو ،
-10-
ونحن الجبنه واللبريقْ
ونحن قداحنا سَاوات ضيقْ
ونحن بيوتنا مفتوحاتْ
مَسَاىْ .. وَصباحْ
ونحن وشُوشنا
مطروحاتْ
مَسَاىْ وصباحْ
ونحن السَمحه
والقَمحه
ونحن الطله .. واللمحه ،
ونحن الصِيدْ
ونحن العيدْ ،
-11-
تقولى لِى شنو
وتقولى لِى منو ،
-12-
ونحن عُزَازْ
ونحن حَرَازْ
ونحن هَشَابْ
ونحن قُمُوحْ
ونحن تُمُورْ
ونحن عُيُوشْ
ونحن النيلْ
وَكضَاب – يا زويل – منْ قالْ
إنّك .. تانى لينا متيلْ ،
تقولى لِى شنو
وتقولى لِى منو ،
-13-
ونحن الحَجه والتوبه ،
ونحن الهِجره .. والأوبه ،
ونحن كُتَارْ
ونحن كُبَارْ ،
ونحن – يمين – جُمَال الشيلْ
ونحن – يمين –نَضِمنا قليلْ ،
-14-
تقول لِى شنو
وتقول لِى منو ،
-15-
ونحن مِحايه
نحن طِرايه
نحن فِدايه
نحن سِمايه
نحن حجاب
ونحن اللوحْ
ونحن شَرَافه فى الدنيا
ونحن كِتاب عِلمْ مفتوحْ
على كل البُلودات ..نُورْ ،
ونحن – يمين – مَداين نورْ ،
ووشنا نورْ ،
-16-
تقول لِى شنو
وتقول لِى منو ،
-17-
ونحن الحِنه والجرتقْ
ونحن الزفه والسيره ،
ونحن ..أبشرى والشبال ،
ونحن السَىْ
ونحن الوَىْ
ونحن الرقبه .. والتُمْ تُمْ
ونحن اللَمْ ..
يكون فى الدنيا ..متلنا ..لمْ
-18-
تقولى لِى شنو
وتقول لِى منو ،
-19-
ونحن العَاجْ
ونحن الصَاجْ
ونحن البوشْ
ونحن الحوشْ
ونحن الناسْ
وكتين الديارا ..يباس
وإن درت العديل والزين
تعال يا زول ،
وإن كست الكعب والشين
أرح .. يا زول
-20-
تقولى لى شنو
وتقول لى منو ،
-21-
ونحن السورْ
ونحن الحُورْ ،
ونحن بناتنا محروساتْ
ونحن وِلادنا ضُلالاتْ
ونحن أُماتنا ياهِنْ ..ديلْ ،
وجِيب ورينى زيىِّ منو ،
وتقول لِى شنو
وتقول لِى منو ،
-22-
ونحن فَزَعْ
ونحن وجَعْ
ونحن اليُمه ..واليَابَا
ونحن أريتو بالتَابَه ،
ونحن – يمين – إذا حَرّتْ ،
نخلى الواطه ..رُقَابه ،
-23-
تقولى لِى شنو
وتقولى لِى منو ،
-24-
ونحن زَغَاوه والعطرونْ
ونحن الدُونَا ..مافيشُ دونُ
ونحن وِلاد مَلك خِرتيتْ
وسَابَ الجرْ
وحجَر السِكه ،
والتاكا ،
وسيّدنا الفى الجبل ..دَاكَا
ونحن – يمين – نضِمنا كُتُرْ
وشيَتنا كُتُرْ
وأسعَل ناس كَرن والطُورْ ،
وأسعَل كَررى .. والعَتْمُورْ
وأسعل – يا جنَاَ – الخرتُومْ ،
وشوف كيفن زعلنا كُتُرْ ،
وشوف كيفن فرحنا كُتُرْ ،
أنحنا الـ للرجال خُوسَه ،
ونحن –يمين – جِنَات موسى ،
-25-
تقولى لِى شنو
وتقول لِى منو ،
-26-
ونحن الدوكه
والضُلاله ، والدونكه ،
ونحن الدانقه ،
والراكوبه ، والواطه ،
ونحن الفَكَه
والشِبكَه
ونحن الحجزه .. والعكَه ،
ونحن الجُودْ ،
ونحن أسودْ ،
ونحن النَانْ ،
حديثنا إذا أرِدتو رُطَانْ
وحين دايرين ..نسوى بَيَانْ ،
-27-
تقول لِى شنو
وتقول لِى منو ،
-28-
ونحن الخَلوهَ والدايره ،
ونحن تَكيه العايره ،
ونحن الضُّلْ ،
ونحن الكُلْ ،
ونحن سبيل غريب الليلْ ،
ونحن صباح مسافر الليلْ ،
ونحن فَنَاجرةَ الدّنيا ،
ونحن حَبَابْ
حديثنا حَبَابْ
تعال شَرِف .. وشوفنى منو ،
وتقولِى شنو ،
وتقولِى منو ،
-29-
أقيف لِسَعْ
وأقيف وأسمعْ ،
ونحن صديرى منضوم ويلْ
ونحن القَرمصيص ..بلحيلْ ،
ونحن التوبْ
ونحن الووبْ
وناس حبوبْ
وناس حَرّمْ
ونحن إذا رأينا كبيرْ
نقيف طولنا ..ونقولْ لُه ..حَبَابْ
ونديه البُكَان ..ترحابْ
ونحن. اليَانَا ديل .. يا زولْ
وتسعلنى .. وتقول لِى منو
وتقولِى شنو ،
-30-
أقيف لسعْ
وأقيف .. وأسمعْ
ونحن التَايَهْ
والاندايَهْ
والزِريعهْ
والعيزومهْ
واتفضلْ ،
ونحن الرايَه مرفُوعه
ونحن الكُلفَه مرفُوعه
ونحن حلفتَ ... مدفوعه
-31-
تقول لِى شنو
وتقول لِى منو ،
-32-
وأما عجيبْ
وأما غريبْ ،
وأقيف لسعْ
وأقيف .. وأسمعْ ،
-33-
أنا الكَعَب البسوى الويلْ
وأنا الزول السَمِحْ ..بلحيل ،
وداير ..منَِّهُمْ .. يَاتُو ..،
تقولى لِى شنو
وتقول لِى منو ،
| |
  
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Mannan)
|
إِنَّا لِلَّهِ وَإِنَّا إِلَيْهِ رَاجِعُونَ
اللهم اغفر له … اللهم اغفر له وارحمه..
وعافه واعف عنه..واكرم نزله .. ووسع مدخله..
واغسله بالماء والثلج والبرد..
ونقه من الذنوب والخطايا كما ينقى الثوب الأبيض..
اللهم جازه بالحسنات إحسانا..
وبالسيئات عفواً وغفرانا..
اللهم أنزل على قبره الضياء والنور..
والفسحة والفرح والسرور..
اللهم أنزل عليه بردا وسلاما..
اللهم انقله برحمتك من عتمة القبور..
إلى نور وسعة الدور والقصور ومن ضيق اللحود الى جناتك جنات الخلود ..في سدر مخضود..
وطلح منضود.. وظل ممدود..
وماء مسكوب..وفاكهة كثيرة..
لا مقطوعة ولا ممنوعة..
وفرش مرفوعة ..
احسن الله عزاءكم سعادة السفير منان
انا لله وانا اليه رجعون
| |
|
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Gaafar Ismail)
|
مالك علينا ياعام الرحيل ..
وماذا تبقى من أكبادنا أحبابنا نور السودان وأمله حتى تفجعنا كل يوم بفقد جديد .. حزين ؟
اللهم أرحم يابلدى ياحبوب الشاعر سيد احمد الحردلو
أغفر له
عطر قبره بغفرانك ..صبر ماغنى لهم من شراينه وحنينه..الفقراء ,أهل السبيل ,والموجعيين فى وطن
إنشطر جنوبأ ويبكى غرباً ويئن شرقاً وينادى شمالاً ..
فكيف لا يقول الحردلو ...ويودع
وهاهو ذا الزمنُ الحجريُّ
ترهل عبر المكانْ...
كبيرُ الدراويش أرهقه الذكرُ
فافترش الأرضَ
أخفى بسبحته فمَه
وتدثر جبتَه..
ثم نامْ ..
* المقطع من قصيدة الحردلو..شيخ الدراويش نام
إنا لله وإنا اليه راجعون
شكراً أستاذنا منان البركة فيك .., فينا , فى الجميع .
| |
|
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: إبراهيم عبد الحليم)
|
إنّا لله وإنّا إليه راجعون
"يا ايتها النفس المطمئنة ارجعى الى ربك راضية مرضية وادخلى فى عبادى وادخلى جنتى"
...........................................
عزيزي/ منــــــــــــــــــان
سلام
العزاء والصبر الجميل لاسرته ولكم جميعا ان شاء الله
يبدو أن 2012م سنة الاحزان.......
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضه
إنّا لله وإنّا إليه راجعون
| |
|
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Abdlaziz Eisa)
|
اللهم اسكنه مع الذين انعمت عليهم من النبيين والصديقين والشهداء والصالحين وحسن اولئك رفيقا.
اللهم اغفر له وارحمه والحقه بالرفيق الأعلى .
اللهم ألهم اسرته واهله واصدقاءه ومعارفه الصبر الجميل وحسن العزاء .
فيا اخي منان السنة دي امواجها عالية بتشيل في عاليي الهمة
ويستمر مسلسل فقدان الاصدقاء
رحم الله سيداحمد الحردلو
ويسكنه فسيح الجنات
( إنا لله وإنا إليه راجعون )
| |
|
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Zomrawi Alweli)
|
كان جميلا فى غضبه ...يغضب على وطنه... ملعون ابوكى بلد..
وكان أجمل فى لحظات صفائه عندما يطرب للوطن الجميل ويرى فيه ذلك الموزاييك الجميل ... يا سحنة نوبية ويا كلمة عربية ويا وشمة زنجية... فى قصيدة واحدة مع الوطن المعشوق فى لوحة أزلية... يا بلدى يا حبوب يا ابو جلابية وتوب وسروال ومركوب وسيف وسكين.. وطن متنوع كنا نباهى به الامم فجاء رجرجة القوم ودهمائها وعاثوا فيها فسادا فامتلأ وجه الوطن بثورا... رحل الحردلو وهو يرى الوطن يتداعى امامه ويئن تحت سنابك مغول آخر الزمان... رحل حزينا ... وتركنا حزانى... رحمك الله الى يوم تبعث حيا..
| |
|
|
|
|
|
|
|
|
 Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Mannan)
|
Quote: لا تساومْ بين مظلوم وظالمْ
لا تساومْ حين يأتي الثأر يجتاح المظالمْ
لا تساومْ بين أمر الله في العدل وهاتيك المزاعمْ
لا تساوم أيها المذبوح في الوطن المسالمْ
إنهم صبوا عليك الزيت والنارَ..
وخلَّوك جماجمْ
لا تساوم
بين رب الناس - يا وطني - وأرباب المغانم! |
فقد عظيم
اللهم ارحمه برحمتك الواسعة واغفر له
اللهم اجعل جنان الرضوان مثواه
اللهم اكرم نزله واعف عنه
اللهم ألهم أهله وذويه الصبر الجميل حسن العزاء
أحر التعازي لاسرته الكريمة وللشعب السوداني
البركة فيكم الأخ السفير منان
" إنا لله وإنا إليه راجعون "
| |
|
|
|
|
|
|
|
|
|
Re: يا سحنة نوبية.. يا وشمة زنجية.. رحيل الشاعر الدبلوماسى سيداحمد الح (Re: Amani Al Ajab)
|
اللهم أرحمه وأسكنه فسيح جنّاتك
اللهم باعد بينه وبين خطاياه كما باعدت بين المشرق والمغرب
اللهم نقّه من الخطايا والذّنوب كما يُنَقّىَ الثّوب الأبيض من الدّنس
اللهم أغسله بالثلج والماء والبرد
اللهم أبدله داراً خيراً من داره وأهلاً خيراً من أهله
اللهم أجمعنا وإيّاه في مستقرّ رحمتك
اللهم إنّا نسألك بإسمك الأعظم أن توسّع مدخله
اللهم آنس في القبر وحشته
اللهم ثبّته عند السُّؤال
اللهم لقّنه حجّته
اللهم باعد القبر عن جنباته
اللهم أكفه فتنة القبر
اللهم أكفه ضمّة القبر
اللهم أجعل قبره روضةً من رياض الجّنّة ولا تجعله حفرة من حفر النار
اللهم إن كانت محسناً فزد في إحسانه ، وإن كانت مسيئاً فتجاوز عن سيّئاته
اللهم ألحقه بالشُّهداء
اللهم أفتح عليه نافذة من الجّنّة وأجعل قبره روضةً من رياضه
إنّا لله وإنّا إليه راجعون
| |
|
|
|
|
|
|
| |
Mannan
Al-Shaygi
فقيرى جاويش طه
الطيب شيقوق
ALazhary2
أسامة عبد الجليل
Gaafar Ismail
عمر ادريس محمد
محمد عبد الماجد الصايم
إبراهيم عبد الحليم
Abdlaziz Eisa
Zomrawi Alweli
Amani Al Ajab
محمد سنى دفع الله
محمد هاشم ابوزيد
فيس بوك
تويتر
انستقرام
يوتيوب
بنتيريست